Një ngjarje e rëndë dhe krejtësisht e pazakontë ka ndodhur gjatë orëve të vona të natës në zonën e Don Boskos, në Tiranë. Një vajzë është dhunuar brutalisht nga disa të rinj, vetëm për shkak të një konflikti banal: kush do të kalonte i pari në rrugë.
E tmerrshme në Tiranë! Vajza rrihet nga disa djem në mes të qytetit – (VIDEO e rëndë)
Sipas dëshmitarëve okularë, ngjarja nisi si një debat verbal mes vajzës dhe disa djemve, për shkak të një bllokimi në rrugicë. Çfarë nisi si një shkëmbim fjalësh, degjeneroi shumë shpejt në një sulm fizik ndaj vajzës, e cila u qëllua në mënyrë të përsëritur.
Pamjet e siguruara nga qytetarët janë tronditëse: vajza shihet teksa përpiqet të mbrohet, ndërsa një grup djemsh e qëllojnë pa mëshirë. Fatmirësisht, disa kalimtarë ndërhynë në kohë për të ndalur më tej dhunën dhe për të shmangur ndonjë pasojë edhe më të rëndë.
Një qytetar që ndodhej aty afër ka shkruar në redaksi:
Don Bosko, pranë Kryqit të Kuq – një vajzë u rrah keq për një rrugë të bllokuar. U zunë për kalimin dhe e goditën brutalisht. E turpshme.”
Ngjarja ka ngjallur reagime të forta në rrjet dhe në komunitetin përreth, ku shumë qytetarë shprehin indinjatën e tyre për mungesën e kulturës, për rritjen e rasteve të dhunës në publik dhe për faktin se një konflikt i tillë i pakuptimtë mund të çojë në pasoja tragjike.