Reforma në Drejtësi u prezantua si beteja më e madhe kundër korrupsionit dhe ndikimeve politike në sistemin gjyqësor. U premtua pastrimi i gjyqtarëve të korruptuar dhe rikthimi i besimit te drejtësia.
“Skandal në zyrat e vetingut: intriga, lidhje intime dhe lojë pushteti në vend të drejtësisë!”-Ja çfarë thotë avokati i njohur.
Por ajo që ndodhi në realitet ishte shumë larg idealit: reforma u kthye në një telenovelë dashurie, intrige dhe marrëdhëniesh personale – jo jashtë institucionit, por brenda vetë zyrave të vetingut.
Ata që kishin misionin të kontrollonin integritetin e gjyqtarëve dhe prokurorëve, humbën fokusin te detyra dhe u morën me lidhje intime, favore, aleanca të fshehta dhe lojëra pushteti në korridore.
Në vend që të shqyrtonin dokumente dhe të merrnin vendime të drejta, disa prej tyre krijuan drama personale që minuan seriozitetin e procesit.
Kjo “telenovelë” e vetingut nuk ishte thjesht dështim profesional, por edhe tallje me qytetarët që prisnin drejtësi dhe ndryshim.