Një postim i vjetër në Twitter nga aktivisti konservator Charlie Kirk ka rifituar vëmendje pasi ai u qëllua për vdekje më 10 shtator 2025 gjatë një aktiviteti publik në Utah. Në vitin 2014, Kirk kishte shkruar me ironi: “Mos vallë më qëlloi një AR-15? Kështu më duket”. Ky postim tani po interpretohet si një “parashikim” ironik, duke u rikthyer me intensitet të ri në platformën X, pas atentatit që mori jetën e tij.
Charlie Kirk u vra gjatë një debati në Utah. Një tweet i vjetër i tij nga 2014 – “Mos vallë më qëlloi një AR-15?” – po shpërndahet sërish si “profeci tragjike”.
Ngjarja e rëndë ndodhi vetëm 20 minuta pasi Kirk kishte filluar fjalimin në një debat të organizuar nga Turning Point USA, përpara një audience prej rreth 3,000 vetësh. Edhe pse autoritetet ende nuk kanë konfirmuar llojin e armës së përdorur, spekulimet publikë kanë nxjerrë në pah mundësinë e një AR-15—një pushkë gjysmë-automatike, shpesh e lidhur me masakrat me armë në SHBA.
Autoritetet kanë nisur hetimet dhe FBI-ja ka ofruar një shpërblim deri në 100,000 dollarë për informacione që çojnë në identifikimin dhe arrestimin e autores ose autorit të sulmit.