Juristi i njohur dhe ish-ministri i Drejtësisë, Ylli Manjani, ka reaguar me tone të forta në lidhje me akuzat e ngritura nga SPAK ndaj kryebashkiakut të Tiranës, Erion Veliaj. I ftuar në emisionin “Now” në Euronews Albania, Manjani analizoi aspektin juridik të situatës dhe ngriti shqetësime serioze mbi mënyrën se si po trajtohet kjo çështje në opinionin publik dhe në institucionet e drejtësisë.
Ylli Manjani jep lajmin e ZI per Veliaj! Nuk e besoj dot: Ja sa vite pritet te d*nohet me b*rg
Sipas tij, nëse të katër akuzat që i janë ngritur Veliajt do të provohen në gjykatë, ai mund të përballet me një dënim deri në 10 vite burg. Manjani e theksoi këtë si një mundësi reale dhe të bazuar në ligj, duke iu referuar formulimit të akuzave që, sipas tij, janë të rënda dhe përfshijnë elementë të qartë penalë.
“Nuk shpëton pa 10 vjet burg nëse vërtetohen të 4 akuzat siç janë ndërtuar,” – deklaroi juristi. “Ka vepra konkrete dhe të tipizuara në Kodin Penal që, nëse provohen, nuk lënë shumë vend për interpretime të buta nga gjykata.”
Kritika për SPAK: “Po paragjykohet çështja përmes rrjedhjes në media”
Por përveç aspektit penal, Manjani ngriti një shqetësim edhe më të madh: rrjedhjen e informacionit zyrtar të hetimeve në media përpara se ky informacion t’i komunikohej zyrtarisht vetë të akuzuarit. Ai e cilësoi këtë si një “shkelje të rëndë procedurale dhe etike”, duke akuzuar prokurorin përkatës për cenim të besimit në sistemin e drejtësisë.
“Nuk është aspak normale, madje është totalisht anormale që përpara se t’i komunikohet akuza personit publikohet nga media. Ai prokuror që e ka nxjerrë këtë dhe e ka hedhur në media dje, duhet të qërrohet nga sistemi sot,” – tha Manjani me tone të ashpra.
Sipas tij, ky publikim i parakohshëm i materialeve hetimore dëmton rëndë të drejtën e një procesi të rregullt ligjor dhe paragjykon opinionin publik, duke vënë në presion të padrejtë edhe trupën gjykuese që mund ta marrë çështjen në shqyrtim.