Një ngjarje e papritur ka ndodhur në fshatin Karbunarë e Sipërme, vetëm 5 km larg qendrës së Lushnjës, ku një ujk ka hyrë në tufën e bagëtive të Namik Sinanit në orët e para të mëngjesit. Si pasojë e sulmit, shumë kafshë janë vrarë, ndërsa 12 prej tyre kanë mbijetuar, por janë dëmtuar rëndë. Nga 80 krerë bagëti, Sinani ka humbur pjesën më të madhe, dhe ato që mbijetuan kanë pësuar kafshime të shumta.
Ujku ha 68 krerë dele e dhi në Lushnje, bariu në lot: Mbaja familjen me to
Tufa, e frikësuar nga ujku, ka dalë jashtë stanit dhe ka kaluar rreth 4 kilometra larg fshatit, ku disa prej tyre kanë ngordhur gjatë rrugës. Sinani ka shpërndarë bagëtitë e ngordhura për qentë e njohurve të tij, duke u përpjekur të lehtësojë situatën.
Për Namik Sinanin, i cili ka kaluar më shumë se 30 vite si bari i fshatit dhe ka mbajtur familjen vetëm nga bagëtitë, kjo ngjarje ka sjellë një goditje të madhe ekonomike. Ky është një moment shumë i vështirë për të dhe familjen e tij, të cilët kanë parë të shkëputet burimi i tyre i vetëm i të ardhurave.