Blog

Kiara Tito ka ndarë me ndjekësit një moment tepër emocional nga jeta familjare. Në një foto të ëmbël dhe plot dashuri, shihet vogëlushja Luna me të atin, Luiz Ejlli, teksa ai i prezanton për herë të parë gjyshin e saj të ndjerë.

🥺 Ky gjest prekës ka bërë që fansat të shpërthejnë në komente, duke lavdëruar dashurinë dhe kujdesin e Luizit si baba:

✨ “Sa moment i bukur, lot në sy!”

✨ “Luizi po tregon çfarë babai shembullor është!”

Ky postim është kthyer menjëherë viral, duke sjellë reagime të ngrohta nga ndjekësit që e përshkruajnë këtë si një nga momentet më prekëse të çiftit.

💖 Dashuria e pastër mes një babai dhe vajzës së tij ka prekur rrjetin!

Historia e Vasil Bedinajt, pronarit të “Regina Group”, po bën bujë të madhe në rrjete! Jo vetëm që mbrojti kamarierin e tij duke e vënë në vend policin dhunues, por ndjekësit i kanë kujtuar edhe një gjest tjetër madhështor:

👉 Në 26 Nëntor 2019, kur Shqipërinë e goditi tërmeti shkatërrues, Bedinaj vuri të gjitha hotelet e tij në dispozicion të familjeve të pastreha, duke strehuar dhjetëra e dhjetëra njerëz në nevojë.

Ky veprim human dhe qëndrimi i tij për punonjësit ka bërë që shumë ta quajnë “pronari ideal” dhe ta shpallin një shembull për gjithë biznesmenët në vend.

💥 Nga strehimi i të pastrehëve, tek mbrojtja e stafit të tij – Vasil Bedinaj po kthehet në njeriun më të komentuar në Shqipëri!

Avokati: Thëniet e tyre gjatë procesit të hetimit ishin shumë kontradiktore me çfarë deklaruan sot në procesin gjyqësor përpara Gjykatës.

Sot e mohuan plotësisht faktin e përfshirjes së vrasjen e shtetasit Anesti Rama dhe thanë “nuk dimë asgjë kush e ka vrarë, ne thjesht e kemi gjetur të vdekur”.

Lidhja me Çlirim Doganin?

Avokati: Emalinda është e çekuilibruar dhe i mohon qëndrimet e saj disa herë. Ajo ka pasur disa fejesa. Pretendimi i saj është se ka kryer marrëdhënie me atë shtetas 1 vit përpara, ky është pretendimi i fundit.

Dogani tha se nuk kam pasur lloj informacioni, i kam njohur thjesht si qytetare në autobus kur bëja linjën Arapaj-Fier.

Kërkova shtrimin e tyre në spital psikiatrik duke parë çekuilibrin e tyre gjatë këtyre 5 ditëve, duke ndryshuar disa herë version.

Valbona Rama, Ermalinda Rama dhe Çlirim Dogjani janë lënë në burg nga Gjykata e Fierit, si të dyshuar për vrasjen e shtetasit Anesti Rama. Gruaja, akuzohet se ka ndihmuar vajzën të fshehë krimin makabër, kurse Dogjani akuzohet se ka ndihmuar Emalindën të kryejë krimin.

Ai është arrestuar një ditë pas nënës dhe vajzës së Anesti Ramës, pasi dyshohet se kishte marrëdhënie intime me 26 vjeçaren, e cila ishte fejuar tre herë por ishte ndarë nga partnerët.

“Nuk e dimë kush e ka bërë”, kanë deklaruar para togave të zeza Ermalinda Rama dhe shtetasi Çlirim Dogjani. Ndërkohë, nuk dihet se çfarë qëndrimi ka pasur nëna e saj, Valbona Rama, por gjithsesi Gjykata e Fierit ka dhënë për të tre “Arrest në burg”.

Çlirim Dogani është i martuar me një tjetër person dhe baba i një fëmije në moshë madhore. Një pistë që po hetohet si shkak i mbytjes së Anesti Ramës nga e bija, gruaja dhe partneri i vajzës, mund të jetë fakti se viktima nuk ka qenë dakord për lidhjen e Ermalindës me 55-vjeçarin.

Ndërkohë Çlirim Dogani në dëshminë e dhënë përpara autoriteteve, ka mohuar të ketë marrë pjesë në krim, duke thënë se mbrëmjen e ngjarjes ka qenë larg fshatit Frashër, ku dhe ka ndodhur vrasja.

Çlirim Dogani jeton në Roskovec, aty ku dhe mendohet se është njohur me 26-vjeçaren, pasi motra e Ermalindës është e martuar në këtë zonë. 55-vjeçari punon si shofer i linjës urbane të zonës dhe këtu dyshohet se ka nisur njohja mes tij dhe 26-vjeçares.

Anesti Rama ka gjetur vdekjen pasi është mbytur me tel. Gjithashtu, autopsia tregoi se viktima ishte masakruar me mjet prerës dhe në pjesët intime. Ndonëse më herët është raportuar se Ermalinda Rama ka pranuar krimin në polici, duke deklaruar se babai nuk e lejonte që të jetonte e lirë, të vishej, të dilte me shoqet e madje as nuk i jepte para, në Gjykatën e Fierit ajo e ka mohuar

Ngjarja e ndodhur tek Regina Group ka bërë xhiron e rrjeteve sociale! Pasi një polic dhunoi një kamarier, pronari i biznesit nuk qëndroi duarkryq – ai reagoi menjëherë duke e vënë në vendin e vet dhunuesin.

Ky veprim burrëror i pronarit ka shpërthyer rrjetin me komente mbështetëse:

👏 “Hallall o pronar, të lumtë dora!”

👏 “Nga sot e tutje klient i përhershëm vetëm tek ky biznes!”

👏 “Respekte pa fund, kështu mbrohet stafi që punon për bukën e gojës!”

Jo vetëm kaq, por shumë ndjekës e quajnë këtë një “super reklamë pa pagesë”, pasi pronari fitoi më shumë respekt dhe klientë me një veprim sesa me qindra fushata marketingu.

👉 Ky gjest ka treguar se ka ende njerëz që dinë të mbrojnë punëtorët dhe të bëjnë drejtësi!

Gjykata e Shkallës së Parë të Juridiksionit të Përgjithshëm në Fier ka caktuar masën e sigurisë “arrest me burg” për tre të dyshuarit në vrasjen tronditëse të Anesti Ramës, 56 vjeç.

Në pranga kanë përfunduar vajza e tij, Emanilda Rama (26 vjeçe), bashkëshortja Valbona Rama dhe Çlirim Dogani, që dyshohet se kishte një lidhje intime me të bijën e viktimës.

Sipas deklaratave të avokatit Kastriot Dyrmishi, të tre të akuzuarit kanë dhënë dëshmi të ndryshme përgjatë ditëve të fundit, por në seancën gjyqësore mohuan çdo përfshirje në ngjarje. “Thonë që nuk dinë asgjë, që e gjetën të vdekur”, – u shpreh avokati.

Hetimet paraprake tregojnë se Emanilda e ka goditur të atin fillimisht në organet gjenitale, dhe pas rrëzimit të tij, Dogani e ka mbajtur nga duart, ndërsa ajo e mbyti me tel. Më pas, në bashkëpunim me të ëmën, ata kanë tentuar të fshijnë gjurmët, përfshirë edhe pastrimin e gjakut nga trupi i pajetë.

Ngjarja makabre është zbuluar falë përgjimeve telefonike, ku zbulohet edhe marrëdhënia intime mes Emanildës dhe Çlirim Doganit, i cili rezulton i martuar dhe baba i dy fëmijëve.

Për më shumë detaje rreth procesit gjyqësor dhe hetimeve, pritet deklarata zyrtare e prokurorisë në ditët në vijim

Ish-drejtoresha e Teatrit të Operas dhe Baletit, Abigeila Voshtina, ka pranuar përpara hetuesve të SPAK se ka firmosur kontrata të paligjshme të iniciuara dhe të kontrolluara nga Ajola Xoxa, bashkëshortja e kryetarit të arrestuar të Bashkisë së Tiranës, Erion Veliaj. Në dëshminë e saj lidhur me fondet e përdorura për “Festivalin Ndërkombëtar të Dancit”, Voshtina tregon se ka vepruar nën presion.

Sipas saj, pas dy kontratave të shërbimit të firmosura me kompaninë “Rametal” të biznesmenit Elman Abule qëndronte Ajola Xoxa dhe qendra “Harabel”. “Kontratat janë hartuar me kërkesë të Ajolës. Ajo zgjodhi operatorin, përcaktoi shumën dhe zhvilloi të gjitha diskutimet financiare dhe teknike, duke përdorur një ekonomiste të qendrës ‘Harabel’. Unë nuk kam pasur asnjë kontakt me përfaqësuesit e ’Rametal’,” deklaroi Voshtina.

Ajo thekson se dokumentet nuk ishin në përputhje me ligjin, por nënshkrimi i tyre erdhi si pasojë e presionit që Xoxa ushtronte duke përdorur autoritetin e bashkëshortit të saj, në atë kohë kryetar i Bashkisë së Tiranës. Sipas dëshmisë, aktiviteti edhe pse në letër organizohej nga Teatri Kombëtar në fakt ishte plotësisht i kontrolluar nga Ajola Xoxa.

Voshtina përmend gjithashtu një takim në Ministrinë e Kulturës, ku ishin të pranishëm Ajola Xoxa, koreografi Tim Newman dhe sekretarja e përgjithshme Zerina Bruci. Në këtë mbledhje u diskutua buxheti për shfaqjet “Sonoma” dhe “Gravity”, ku Ajola kërkoi që një shumë prej 240 mijë euro të menaxhohej nga “Harabel”, kërkesë që u kundërshtua nga Voshtina. Ajo tha se fondet publike duhet të administroheshin nga institucioni shtetëror, dhe jo një organizatë private.

Përplasjet mes tyre nuk ndalën këtu. “Kisha rezervuar disa rreshta për të ftuarit protokollarë, por Ajola i kishte shpërndarë biletat vetë, pa dijeninë e stafit të teatrit,” tha Voshtina.

Dyshimet për shkelje ligjore u ngritën edhe nga ish-drejtoresha e auditimit në TOB, e cila konfirmoi për SPAK-un se kishte debatuar me Voshtinën për shkak të këtyre procedurave, që binin ndesh me rregullat fiskale dhe menaxhimin e fondeve publike.

Gjatë emisionit “Goca dhe Gra” ka plasur “bombën” për çiftin më të përfolur të Big Brother Vip Albania 4, Eglin dhe Gjestin. Gerta është shprehur se Egli dhe Gjesti nuk kanë qenë kurrë bashkë pas daljes nga shtëpia dhe madje ajo tha se ata e kanë bërë vetëm për klikime duke qenë se fansat donin të dinin më shumë për ta.

Gerta Gixhari: “Çiftet që u krijuan brënda shtëpisë e lanë marrëdhënien e tyre brënda shtëpisë sepse nuk thonë dot të vërtetën për audiencën. Rasti i Eglit me Gjestin ishte pikërisht ku audienca kërkonte të dinte më shumë për këtë çift kur dolën nga shtëpia sepse brënda asaj shtëpisë u panë të gjitha. Unë mendoj që ato nuk janë bashkuar asnjëherë me njëri tjetrin pasi kanë dalë nga shtëpia sepse ata nuk kanë bërë asnjë postim bashkë, nuk kanë bërë asnjë reagim qoftë dhe personal është shmangur totalisht e gjitha. Nga ana tjetër nuk u ka leverdisur të deklarojnë që jo unë nuk kam asnjë llojë marrëdhënie me njëri tjetrin.”

Detaje tronditëse kanë dalë nga hetimet për ngjarjen e rëndë që tronditi qytetin e Pogradecit, ku 52-vjeçarja Kozeta Teço u gjet e pajetë në banesën e saj të përfshirë nga flakët.

Burimet bëjnë me dije se viktima është vrarë brutalisht përpara se autori të ndizte një zjarr për të zhdukur provat brenda banesës.

Sipas hetimeve paraprake, autori i dyshuar, Ilirjan Selmani, i cili mësohet se kishte një lidhje intime me viktimën, dyshohet se fillimisht e ka mbytur dhe e ka goditur me mjet prerës 52-vjeçaren. Më pas, për të zhdukur gjurmët, ka përdorur peshqirë dhe kartpeceta për të pastruar vendin e ngjarjes, të cilat më vonë janë gjetur me gjak në koshin e mbeturinave pranë pallatit ku banonte viktima.

Policia bën me dije se autori i dyshuar ka ndezur disa vatra zjarri brenda banesës për të inskenuar një aksident dhe për të shmangur çdo provë që mund ta implikonte. Këqyrja e kamerave të sigurisë të bizneseve përreth ka ndihmuar grupin hetimor të identifikojë dhe më pas të shoqërojë Selmanin, i cili është dërguar për eksperimente hetimore në vendin e ngjarjes.

Ndërsa ai ka mohuar përfshirjen në krim, policia po vijon hetimet intensive për të dokumentuar tërësisht motivet dhe rrethanat që çuan në këtë vrasje makabre.

Raporti i Drilonit dhe Bay T ishte komentuar që prej qëndrimit të të dyve në shtëpinë e Big Brother VIP Kosova.

Kjo pasi shumëkush i donte dhe i projektonte si një çift ideal.

Por, jo të pakta ishin spekulimet sa i përket tyre edhe pasi Driloni u shpall fitues.

U përfol shumë mundësia e takimit mes tyre, diçka që kurrë nuk u komentua apo pranua nga asnjëri.

Por, në prapaskenë, larg syrit të publikut, zhvillime paska pasur dhe për këtë nuk ka më as edhe një dyshim!

Kjo pasi, në rrjete sociale ka rrjedhur një fotografi ku Driloni dhe Bay T shfaqen krah Dianës dhe Arionit.

Shkrepja i përket disa muajve më parë, në periudhën kur Arioni dhe Diana ende nuk ishin ndarë.

Të katërt duken shumë të lumtur dhe të afërt në imazhin e shpërndarë nga selfie e tyre në ashensor.

Rastësi? Nuk dihet saktë se çka ka ndodhur mes tyre por një gjë është e sigurtë – Bay T dhe Driloni janë takuar dhe diçka paska pasur të vërtetë në shumëçka që është thënë. /Prive By Liberta Spahiu

Me reformat e reja ligjore, qeveria Rama parashikon masa drastike ndaj ndërtuesve që shkelin lejet e ndërtimit.

Ndërsa mori pjesë në prezantimin e një start up-i të krijuar nga të rinjtë, për financimin e sektorit të ndërtimit, kryeministri Edi Rama tha se do të kenë një listë të zezë për ndërtuesit që shkelin lejet e ndërtimit dhe se masat do të jenë të ashpra, si përshembull nuk do tu jepet më leje ndërtimi.

“Projekt e mëdha s’mund të realizojmë siç duhet duke u mbështetur tek shitja në gropë, tek klerinku dhe blerësit e rastit brenda vendit. Listë të zezë për ndërtuesit që nuk respektojnë rregullat, pamundësi për të marrë leje”, tha Rama.

Masa të ashpra parashikon edhe për arkitektët të cilët do të vendosen përballë përgjegjësisë ligjore në rast se ndërtimi ka devijuar nga projekti për të cilin është dhëna leja. Kryeministri Rama kujtoi se kantieret e ndërtimit do kenë kamera 24 orë.