Vera ka ardhur zyrtarisht në Instagram!
Nga pushime luksoze te pozat me kuptim – si po e kalojnë verën femrat më të famshme të ekranit!
Temperaturat janë në rritje, por më shumë se dielli, janë vajzat e ekranit që po “djegin” rrjetin me postimet e tyre të nxehta nga bregdeti.
Marina Vjollca ka qenë një nga të parat që ka ndezur motorët verorë! Pasi shijoi pushimet në ishuj tropikal me Getoarin dhe vajzën, ajo është kthyer në bregdetin shqiptar – këtë herë për punë… por kush po e vëren produktin që reklamoi?! Të gjithë sytë ishin tek seti i saj fotografik super sensual.
Ndërkohë, Tuna po shijon një verë më të qetë, larg zhurmës së skenës. Në fotot me dy djemtë e saj, këngëtarja duket më “mom mode” se kurrë. Pa provokime këtë herë, por me shumë dashuri prindërore dhe relaks buzë detit.
Elia Zaharia, pas një ndarjeje të shumëpërfolur me Princ Lekën, duket më e qetë dhe më e përqendruar në karrierë. Por edhe ajo e ka ndalur ritmin – jo me bikini, por me veshje verore elegante, në shoqërinë e një mikeje. Minimaliste, e rezervuar, por sërish me klas.
