Prej ditësh, rrjetet sociale dhe faqet rozë janë mbushur me zëra për një ndarje të mundshme mes Bora Zemanit dhe Donald Veshajt. Fansat kanë vërejtur mungesën e postimeve të përbashkëta dhe menjëherë kanë nisur dyshimet: mos vallë një nga çiftet më të përfolur të showbiz-it shqiptar ka shkuar drejt fundit?
Çfarë po ndodh mes Borës dhe Donaldit? Komenti i fundit i aktorit ndez rrjetin
Por mbrëmjen e djeshme, një koment i thjeshtë – por shumë domethënës – i Donald Veshajt, i ka përmbysur të gjitha thashethemet. Në një foto të publikuar nga Bora, ku ajo shfaqet e buzëqeshur dhe elegante, Donaldi ka shkruar:
“Ça është kjo bukuri?!” – shoqëruar me emoji dashurie.
Reagimi i Borës nuk vonoi. Moderatorja i ktheu një përgjigje plot zemra të kuqe, duke treguar se mes tyre nuk ka asnjë krizë, përkundrazi, marrëdhënia duket më e fortë se kurrë.
Ky shkëmbim i ëmbël publik u shpërnda me shpejtësi nga fansat, duke ndezur komentet dhe duke sjellë mijëra reagime. Nga ajo që shihet, Bora dhe Donaldi jo vetëm që nuk janë ndarë, por duken të lumtur dhe të gatshëm ta shprehin hapur dashurinë e tyre, pavarësisht thashethemeve.
