Në një deklaratë të drejtpërdrejtë për publikun, kryeministri Edi Rama ka bërë të qartë se programi “Rilindja Urbane 2.0” nuk përbën një aksion të përkohshëm, por është një program i strukturuar katërvjeçar, i cili do të transformojë rrënjësisht hapësirat publike në të gjithë vendin.
Rama i prerë: Hapësirat publike do të çlirohen, me apo pa bashkëpunimin tuaj
Deklarata erdhi pas raportimeve se shumë biznese po refuzojnë ose po vonojnë vetë-dorëzimin për çmontim, duke e konsideruar këtë si një aksion kalimtar. Por kreu i qeverisë theksoi se nuk bëhet fjalë për një fushatë sezonalë, por për një plan afatgjatë të mirëkoordinuar.
“Nuk është një aksion që do mbarojë. Është një program katërvjeçar që quhet ‘Rilindja Urbane 2.0’. Ky program nuk mbaron me këto çmontime, por vazhdon me rehabilitimin dhe transformimin e hapësirave publike në hapësira cilësore bashkëjetese komunitare,” – u shpreh Rama.
Çfarë përfshin Rilindja Urbane 2.0?
Ky program synon jo vetëm largimin e ndërtimeve apo zaptimeve të paligjshme, por edhe kthimin e hapësirave të përbashkëta në zona moderne, funksionale dhe miqësore për komunitetin. Do të ketë investime në ndriçim, infrastrukturë, gjelbërim, si dhe në krijimin e ambienteve për fëmijë dhe të moshuar.
Reagimi i bizneseve
