Regjistrimet për nxënësit që do të nisin klasën e parë dhe të dhjetë në vitin shkollor 2025-2026 janë ende të hapura dhe do të vijojnë deri më 1 Shtator në platformën zyrtare e-Albania.
Viti i ri shkollor/ Ministrja nxjerr njoftimin e rëndësishëm: Afati i fundit 1 shtatori…
Ministrja e Arsimit, Ogerta Manastirliu, ka kërkuar nga prindërit që të përfundojnë procesin e regjistrimit brenda afatit, duke theksuar se është një procedurë e thjeshtë dhe e shpejtë.
“Njoftim i rëndësishëm për të gjithë prindërit – regjistrimet në klasat e para dhe të dhjeta janë të hapura në e-Albania deri më 1 Shtator. Ju lutem, përfundoni regjistrimin e fëmijëve tuaj brenda këtij afati. Është një proces që merr vetëm disa minuta” u shpreh ministrja. Manastirliu.
Ministrja shtoi se sistemi i regjistrimit online përmes e-Albania ka për qëllim lehtësimin e procedurave dhe shmangien e radhëve në shkolla, duke garantuar një proces transparent dhe të aksesueshëm për të gjithë.