Në Shqipëri, askush nuk shpëton nga duart e oligarkëve. Nga qytetarët e thjeshtë deri te biznesmenët më të mëdhenj – madje edhe një yll botëror si Dua Lipa.
Skandali që po trondit Shqipërinë: Edhe Dua Lipa bie viktimë e oligarkëve!
Rasti i fundit është aq absurd, sa duket si një skenar satire. Këngëtarja me famë ndërkombëtare, e cila ka ngritur flamurin kuqezi në çdo skenë të botës, përfundoi viktimë e të njëjtës skemë mashtrimi që mijëra shqiptarë kanë përjetuar në bregdet.
Burime konfidenciale tregojnë se Dua Lipa kishte shprehur interes për një vilë luksoze në Kep Merli, një nga zonat më të lakmuara të Sarandës. Një oligark i lidhur me pushtetin i ofroi “pasuri me dokumenta të rregullta” dhe garanci të plota për investimin. Por në vend të një prone legale, këngëtarja mori vetëm një projekt 3D dhe një ndërtim pa leje, që sot është futur në procedurë legalizimi – një proces i gjatë dhe i dyshimtë, shpesh i përdorur si mbulesë për pastrim parash dhe grabitje pronash.
Ky nuk është thjesht një konflikt prone. Është fotografia më e qartë e arrogancës së një sistemi ku oligarkët ndihen mbi ligjin: ata zaptuan bregdetin, morën miliona nga tenderat, shitën prona të paligjshme dhe tani guxojnë të mashtrojnë edhe një ikonë të muzikës botërore.
Në vend që Shqipëria të ishte krenare për investimin e një figure si Dua Lipa, oligarkët e shohin atë si “klientin e radhës” për t’i marrë paratë. Dhe shteti? Hesht. SPAK nuk lëviz. Ndërsa oligarkët vazhdojnë ndërtimet, të qeshur dhe të paprekur.