Një tërmet me magnitudë 6.5 ballë të shkallës Rihter ka goditur Ishujt Andaman dhe Nikobar në Indi, të hënën në orët e vona të mbrëmjes, duke shkaktuar frikë mes banorëve. Lajmi i mirë? Nuk ka paralajmërim për cunami!
Tërmet me magnitutë 6.5 ballë banorët të tronditur, nuk ka alarm…
Sipas Shërbimit Gjeologjik të Shteteve të Bashkuara (USGS), lëkundjet u regjistruan në orën 00:12 me orën lokale, në një zonë detare, rreth 259 kilometra në veriperëndim të Sambangut, në provincën Aceh të Indonezisë perëndimore.
Zona e Aceh mbetet ende një pikë e ndjeshme për lëkundje sizmike, pasi është i njëjti rajon që në vitin 2004 u përball me një nga katastrofat më të mëdha natyrore në histori – tërmeti dhe cunami shkatërrues që morën jetën e mbi 220,000 personave në 15 vende të Azisë.
Autoritetet janë në gatishmëri, por deri tani nuk raportohen dëme materiale apo të lënduar.