Presidenti amerikan Donald Trump tha të hënën se krimet që ndodhin “brenda familjes” nuk duhet të llogariten kundër rezultateve të tij për uljen e kriminalitetit në Uashington. Ai u shpreh se kundërshtarët e tij po përdorin raporte për “një zënkë të vogël me gruan” për të sulmuar përpjekjet e tij kundër krimit.
Donald Trump: Një zënkë e vogël me gruan nuk duhet të konsiderohet krim!
Gjatë një fjalimi që ai mbajti në Muzeun e Biblës në Uashington, Trump bëri disa deklarata të pasakta për nivelin e kriminalitetit në kryeqytet, ku ai ka urdhëruar marrjen në dorëzim të policisë nga autoritetet federale. Sipas The New York Times, presidenti Trump pretendoi pa prova se tani në Uashington nuk ka më krim. Megjithatë, edhe pse krimi po ulet në kryeqytet dhe kryebashkiaku e ka vlerësuar angazhimin e forcave të rendit për këtë rënie, në qytet vazhdojnë të ndodhin grabitje, sulme dhe vjedhje çdo ditë.
Vetëm të dielën pati një vrasje, gjashtë vjedhje makinash, dy sulme me armë të rrezikshme, katër grabitje dhe më shumë se 30 vjedhje të tjera, sipas statistikave të policisë.
Nuk ka krim. Ata thane se krimi ka rënë 87 për qind.”, tha Trump të hënën. “Është më shumë se 87 për qind, praktikisht asgjë.”
Ndërsa Trump ka bërë më parë deklarata të tilla të pasakta, të hënën ai dëshmoi veçanërisht zhgënjim që krimet e dhunës në familje po numëroheshin kundër tij.