Tensionet mes Iranit dhe Izraelit kanë shpërthyer në një tjetër përplasje të rrezikshme, pasi raketat iraniane goditën zonën urbane të Tel Avivit.
Raketa iraniane bien në Tel Aviv! Ministri i Mbrojtjes: “Do paguajnë çmim të rëndë!”
Ministri izraelit i Mbrojtjes, Izrael Katz, reagoi ashpër, duke theksuar se “Irani ka kaluar vijat e kuqe” duke shënjestruar civilët dhe zonat e banuara. Edhe pse sulmi nuk shkaktoi viktima, dëmet materiale janë të konsiderueshme, sipas autoriteteve.
Në një deklaratë të fortë, Katz paralajmëroi:
🗨️ “Irani do të paguajë një çmim shumë të rëndë për këtë agresion. Askush nuk godet civilët tanë pa pasoja.”
Ndërkohë, Policia izraelite ka konfirmuar se një municion iranian është rrëzuar në Distriktin Verior të vendit. Zëdhënësi i saj sqaroi se nuk ka të lënduar, por u kërkua popullatës të shmangë zonat e prekura dhe të mos prekin mbeturinat, pasi mund të jenë ende të rrezikshme.