Në mbyllje të Asamblesë së PS-së, Niko Peleshi foli për herë të parë si kryetar i ri i Kuvendit, pas propozimit nga kryeministri Edi Rama.
Fjalët e para të Peleshit si kryeparlamentar: “Do t’i jap hapësirë kujtdo, opozita duhet te jete e kënaqur me ndarjet e reja në Parlament!”
Peleshi premtoi hapësirë për çdo deputet dhe theksoi se Parlamenti duhet të ecë në të njëjtin ritëm me qeverinë. Ai vuri theksin tek modernizimi dhe përdorimi i teknologjisë, duke paralajmëruar se “nëse politika kthehet në arenë gladiatorësh, Shqipëria rrezikon të humbasë trenin e fundit për zhvillim dhe integrim europian.”
Sa i takon opozitës, Peleshi tha se ajo duhet të jetë e kënaqur me ndarjen e re të komisioneve parlamentare, duke theksuar se shumica i ka lënë në drejtim një komision më shumë, përfshirë atë të politikës së jashtme, i lidhur ngushtë me integrimin europian.