Ishte një nga ndarjet më të bujshme në skenën politike shqiptare: divorci i Fatos Nanos nga bashkëshortja e tij prej 27 vitesh, Rexhina Nano. Pas një kohe të gjatë në heshtje dhe larg syrit publik, Rexhina është rikthyer papritur në skenë — dhe në një mënyrë që ka ngjallur shumë kureshtje.
Leku tek Leku! Detajet e reja nga ish-gruaja e Fatos Nanos – se besoni kush i qëndron në krah!
E veshur me elegancë dhe në formë të shkëlqyer, ajo është shfaqur në një event zyrtar në Kryeministri, gjatë promovimit të librit autobiografik të Michelle Obamës, ku ka qëndruar krah për krah me askënd tjetër veçse Linda Ramës, bashkëshortja e kryeministrit aktual, Edi Rama.
Të dyja gratë janë fotografuar në sallën Cod, duke ndarë buzëqeshje dhe fjalime përshëndetëse, në një moment që duket se ka simbolikën e vet politike dhe personale.
Ky rikthim i Rexhina Nanos në qendër të vëmendjes vjen dekada pas ndarjes së saj me ish-kryeministrin Nano, i cili në vitin 2001 shpalli publikisht divorcin e tij në një intervistë televizive për “Opinion”, ku pranoi se kishte nisur procedurat për ndarje dhe kishte lidhur jetën me partneren e re, Xhoana, 21 vite më e re në moshë.
Nano, në atë kohë lider i opozitës, deklaroi se përplasjet mes jetës familjare dhe presionit politik e kishin konsumuar martesën me Rexhinën. “Unë një raporti të konsumuar i them legalisht dhe publikisht, ndal,” ishin fjalët e tij.
