Një operacion i madh i Policisë Greke ka përfshirë Kretën që nga orët e para të së dielës, duke çuar në shpërbërjen e një organizate të fuqishme kriminale. Deri tani janë arrestuar mbi 15 persona, mes tyre biznesmenë të njohur dhe figura me ndikim në jetën publike të ishullit.
Skandal i madh – oficerë policie dhe ushtrie kapen si pjesë e një organizate kriminale
Grupi dyshohet se merrej me trafik droge, zhvatje dhe pastrim parash. Autoritetet kanë sekuestruar pajisje elektronike dhe po kryejnë kontrolle në banesa.
Skandal i madh është përfshirja e katër oficerëve të uniformuar – një polici, dy të ushtrisë dhe një të forcave ajrore – gjë që ka tronditur opinionin publik lokal. Hetimet vazhdojnë dhe priten zhvillime të forta në orët në vijim.