Blog

Veprimtari dhe profesori, Pëllumb Pelinci ka dhënë një njoftim të rëndësishëm, duke paralajmëruar një mbledhje të përbashkët qeveritare mes Kosovës dhd Shqipërisë, me fokus bashkimin kombëtar.

“Pas bisedimeve intensive me Kryeministrin e Republikës së Kosovës, z. Albin Kurti, është rënë dakord që dy qeveritë do të mbajnë një mbledhje të përbashkët në qytetin e Kukësit, me fokus çështjen madhore të bashkimit kombëtar.

Në kuadër të këtij takimi historik, do të zhvillohet edhe ceremonia e dekorimit si Qytetar Nderi e deputetit të Partisë Demokratike Flamur Noka të zgjedhur me votën e qytetarëve të Kukësit dhe Zhurit të Prizrenit. Ky është një hap i rëndësishëm drejt fuqizimit të marrëdhënieve dhe idealit tonë të përbashkët kombëtar”, ka njoftuar ai.

Për shkak të motit të keq dhe stuhisë që po afrohet, Aeroporti “Nënë Tereza” po përballet me një trafik të jashtëzakonshëm ajrorë pasi avionët janë duke u munduar të ulen sa më shpejt.

Qytetarët kanë raportuar se 7 avionë janë ulur njëri pas tjetrit, një pamje e pazakontë që tregon se moti do të jetë shumë i keq sot.

Ndërkohë një avion i LOT Air nuk ka mundur të zbresë për shkak të erës së fortë pavarësisht manovrave të shumta të pilotit.

Të gjithë udhëtarët dhe ata që janë duke udhëtuar përmes aeroportit duhet të jenë të kujdesshëm dhe të informohen për çdo ndryshim të mundshëm në fluturime.

Ndërkohë e njëjta thirrje shërben edhe për drejtuesit e mjeteve që të shmangin lëvizjet përgjatë stuhisë dhe të qëndrojnë të sigurtë për të shmangur çdo incident të mundshëm.

Një stuhi e fortë ka goditur Tiranën duke shkaktuar kaos në rrugë, rrëzim pemësh dhe vështirësi në qarkullim. Qytetarët raportojnë për situata të rrezikshme, ndërsa videot që po qarkullojnë tregojnë momentet dramatike kur era dhe shiu shkatërrues përfshijnë kryeqytetin.

Mes komenteve në rrjete sociale ka shpërthyer edhe ironia: “Mos ndoshta orakulli ynë, Edi Rama, e dinte këtë gjë dhe na paralajmëroi më herët?” – shkruajnë qytetarët duke e lidhur stuhinë me deklaratat e fundit të kryeministrit.

👉 Pamjet janë LIVE dhe tregojnë fuqinë e natyrës në zemër të Tiranës.

🌐 Ndiqni videon e plotë dhe shikoni çfarë po ndodh në kryeqytet!

Një stuhi e fortë ka përfshirë Tiranën pasditen e sotme duke sjellë reshje të dendura shiu, erëra të forta dhe rrezik për përmbytje në disa zona të qytetit. Autoritetet paralajmërojnë qytetarët që të shmangin lëvizjet e panevojshme dhe të qëndrojnë në banesa deri në stabilizimin e motit.

Në disa akse kryesore janë raportuar rrëzime pemësh dhe pengesa në qarkullim, ndërsa ekipet e emergjencës po punojnë për normalizimin e situatës.

🌐 Shikoni videon e momentit kur furtuna goditi kryeqytetin!

Një nga figurat më të komentuara në rrjetet sociale, Kozaku, ka ndërmarrë një nismë të pazakontë. Ai ka hapur një GoFundMe me synimin për të mbledhur plot 140 mijë euro, për të blerë një Lamborghini Huracán 2016.

Në mesazhin e tij publik, Kozaku shprehet se dëshiron të bëhet shqiptari i parë me këtë model makine falë mbështetjes së fansave dhe miqve të tij, duke e cilësuar këtë ëndërr si “një shembull se kur komuniteti bashkohet, gjithçka është e mundur.”

Megjithatë, realiteti duket larg premtimeve. Edhe pse Kozaku deklaroi se vetëm nga miqtë e ngushtë do të siguronte mbi 60 mijë euro, deri tani janë mbledhur vetëm 193 euro, me gjithsej 8 donacione.

Në rrjete sociale, ai ka reaguar me ironi ndaj kritikëve duke shkruar:

“Shumë xheloza do ta blej lambo nga shoqnia ime jo nga njerëz smirëxhi, po nga dashamirët e mi.”

Në një tjetër postim ai shtoi se është i sinqertë me publikun:

“Unë nuk vjedh me fut njerëz karroc, me marr gjys për gjys. Unë ju them të vërtetën, jo mashtrime.”

Për momentin, ëndrra e tij për të pasur “Lambon e parë shqiptare” mbetet ende shumë larg. Por siç e njohim Kozakun, duket se kjo iniciativë është një mënyrë për të krijuar histori dhe për të mbajtur vëmendjen e publikut të ngjitur pas tij.

Shtatori është muaji i fillimeve të reja dhe rivendosjes së ekuilibrave pas verës.

Për shumë njerëz, kjo është një periudhë për të vendosur objektiva të reja dhe për të nisur rrugë të reja, por për disa shenja të horoskopit, ky muaj do të jetë më shumë se thjesht një rikthim në rutinë, do të jetë një shans i artë për rritje financiare.

Sipas parashikimeve astrologjike, partneritete të reja, marrëveshje të suksesshme dhe mundësi të papritura fitimprurëse do t’ua hapin rrugën fitimeve të konsiderueshme këtyre tre shenjave me fat:

Demi- Sukses financiar përmes vendosmërisë dhe iniciativës

Muaji shtator sjell një kthesë pozitive për Demët. Ata do të ndiejnë më në fund se energjitë po punojnë në favorin e tyre. Një projekt i ri, një promovim apo një investim i menduar mirë mund të sjellin përfitime të dukshme financiare.

Këshilla: Mos kini frikë të bëni hapa të guximshëm – idetë tuaja kanë potencial të lartë për sukses!

Luani- Rritje profesionale dhe shpërblime konkrete

Puna e palodhur e Luanëve më në fund po shpërblehet. Shtatori do t’u sjellë vlerësim profesional, oferta për role më të mirëpaguara dhe shpërblime monetare, si bonuse apo prime.

Këshilla: Menaxhoni të ardhurat shtesë me mençuri – investoni në mënyrë strategjike për të garantuar sukses afatgjatë.

Akrepi- Përfitime të papritura dhe vendime të zgjuara

Për Akrepët, shtatori sjell të ardhura të papritura, ndoshta nga shlyerje borxhesh, shitje të suksesshme apo mundësi të reja për fitime. Intuita e tyre do t’i ndihmojë të marrin vendime të sakta.

Këshilla: Ndiqni instinktin, por mbani këmbët në tokë – momenti është i favorshëm për të hedhur themelet e një stabiliteti financiar afatgjatë.

Nëse i përkisni njërës prej këtyre shenjave, bëhuni gati për një muaj plot mundësi. Edhe nëse jo, mbani sytë hapur – shtatori gjithsesi mbetet periudhë e shkëlqyer për të bërë plane të zgjuara dhe për të hapur rrugën drejt një sezoni të suksesshëm.

Regjistrimet për nxënësit që do të nisin klasën e parë dhe të dhjetë në vitin shkollor 2025-2026 janë ende të hapura dhe do të vijojnë deri më 1 Shtator në platformën zyrtare e-Albania.

Ministrja e Arsimit, Ogerta Manastirliu, ka kërkuar nga prindërit që të përfundojnë procesin e regjistrimit brenda afatit, duke theksuar se është një procedurë e thjeshtë dhe e shpejtë.

“Njoftim i rëndësishëm për të gjithë prindërit – regjistrimet në klasat e para dhe të dhjeta janë të hapura në e-Albania deri më 1 Shtator. Ju lutem, përfundoni regjistrimin e fëmijëve tuaj brenda këtij afati. Është një proces që merr vetëm disa minuta” u shpreh ministrja. Manastirliu.

Ministrja shtoi se sistemi i regjistrimit online përmes e-Albania ka për qëllim lehtësimin e procedurave dhe shmangien e radhëve në shkolla, duke garantuar një proces transparent dhe të aksesueshëm për të gjithë.

Një video tronditëse po qarkullon me shpejtësi në rrjetet sociale, duke ngjallur panik dhe frikë tek qytetarët. Pamjet shfaqin momentin kur një person qëllon me thikë një tjetër, në një skenë të dhunshme që ka alarmuar opinionin publik.

Deri tani, ende nuk ka informacion të saktë mbi gjendjen shëndetësore të personit të sulmuar, ndërsa autoritetet gjermane po punojnë për të zbardhur detajet dhe për të identifikuar personat e përfshirë.

Ngjarja ka ndodhur në një zonë të populluar, ku qytetarët e pranishëm kanë përjetuar panik dhe tmerr gjatë aktit të dhunshëm. Videoja është konsideruar shumë sensitive dhe u bëhet thirrje qytetarëve të ndjeshëm të shmangin shikimin e saj, pasi skenat janë të rënda dhe të papërshtatshme.

Policia gjermane ka nisur hetimet për rastin dhe pritet të japë një deklaratë zyrtare në orët në vijim.

👉 Kjo ngjarje ka ndezur sërish debatet mbi sigurinë publike në qytetet gjermane dhe rritjen e rasteve të dhunës në hapësira të përbashkëta.

Deputeti demokrat, Kreshnik Çollaku, ka kritikuar opozitën duke thënë se në këtë gjendje që ndodhet nuk mund të fitojnë kurrë përballë Edi Ramës.

Çollaku foli për aksionin e shumëpërfolur opozitar të shtatorit ku deklaroi se mund të bllokohen mandatet (mosfunksionim i Kuvendit), deri në krijimin e një qeverie teknike.

“Ka një konsensus të gjerë, jo vetëm mes drejtuesve dhe deputetëve, por edhe mes militantëve e simpatizantëve, se në këtë gjendje PD nuk mund të fitojë më. Ne kemi nevojë për një reformim të thellë të opozitës në tërësi. Sa herë që PD ka përjashtuar ata me mendim ndryshe, ka humbur thellë. ADN-ja e PD-së është hapja, përfshirja dhe liria për të kritikuar, madje edhe liderin. Sëmundja që po e gërryen sot është kthimi në një model të Partisë së Punës, gjë që është mohim i vetvetes. Djegia e mandateve nuk ka më asnjë efekt. Seanca mbyllet dhe Edi Rama miraton ligje për 3 minuta. Bllokimi i mandateve, deri në krijimin e një qeverie teknike, mund të jetë një rrugë që ia vlen të shqyrtohet“, deklaroi Çollaku.

Pas humbjes katastrofë më “11 maj”, avokati i Sali Berishës, Genc Gjokutaj tha se zgjedhjet nuk duhet të ishin certifikuar.

Gjokutaj akuzoi Celibashin si një eksponent të Partisë Socialiste, që sipas tij, mbështeti një proces zgjedhor të deformuar.

“Shkeljet ishin skandaloze dhe sërish Komisioni Rregullator e njohu rezultatin e zgjedhjeve të 11 majit. Thellësia e rezultatit ka brenda manipulimin, është votuar për cdertifikimin e “11 majit”, 3:2 sepse nuk mund të certifikohen zgjedhje të tilla. Zgjedhjet nuk u festuan, sepse sa duket ka socialistë që iu vjen turp për atë që ka ndodhur. Ju e dini se Celibashi është eksponent pranë Partisë Socialiste dhe u certifikuan zgjedhjet e deformuara. Opozita s’duhet t’i njohë zgjedhjet. Shkuarja në parlament nuk do të thotë se opozita njeh zgjedhjet, por thjesht ti po lufton edhe jashtë parlamentit, edhe brenda Kuvendit. Djegia e mandateve i krijoi dëm opozitës. Beteja duhet bërë edhe në mënyrë institucionale, sepse kështu merr edhe vëmendje nga ndërkombëtarët dhe i jep puls jetës opozitare e parlamentare”, tha Gjokutaj.