Parlamenti grek ka miratuar një ligj të ri shumë të debatueshëm, i cili parashikon kthimin me forcë të azilkërkuesve të refuzuar dhe burgim nga 2 deri në 5 vite për çdo emigrant që qëndron pa leje në vend.
“Shqiptarët në panik: Greqia miraton ligjin e rëndë për emigrantët pa leje!”
Ligji u shty përpara nga qeveria konservatore e Demokracisë së Re, me mbështetjen e partisë nacionaliste Niki dhe disa deputetëve të ekstremit të djathtë. Ndërkohë, e majta opozitare votoi kundër, duke e quajtur tekstin “të paligjshëm, racist dhe të turpshëm”.
Çfarë parashikon ligji?
Azilkërkuesit e refuzuar duhet të kthehen në vendin e origjinës; Nëse refuzojnë, mund të ndalohen dhe dënohen me burg; Qëndrimi i paligjshëm në Greqi konsiderohet krim penal.
Ministri i Migracionit, Thanos Plevris, tha se Greqia është “vendi i parë i BE-së që prezanton një masë kaq parandaluese”, duke paralajmëruar emigrantët e paligjshëm se “do të përfundojnë në paraburgim dhe nën mbikëqyrje”.