Blog

Një video tronditëse e publikuar së fundmi nga aktivisti gjerman për mbrojtjen e mjedisit, Ulrich Eichelmann, ka ngjallur shqetësim të madh në rrjetet sociale dhe opinionin publik, duke hedhur dritë mbi një nga problemet më të mëdha mjedisore që po përballon Shqipëria: ndotjen e lumenjve. Pamjet tregojnë një gjarpër të ngordhur në brigjet e lumit Vjosë, në një nga segmentet që përshkojnë zonën e shpallur Park Kombëtar, si pasojë e ndotjes së rëndë me naftë.

Ulrich Eichelmann, i njohur për angazhimin e tij të vazhdueshëm në mbrojtjen e lumenjve të egër në Ballkan dhe më gjerë, ndodhej në një prej zonave më piktoreske të Vjosës kur u përball me një skenë që ai e përshkroi si “shkatërruese emocionalisht dhe alarmante nga pikëpamja ekologjike”. Në një postim në rrjetet sociale, aktivisti shkroi:

“Bukuria e Shqipërisë errësohet nga një realitet i tmerrshëm. Në një vend që ka shpallur Vjosën Park Kombëtar dhe simbol të natyrës së egër, gjeta një gjarpër të ngordhur, viktimë e ndotjes së rëndë me naftë që rrjedh pa kontroll në këtë lumë të çmuar.”

Sipas tij, rrjedhja e naftës nuk është një fenomen i izoluar apo i rastësishëm, por një derdhje e përhershme dhe sistematike e ndotjes, që rrezikon seriozisht biodiversitetin dhe shëndetin e ekosistemeve të mbrojtura. Ai ngriti alarmin se mungesa e kontrolleve dhe mbikëqyrjes institucionale po i hap rrugë një katastrofe të heshtur, që po dëmton jo vetëm mjedisin, por edhe reputacionin e Shqipërisë si një destinacion i pasur natyror.

Kjo ngjarje ka rikthyer me forcë në vëmendje shqetësimet që prej vitesh janë ngritur nga organizata vendase dhe ndërkombëtare për rrezikun që i kanoset lumit Vjosë – i vetmi lum i madh i egër në Europë, që rrjedh i pandërprerë nga burimi në det. Përpjekjet për ta mbrojtur atë kulmuan me shpalljen e tij si Park Kombëtar në vitin 2023, një hap historik që u përshëndet në të gjithë kontinentin si fitore për natyrën. Por denoncimi i fundit tregon se statusi “ligjor” nuk po shoqërohet me veprime konkrete në terren.

Reagimet në rrjet nuk kanë munguar. Qytetarë, ambientalistë dhe përfaqësues të shoqërisë civile kanë kërkuar hetim të menjëhershëm dhe ndërhyrje të strukturave përkatëse për të ndaluar ndotjen. Disa kanë akuzuar autoritetet për mungesë vullneti dhe për tolerim të ndotësve industrialë që veprojnë në mënyrë të paligjshme pranë zonave të mbrojtura.

Ky rast është një tjetër thirrje e fortë për institucionet shqiptare që të kalojnë nga fjalët në veprim. Vjosa, si pasuri natyrore kombëtare dhe ndërkombëtare, kërkon jo vetëm mbrojtje simbolike, por edhe vëmendje të vazhdueshme, monitorim të rreptë dhe ndëshkime të ashpra për çdo akt ndotjeje. Sepse nëse lejojmë që ujërat tona të helmohen, po helmojmë veten dhe të ardhmen tonë

Në seancën e sotme plenare, zgjedhja e Avokatit të Popullit ka shkaktuar sërish diskutime në Kuvend, mes opozitës dhe socialistëve. Fillimisht ka folur sekretari i përgjithshëm Gazment Bardhi dhe Flamur Noka, ndërsa iu kundërpërgjigj Ministri Balla.

Më pas fjala ishte për kreun e PD, Sali Berisha i cili si rrallëherë ka zgjedhur të flasë nga karrigia në Parlament.

Nga pamja, lideri demokrat duket se nuk është në gjendje të mirë shëndetësore, por nuk zgjati as dy minuta nga koha e tij, ai vendosi t’i drejtohet foltores në Kuvend.

Kujtojmë se edhe disa ditë më parë, Berisha nuk u paraqit në SPAK për masën e sigurisë, pasi sipas avokatit mbrojtës kreu i PD nuk ishte në gjendje të mirë shëndetësore.

https://www.facebook.com/share/v/1DEtH7cawu/?mibextid=wwXIfr

Me një ngjarje jo nga ato që na ndodhin çdo ditë, është përballur një roje nate në një lokal të qytetit të Elbasanit.

Pasi klienti i fundit largohet, ai bën një xhiro në kafenenë ku është i punësuar pasi ka për detyrë të kontrollojë çdo skutë të lokalit.

Pasi i ka rënë rrotull, ka gjetur një çantë me 3 mijë euro brenda në kopshtin para lokalit.

Siç duket çantë e kishin harruar aty apo i kishte rënë dikujt pasi në atë orë të vonë nuk e kishte vënë re asnjë prej kalimtarëve.

Ai ia ka dorëzuar personit që e harroi, por si falenderim mori vetëm një “mirupafshim”.

55-vjeçari nga Elbasani dëshiron të mbetet anonim në lidhje me ngjarjen.

Roja deklaroi:

E mora çantën dhe kur pashë aq shumë para, u futa brenda të shikoja përsëri dhe të kontrolloja që nuk kishte drogë apo armë. Gjithçka mund të ndodhë. E shikova përsëri dhe pashë që ka vetëm para, me kapluan djersët. Pas disa orësh vjen një njeri i cili më pyeti nëse e kisha gjetur një çantë. I tregova që po, dhe ia dhashë çantën. Ai e mori, shpejt e shpejt i numëroi dhe tha; ‘Në rregull, faleminderit dhe mirupafshim”.
Ai shtoi i qeshur:

Nuk pendohem! Gjithmonë dua të konsumoj atë që më jep Zoti dhe s’dua të ha hakun e tjetrit. Pothuajse çdo javë këtu në lokal gjej ndonjë telefon të harruar, por gjithmonë ia jap të zotit. Do kisha mbushur një maune me telefona.

Policia Rrugore e Tiranës arreston Ekerem Skureni, shoferin e automjetit që aksidentoi 3 të miturit që lëviznin me monopatinë në bulevardin “Dëshmorët e Kombit”. Ai akuzohet për shkelje të rregullave të qarkullimit rrugor.

Sipas ekspertizës së bërë në vendngjarje, ka rezultuar se të miturit, të ndarë në 2 monopatina, kanë kaluar rrugën me semafor të kuq, ndërsa shoferi i makinës me semafor portokalli.

Dy të vegjël, 9 dhe 11 vjeç, mësohet se janë në gjendje shëndetësore të stabilizuar nën kujdesin e mjekëve në spitalin e traumës me dëmtime në krah dhe në këmbë. I treti, një 11-vjeçar është në gjendje të rëndë.

Ish ambasadori Agim Nesho, ka sqaruar “prapaskenat” e artikullit të tij, që u botua nga Fox News, ku kritikohet ashpër Edi Rama dhe pushteti i tij.

Nesho deklaroi se fillimisht u frymëzua nga Çim Peka, pasi ai është i pari njeri që e ka quajtur Edi Ramën, “Ramaduro”, pra si Maduro i Venezuelës dhe pas Çim Pekës, këtë përcaktim e përdori edhe ambasadori në shkrimin e famshëm.

“Dua të them, që frymëzimi për këtë artikull ka qenë pikërisht, përcaktimi i Çim Pekës, “Ramaduro”, i cili është një përcaktim që i bëhet Edi Ramës për formën e një regjimi të instaluar në Shqipëri, që nuk është asgjë më tepër sesa regjimi i Maduros në Venezuelë. Në këtë kuptim, e kam shkruar edhe te Syri, rreth tre javë përpara, të njëjtin artikull, me disa diferenca të vogla. Ajo që u ka djegur shumë, sidomos regjimit, është përcaktimi që i bëhet udhëheqësit të madh global“, tha Nesho.

Kolegji Zgjedhor ka rrëzuar ankimimin e Partisë Demokratike që kërkonte përsëritjen e zgjedhjeve parlamentare në qarkun e Vlorës.

Vendimi i Kolegjit erdhi pas shqyrtimit të kërkesës së depozituar nga PD për pavlefshmëri të procesit dhe organizimin e votimeve të reja.

Pas këtij vendimi, Komisioni Qendror i Zgjedhjeve pritet të vijojë me shpërndarjen e mandateve për deputetët e dalë nga zgjedhjet e 11 majit në qarkun e Vlorës.

Sali Berisha pretendon se i janë vjedhur votat por rinumërimi i kutive në Tiranë zbuloi se Partia Demokratike kishte më shumë vota të pamerituara të cilat do ti zbriten në rezultatin final.

Pas aksidenteve të fundit, gazetari ngre alarmin dhe ndez debatet në rrjet!

Gazetari i njohur Ronaldo Sharka ka reaguar ashpër pas aksidenteve të shumta të ndodhura në Shqipëri nga përdorimi i monopatinave elektrike. Në një deklaratë të drejtpërdrejtë, ai tha:

“Nëse je mbi 18 vjeç dhe përdor një monopatin, duhet të të vijë turp!”

Deklarata e tij ka ndezur menjëherë polemika në rrjet dhe në studiot televizive. Disa gazetarë dhe figura publike nuk e kanë pritur mirë këtë koment, duke e konsideruar si gjykues dhe të tepruar.

Megjithatë, shumë qytetarë i kanë dhënë të drejtë Sharkës, duke theksuar se përdorimi i pakujdesshëm i monopatinave po kthehet në një rrezik serioz në rrugët e qyteteve shqiptare, sidomos për këmbësorët dhe fëmijët.

🛴 A duhet ndaluar përdorimi i monopatinave në Shqipëri apo thjesht duhen më shumë rregulla?

🗣️ Çfarë mendoni ju? A kishte të drejtë Ronaldo Sharka?

Shkruani mendimin tuaj më poshtë! 👇

Pak ditë më parë, ajo festoi ditëlindjen e 31-të në një festë e cila u përfol me të madhe dhe bëri shumë bujë.

E pasi e bëri rrjetin ‘rrëmujë’, aktorja e njohur Gresë Gashi ia ‘mbathi’ për disa ditë pushimesh larg Kosovës.

Ajo mori rrugë drejt Gjermanisë.

Nga çfarë kemi parë përmes rrjeteve sociale, Gresa shoqërohet nga gazetari, njëherësh mik i saj, Shëndrit Lumi.

Por, duket se më shumë arsye e çojnë Gresën në Gjermani.

Me shumë gjasë, gjysmëfinalistja e BBVK3 është në një njohje të re.

Një story e hedhur nga Lumi ka ngritur dyshime të cilat përforcohen nga disa shkrepje që kanë ardhur në adresë të Prive

Shqiptarë dëshmitarë okularë kanë kapur Gresën në një market e shoqëruar nga personi në fjalë.

“Afërsia e tyre linte të kuptohej që janë më tepër se miq”, është shprehur burimi i Prive By Liberta Spahiu.

Kurreshtja është shumë e madhe. Lidhje, njohje në fillimet e saj apo asnjëra nga këto… Presim reagimin e Gresës e cila duket e lumtur, të paktën sipas një postimi të bërë në InstaStory ku mbrëmjen e kaluar e konsideron ‘të mrekullueshme

Një studim i ri analizon qindra përvoja personale për të zbuluar përbërësit thelbësorë të një martese të lumtur, të dashur dhe jetëgjatë.

Në një botë ku marrëdhëniet shpesh testohen nga ritmi i jetës moderne, një hulumtim i fundit përpiqet të hedhë dritë mbi përbërësit që i bëjnë çiftet më të lumtura të funksionojnë. Analiza përfshin dëshmitë e 600 grave dhe ka nxjerrë në pah katër shtylla kryesore që ndikojnë drejtpërdrejt në cilësinë dhe qëndrueshmërinë e një martese.

Psikologu Dr. Mark Travers shkruan në Psychology Today se dashuria lulëzon kur ekziston ngrohtësi e sinqertë, mbështetje dhe mirëkuptim reciprok. Ja cilët janë katër faktorët që ndajnë martesat e qëndrueshme nga të tjerat:

Ndjenja e dashurisë së përditshme

Dashuria nuk është thjesht një ndjenjë abstrakte, por një përvojë e përditshme. Sipas studimit të Laura Doyle, 432 gra e përmendin dashurinë si burimin kryesor të lumturisë në martesën e tyre.

Dashuria manifestohet përmes gjesteve të vogla: një përqafim i papritur, një fjalë e ngrohtë, një ndihmë në momentin e duhur. Një rol të madh luan edhe njohja e “gjuhës së dashurisë” së partnerit – mënyra se si ai preferon të japë dhe të marrë dashuri: përmes fjalëve, kohës së përbashkët, veprimeve, dhuratave apo kontaktit fizik.

Mbështetje emocionale dhe lidhje e thellë

414 gra përmendin ndjesinë e lidhjes dhe pranisë së partnerit si themel të një marrëdhënieje të qëndrueshme. Një partner mbështetës është ai që dëgjon, kupton dhe e pranon tjetrin pa gjykim.

Studimi thekson rëndësinë e humorit dhe të vogla “ngacmimeve të dashura”, të cilat rrisin ndjenjën e afërsisë. Gjithashtu, një praktikë e dobishme është ajo që quhet “kontroll emocional javor”, ku çifti ndan në mënyrë të sinqertë si është ndier gjatë javës.

Siguri emocionale dhe ndjenjë barazie

Siguria në një martesë nuk nënkupton vetëm mbrojtje fizike, por mbi të gjitha siguri emocionale. Kur dikush ndihet i lirë të shprehë mendimet dhe ndjenjat pa frikë nga gjykimi apo refuzimi, krijohet një marrëdhënie e shëndetshme dhe e qëndrueshme.

Sipas Annual Review of Psychology, çiftet që ndajnë pushtetin në vendimmarrje, që nuk e përdorin cenueshmërinë e partnerit si armë dhe që qëndrojnë transparentë, ndërtojnë një mjedis të sigurt ku dashuria mund të lulëzojë.

Historia e përbashkët dhe kujtimet që ndërtojnë identitetin e çiftit

Çiftet më të lumtura nuk janë vetëm bashkë,  ata ndërtojnë një histori të përbashkët. Nga një shaka private, te përballimi i sfidave apo krijimi i ritualeve personale (si një darkë e përjavshme apo një udhëtim vjetor), këto momente krijojnë një ndjenjë të fortë përkatësie.

Sipas Doyle, kjo “histori marrëdhënieje” është si një album i gjallë emocional që forcon identitetin e çiftit dhe jep kuptim për të shkuarën, të tashmen dhe të ardhmen.

Konkluzioni

Martesat e lumtura nuk janë rezultat i fatit apo rastësisë. Ato ndërtohen me dashuri të përditshme, mbështetje të sinqertë, siguri emocionale dhe kujtime që i japin marrëdhënies kuptim. Çdo çift ka potencialin të krijojë këtë lloj lidhjeje – mjafton të kujdeset për këta katër përbërës jetësorë.

Në një rrëfim të rrallë dhe plot humor, aktori hollywoodian Brad Pitt ka folur hapur për jetën e tij private dhe marrëdhëniet, duke hedhur dritë mbi një temë që ka qenë shpesh objekt spekulimesh: seksualitetin e tij.

I ftuar në podkastin “Armchair Expert” të aktorit Dax Shepard, 61-vjeçari u pyet nëse kishte pasur ndonjëherë një përvojë homoseksuale. Me një buzëqeshje dhe sinqeritet, Pitt u përgjigj:
“Ndoshta e kam humbur atë dritare. Por nëse do ta kisha pasur, definitivisht nuk do të kisha qenë ti. Mund të kishe qenë i 14-ti ose i 15-ti.

Edhe Shepard iu përgjigj me të njëjtin ton shakatar:
“Nuk dua të mburrem për këtë, por do të ishte mirë të filloja me diçka më të thjeshtë. Rekomandoj përvojat për fillestarët së pari.”

Pitt, i njohur për karrierën e tij të suksesshme në kinema dhe jetën sentimentale gjithmonë në qendër të medias, ka qenë i martuar më parë me dy nga aktoret më të famshme të Hollywood-it: Jennifer Aniston dhe Angelina Jolie. Ai ka pasur gjithashtu lidhje me Gwyneth Paltrow dhe Juliette Lewis.

Aktualisht, aktori është në një marrëdhënie me Ines de Ramon, ish-bashkëshortja e aktorit Paul Wesley. Çifti ka qenë së bashku që nga fundi i vitit 2022 dhe janë parë shpesh në evente publike. Debutimi i tyre i parë zyrtar në tapetin e kuq ndodhi në Festivalin e Filmit në Venecia në shtator 2024, gjatë premierës së filmit Wolfs.

Duke komentuar për praninë e tyre të përbashkët në evente të tilla, Pitt mohoi se ajo ishte pjesë e ndonjë strategjie marketingu:
“Jo, njeri, nuk është aq e llogaritur. Nëse do të jetonit me atë lloj llogaritjeje gjatë gjithë kohës… Zot, sa shteruese do të ishte kjo? Jeta thjesht evoluon. Marrëdhëniet evoluojnë.”

Kjo është lidhja e parë serioze për aktorin që prej përfundimit të divorcit të bujshëm me Angelina Jolie në dhjetor 2024. Procesi i gjatë ligjor, që filloi në vitin 2016 dhe përfundoi vetëm pas pesë vitesh, u zvarrit për shkak të çështjeve të kujdestarisë për gjashtë fëmijët e tyre dhe mosmarrëveshjeve mbi pronësinë e një vreshtarie luksoze në Francë.