Nga 12 tetori 2025, Bashkimi Evropian nis zbatimin e Sistemit të Hyrje/Daljes (EES), i cili i jep fund vulave në pasaporta për shtetasit e vendeve jo-anëtare të BE-së.
“Risi historike në kufijtë e BE-së/ Pasaportat biometrike do të lexohen ndryshe nga 12 tetori”
Sistemi do të regjistrojë automatikisht datat e hyrjes/daljes, qëndrimet e tejzgjatura dhe hyrjet e refuzuara, duke mbledhur edhe të dhëna biometrike si foto dhe gjurmë gishtash.
Procesi do të nisë gradualisht në kufijtë e jashtëm të 29 shteteve të zonës Schengen, përfshirë edhe Zvicrën, Norvegjinë, Islandën dhe Lihtenshtajnin. Zbatimi do të zgjasë gjashtë muaj, për t’u dhënë kohë autoriteteve dhe udhëtarëve që të përshtaten.
Ekspertët paralajmërojnë se sistemi i ri mund të shkaktojë radhë të gjata në aeroporte dhe kufij, veçanërisht në muajt e parë.