Blog

Gjatë dëshmisë së tij, Leonard Ademaj, vëllai i Liridona Ademajt, përshkroi në detaje reagimin e familjes pas ngjarjes, sjelljen e Naim Murselit pas krimit, dhe dëshminë e fëmijëve të Liridonës për natën e vrasjes, raporton Ekonomia Online.

Ademaj tha se pasi fëmijët ishin transferuar në Suedi, ai kishte kërkuar që t’i takonte dhe t’i pyeste për atë që kishte ndodhur.

“Kur kam shkuar në Suedi kam kërkuar që t’i takoj. Fjalët e djalit janë këto: ‘Hajni e ka futur dorën dhe ja ka ba mamit bam’. Po ashtu tregojnë qartë se si Naim Murseli e mbajti për dore në momentin e fundit të vrasjes,” tha ai.

Ai shtoi se fëmijët nuk kishin pranuar më kontakte me babanë e tyre.

“Që nga momenti që fëmijët kanë shkuar në Suedi, ata asnjëherë nuk kanë kërkuar as takim me babin. Të gjitha thirrjet që ja ka mundësuar gjendja për punë sociale me babin e tyre, asnjëherë fëmijët nuk i kanë pranuar. Ka arritur deri aty që fëmijët, në foto ku janë së bashku Naimi me Liridonën, e shkyen me gërshërë Naimin nga fotografia,” dëshmoi ai.

Ademaj paraqiti edhe kronologjinë e lëvizjeve të tij dhe familjarëve menjëherë pas marrjes së lajmit për vrasjen.

“Të nesërmen në mëngjes jam munduar ta kontaktoj Naimin. Pasi e kam thirrë shoferin, ai më tha që Naimi gjendet në Sëiss Hotel. Jemi nisur së bashku me djalin e agjës, djalin e dajës dhe tezakun. Kur kemi arritur atje, na thanë se Naimi është në dhomë. Ai ishte shtrirë në shtrat, kishte disa sende ushqimore në tavolinë dhe kishte porositur edhe drekën. Nga habia menduam se ishte i frikësuar, dhe kjo është mënyra si e përjeton situatën,” tha ai.

Ademaj tregoi se Murseli nuk kishte dashur të shkonte në morg për të parë trupin e bashkëshortes.

“I thashë Naimit a mundemi me shku në morg me e pa Liridonën. Ai më tha ‘jo, nuk na lejohet’. Pas 10 minutash e kam thirrur vetë spitalin dhe u kam thënë se jam vëllai i Liridonës dhe nëse janë kryer të gjitha procedurat, a mund të vijmë me pa trupin. Kemi shkuar në morg, me ne erdhi edhe Naimi me shoferin e tij. Mjeku na tha ‘nëse keni problem, mos hyni’. Aty Naimi tha ‘kam problem me zemër dhe nuk e di a mund ta shoh’. Djali i agjës insistoi që Naimi të vinte. Ai erdhi deri te dera, e pa prej dere dhe nuk hyri brenda”, tha ai.

Ai tha se edhe në vendin e ngjarjes Murseli kishte dhënë deklarata kontradiktore.

“Kur kemi shkuar në vendin e ngjarjes, me ne ishte Naimi dhe shoferi i tij. Aty deshëm të dimë se si ka ndodhur. Naimi filloi ta shpjegojë ngjarjen. Na tha se ka dalë nga ana e djathtë. Pastaj tha: ‘Jo, nuk e di a nga ana e djathtë apo e majtë’. Prapë nuk deshëm të dyshonim dhe jemi nisur për në Gjakovë. Pas nesh erdhi edhe Naimi”, tha ai.

Sipas tij, sjellja e Murselit gjatë ceremonisë mortore ishte e ftohtë dhe pa ndjeshmëri.

“Gjatë varrimit ajo që binte në sy më së shumti ishte qetësia e Naimit së bashku me Kushtrimin. Jo nga mërzia që prisnim ne të qanin, por rrinin shumë të ftohtë, po ashtu edhe në raport me mediat që ishin prezent”, tha ai.

Ai tregoi edhe për reagimin e menjëhershëm të familjes pas arrestimit të të dyshuarve.

“Nuk kaluan 30 minuta dhe pamë në gazetë se ishte arrestuar Granit Plava. Pas pak minutash morëm vesh edhe për arrestimin e Naim Murselit, pastaj edhe të Kokallës. Për ne ishte tronditës fakti që dyshimet tona u vërtetuan. Por mendja nuk na lejonte të besonim se ky krim ka ardhur nga Naim Murseli”, tha ai.

Ademaj tha se pas kësaj, familja kishte kërkuar zhvarrosjen e trupit të Liridonës.

“Të njëjtën natë kemi shkuar në polici dhe u thamë se Liridonën do ta zhvarrosim sonte. Policia na tha se është mirë të merret vendimi nga Gjykata. Të nesërmen, dalja ime në media i dha një zë shumë të fuqishëm rastit dhe e bëri më të lehtë zhvarrosjen e motrës sonë. E kemi zhvarrosur në praninë e policisë dhe mjekëve dhe e kemi rivarrosur në fshatin Rracaj, ku edhe hapëm të pamen për të pritur njerëz nga i gjithë populli shqiptar”, tha ai.

Moderatorja e njohur, Fjoralba Ponari, është rikthyer në ekranin e Top Channel, ku ishte e ftuar në “She’s on Top”.

Ajo hyri në skenë duke kënduar “Historia De Un Amor” dhe u duartrokit nga konkurrentet dhe mori komplimente të shumta nga Visjan Ukcenaj dhe Sara Gjordeni. Performanca e saj e shkëlqyer u prit me entuziazëm, duke e rikthyer atë në qendër të vëmendjes pas një muaji larg ekranit.

Pas performancës, Fjoralba falënderoi Top Channel për mikëpritjen pas një mungese 1-vjeçare. Të gjithë e dinë që një rikthim nuk është kurrë i lehtë, por ajo e përballoi me siguri dhe profesionalizëm.

Ndërkohë moderatorja e programit, Argjira Spanca, e komplimentoi Ponarin për debutimin e saj në fushën e aktrimit. “Unë kam parë filmin dhe vlen të them se nuk dukesh se je aktore për herë të parë,” i tha ajo, duke theksuar aftësinë e Fjoralbës për t’u integruar në këtë rol të ri.

Fjoralba më pas u shpreh se për këtë ka meritë shumë të madhe edhe programi më i ndjekur i humorit, “Portokalli”. “Më ka mësuar dhe më ka ndihmuar se si të sillem në situata të ndryshme, si të gjej zgjidhje, si të përshtat batutat,” tha ajo. Ky program ka luajtur një rol kyç në formimin e saj si moderator dhe si aktore.

Përpos kësaj rezulton që është edhe një pasion shumë i madh aktrimi,” vazhdoi Fjoralba. “Kam rënë në dashuri me gjithë procesin e të xhiruarit. Jam në filmin tim të dytë”, tha Ponari, e cila duket se po lulëzon në karrierën e saj në aktrim.

Ndërkohë Spanca e pyeti në lidhje me dy moderatoret e “Portokallisë”, Kiara Tito dhe Nevina Shtylla. Kjo pyetje nxit u interesin e audiencës, e cila ndjek me vëmendje çdo detaj të karrierës së moderatoreve të preferuara.

Fjoralba u shpreh se i ka uruar personalisht të dyja moderatoret kur patën debutimin e tyre në “Portokalli” dhe theksoi se “Puna ka punë sa t’ia mësosh punës.” Ajo e theksoi rëndësinë e procesit dhe se asnjë rast nuk është i thjeshtë kur vjen puna për të kaluar nga një rol në tjetrin. “Janë një sërë faktorësh që kontribuojnë edhe në performancën e moderatorëve,” përfundoi ajo.

E rëndësishme është se rritja ka qenë prezente dhe graduale nga debutimi i parë e deri në fund. “Shumë urime vajzave. E kanë dashur gjithmonë këtë projekt dhe për këtë jam jashtëzakonisht shumë e lumtur. Të dyja e kanë dashur shumë”, përfundoi Fjoralba, duke lënë të kuptohet se ndjenjat për këtë program shkojnë përtej thjesht punës.

Kryeministri Edi Rama ka komentuar gjatë mbledhjes me deputetët dhe drejtuesit e bashkisë së Tiranës aksionin e prishjes së ndërtimeve pa leje në Theth, duke theksuar se situata në këtë zonë turistike është më serioze nga sa mund të duket në pamje të parë.

Rama sqaroi se ndërhyrja e autoriteteve nuk është e drejtuar kundër personave të varfër që mund të kenë ndërtuar për mbijetesë, por kundër individëve që, sipas tij, kanë pushtuar në mënyrë të paligjshme një zonë të mbrojtur me qëllim përfitimi ekonomik. “Dua të ndalem një moment te çështja e Thethit për të adresuar disa këndvështrime që, sipas meje, meritojnë të sqarohen.

Këtu nuk bëhet fjalë për disa njerëz të shkretë, që kanë hequr bukën e gojës për të ndërtuar. Në shumë prej rasteve, nuk kemi të bëjmë as me banorë të zonës,” – tha Rama.

Kreu i qeverisë veçoi rastin e bujshëm të ndërtimeve të paligjshme para kishës historike të Thethit, duke theksuar se ata që i ngritën ato struktura nuk janë paraqitur për të pretenduar ndonjë të drejtë mbi to. “Policia e shtetit po merret me hetimin e asaj që është një pushtim kriminal i qendrës së Thethit, që është zemra dhe kartolina e njohur e këtij fshati turistik. Janë ndërtuar objekte që nuk janë për të futur kokën, por për qëllime fitimi,” – u shpreh kryeministri.

Rama u ndal gjithashtu në debatet publike rreth aksionit të IKMT-së, duke argumentuar se po tentohet të zhvendoset përgjegjësia tek institucionet shtetërore që nuk e kanë parandaluar ndërtimin pa leje në kohë. “Nuk mund të ketë një teori që amniston shkelësit e ligjit, duke ia hedhur fajin shtetit pse nuk i ka ndaluar më herët.

Sigurisht që edhe strukturat e shtetit kanë përgjegjësi dhe ajo përgjegjësi është marrë përsipër, por kjo nuk i justifikon shkeljet flagrante,” – shtoi ai.

Në përfundim, Rama riafirmoi vendosmërinë e qeverisë për të vazhduar me të njëjtën qasje në të ardhmen, me qëllim mbrojtjen e zonave të mbrojtura dhe të trashëgimisë natyrore e kulturore të vendit.

Leonard Ademaj, vëllai i Liridonës, e cila u vra nga bashkëshorti i saj, Naim Murseli, po vazhdon dëshminë e tij para Gjykatës Themelore në Prishtinë, ku po jep deklaratën e tij për ngjarjen tragjike që ndodhi në familjen e tyre.

Në pjesën e dytë, para gjyqtarit të procedurës paraprake, ai rrëfeu se si nisën dyshimet e tyre për Naim Murselin, se kishte gisht në krimin e kryer ndaj Liridonës dhe si u tronditën kur e kuptuan se ai u arrestua.

Gazetarja e Klan Kosovës, Qëndresa Tërshani, e cila po e përcjellë seancën, mes tjerash, njoftoi se Leonardi ka treguar edhe disa momente para varrimit, gjatë ceremonisë mortore dhe pas zhvarrimit.

“Kemi shku në vendin e ngjarjes, ishte edhe Naimi aty, ja nisi me na shpjegu ngjarjen.

Njëherë tha dola nga ana e djathtë, tani nuk e di a nga e majta a e djathta.

Prapë nuk donim të dyshonim, kena shku në Gjakovë, erdh edhe Naimi me i marrë fëmijët se tha kanë me dhanë deklaratë në polici.

I ka marrë fëmijët, në u përgatitëm për varrim që do bëhej në Çërmjan. Kemi shkuar të nesërmen atje për me prit ngushëllime, aty ishin edhe prindërit e Naimit e Kushtrimit, njerëzit vinin për të pamje, Naimi nuk ishte aty.

Shqipëria 2030 në BE nuk është më slogani i fushatës së Edi Ramës. Është dora e veprimit, nga Brukseli, në Paris, Berlin, Romë e Tiranë

Ka disa dhimbje, për të cilat ia vlen të shtrëngosh dhëmbët dhe të durosh për të parë rezultatin përfundimtar.

Ky mundet – ose jo – të jetë rasti, por ajo çfarë është vërtetë e qartë është se Edi Rama i ka hedhur letrat që kishte në dorë në shesh të mejdanit dhe shqiptarëve po ua thotë me zë të qartë pa e nisur ende mandatin e tij të katërt: E doni Evropën? Kjo është Evropa!

Në fillim të mandatit të tij të parë, nga foltorja e Parlamentit, Rama do të bënte bujë me një shprehje, e cila ndoshta do të rrënjësohej më shumë se çdo tjetër në fjalorin e tij politik kryeministror.

“S’keni parë gjë akoma!”.

Çdo herë që një aksion i madh pritet prej tij, pak përpara, ai e rishfaq shprehjen publikisht, qoftë për të ngritur kauza rreth qeverisjes, apo edhe për të hedhur shashka ndaj opozitës dhe për të “paracaktuar” fatin e saj.

Mirëpo një aksion i fundit masiv i një shteti të ri ligjor dhe me zero tolerancë, erdhi thuajse qorrazi, në mënyrë të beftë dhe të menjëhershme. Një aksion i gjerë për lirimin e hapësirave publike i hapi rrugë prishjes së objekteve pa leje. Më pas, erdhi radha e reformimit radikal të bashkive në gjithë vendin, me kërkesa për dorëheqje, shkarkime, apo rifreskimi të gjithë strukturës, prej drejtorëve të drejtorive, deri te nënkryetarët e bashkive.

“Janë të lodhur, shumë të lodhur, të rraskapitur”. Kështu i sheh kryeministri ata.

Por ai këtë herë po shkon përtej thjesht sensacionit, i cili ndalet një herë në Vlorë, më pas në Theth, e bën një kalim herë-herë edhe në Tiranë. Ai paraqet një reformë të gjerë dhe gjithëpërfshirëse. Kërkon reformim rrënjësor të territorit. Kërkon që diaspora të jetë pjesë e kapaciteteve të bashkive në hartimin e projekteve. Kërkon reformim të bujqësisë. Reformim të shpërndarjes së ujit. Qendër monitorimi për ndërtimet.

Por, mbi të gjitha, i vë ombrellën këtyre. Sepse ajo çfarë vërtetë Edi Rama po kërkon, është përgatitja jo vetëm e plotë, por pa asnjë cen për Integrimin.

Është e vërtetë se “symbyllazia” e gjithë 12 vjetëve të mandatit të tij mund të vihet në dyshim, së bashku me faktin se pse gjithë këto reforma, duhet të realizohen kështu, pas një duzine vitesh në Qeveri, me një mandat të hekurt në krye të vendit, me drejtimin e bashkive dërrmuese dhe me shfaqjen e një “patundshmërie dhe patolerance” në sytë e publikut.

Po kjo e ka përgjigjen në maratonën e 11 korrikut, kur përpara drejtuesve vendorë dhe me referime nga qeveria qendrore, ai e artikuloi fjalinë që duhet të ishte ngulitur më së shumti në mendjen e të gjithëve, përtej “madhështisë” së spektaklit që ofrojnë lirimet e hapësirave publike.

“Asnjë justifikim. Prej mësimeve nga gabimet, reformimi do të jetë rrënjësor”.

Sepse kjo nuk është më Shqipëria e shqiptarëve. Është Shqipëria që po nis hapin e fundit drejt Bashkimit Evropian. Shqipëria ku ligji duhet të jetë vijë e kuqe jo për qytetarin, sa për shtetin vetë.

Dhe nëse ai nuk e ka artikuluar para këtij aksioni shprehjen e tij kapilare “S’keni parë gjë akoma”, për shqiptarët duhet të jetë e qartë.

Shqipëria 2030 në BE nuk është më slogani i fushatës së Edi Ramës. Është dora e veprimit, nga Brukseli, në Paris, Berlin, Romë e Tiranë. AP

Një tërmet me magnitudë 5.2 ballë të shkallës Rihter goditi bregdetin jugor të Spanjës, sipas Qendrës Sizmologjike Euro-Mesdhetare (ESMC).

Tërmeti u regjistrua në një thellësi prej dhjetë kilometrash.

Epiqendra ndodhet 24 kilometra në lindje-juglindje të qytetit spanjoll të San Jose dhe 55 kilometra në lindje-juglindje të qytetit të Almerias.

Nuk pati raportime fillestare për viktima ose dëme materiale, dhe nuk u lëshua asnjë paralajmërim për cunami pas tërmetit.

Vëllai i Liridona Ademajt, Leonardi, po dëshmon sot para trupit gjykues në rastin e vrasjes së motrës së tij.

Ai rrëfeu momentin e rëndë kur mori lajmin për vrasjen e motrës.

“Kam qenë në lokal në fshatin tim duke punuar. Më ka thirrur bashkëshortja në telefon dhe më ka thënë: E paskan vra Liridonën. Si kishte shumë njerëz në lokal, nuk e dëgjova mirë a ishte fjala për motrën time Liridonën apo për djalin e axhës, po ashtu Liridon. Pastaj nuk vonoi shumë dhe erdhi thirrja e dytë, më tha: Hajde në shtëpi, se e kanë vra motrën tënde, Liridonën”, tha Ademaj raporton Insajderi.

Ai tregoi se pas ngjarjes kishte kërkuar dhëndrin, Naim Murselin, dhe e kishte gjetur të shtrirë në hotel, ku sipas tij, ai kishte porositur edhe drekë në ato momente, transmeton klankosova.tv.

”Rreth orës 11 provova të kontaktoj me Naimin sepse nuk e dinim ku ndodhej. E thirra Valon Lluken, më tha: “Merre numrin e shoferit me të cilin është Naimi dhe fol me të.”

E thirra Betim Podrimqakun, më tha që Naimi është në Swiss. U nisëm me djalin e axhës, dajën dhe tezakun. Na thanë se është lart në dhomë.

Ai ishte i shtrirë në shtrat, kishte disa gjëra ushqimore në tavolinë që i kishte porositur si drekë. Nga habia menduam se ishte i frikësuar, se po e përjetonte me dhimbje.

I thashë: “A mundemi me shku në morg me pa Liridonën?” Tha: “Jo, nuk na lejohet.”

E thirra vetë spitalin, i thashë: “A mundemi me ardh me pa trupin?” Shkuam, erdh edhe Naimi.

Mjeku tha: “Nëse keni ndonjë problem, mundeni me mos ardh. Naimi tha: “Kam problem me zemër, s’e di a muj me e pa.” Ai erdhi deri te dera, dhe vetëm nga dera e shikoi. Nuk hyri brenda”.

Kryeministri Edi Rama ka njoftuar se shumë shpejt qeveria do të ndërmarrë një akt normativ që do të prekë furnizimin me naftë, me synimin për të rritur kontrollin shtetëror.

Rama tha se po punohet për ngritjen e një sistemi të ri të furnizimit me naftë, ku shteti do të ketë një rol të drejtpërdrejtë në realizimin e kontratave dhe garantimin e furnizimit.

“Po punojmë intensivisht për një sistem të ri të furnizimit të naftës, domosdoshmëri dhe mundësi për të kaluar edhe te furnizimi i naftës me një komponent të ri të shtetit si protagonist në realizimin e kontratave dhe furnizimin me naftë. Që mendojmë se do të sjellë një kontroll më të madh në çmimin dhe gjithë sistemin e qarkullimit të naftës”, tha Rama.

Kujtojmë që sa herë çmimi i naftës ngrihet në bursat globale nxitojnë ta rrisin edhe në Shqipëri, por kur në bursa ulet, oligarkët e Ramës e mbajnë çmimin e pandryshuar.

📈 Pensionet në Shqipëri drejt një rritjeje historike!

Reformat që po ndërmerren nga qeveria shqiptare pritet të sjellin një ndikim pozitiv për mijëra qytetarë në vitet në vijim. Kryeministri Edi Rama ka paralajmëruar një paketë të re ekonomike që do të përfshijë:

✅ Rritje të qëndrueshme të pensioneve, veçanërisht për ata me të ardhura më të ulëta

✅ Rishikim të formulës së llogaritjes së pensionit për ta bërë më të drejtë

✅ Mbështetje shtesë për të moshuarit që jetojnë vetëm ose me ndihmë ekonomike

📌 Sipas ekspertëve, këto ndryshime mund të sjellin një përmirësim të ndjeshëm të jetesës për të moshuarit në vitet e ardhshme, duke e kthyer sistemin e pensioneve në një sistem më të barabartë dhe më të sigurt.

🗣 “Po ndërtojmë një Shqipëri më sociale dhe më të drejtë për brezat që kontribuuan gjatë gjithë jetës së tyre,” u shpreh Rama në një deklaratë të fundit.

💬 Kush ka një prind apo gjysh që pret rritjen e pensionit, le të lërë një zemër në koment!

Malësorët në veri e në jug, kanë lëshu kushtrimin, kanë thirr Kuvendet, janë mbledh paria e krerët e Bajraqeve, pashalleqeve, bejlerët, për me i dal zot vatanit, i rrezikuem prej armikut.

As serb as turk as grek, as shkja, nuk na kanë marrë trojet tona prej 500 motesh thotë Zef Vladi, trashëgimtar i Bajrakut të zonës.

Prifti në krah të malësorëve. Ata po përballen me antiligjin. Me shtetin e kapur. Me qeverinë e përdorur. Me vendorët e rrëzuem. Kanë shtet-pushtet-partinë përballë.

E në traditën e paqes ku nderi e kodi rrinë në këmbë janë kthyer te e drejta zakonore, karshi të.cilit të gjithë binden. Aty kuvendi ndahet me një seancë. Thethi thirri burrat në Kuvend.

Bajraktari dhe prifti, ata duan bekimin e Zotit kur të veprojnë. Janë të gjithë në këmbë. Mandati i Kuvendit të Maleve është i shenjtë. Nuk ka parti. Ka veç atdhe. Kullat kanë kode. Kanë asht. Kanë vatanin fe.

Në Theth, si kudo në Shqipëri po shohim se Kanuni i Lekës është bërë i domosdoshëm përballë “katundit” të Ramës për të mbijetuar.

Me 500 fjalë në një letër rruge, të Paketës së Ramë-Benetit, dy të pandehurve të mëdhenj, na u bëkërke për pesë minuta pronar i trojeve 500 vjeçare. Por këtu çudia nuk zgjat tre ditë. Janë thirr burrat nga Malësia e Diaspora dhe të gjithë janë gati me u mbledh në Dukagjin.

Vetëm ai që ka detyrë ligjin, KM nuk është gati të zbatojë ligjin e të merret vesh me vendasit. Sepse Rama ka zgjedhur baronët në vend të banorëve.

Sjellja e pushteti me armë kundër autoktonëve, sikur e kanë katundin e shefit, e po e çlirojnë është kanibalizëm. Ulërimë është plaçkitja e pronës, kudo në Vlorë, Sarandë, Ksamil, Shëngjin, Velipojë, Durrës. KM ia ka sajuar targat ndonjë “thethiani me ngjyrë” apo jo shqipfolës për të bërë pazarin e radhës. Thethi nuk është Surrel i vjedhur, as Gjipeja e klonuar e kthyer në saraj të ramajve qeveritar me VKM.

Fatkeqësisht me leje e ligje mbajtëm në kurriz 50 vite diktaturë vrasëse. Po sot me çligje të Ramës grabitja është kthyer derë për derë. Qeveri, kuvend bashki, drejtësi, ekonomi, medie, votë, Mafie, të gjitha i koordinon e kontrollon një individ.

Shteti nuk është fadromë. Kur institucionet nuk funksionojnë atëherë njerëzit, qytetarët, e kanë detyrim të ngrihen e ti ribëjnë ato. Sot Kanuni i Lekës ka mbajt rend e siguri shumë herë më tepër se “katundi” kriminal ii Ramës.

Ne e kujtojmë marrjen e frymës dhe azmën e acaruar të Kryeministrit që dihaste si maratonomik i sëmurë, kur kuksianët i dhanë kusurin traut apo kur studentët e telendisën për tre ditë. E treta mundet me prodhu lajme. Në një emergjencë kombëtare askush mos befasohet kur shqiptarët të brohorasin më me shumë dëshirë, rroftë “Kanuni”, e poshtë “Katundi…”