Nata e së shtunës ishte e mbushur me ankth në Teheran, ku shpërthime të fuqishme u dëgjuan rreth orës 21:30 sipas kohës lokale. Zhurmat e forta pasuan menjëherë pas aktivizimit të sirenave alarmuese në zonat lindore dhe perëndimore të kryeqytetit iranian, duke ngritur panik mes banorëve.
Teherani në Flakë? Shpërthime të Fuqishme Tërbojnë Kryeqytetin Iranian – Ja Çfarë Po Ndodh!
Sipas CNN, që raporton nga terreni, luftimet janë përshkallëzuar ndjeshëm, ndërsa shpërthimet po dëgjohen në mënyrë të vazhdueshme edhe orë pas incidentit të parë.
Ky zhvillim ndodh në ditën e nëntë të shkëmbimit të sulmeve ajrore midis Izraelit dhe Iranit, një konflikt që sa vjen e thellohet.
Më herët gjatë ditës, Izraeli njoftoi se kishte goditur sërish zona me rëndësi bërthamore në Iran, duke pretenduar se ka arritur të neutralizojë 99% të dronëve iranianë të lëshuar kundër tij. Megjithatë, përgjigjja iraniane duket se ka qenë e menjëhershme dhe e ashpër.
Lufta e fjalëve dhe sulmeve po i afrohet pikës kritike. Analistët paralajmërojnë se çdo orë e re mund të sjellë një përshkallëzim të pakthyeshëm.