Blog

Malësorët në veri e në jug, kanë lëshu kushtrimin, kanë thirr Kuvendet, janë mbledh paria e krerët e Bajraqeve, pashalleqeve, bejlerët, për me i dal zot vatanit, i rrezikuem prej armikut.

As serb as turk as grek, as shkja, nuk na kanë marrë trojet tona prej 500 motesh thotë Zef Vladi, trashëgimtar i Bajrakut të zonës.

Prifti në krah të malësorëve. Ata po përballen me antiligjin. Me shtetin e kapur. Me qeverinë e përdorur. Me vendorët e rrëzuem. Kanë shtet-pushtet-partinë përballë.

E në traditën e paqes ku nderi e kodi rrinë në këmbë janë kthyer te e drejta zakonore, karshi të.cilit të gjithë binden. Aty kuvendi ndahet me një seancë. Thethi thirri burrat në Kuvend.

Bajraktari dhe prifti, ata duan bekimin e Zotit kur të veprojnë. Janë të gjithë në këmbë. Mandati i Kuvendit të Maleve është i shenjtë. Nuk ka parti. Ka veç atdhe. Kullat kanë kode. Kanë asht. Kanë vatanin fe.

Në Theth, si kudo në Shqipëri po shohim se Kanuni i Lekës është bërë i domosdoshëm përballë “katundit” të Ramës për të mbijetuar.

Me 500 fjalë në një letër rruge, të Paketës së Ramë-Benetit, dy të pandehurve të mëdhenj, na u bëkërke për pesë minuta pronar i trojeve 500 vjeçare. Por këtu çudia nuk zgjat tre ditë. Janë thirr burrat nga Malësia e Diaspora dhe të gjithë janë gati me u mbledh në Dukagjin.

Vetëm ai që ka detyrë ligjin, KM nuk është gati të zbatojë ligjin e të merret vesh me vendasit. Sepse Rama ka zgjedhur baronët në vend të banorëve.

Sjellja e pushteti me armë kundër autoktonëve, sikur e kanë katundin e shefit, e po e çlirojnë është kanibalizëm. Ulërimë është plaçkitja e pronës, kudo në Vlorë, Sarandë, Ksamil, Shëngjin, Velipojë, Durrës. KM ia ka sajuar targat ndonjë “thethiani me ngjyrë” apo jo shqipfolës për të bërë pazarin e radhës. Thethi nuk është Surrel i vjedhur, as Gjipeja e klonuar e kthyer në saraj të ramajve qeveritar me VKM.

Fatkeqësisht me leje e ligje mbajtëm në kurriz 50 vite diktaturë vrasëse. Po sot me çligje të Ramës grabitja është kthyer derë për derë. Qeveri, kuvend bashki, drejtësi, ekonomi, medie, votë, Mafie, të gjitha i koordinon e kontrollon një individ.

Shteti nuk është fadromë. Kur institucionet nuk funksionojnë atëherë njerëzit, qytetarët, e kanë detyrim të ngrihen e ti ribëjnë ato. Sot Kanuni i Lekës ka mbajt rend e siguri shumë herë më tepër se “katundi” kriminal ii Ramës.

Ne e kujtojmë marrjen e frymës dhe azmën e acaruar të Kryeministrit që dihaste si maratonomik i sëmurë, kur kuksianët i dhanë kusurin traut apo kur studentët e telendisën për tre ditë. E treta mundet me prodhu lajme. Në një emergjencë kombëtare askush mos befasohet kur shqiptarët të brohorasin më me shumë dëshirë, rroftë “Kanuni”, e poshtë “Katundi…”

Duke folur në takimin me deputetët e Tiranës dhe drejtorët e bashkisë, kryeministri Edi Rama njoftoi se këtë të hënë ka nisur procesi i bllokimit dhe konfiskimit të qumështit dhe produkteve të bulmetit që tregtohen pa faturë.

“Nga sot, dhe po shikoja informacionet para se të vija këtu, ka filluar procesi i kontrolleve dhe konfiskimit të qumështit dhe bulmetit pa faturë, domethënë pa siguri ushqimore. 

Aq më tepër në këto temperatura të larta, ku mund të rrezikojnë konsumatorët. Qumësht dhe bulmet pa faturë nuk do të lejohet dhe kushdo që do ta bëjë, do ta humbasë atë mall,” – deklaroi Rama.

Sipas kryeministrit, ky aksion synon të mbrojë shëndetin e qytetarëve dhe të ndalë praktikën e tregtimit të produkteve të pambikëqyrura.

Ka nisur takimi i kryeministrit Rama me deputetët e Tiranës dhe drejtorët e bashkisë.

Kreu i qeverisë tha se sot do të bëhet një konfiskim i një pallati në Vlorë që është në shkelje te ligjit.

“Sot do bëhet një konfiskim pallati në qytetin e Vlorës që është në shkelje të ndërtimit, Ky proces synon të bashkojë dy gjëra, nuk kemi asnjë minutë për të humbur se kemi marrë përsipër të hymë në BE. Ta harrojë kushdo qoftë. Historia ndërto sot që të legalizosh nesër, nuk do ecë më. Çdo ngrehinë e ngritur në dëm të zonave të mbrojtura, do të rrafshohet. Nuk do ketë asnjë tolerancë e asnjë dialog në këtë proces. Të gjithë skuadrat që morën 83 mandate të jenë në anën e shumicës dërrmuese të njerëzve të cilët pengohen çdo ditë nga ata që me guxim të tepërt dhe mbylljes së syve kanë pushtuar hapësirat publike. Tirana është zona më e nxehtë. Nuk ka lagje e bllok banimi që mos ketë zaptuesin e vetë. Ka filluar të behet një punë e mirë”, tha Rama.

Një i porsalindur u gjet i braktisur në një varrezë të infektuar me minj – për fat të mirë, ai mbijetoi mrekullisht.

Një ngjarje tronditëse ka ndodhur në një zonë periferike, ku një foshnjë vetëm 2 muajsh është gjetur i braktisur në një varrezë të braktisur dhe të mbushur me mbeturina e minj. Klithmat e dëshpëruara të foshnjës ishin ato që shpëtuan jetën e tij. Banorët e një ndërtese aty pranë, të alarmuar nga të qarat e pandërprera që vinin nga drejtimi i varrezës, nxituan për të parë çfarë po ndodhte. Ajo që gjetën ishte tronditëse: një foshnjë e vogël, e pambrojtur dhe e shtrirë mes ferrave dhe barit të thatë, i ekspozuar ndaj të ftohtit dhe rrezikut të kafshëve të egra.

Një prej banorëve, që reagoi i pari pas dëgjimit të klithmave, tregoi për mediat se ndjenja e frikës u kthye menjëherë në ndjenjë përgjegjësie. “Ishte një moment i tmerrshëm. Foshnja po qante me zë të lartë, sikur po kërkonte ndihmë. U trembëm, por edhe u ndjemë të detyruar të vepronim,” tha ai për Daily Mail.

Foshnja u transportua menjëherë në spital, ku mjekët konfirmuan se kishte kaluar disa orë në atë ambient të rrezikshëm dhe të papërshtatshëm për jetën, por për fat të mirë, gjendja e tij shëndetësore ishte relativisht e qëndrueshme. Mjekët thanë se ishte një mrekulli që ai kishte shpëtuar pa lëndime serioze, duke marrë parasysh kushtet në të cilat u gjet.

Autoritetet ndërhynë menjëherë dhe nisën hetimet për të zbuluar se kush ishte përgjegjës për këtë akt të tmerrshëm. Pas disa orësh hetimi, ata arritën të identifikonin dhe të ndalonin nënën e foshnjës. Rrethanat që çuan në këtë akt të rëndë ende janë nën hetim, dhe autoritetet po shqyrtojnë mundësinë e ndonjë çrregullimi mendor apo presioni social që mund ta ketë shtyrë nënën në këtë veprim ekstrem.

Banorët e lagjes shprehën indinjatën dhe trishtimin e tyre për këtë ngjarje, por gjithashtu edhe ndjenjën e lehtësimit që foshnja tashmë është i sigurt. “Mund të kishte përfunduar shumë më keq. Nëse askush nuk do ta kishte dëgjuar duke qarë, mund të mos ishte gjallë sot,” u shpreh një tjetër banor.

Autoritetet lokale po punojnë gjithashtu me shërbimet sociale për të siguruar mbrojtje të mëtejshme për foshnjën dhe për të shqyrtuar çdo mundësi për kujdestari të përkohshme ose adoptoim të tij në të ardhmen.

Meçi i 28 qershorit i Drilon ramës u komentua me të madhe.

Kjo pas ndryshimit të beftë të kundërshtarit, nga një me asnjë humbje në tjetrin me mbi 20 radhazi pak ditë para ndeshjes.

Kundërshtari i parë, afrikani nga Tanzania foli për Shqiperia sot duke thënë që nuk është lënduar por problemi me vizë e la pa u përballur me Drilonin.

Megjithatë, një tjetër zhvillim ka ardhur s ai përket përballjes që bëri shumë bujë.

Në BoxRec, databazën kryesore, Drilon Rama figuron i suspenduar deri në fund të këtij muaji.

Shqiperia sot u interesua për arsyet dhe ju sjell detajet.

Suspendimi një mujor vjen si pasojë e lëndimit të shkaktuar në përballje, të paktën sipas asaj që na tha promoteri i meçit, Costacis Evangelou.

Kjo është një procedurë rutinore në boks derisa të bëhen ekzaminimet njerëzore.

Konflikti i radhës në rubrikën “Shihemi në Gjyq” të së “Dielës Shqiptare” në Tv Klan, zhvillohet mes  nënës dhe djalit. Vergjinushja, 76 vjeçe, shpreh në insertin prezantues problematikën e rëndë të dhunës nga nusja dhe fyerjeve nga i biri.

Jam 76 vjeç. Të të rrahë nusja, të të ofendojë djali, të të japë zeher të hash dhe të të thërrasë me fjalë  ofenduese, të ofendojë edhe djalin e vogël, 100 të zeza m’i thotë, kam shumë për të thënë!”

Edhe kur hyn në studio, ajo përsërit të njëjtën gjë, e përlotur. “E dhunuar nga djali, e ofenduar  nga nusja, e ofenduar nga mbesa, e rrahur. Fjalët  më të pista i janë thënë kësaj nëne, 76 vjet grua!”, thotë e moshuara, e cila së fundmi ka mbetur edhe vejushë.

Nga ana tjetër, djali, Alberti, ka një konflikt me nënën dhe i kërkon të zgjedhë.

“Jam shumë i revoltuar! Nga shtëpia, nga kunata dhe nga nëna, personalisht. Unë sot nuk qëndroj dot  me nënën se jam i kërcënuar, po më pengon. Nëna mban të dy krahët. Sot o të më zgjedhë mua, ose të  mbajë familjen tjetër.”

Vergjinushja nis të tregojë se ka dy djem, nga të cilët i madhi është i martuar. Ajo thotë se djali i madh i ka dhënë edhe ilaç, pavarësisht se për 22 vjet ka qëndruar në shtëpinë e saj bashkë me familjen e tij. Nga djali dhe nusja, ajo është ofenduar vazhdimisht por i ka duruar të gjitha. Alberti konkretizon cilat kanë qenë këto ofendime të rënda, të cilat janë thënë prej nuses së shtëpisë kundrejt nënës së  tij.

Vergjinush: Zonja Vergjinush ka një mal me halle, publiku do të çuditet me këtë zonjën Vergjinush dhe do të thotë kështu publiku që si ka ardhur kjo grua plakë, si nuk e ka ngrënë ilaçin e atij djalit që e ka  mësuar djali nënën të hajë ilaç ku ma ka lënë dhe nuk kisha për të ardhur këtu, por më  mbajti kjo grua (Eni Çobani) që nuk kam çfarë të them unë si plakë që jam.

Albert: Të ndërhyj unë?

Eni Çobani: Prit të dëgjojmë mamanë, do të ndërhysh, do të flasësh.

Albert: Të ndërhyj se më del aty ku dua unë.

Eni Çobani: Çfarë do të thuash?

Albert: Nga ai ilaçi i saj jam ofenduar edhe unë, nga hatri i saj që e ka mbajtur ajo se ajo zonja nuse kur është ndarë, ka vajtur dhe i ka kërkuar falje. Kur i ka kërkuar falje më ka marrë edhe mua në qafë sot, se nuk i kërkon dot falje.

Eni Çobani: Djalit tjetër?

Albert: Nuses i ka kërkuar, jo djalit dhe më ka thënë mua duro, duro, unë nesër mund të vritem. Sot që dal nga këtu, unë nuk jam i garantuar. Dakord? Sot o ai o unë në shtëpi.

Vergjinush: Unë e kam martuar djalin dhe e kam mbajtur djalin, kam bërë një gabim që të mos ma falë publiku dhe mos ta bëjë këtë që kam bërë unë, 22 vjet e kam mbajtur bashkë. E ofenduar nga djali, e ofenduar nga nusja, unë i shkelja ofendimet me këmbë. Por që e kam mbajtur bashkë, e kam mbajtur vetëm nga turpi, thoshin nuk mban vjehrra nuse. Unë pastaj këta djemtë, i thosha djalit puno, të madhit.  Herë punonin, herë s’punonin. I mbaja vetëm me një pension, i mbaja vetë i gjashtë në shtëpi, me dy fëmijë në shkolla. Si përfundim, nusja ndahej dhe vinte në shtëpi më bashkohej.Unë si vjehrrë nuk ia thosha dot që moj bijë ti u ndave dhe ike. Unë si vjehrrë kam bërë një gabim që nuk më falet, të mos ma  falë publiku.

Eni Çobani: Ke bërë shumë mirë se në fund të fundit, me djalin tënd ke qëndruar dhe me nusen, nuk  është gabim.

Albert: Kur u nda radhën e parë, mos të kishte shkuar ta kishte thirrur në shtëpi. Të mos e kishte thirrur kur u nda dhe është gabimi edhe i nënës që shkon e i kërkon falje, edhe është fajtore, edhe shkon i kërkon…

Eni Çobani: Nëna fal gjithmonë, nënat kështu janë. Nënat janë me zemër të madhe.

Albert: Të më falë publiku se e kam nënë, arrin sot në sy të djalit, nusja në sy të djalit, bëhet nëna ime sot k**vë dhe pu**në! Mund ta nxjerr me video!

Vergjinush: Gomaricë! Më ka bërë nusja gomaricë!

Albert: I thashë të ma tregojë nëna ime kë kam baba unë!

Vergjinush: Një grua pa burrë! Z. Ardit, të më dëgjosh me vëmendje, edhe znj. Eni!

Albert: E kam bërë gati incizimin, ta dëgjojë sot publiku! Nëse unë gënjej, të më shpien me pranga që sot!

Vergjinush: Unë kam bërë një gabim që nuk më falet. Si u ndanë këta, kishim pesë lekë muhabet, fëmijët m’i linin mua dhe sot djalit të djalit të madh, ia shtroj unë rrobat, 76 vjeçe dhe ia ngre. E kam nip! E kam  të djalit, ma do shpirti, ma do barku! Nuk e përzë dot!

Albert: Ajo po s’e  përzuri atë, unë nuk rri! Unë iki që sot!

Vergjinush: Berti, lërmë nënën!

Albert: Nuk ndahesh me djathin, nuk shoh prej hirrës. Kur s’pashë prej vëllait, prej kunatës, nuk shoh  prej hirrës.

Eni Çobani: Ti çfarë kërkon tani, të mos flejë me nipin?

Albert: As me nipin, asgjë! Të bëjë nëna dorëheqje! O me atë, o me mua!

Vergjinush: Unë jam gjyshe!

Albert: Nuk të lë të mbarosh, unë jam i kërcënuar!

Vergjinush: Turp të kesh që të kam rritur!

Albert: Turpin le ta kem unë!

Vergjinush: Më kërcënon në sy të publikut, nuk ju kam kërcënuar kurrë

Vergjinushja, nëna 76-vjeçare ndan një episod të rëndë e tronditës në “Shihemi në Gjyq” nga “E Diela Shqiptare” në Tv Klan. Gjatë seancës, ajo dhe djali i vogël,  Alberti, kanë rrëfyer për dhunën e fyerjet nga djali i madh, Luani dhe bashkëshortja e tij përgjatë 22 viteve. Vergjinushja, edhe pse në këtë moshë, është dhunuar e fyer rëndë nga nusja, ndërsa i biri nuk ka reaguar asnjëherë.

Ai ka arritur deri në pikën sa t’i thotë nënës se ka përgatitur helm miu për të dhe e ka lënë në trarët e shtëpisë. Në një telefonatë, Vergjinushja thotë se i biri i ka thënë të pijë helmin që ai mos ta gjente aty kur të kthehej.

Vergjinushe: Më tha në telefon, shiko të kam lënë ilaç miu në trarë. Është turp ta tregosh…

Ardit Gjebrea: Si, si?

Vergjinushe: Ti më thotë mua, të kam lënë në trarë se ashtu i kemi shtëpitë, të kam lënë ilaçin e miut. Merre, haje, të mos m’i ndyesh mua duart të të kap unë me dorë se nuk të kam nënë ty dhe mos ta  shohësh atë djalin e vogël kur t’ia vë copat e mishit në kanal nga kaq. Unë thashë kështu? Ku e ke lënë?  Atje. Nëna do të ngrihet t’i kontrollojë, jam ngritur, i kam kontrolluar trarët, i kam fshirë me dorë, nuk e gjeta ilaçin që ta haja. Unë kur të vij do të të djeg me benzinë, tha, nusja më thotë k**vë, më thotë ke shitur brekët, djalit i thotë shit brekët, dëgjojini incizimet!

Përgjatë seancës, Alberti tha se kishte incizuar shumë episode dhe regjistrimi i kësaj ngjarjeje, është e  provuar.Në incizim dëgjohet Luani duke i thënë Vergjinushit të pijë helmin se për Albertin do të mendojë ai.

Incizimi:

Luan: Unë nuk të kam nënë, pije helmin, mos të të gjej të gjallë! Kaq!

Vergjinushe: Ta pi unë helmin, kështu thua ti?

Luan: Pije helmin!

Vergjinushe: Të vras Bertin ë?

Luan: Pije helmin ti e para se me atë do të mbaroj punë unë! Pije helmin dhe kaq!/

Një qytetar ka ndarë një foto nga Pogradeci, ku tregohet një plazh publik me çadra falas, i hapur për këdo që dëshiron të shijojë pushimet pa shpenzime të mëdha. Sipas tij, mjafton një peshqir dhe mund të relaksohesh pa u përballur me çmime stratosferike si në bregdetin e jugut.

Ai shton se me vetëm 1000 lekë te reja kanë konsumuar një pice familjare dhe pije për drekë, duke e përshkruar vendin si të qetë dhe të përballueshëm për të gjithë. Në një kohë kur shumë pushues ankohen për çmimet e larta në jug, Pogradeci po rezulton një alternativë më ekonomike për pushime verore.

“Meqense cmimet ne jug jane katastrofe po ju dergoj nje foto nga Pogradeci. Çadrat jane te vendosura nga bashkia dhe jane falas. Plazh publik. Ju mjafton nje peshqir dhe deshira per tu kenaqur dhe per t’ja kaluar mire. Ne sapo hengrem dhe dreken dhe me 1000 leke kemi marre nje pice familjare dhe pije. Rehatllik, qetesi, ekonomi dhe klima perfektë“, shkruan pushuesi.

Të ulur këmbëkryq para Kishës të Thethit, Kuvendi i Burrave u mblodh këtë të diel ashtu si dhe dikur, për t’i kërkuar shtetit që të ndalojë aksionin për prishjen e ndërtimeve pa leje.

Një zëri ata kanë kërkuar një rrugëzgjidhje dhe që qeveria t’u japë mundësinë për legalizimin e bizneseve të tyre, si pjesë e paketës për zhvillimin e turizmi malor. Ata kërkojnë më shumë informacion dhe mundësi për të marrë pjesë në këtë iniciativë.

Zef Valadaj, një banor i Dukagjinit, i bëri thirrje qeverisë për dialog dhe të mos vazhdojë më me shembjen. Për mediat ai tha se kur pa terrorin në Theth iu duk si serbi në Kosovë, ndërkohë që paralajmëroi se nëse qeveria nuk ndalon aksionin atëhere të do të thërrasë diasporën në protesta.

“Unë nuk kam kërkuar për t’u përplasur me shtetin. Të bashkëbisedojmë, , e jo të bëhet një gjë e tillë. E kujt ia rrëzojmë shtëpinë vëllaut.

Në Dukagjin e jo në Dukagjin, por unë kam nga katër anët e Shqipërisë. Edhe në Kosovë, edhe në Bruksel, ton diaspora. Më kanë bërë mesazhe dhe më thanë jemi gati me ardh. Unë popullin tim do të mbroj, me të drejtë, nuk e kam fjalën mos me zbatu ligjin. Do t’i bëj thirrje kryeministrit, qeverisë vendore. Atij kryetarit të bashkisë. E kujt ia shembe shtëpiat o Benet Beci, vëllaut. Kurrë nuk është dashur me e bo një gjë të tillë.

Nëse nuk i largoni. Nëse nuk hiqni dorë, unë do të njoftoj diasporën, do të njoftoj Dukagjinin, Pukën, Kukësin, Malësinë e Madhe në katër anët. Ka për t’i pas këtu në Theth, para Bashkisë e kudo.  Mos guxo me ardhë, me shfrytëzuar rastin, as me Thethin, as me Dukagjinin”, tha ai.