Category: Uncategorized

Në emisionin “Fol me Psikologen” është trajtuar një rast ndryshe.

Protagonist i saj është një 40-vjeçar nga Tirana, i cili ka rrëfyer se si e gruaja që e kishte njohur që në bankat e shkollës, e me të cilën kishte dhe dy fëmijë shkone me nje tjeter.

Ai thotë se e shoqja kishte filluar të ndryshonte, nuk kishte më rutinën e përhershme, nuk kishte më të njëjtin dedikim ndaj fëmijëve, ishte bërë agresive dhe të gjitha këto e bën të dyshonte.

Fillimisht e kisha mendjen e fjetur, por pastaj ishin disa veprime te bashkëshortes që me thënë të drejtën filluan u bën aq të trasha sa filluan të më tërhiqnin vëmendjen, ndërroi rutinën e përhershme, pothuajse ndërroi gjithë gardërobën, parfumet, oraret e daljeve, shoqëri e re.

Zakonisht në orën 7, 7 e 30 unë dal me fëmijët , një ditë më qëlloi që ajo të më çonte një mesazh, që ishte e zënë dhe nuk mund t’i merrte dot fëmijët, sepse nga shkolla i merrte ajo. Nuk e vrava mendjen shumë, u shkëputa 2 orë më përpara i mora fëmijët dhe i çova në shtëpi. E prita sepse u vonua pak dhe kur erdhi filloi një grindje që s’kishte baza, më krijoi atë idenë sikur e kishte sjellë njeri me zor në shtëpi.”

40-vjeçari thotë se nuk mund ta akuzonte për dyshimet e tij pa prova dhe kjo ishte arsyeja që kontaktoi një detektiv privat. 20 ditët e pritjes së të vërtetës ishin plot ankth dhe frikë nga ajo që do të merrte vesh. Momentin e bashkëshorten e ka përjetuar si një çast frike, por edhe çlirimi.

Pas zbulimit së tradhtisë bashkëshortore ajo që e ka shokuar ishte reagimi i saj. Në gjykatë kërkoi kujdestarinë e fëmijëve dhe të gjitha provat e mbledhura nga detektivët i përdori dhe fitoi.

I ftuari tjetër në emision ka qenë drejtori i Institutit të Detektivëve Privatë, Ndue Pjetra. Ai ka folur mbi punën e detektivëve se si ata i zbulojnë të fshehtat:

“Maksimumi i kohës që na duhet për të zbuluar një tradhëti bashkëshortore është 11 apo 15 ditë, asnjë çift i dashuruar s’mund të rrijë 7 deri në 11 ditë pa u takuar me njëri-tjetrin. Ato ditë do jesh në vëzhgim gjithë kohën, por ka patur raste kur është kapur edhe për 2 orë.”

Ndue Pjetra thotë se rastet më të vështira për t’u zbuluar janë ato të politikanëve dhe biznesmenëve, ndërsa ka rrëfyer edhe raste konkrete se si gratë pasi marrin informacion prej tyre vrapojnë gjithë ankth drejt adresave se ku ndodhen bashkëshortët.

Autorja e “Fol me psikologen” Ervisa Lula së bashku me të ftuarën psikologen Lorela Garuli kanë trajtuar këtë tematikë më gjerësisht. Si fillim ato kanë theksuar shkaqet që i shtyjnë individët tek një lidhje jashtë martese dhe më pas tek pasojat që këto lidhje kanë, jo vetëm tek raporti në çift, por edhe tek e gjithë familja dhe në mënyrë të veçantë, tek fëmijët.

Juristja dhe moderatorja e njohur Eni Cobani ka bërë një deklaratë të fortë lidhur me sfidat dhe presionet që ka përjetuar gjatë viteve në emisionin “Shihemi në gjyq”.

Në një video me Ardit Gjebrean, ajo ka pranuar se ka menduar seriozisht ta ndërpresë rubrikën që ka ndihmuar mijëra qytetarë, për shkak të trysnive të shumta nga njerëz me pushtet.

Kam dashur që të mos e bëj më rubrikën ‘Shihemi në gjyq’. Unë jam një person që kam mbajtur shumë presion. Kanë dashur të mos flas. Njerëz të fuqishëm në Shqipëri iu janë afruar njeriut tim me presione shumë të forta. Kanë dashur të më shohin të rrëzuar, përtokë, që të mos flas më. Por unë jam betuar që do të marr përsipër problemet e njerëzve,” u shpreh Cobani.

Deklarata e saj ka ngjallur reagime dhe mbështetje të shumta në rrjetet sociale, duke dëshmuar edhe një herë rëndësinë që ka zëri i qytetarëve në ekran.

Ndodhi e pazakontë gjatë një eventi boksi në Tajlandë, ku një luftëtar rus i MMA-së përjetoi një moment dramatik gjatë festimit të fitores së tij.

Phuket ishte mikpritës i edicionit të katërt të VVEED Boxing, i organizuar nga Weed Boxing Championship, një promovim që po fiton gjithnjë e më shumë vëmendje në arenën ndërkombëtare. Në këtë mbrëmje u zhvilluan gjithsej tetë duele, por njëri prej tyre u bë viral për arsye që askush nuk do t’i kishte imagjinuar.

Protagonist i momentit ishte Ivan Parshikov, një luftëtar rus me përvojë në disa nga organizatat më të njohura si ONE Championship, RCC dhe ACA. Parshikov hyri në ring me një rekord prej 21 ndeshjesh profesionale, 16 fitore dhe 5 humbje, teksa e mbylli duelin me një fitore bindëse me nokaut.

Drama nisi pas përfundimit të ndeshjes. Gjatë festimit të fitores, Parshikov u ngjit mbi litarët e ringut për të entuziazmuar publikun, por kur preku një pjesë të strukturës metalike për të ruajtur ekuilibrin, u godit papritur nga energjia elektrike.

Momenti ishte tronditës, aq sa Parshikov u shtang dhe u rrëzua jashtë ringut. Për fat të mirë, ai u ngrit menjëherë në këmbë, duke treguar se nuk kishte pësuar lëndime serioze. Në një kthesë edhe më të çuditshme, ai u drejtua menjëherë nga pishina pranë ringut dhe u hodh në të, duke notuar në drejtim të kundërt, një mënyrë krejt e pazakontë për të përmbyllur një mbrëmje sportive.

Influencuesja e njohur, Rizarta Hoxha, ka dhënë së fundmi një intervistë për “Pushime On Top”, ku ka folur për jetën private dhe atë profesionale.

Moderatori i njohur, Eni Shehu, e ka ‘ngacmuar’ ish-banoren e “Big Brother VIP 4” në lidhje me çmimet që ajo merr me bashkëpunimet që bën.

A të kanë akuzuar që fryen çmimet?

Jo, madje më kanë thënë që i kam çmimet me këmbë në tokë, ose madje ca metra poshtë tokës.

Që është?

Është modeste, përshtatet me brand-et e ndryshme, nuk ua tregoj

Më thuaj një minimum dhe një maksimum?

Një minimum 500 euro dhe për maksimumin nuk kemi limite, sa të duan, sa më shumë aq më mirë.

Sa duhet të paguaj një sponsor, jo një reels po t’i bësh një film?

2 milionë euro

Ka rëndësi çfarë brand-i është?

Patjetër

Bashkëpunimi i ëndrrave?

Me Dior-in ose Chanel

Një aksident automobilistik është regjistruar mëngjesin e kësaj të shtune në Tiranë.

Drejtuesi i një taksie ka humbur kontrollin mbi mjetin e tij dhe për pasojë taksia është përplasur me barrierën anësore të rrugës dhe me një pemë.

Taksia e përfshirë në aksident i përket kompanisë “Blue Taxi”, teksa pema dhe kangjellat kanë shmangur tragjedinë, pasi makina mund të përfundonter në trotuar, duke perplasur këmbësorë që ishin në rrugën e tyre.

Nuk dihet nëse ka të lënduar apo jo, teksa Policia ndodhet në vendin e ngjarjes.

Ledri Vula është sërish në qendër të medias rozë, këtë herë për jetën e tij sentimentale. Pas një kohe të shkurtër të përfolur për një lidhje dashurie me Rina Zaitin, sipërmarrësen shqiptare që jeton mes Londrës dhe Tiranës, duket se historia ka marrë fund. Nëse i hedhim një profilit të të dyve, vëmë re se dyshja nuk e ndjek më njëri-tjetrin në rrjetet sociale, ndryshe deri nga disa ditë më parë, ku Rina dhe Ledri jo vetëm ndiqeshin, por edhe i bënin shpesh herë ‘like’ në postime.

Nuk dihet se cilat janë arsyet që dyshja është ndarë, por ajo që dihet me siguri është fakti se në mes të raportit të prishur me Rinën, është lidhja e mundshme e reperit me Xhensila Myrtezaj. Vëmendjen e publikut javët e fundit, e ka marrë afërsia në rritje mes Ledrit dhe Xhensila Myrtezajt. Dyshja janë parë së bashku në Ibiza, ku kanë pushuar për disa ditë dhe kanë ndarë foto nga vende të njëjta, duke ngjallur dyshime të reja për natyrën e marrëdhënies së tyre.

Pavarësisht se Ledri Vula u shpreh qartë në një intervistë të fundit se për të hyrë në një lidhje “duhet kimi dhe dashuri” dhe mohoi zërat për një romancë me këngëtaren Xhensila Myrtezaj, disa foto që po qarkullojnë së fundmi në rrjet po e vënë këtë deklaratë në pikëpyetje. Në imazhet që janë bërë virale, Ledri dhe Xhensila shfaqen shumë të afërt me njëri-tjetrin, në shoqërinë e një grupi miqsh. Thuhet se këto pamje janë realizuar në Ibiza. Ndërsa Xhensila përpiqet të mbulojë fytyrën me një erashkë, një detaj e tradhton: tatuazhi në dorë që e identifikon qartë. Veshur me streçe të zeza dhe crop top të njëjtë, ajo shihet duke përqafuar Ledrin, në një moment që duket mjaft intim. Edhe pse asnjëri prej tyre nuk ka reaguar për këto foto, pamjet kanë ndezur rrjetin dhe po lënë hapur shumë pikëpyetje mbi natyrën e marrëdhënies së tyre.

Nëse më parë u fol se projekti i përbashkët muzikor “Ma kthe” ishte thjesht bashkëpunim profesional, sot interpretimet janë më të guximshme. Në videoklipin e këngës ata shfaqen në skena të ngrohta, plot kimi dhe intimitet një ndjesi që, sipas ndjekësve, tejkalon kufijtë artistikë. Vetë Ledri është pyetur për marrëdhënien me Xhensilën, dhe në një intervistë të shkurtër është shprehur: “Nuk kam ç’të fsheh, por ndonjëherë është mirë të mos thuash asgjë.”

Një përgjigje që më shumë ushqen se ndalon spekulimet. Nga ana tjetër, Xhensila ka zgjedhur të mos komentojë për jetën private, duke e lënë publikun të flasë me interpretimin e vet. Ajo ka postuar fragmente nga klipi dhe momente nga Ibiza, pa përmendur as Ledrin, as ndonjë sqarim për zërat që po qarkullojnë. Për momentin, asgjë nuk është zyrtare. Por pushimet në Ibiza, shkëndijat në klip dhe heshtja publike e të dyve, vetëm sa e bëjnë historinë më intriguese. A është Xhensila arsyeja e vërtetë e ndarjes së Ledrit me Rinën? Apo thjesht rasti i një bashkëpunimi artistik që “dogji pak më shumë se duhej”? Koha do ta tregojë.

Pas gjithë kritikave që pasuan episodin e tij me Gjestin në Big Brother VIP, Jozi Marku po tregon se nuk ka ndërmend të heshtë – as në rrjete sociale dhe as në skenë.

Sonte, këngëtari konfirmoi se do të udhëtojë javën tjetër drejt Kosovës për një performancë në një dasmë, duke theksuar se “publiku kosovar e do, e fton dhe e zgjedh”

Por komentet në Instagram nuk kanë munguar. Në një story, një ndjekës i rikujtoi deklaratën e Ledri Vulës, i cili së fundmi tha se do të bashkëpunonte me Gjestin, por jo me Jozin.

Në reagimin e tij, Jozi ka ironizuar duke thënë:

“Kingjat në tufë, luani vetëm në fron.”

Një fjali që, sipas ndjekësve, nuk i drejtohet vetëm Ledrit, por të gjithëve që kanë tentuar ta përjashtojnë nga skena ose ta etiketojnë.

Pas një mungese në rrjetet sociale, Kozak Braçi, një nga figurat më të ndjekura dhe më të komentueshme të Instagramit dhe TikTok-ut – më në fund ka reaguar.

Prej disa javësh, ndjekësit e tij kanë vënë re mungesën e aktiviteteve të zakonshme, çka ka ngritur shumë pikëpyetje për gjendjen e tij.

Së fundmi, vetë Kozaku ka ndarë një story në Instagram ku sqaron arsyen e kësaj tërheqjeje nga rrjetet. A

i shkruan se është kthyer në shtëpi pas disa problemeve me familjarët e tij, që kanë përfunduar në spital. “S’kam qenë në terezi,” shprehet ai me sinqeritet, duke treguar se situata ka qenë e rëndë edhe emocionalisht.

Por ai gjithashtu premton se rikthimi i tij do të jetë i fuqishëm: “Nga sot do digjet rrjeti me emisione me mega lot,” thotë Kozaku, duke paralajmëruar një live në orën 22:00 që sipas tij do të “çudisë” ndjekësit.

Një ndjekës i drejtohet Jozit në Instagram me pyetjen që i mundon të gjithë fansat:

“Po me Loredanën vlla, se asigjo spo morim vesh, ça bëhet?”

❗️Dhe përgjigjja e tij s’ishte fare e ftohtë, përkundrazi:

“Vlla çiftet i kalojnë do faza… zihu-pajtuhu-zihu-pajtuhu. Ndryshe s’ka kuptim.”

💥 A ka më ndjenja mes tyre? Apo kjo është thjesht një mënyrë e ëmbël për të treguar që zemra s’është ftohur?

Fansat janë të bindur: Jozi dhe Loredana ende e duan njëri-tjetrin dhe kjo “ngacmim me zemër” është shenjë që historia s’ka marrë fund!

🗣 “Kush zihët, dohet”, thonë të vjetrit – dhe në rastin e tyre, duket që kemi të bëjmë me një lidhje që s’është fikur ende.

💬 A do ketë një “comeback” të çiftit më të përfolur të rrjeteve sociale? Fansat mezi presin!

Muaji korrik do të jetë një periudhë mjaft interesante për të gjitha shenjat e horoskopit që do të gjenden para kapitujve të rinj.

Sipas parashikimit të Chrysanthi Kalogerit në programin “Shije Shtëpie” në Tv Klan, klima yjore e korrikut ndikohet nga disa lëvizje të forta të planetëve që krijojnë mundësi për të papritura.

Kalimi i Uranit në shenjën e Binjakëve më 7 korrik do të ndikojë deri në nëntor. Ky kalim do të sjellë një atmosferë plot ndryshime për disa shenja. Me hënën e plotë në Bricjap më 10 korrik, shumë shenja do të përballen me përgjegjësi dhe do të duhet të bëjnë zgjedhje të rëndësishme për të ardhmen e tyre.
Ndërkohë, hëna e re në Luan më 24 korrik do të hapë mundësi për rifillime dhe baza të reja. Përveç klimës së përgjithshme, astrologia ndau parashikimin për çdo shenjë duke na udhëzuar si të shfrytëzojmë sa më mirë këtë muaj.

Chrysanthi Kalogeri: Është një muaj i rëndësishëm. Kryesorja është që në datën 7 Urani kalon në shenjën e Binjakëve. Më në fund, Demi që e kishte kaq kohë çlirohet nga një stres ku gjërat e papritura befasojnë në përditshmëri, në jetën e tij. Të lindurit në ditët e fundit do të kenë një rikthim të vogël, por më 7 korrik do të kalojë në shenjën e Binjakëve ku do të qëndrojë deri më 7 nëntor ku do të qëndrojë në gradat e fundit të Demit dhe në 2026 kalon përfundimisht në shenjën e Binjakëve. Kalon Afërdita në Binjak në datën 4 ku do të qëndrojë thuajse gjatë gjithë muajit, por më parë do të takohet me Uranin kështu që do të kemi përfitime në fillim të muajit, të papritura, takime interesante të papritura dhe dashuri me shikim të parë, por edhe ndarje, prandaj kujdes si do ta përdorni energjinë në fillim të muajit. Nga ana tjetër kemi hënën e plotë në shenjën e Bricjapit në datën 10 korrik që na vë përpara përgjegjësisë ku përmes punës, disiplinës dhe organizimit sa më të mirë të vetes, përditshmërisë, do të kemi rezultatet që duam. Në datën 18 Mërkuri kthehet në prapavijë. Kujdes që në datën 16-17 sepse kur Mërkuri është në ndalesë për t’u kthyer në prapavijë, janë ditë më të vështira sesa kur zmbrapset dhe vazhdon kursin. Komunikimet, marrëveshjet, kontratat, bëjini deri në datën 18. Kujdes deri në datën 22, klima është më e acaruar për ndarje. Hëna e re në Luan në datën 24 korrik është totalisht transformuese. Do të kemi mbylljen e një kapitulli që nuk vjen në mënyrën më ideale, por kemi ripërtëritje, ndryshim thelbësor. Mund të dëgjojmë për udhëheqës apo ngjarje më të vështira në botë.

Dashi – Korriku, një muaj shumë i rëndësishëm ku duhet të vendosni një ekuilibër midis jetës familjare, personale, karrierës dhe jetës sociale që do të jetë me kërkesa të larta me hënën e plotë më 10 korrik. Organizoni punën e përditshmërisë dhe do të shpërbleheni, madje disa nga ju mund të kenë ngritje në detyrë ose arritje të larta. Jeta personale, dashuria, krijimtaria, iniciativat, me hënën e re në datën 24 korrik janë në një klimë erotike, transformuese, mund të filloni një lidhje shumë pasionante dhe nëse doni një fëmijë, është periudha shumë e mirë. Afërdita në shtëpinë e tretë në Binjak, krijon shanse për kontakte, takime dhe promovimin e punës. Përfitoni deri në datën 18 sepse pas saj mund të hasni pengesa dhe deri në gusht do të keni rikthimin e personave nga e kaluara.

Demi – Në datën 7 korrik, çliroheni nga prania e Uranit që ju stresoi sepse doni të dini çfarë ndodh nesër, keni rutinën tuaj dhe e keni të vështirë kur prishet. Të lindurit në ditët e fundit të shenjës, para largimit përfundimtar të Uranit, në ditët e para të muajit mund të keni shanse shumë të mira në jetën tuaj erotike, personale, mund të keni dashuri me shikim të parë, përfitime financiare, të bëni një revolucion të vogël, të çliroheni nga prangat e marrëdhënies ku gjendeni. Gjatë gjithë muajit fokusohuni në sferën financiare, ku do të keni përfitime dhe shpenzime. Në datën 7 nis një fazë ku duhet të jeni parashikues sepse s’do të keni stabilitet. Hëna e plotë në Bricjap është shumë e mirë, ju afron me të dashurit, mund të udhëtoni, të jeni më largpamës. Hëna e re në Luan në datën 24 sjell ndryshime rrënjësore për të lindurit në ditët e para të shenjës. Nëse ndryshimet vijnë nga faktorë të jashtëm duhet të ruani gjakftohtësinë, ndërsa nëse vijnë nga ju, mund të ndërroni shtëpinë, por sido të jetë, ka rinovim në jetën tuaj.

Binjakët – Kalimi i Uranit në shenjën tuaj në datën 7 shënon fillimin e një periudhe 7-vjeçare për ju, për momentin do ta ndiejnë të lindurit në tri ditët e para të shenjës gjatë gjithë verës deri në fillim të nëntorit. Do të keni ndryshime në akset kryesore të jetës, por ndoshta do të ndieni nevojën për të qenë më të lirë. Nga data 4 deri në fund të muajit, Afërdita sjell shanse ideale për të arritur me lehtësi ato që ju doni të realizoni, mirëpo nga data 19-22 kujdes në marrëdhëniet personale, në problemet që mund të paraqiten në familje, akset kryesore të jetës. Mos hyni në konflikte sepse mund të keni ndarje të përkohshme. Muaji është i përshtatshëm për t’u fokusuar në sferën financiare, ku do të keni të ardhura por duhet të jeni parashikues për detyrimet. Kujdes me hënën e re në datë 24 në shenjën e Luanit, me mënyrën si gjykoni mund të ndryshoni disa plane për të ardhmen, por kujdes në vendimet që do të merrni sepse mund të jenë përfundimtare dhe duhet të dini nëse përputhen me ju.

Gaforrja – Jeni në një periudhë shumë të mirë sepse keni edhe Jupiterin, përfitoni deri vitin që vjen. Ky muaj dhe sidomos me hënën e plotë përballë jush në datën 10 sjell probleme, shanse në marrëdhënie e bashkëpunime. Nëse është momenti të merrni vendime për jetën personale, marrëdhënie e bashkëpunim, s’është koha e duhur. Duhet të fokusoheni në sferën financiare ku do të keni përfitime, por me hënën e re në Luan keni hapje, iniciativë që sjell transformim, ndaj kujdes me lëvizjet që do të bëni, të jenë të matura dhe të parashikuara. Do të keni ndihmë dhe mbështetje nga të afërmit, familja gjatë korrikut. Shfrytëzoni periudhën deri në datën 18 sepse pas saj mund të keni pengesa e vonesa.

Luani – Hëna e plotë në datën 10 vendos fokusin në planet e punës, përditshmërisë, jini korrektë, të organizuar sepse do të shpërbleheni në sferën financiare. Gjeni kohën për të çlodhur dhe për të vendosur një ekuilibër. Kryesore është hëna e re që në shenjën tuaj në datën 24, ku do të bëni një fillim të ri që do të sjellë rinovim, ndryshime kryesore në jetë, marrëdhënie dhe bashkëpunime për të lindurit në ditët e para të shenjës. Ndryshimet mund të vijnë nga faktorë të jashtëm, nga të tjerët, nga marrëdhënia, bashkëpunimet, por mund të hyjnë njerëz të rinj në jetën tuaj që do ju ndryshojnë këndvështrimin apo të ardhmen. Jeni në prag të një fillimi të ri. Keni mbështetje nga miqtë e rrethit social dhe futeni në një periudhë ku do të gjeni njerëz që i mbështesin këto synime.

Virgjëresha – Korriku është shumë pozitiv dhe Marsi në shenjën tuaj ju krijon situata stresuese, jeni më aktivë, do të realizoni shumë gjëra nëse tregoni kujdes nga data 20-22 për të lindurit në fund të 10-ditëshit të dytë dhe në fillim të të tretit. Mbroni marrëdhëniet tuaja dhe mos hyni në konflikte. Në jetën sociale, Afërdita dhe Urani sjellin suksese, nënvizon puna, vlera juaj, jeni njerëz punëtorë, por të lindurit në ditët e para kalojnë ndryshime në punë, karrierë dhe në akset kryesore të jetës. Hëna e plotë në Bricjap ju sjell shanse në jetën erotike, krijuese dhe mundësi për zhvillim social, personal e profesional. Me hënën e re në datën 24 veproni në prapavijë dhe bëni ndryshimet që i shihni të nevojshme.

Peshorja – Është një periudhë ku do të jeni të aktivizuar në jetën sociale, profesionale, karrierë, do të shkoni në evente dhe jeni të favorizuar me Jupiterin në shtëpinë e dhjetë. Hëna e plotë në Bricjap në datën 10 ju sjell përballë me probleme ose shqetësime në jetën personale dhe kjo sjell shqetësime në psikologjinë tuaj apo me pronën e shtëpinë. Një ekuilibër mes jetës personale, familjare e karrierës do të ishte ideale në korrik. Shumë pozitive për ju do të jetë hëna e plotë në Luan në datën 24, ku do të keni njohje të rëndësishme në rrjetin social që do të ndryshojë jetën personale, planet, synimet. Të lindurit në ditët e para të shenjës, jeni në fazë ndryshimi total ku mund të zhgënjeheni, por do të ndodhë për të mirën tuaj që të keni një fillim të ri pozitiv. Kujdes me personat që zgjidhni dhe hyjnë në jetën tuaj. Me Afërditën në Binjak në datën 4 ka një muaj interesant, me plane të mira për të ardhmen, me afrimitet ndaj të dashurve, do të udhëtoni dhe fillon një periudhë që do ta shihni të ardhmen me sy tjetër, madje mund të mendoni për zhvendosje jashtë shtetit.

Akrepi – Fillimi i muajit është i bukur, me shanse në marrëdhënie e bashkëpunime, do të keni takime të papritura me njerëz që do t’ju ndryshojnë jetën. Kini kujdes dhe mbroni marrëdhëniet ekzistuese, ku më të ndikuarit janë të lindurit në ditët e fundit të shenjës që duhet të kenë vëmendjen edhe në iniciativat financiare. Periudha është favorizuese në jetën profesionale e sociale, do të keni mundësi të udhëtoni. Kini kujdes në çështjet ligjore. Mund të bëni një ndryshim total të lindurit në ditët e para të shenjës në jetën sociale, karrierë. Me hënën e re në Luan në datën 24, mbyllet një kapitull dhe hapet një i ri pasi mund të ndryshoni punë apo karrierë. Çështjet që kanë të bëjnë me jetën sociale, punën, ekspozimin, kini kujdes nga data 18 dhe vendosni përpara gjërat që duhet të firmosni. Hëna e plotë në datën 10 ju jep shanse të rishikoni synimet e qëllimet, t’i organizoni, të gjeni mbështetje dhe të jeni të programuar.

Shigjetari – Një periudhë e re fillon për ju me Uranin përballë, kështu që të lindurit në ditët e para të shenjës që nga fillimi i muajit, jeni në fazë ndryshimi pozitiv në jetën personale dhe planet për të ardhmen. Me hënën e re në datën 24 jeni të ndikuar drejtpërdrejt dhe mund të bëni ndryshime në planet tuaja, të jeni më largpamës, të bëni një udhëtim që mund të jetë kryesor për të sjellë ndryshime në jetën tuaj dhe të takoni njerëz. Jini të fokusuar në sferën financiare ku do të dilni të fituar nëse jeni më parashikues. Kini kujdes nga data 20-22 me marrëdhëniet personale, shoqërore e profesionale, mos hyni në konflikte dhe kontradikta me eprorët.

Bricjapi – Një periudhë shumë e mirë për marrëdhëniet tuaja dhe me hënën e plotë në shenjën tuaj duhet të fokusoheni në jetën personale. Jeni shumë të mirë në organizim ndaj merruni me punën e përditshmërinë. Bëni një udhëtim ku do të afroheni me të dashurit tuaj. Me hënën e re në datën 24 kujdes në iniciativat që do të ndërmerrni pasi do të përcaktojnë ndryshime në portofolin tuaj, duhet të jeni shumë të kujdesshëm dhe parashikues. Me këto duhet të merreni deri në datën 18 sepse më vonë duhet t’i rishikoni dhe të rregulloni gjërat që keni lënë varur. Përditshmëria juaj do të ketë ndryshime, por do të jetë e këndshme dhe do ta shijoni.

Ujori – Kryesore për ju është hëna e re në Luan në datën 24 ku të lindurit në ditët e para të shenjës do të kenë transformim rrënjësor në marrëdhënie, bashkëpunime dhe akset kryesore të jetës. Në disa raste, këto do të vijnë nga iniciativat tuaja sepse gjendeni përpara vendimeve serioze për të ndryshuar jetën. Korriku është muaj shumë erotik, mund të afroheni me të dashurin, fëmijët apo të realizoni planet tuaja krijuese. Jini më parashikues dhe të kujdesshëm me financat dhe më të qetë nga ana psikologjike, s’ka nevojë t’i mendoni thellë gjërat. Gjatë gjithë pjesës së parë të korrikut, duhet të gjeni kohën të çlodheni, të merreni me jetën intime, shëndetin dhe të shmangni prapaskenat.

Peshqit – Korriku është shumë i mirë për ju me diellin, Jupiterin në shtëpinë e pestë, mund të kaloni bukur, afroheni me njerëzit e dashur dhe të keni shanse për krijimtarinë, jetën erotike e personale. Me hënën e plotë në Bricjap, duhet të jeni të kujdesshëm në rrjetin social, shoqëror, të pranoni ftesat, të evitoni keqkuptimet dhe të afroheni njerëzit e dobishëm për të realizuar qëllimet tuaja. Një mik mund të bëhet njeriu i zemrës. Me hënën e re në Luan do të keni ndryshime në punë, prandaj në fund të korrikut mund të pushoni dhe kur të ktheheni të gjendeni në një fillim të ri në përditshmëri. Kujdesuni për shëndetin dhe mos kini frikë./tv