us.shqiperia-sot.com

“Sekreti pas fotove me politikanët e mëdhenj, Florian Binaj tregon gjithçka”

Written by

Editorial

in

Kandidati i pavarur për Bashkinë e Tiranës, Florian Binaj, ka folur për herë të parë mbi kandidimin e tij të papritur në emisionin Top Story në Top Channel, duke komentuar edhe fotot e tij të mëparshme me politikanë të njohur si Rama dhe Veliaj, si dhe marrëdhëniet me të tjerë figurave publike.

Rama:

Binaj tregoi se fotot e tij me kryeministrin Rama janë realizuar gjatë një aktiviteti të FRESSH-it. Ai shpjegoi se në atë periudhë, shumë njerëz e shihnin Ramën si “zgjidhjen e vetme” për vendin. Si imitues i Ramës, Binaj kishte bërë një skeç për të dhe në atë aktivitet kishte marrë edhe një mandarinë nga kryeministri. Ai theksoi se takimi i fundit me Ramën ka qenë në vitin 2015 dhe se që atëherë nuk ka pasur më kontakte me të.

“Ne besonim tek ai atëherë, sepse nuk e kishim provuar më parë, por më pas u zhgënjeva me atë që ndodhi,” u shpreh Binaj.

Veliaj:

Florian Binaj rrëfeu gjithashtu momentin kur është takuar me Erion Veliajn, atëherë ministër, në vitin 2014 ose 2015. Ai tregoi një histori të veçantë:

“Një zonjë më thotë se punoj te zyra e pritjes së moshës së tretë dhe organizojmë mbledhje për ushqime; më tha që ata duan të më takojnë. U përgjigja patjetër që do të vij. Tek shërbeja drekë për pleqtë, pashë një hije që vinte shpejt dhe Lali (Veliaj) më tha: ‘Shpejt një foto, shkrepe, shkrepe!’ Nuk e dija që ishte Veliaj aty. Në atë kohë, ai nuk ishte ai që është sot, nuk kishte bërë ato që ka bërë tani. Pas asaj kohe, nuk kam pasur më asnjë takim me të.”

More posts