Një histori që do të ngrohë zemrën e kujtdo po qarkullon në internet. Zotëri Harmen, dikur pronar i një Ford 2D i vitit 1936, kishte shitur makinën e tij të dashur për të përballuar shpenzimet e studimeve të vajzës së tij, Stephanie. Ishte një sakrificë e heshtur, por e paharruar.
“Shiti makinën për të shkolluar vajzën e tij…dhe ajo ia ktheu ëndrrën!”
Makina – një kujtim i çmuar nga rinia e tij, që e kishte blerë kur ishte vetëm 16 vjeç – u zhduk nga jeta e tij për më shumë se dy dekada.
Por Stephanie nuk e harroi kurrë këtë gjest. Pasi kërkoi për vite me radhë, ajo arriti të gjente sërish të njëjtën makinë dhe e bleu në fshehtësi, duke bashkëpunuar me nënën për të organizuar një surprizë të paharrueshme për të atin, 21 vjet pas shitjes së saj.
Në një video të postuar në YouTube, shihet momenti kur babai i saj e sheh makinën: i shokuar, i lumtur dhe i përlotur, ai nuk mund ta besonte që ajo pjesë e rinisë së tij kishte gjetur rrugën për t’u kthyer në shtëpi – falë vajzës që dikur sakrifikoi gjithçka për të.