Category: Uncategorized

Dhimbja për familjen Dhimaku në Sarandë është e pafund pas humbjes së dy vajzave të tyre, Elvisës 22-vjeçare dhe Rozinës 20-vjeçare, të cilat u shuan në aksidentin tragjik rrugor në Delvinë mbrëmjen e së dielës.

Dy motrat e reja nuk ishin vetëm studente e vajza me ëndrra, por edhe shembull i sakrificës. Ato punonin ditë e natë për të siguruar të ardhura që të ndihmonin vëllain e tyre të vogël, vetëm 7-vjeç, i cili vuan nga leucemia.

Në rrëfimin e tij prekës, drejtori i Drejtorisë së Shërbimeve Publike në Bashkinë Sarandë, Jolio Dine, kujtoi momentet e fundit të komunikimit me Rozinën. Ai tregoi se e njihte 20-vjeçaren, e cila kishte ngritur një strukture të improvizuar me kallama e bimë, pranë “Plazhit të Ri” në Sarandë, ku shiste produkte të thjeshta për të siguruar disa të ardhura shtesë.

“Rozina më kërkoi hapësirë për të tregtuar pranë plazhit. Më dërgoi një foto të strukturës së saj modeste, që mbartte shumë dhimbje e forcë. Ajo kurrë nuk më tha se arsyeja ishte për të ndihmuar vëllain e saj. Më tha vetëm me krenari se studionte për mjekësi, por kishte nevojë të madhe për të punuar,” – shkruan Dine.

Por sakrificat e tyre nuk mbaronin me kaq. Sipas burimeve, Rozina punonte edhe si pastruese, ndërsa Elvisa si kuzhiniere mëngjesesh në dy biznese hoteliere në Sarandë. Dy punë në ditë, përveç tregtisë ambulante, për t’i dhënë shpresë jetës së të voglit të familjes.

“Lus Allahun që Rozina dhe Elvisa të bëhen banore të Xhenetit. Dhe njëkohësisht bëj thirrje për të gjithë që të ndihmojmë sa të mundemi vëllain e tyre të sëmurë,” – përfundoi ai në postimin e tij.

Tragjedia e dy motrave ka prekur gjithë Shqipërinë, ndërsa i vetmi ngushëllim që ka mbetur për familjen është shpresa se i vogli i tyre 7-vjeçar do të të marrë trajtimin e nevojshëm për të fituar jetën.

Një shpërthim me lëndë plasëse ka ndodhur në orët e para të mëngjesit të sotëm në fshatin Gurëz, njësia administrative Fushë Kuqe, Kurbin.

Sipas Policisë së Shtetit, rreth orës 04:20, në portën e jashtme të murit rrethues të banesës së shtetases M. D. (alias M. B.) është hedhur një sasi e vogël lënde plasëse, e dyshuar si artizanale. Por dyshohet se shënjestra ka qenë këngëtari Jozi, një personazh i njohur në televizione, 

Menjëherë pas njoftimit, në vendngjarje mbërritën shërbimet e policisë dhe grupi hetimor. Nga këqyrja paraprake u konstatua se porta ishte dëmtuar lehtë si pasojë e shpërthimit.

Gjatë kontrollit në perimetrin përreth banesës, hetuesit gjetën dhe sekuestruan disa gëzhoja, të cilat sipas policisë janë në dukje të vjetra dhe janë marrë në cilësinë e provës materiale.

Njoftimi i policisë:

Vijojnë veprimet hetimore për zbardhjen e rrethanave dhe dokumentimin ligjor të ngjarjes së ndodhur në orët e para të mëngjesit të sotëm në fshatin Gurëz, Fushë Kuqe.

Me marrjen e njoftimit se rreth orës 04:20, në portën e jashtme të murit rrethues të shtetases M. D, alias M. B.,në fshatin Gurëz, Fushë Kuqe, ishte hedhur një sasi e vogël lënde plasëse e dyshuar artizanale, shërbimet e Policisë shkuan menjëherë në vendin e ngjarjes, së bashku me grupin hetimor.

Gjatë këqyrjes së vendit të ngjarjes dhe territorit përreth, rezultoi se porta e murit rrethues të banesës ishte dëmtuar lehtë nga shpërthimi i lëndës plasëse, e dyshuar artizanale.

Në vijim të veprimeve, grupi hetimor gjeti në rrugë, në afërsi të banesës, disa gëzhoja në dukje të vjetra, të cilat u sekuestruan dhe administruan në cilësinë e provës materiale.

Nën drejtimin e Prokurorisë, vijojnë veprimet e thelluara hetimore për sqarimin e rrethanave, identifikimin e autorit/ve dhe dokumentimin e plotë ligjor të rastit.

Një tjetër denoncim ka mbërritur në redaksinë tonë lidhur me skemën mashtruese të njohur si TXEX, ku qindra qytetarë pretendojnë se kanë humbur shuma të konsiderueshme parash.

Sipas qytetarëve, qendra e këtij mashtrimi ndodhet në Lezhë dhe pas saj qëndrojnë dy vëllezër, të identifikuar si Pjetër dhe Fred Kola. Denoncuesi thotë se vetëm ata të dy kanë futur mbi 1 mijë persona në këtë skemë, duke përfituar secili mbi 300 mijë euro.

Vetëm njëri prej tyre ka futur rreth 500 persona nga Lezha. Fillimisht jepnin shuma deri në 20 mijë euro për t’u fituar besimin dhe u thoshin qytetarëve të shkonin t’i tërhiqnin paratë në Lezhë ose Prizren”, thuhet në mesazhin e ardhur në redaksi.

Sipas denoncimit, vëllezërit në fjalë administrojnë një biznes makinash me qira (Rent Car Kola) thjesht si fasadë, ndërsa në realitet zotërojnë pasuri marramendëse që nuk justifikohet nga aktiviteti i tyre. Qytetarët shtojnë se policia e Lezhës i njeh mirë personat e përfshirë, por mbyll sytë ndaj veprimtarisë së tyre.

Denoncuesi pretendon gjithashtu se bëhet fjalë për një familje me pesë vëllezër, të gjithë me precedent penal, të akuzuar më parë për vrasje, grabitje dhe vjedhje. Njëri prej tyre, i njohur me nofkën “Akrepi”, mësohet se ka qenë pjesë e një bande të njohur dhe ka vuajtur 14 vite burg.

Sipas qytetarëve, prej më shumë se një viti në Lezhë kjo skemë ka tërhequr investime të shumta, madje disa persona kanë shitur makina dhe pasuri të tjera vetëm për të futur paratë në TXEX.

Denoncuesit apelojnë që autoritetet të veprojnë menjëherë, duke hetuar pasuritë, lidhjet dhe veprimtarinë e këtyre personave, përndryshe, sipas tyre, qindra familje do të vazhdojnë të bien pre e mashtrimeve.

Mesazhi i plotë i qytetarit:

“Përshëndetje JOQ. Në lidhje me lajmin që nxorët për TXEX, kisha një informacion nga njerëz të mi që kanë ‘investuar’ para aty, por edhe kanë tërhequr shuma të konsiderueshme, mbi 10 mijë euro. Të gjithë e dinin që një ditë do mbyllej, kështu që kush ishte i zgjuar i tërhoqi lekët para 15 gushtit. Por ajo që doja të thoja është që personat dihet kush e kanë në Lezhë. Kështu që policia e ka shumë kollaj, por nuk duan.

500 persona nga Lezha i ka futur vetëm njëri nga ata (janë dy vëllezër). Qendra e këtij mashtrimi është në Lezhë. E kanë Pjetër Kola dhe Fred Kola. Të dy bashkë mund të kenë futur mbi 1 mijë persona vetëm në Lezhë. Secili nga këta të dy ka bërë mbi 300 mijë euro. Lekët deri në 20 mijë ua japin njerëzve për besim dhe u thonë: ‘Merrini në Lezhë ose në Prizren’. Të dy janë me precedentë të mëparshëm kriminalë. Kanë makina me qira vetëm për kamuflim (Rent Car Kola), por kanë pasuri marramendëse që nuk e justifikon ai biznes.

Në Lezhë ka një vit TXEX dhe di raste që kanë shitur makina e gjëra me vlerë për t’i investuar aty. Policia e Lezhës i njeh mirë, sepse edhe makinat me qira i kanë pa letra, pa asnjë dokumentacion, dhe mbyllin sytë e veshët me 50 mijë lekë. I respekton policia në maksimum.

Janë pesë vëllezër. Të gjithë kriminelë me akuza për vrasje. Njëri ka bërë 14 vite burg. Të tjerët nga disa vite. Njëri nga ata quhet ‘Akrepi’ (nga banda e vet Akrepi) dhe i mbajnë për ‘të fortët’ nga Mirdita. Hajdutë të mirëfilltë jashtë shtetit, nëpër shtëpi. Janë informacione që i di edhe shteti, por nuk u bën gjë sepse marrin lekë.”

Prej shekujsh, Trekëndëshi i Bermudës ka qenë një nga misteret më të famshme të botës.

Zona trekëndore që shtrihet mes Majamit, Porto Rikos dhe ishullit Bermuda është përmendur si vendi ku mbi 50 anije dhe rreth 20 avionë janë zhdukur në mënyrë misterioze gjatë shekujve, sipas Enciklopedisë Britannica.

Madje edhe Kristofor Kolombi ka raportuar dukuri të çuditshme në këtë hapësirë gjatë udhëtimit të tij drejt “Botës së Re”.

Por sipas një shkencëtari britanik, zgjidhja e këtij misteri nuk ka lidhje me portale ndërdimensionale, krijesa detare gjigante apo vizitorë nga hapësira. Dr. Simon Boxall, oqeanograf në Universitetin e Southampton, beson se shkaku janë valët e egra.

Zgjidhet pas 538 vitesh misteri i Trekëndëshit të Bermudës

Në një simulim, ekipi i tij rindërtoi rastin e anijes amerikane USS Cyclops, e cila u fundos në vitin 1918 në këtë zonë duke marrë me vete 309 jetë.

“Nëse stuhitë nga jugu dhe veriu bashkohen dhe mbi to shtohen ato që vijnë nga Florida, mund të krijohen formacione jashtëzakonisht të rrezikshme të valëve të egra”, shpjegoi ai për një dokumentar të Channel 5.

Këto valë, që mund të arrijnë mbi 30 metra lartësi, sipas tij, janë aq të fuqishme sa mund ta përkulnin një anije gjigante deri në “thyerje në dy pjesë”, duke e fundosur për vetëm pak minuta.

Megjithatë, jo të gjithë shkencëtarët pajtohen.

Administrata Kombëtare Oqeanike dhe Atmosferike e SHBA-së (NOAA) vlerëson se shumica e zhdukjeve mund të shpjegohen nga faktorë mjedisorë, si numri i madh i ishujve në Karaibe dhe zonat e cekëta, që shpesh përbëjnë rrezik për lundrimin.

Pasditen e kësaj të marte, në orën 19:03, një tërmet me magnitudë 3.5 të shkallës Rihter ka lëkundur Shqipërinë, duke shkaktuar shqetësim te qytetarët, kryesisht në juglindje të vendit. Epiqendra e tërmetit është regjistruar në Korçë, një zonë e njohur për aktivitet sizmik të shpeshtë, ndërsa lëkundjet janë ndjerë qartë edhe në Pogradec, ku banorët raportojnë dridhje të lehta por të dallueshme.

Detajet e tërmetit

Sipas të dhënave të para nga Instituti i Gjeoshkencave dhe raportimeve lokale:

• Ora: 19:03
• Magnituda: 3.5 Rihter
• Epiqendra: Qarku i Korçës
• Ndikimi: Lëkundjet u ndjenë edhe në Pogradec dhe zonat përreth

Ky tërmet është klasifikuar si një lëkundje e lehtë, e cila rrallëherë shkakton dëme materiale, por shpesh perceptohet fort nga popullata, sidomos në zonat urbane dhe ato afër epiqendrës. Deri më tani nuk raportohet për dëme apo persona të lënduar.

Pse Korça është shpesh epiqendër tërmetesh?

Korça dhe zonat përreth saj janë një ndër zonat më aktive sizmikisht në Shqipëri. Kjo lidhet me faktin se Shqipëria ndodhet në një rajon ku pllakat tektonike të Afrikës dhe Euroazisë ushtrojnë presion mbi njëra-tjetrën, duke krijuar lëkundje të shpeshta. Korça, për shkak të pozicionit gjeologjik, ka qenë disa herë epiqendër tërmetesh të përmasave të ndryshme, duke filluar nga lëkundjet e lehta si kjo e mbrëmjes së sotme, deri te ato më të forta që kanë lënë gjurmë në të kaluarën.

Si e përjetuan banorët?

Në rrjetet sociale dhe raportimet mediatike, qytetarët nga Korça dhe Pogradeci kanë treguar se lëkundjet u ndjenë si një dridhje e fortë dhe e shpejtë, e cila zgjati disa sekonda. Disa banorë kanë dalë në rrugë, një reagim i zakonshëm kur ndihen tërmete në orët e vona. Megjithatë, paniku ka qenë i kufizuar, pasi magnituda 3.5 konsiderohet brenda kufijve të sigurisë.

Çfarë duhet të dini për një tërmet 3.5 Rihter?

Një tërmet me magnitudë 3.5 është i klasifikuar si i lehtë. Ai mund të ndihet si një dridhje e qartë, sidomos në ndërtesa të larta apo në zonat afër epiqendrës, por rrallë shkakton dëme strukturore. Shpesh, tërmetet e kësaj shkalle shërbejnë si kujtesë për banorët që Shqipëria është një vend me aktivitet të rregullt sizmik.

Si të veproni në raste tërmeti

• Edhe kur lëkundjet janë të lehta, është e rëndësishme të dini disa rregulla bazë sigurie:
• Mos u panikoni: Paniku është shpesh më i rrezikshëm se vetë tërmeti.
• Qëndroni larg objekteve që mund të bien: Libraritë, raftet apo mobiliet e larta mund të shkaktojnë dëme.
• Nëse jeni brenda: Strehohuni nën një tavolinë të fortë ose pranë një muri mbajtës.
• Nëse jeni jashtë: Qëndroni larg ndërtesave, kabllove elektrike dhe pemëve të larta.
• Pritni pasgoditje të lehta: Shpesh pas një tërmeti kryesor, regjistrohen dridhje më të vogla.

Një kujtesë për gatishmërinë

Ky tërmet, edhe pse i lehtë, është një sinjal për nevojën e përgatitjes ndaj ngjarjeve të tilla natyrore. Ekspertët kujtojnë se Shqipëria ka përjetuar tërmete shumë më të forta, si ai i 26 nëntorit 2019 me magnitudë 6.4 Rihter që shkaktoi dëme të mëdha dhe humbje jete. Kjo tregon se gjithmonë duhet të jemi të vetëdijshëm dhe të gatshëm për t’u mbrojtur në rast të një ngjarjeje të ngjashme.

Tërmeti i mbrëmjes së sotme në Korçë, me magnitudë 3.5 Rihter, nuk ka shkaktuar dëme, por ka rikujtuar edhe njëherë faktin se Shqipëria mbetet një vend me rrezik sizmik të lartë. Për banorët, ky ishte një moment i shkurtër shqetësimi, por edhe një thirrje për të mos e marrë lehtë përgatitjen ndaj fatkeqësive natyrore. Një dridhje që zgjati vetëm pak sekonda mjaftoi për të kujtuar rëndësinë e sigurisë dhe të solidaritetit në momente të tilla.

Pasditen e kësaj të marte, në orën 19:03, një tërmet me magnitudë 3.5 të shkallës Rihter ka lëkundur Shqipërinë, duke shkaktuar shqetësim te qytetarët, kryesisht në juglindje të vendit. Epiqendra e tërmetit është regjistruar në Korçë, një zonë e njohur për aktivitet sizmik të shpeshtë, ndërsa lëkundjet janë ndjerë qartë edhe në Pogradec, ku banorët raportojnë dridhje të lehta por të dallueshme.

Detajet e tërmetit

Sipas të dhënave të para nga Instituti i Gjeoshkencave dhe raportimeve lokale:

• Ora: 19:03
• Magnituda: 3.5 Rihter
• Epiqendra: Qarku i Korçës
• Ndikimi: Lëkundjet u ndjenë edhe në Pogradec dhe zonat përreth

Ky tërmet është klasifikuar si një lëkundje e lehtë, e cila rrallëherë shkakton dëme materiale, por shpesh perceptohet fort nga popullata, sidomos në zonat urbane dhe ato afër epiqendrës. Deri më tani nuk raportohet për dëme apo persona të lënduar.

Pse Korça është shpesh epiqendër tërmetesh?

Korça dhe zonat përreth saj janë një ndër zonat më aktive sizmikisht në Shqipëri. Kjo lidhet me faktin se Shqipëria ndodhet në një rajon ku pllakat tektonike të Afrikës dhe Euroazisë ushtrojnë presion mbi njëra-tjetrën, duke krijuar lëkundje të shpeshta. Korça, për shkak të pozicionit gjeologjik, ka qenë disa herë epiqendër tërmetesh të përmasave të ndryshme, duke filluar nga lëkundjet e lehta si kjo e mbrëmjes së sotme, deri te ato më të forta që kanë lënë gjurmë në të kaluarën.

Si e përjetuan banorët?

Në rrjetet sociale dhe raportimet mediatike, qytetarët nga Korça dhe Pogradeci kanë treguar se lëkundjet u ndjenë si një dridhje e fortë dhe e shpejtë, e cila zgjati disa sekonda. Disa banorë kanë dalë në rrugë, një reagim i zakonshëm kur ndihen tërmete në orët e vona. Megjithatë, paniku ka qenë i kufizuar, pasi magnituda 3.5 konsiderohet brenda kufijve të sigurisë.

Çfarë duhet të dini për një tërmet 3.5 Rihter?

Një tërmet me magnitudë 3.5 është i klasifikuar si i lehtë. Ai mund të ndihet si një dridhje e qartë, sidomos në ndërtesa të larta apo në zonat afër epiqendrës, por rrallë shkakton dëme strukturore. Shpesh, tërmetet e kësaj shkalle shërbejnë si kujtesë për banorët që Shqipëria është një vend me aktivitet të rregullt sizmik.

Si të veproni në raste tërmeti

• Edhe kur lëkundjet janë të lehta, është e rëndësishme të dini disa rregulla bazë sigurie:
• Mos u panikoni: Paniku është shpesh më i rrezikshëm se vetë tërmeti.
• Qëndroni larg objekteve që mund të bien: Libraritë, raftet apo mobiliet e larta mund të shkaktojnë dëme.
• Nëse jeni brenda: Strehohuni nën një tavolinë të fortë ose pranë një muri mbajtës.
• Nëse jeni jashtë: Qëndroni larg ndërtesave, kabllove elektrike dhe pemëve të larta.
• Pritni pasgoditje të lehta: Shpesh pas një tërmeti kryesor, regjistrohen dridhje më të vogla.

Një kujtesë për gatishmërinë

Ky tërmet, edhe pse i lehtë, është një sinjal për nevojën e përgatitjes ndaj ngjarjeve të tilla natyrore. Ekspertët kujtojnë se Shqipëria ka përjetuar tërmete shumë më të forta, si ai i 26 nëntorit 2019 me magnitudë 6.4 Rihter që shkaktoi dëme të mëdha dhe humbje jete. Kjo tregon se gjithmonë duhet të jemi të vetëdijshëm dhe të gatshëm për t’u mbrojtur në rast të një ngjarjeje të ngjashme.

Tërmeti i mbrëmjes së sotme në Korçë, me magnitudë 3.5 Rihter, nuk ka shkaktuar dëme, por ka rikujtuar edhe njëherë faktin se Shqipëria mbetet një vend me rrezik sizmik të lartë. Për banorët, ky ishte një moment i shkurtër shqetësimi, por edhe një thirrje për të mos e marrë lehtë përgatitjen ndaj fatkeqësive natyrore. Një dridhje që zgjati vetëm pak sekonda mjaftoi për të kujtuar rëndësinë e sigurisë dhe të solidaritetit në momente të tilla.

Deputeti i ri i PD Klevis Balliu, ka folur me gjuhën e Berishës, teksa është shprehur se zgjedhjet e 11 majit përbëjnë një “masakër elektorale”, duke akuzuar qeverinë për manipulim të rezultatit zgjedhor.

Ndërkohë që më tej Balliu u shpreh se kjo opozitë ka nevojë për protesta dhe jo për mitingje, duke nënkuptuar pakënaqësinë e tij me mitingjet e deritashme të organizuar nga opozita nën drejtimin e Berishës.

“Opozita ka nevojë të bëjë protesta, jo mitingje …Kur një qeveri nuk lejon zgjedhje dhe vjen në pushtet si rezultat i aferave dhe lidhjeve me krimin, ajo i përgjigjet nevojave jo të qytetarëve, por të bandave” tha Balliu.

Kujtojmë se Berisha u rikthye me premtimin se do ta rrëzonte Edi Ramën me revoltë popullore, mirëpo humbi zgjedhjet e 11 Majit me rezultatin më të dobët që kishte marrë ndonjëherë Partia Demokratike

Dhimbja e kësaj familjeje është e papërshkrueshme. Pas aksidentit të tmerrshëm ku humbën jetën dy vajzat e tyre të mitura, prindërit sot po përballen me një tjetër betejë të madhe: shpëtimin e djalit të vogël 10-vjeçar, i cili vuan nga një sëmundje e rëndë.

Ata bëjnë apel për ndihmë që fëmija të mund të dërgohet jashtë vendit për kurim, duke i dhënë shpresë jetës së tij. Historia e kësaj familjeje është aq e dhimbshme sa duket sikur dy vajzat u flijuan për të shpëtuar vëllain e tyre – një sakrificë që prek zemrat e kujtdo.

🙏 Një histori që duhet bërë film, një thirrje që nuk duhet lënë pa përgjigje.

Dhimbja e madhe ka kapluar familjen e dy motrave Dhimaku që humbën jetën tragjikisht në aksidentin në Sarandë pasi makina e tyre u aksidentua nga makina e 23 vjeçarit, Kevin Norra, i cili rezultoi se ishte nën efektin e alkoolit.

Elvisa dhe Rezina kishin dalë mbrëmjen e 24 gushtit nga shtëpia për të shkuar në Sarandë, aty ku punonin për të ndihmuar familjen, por 30 minuta pas largimit nga banesa, familjarët u njoftuan për tragjedinë.

Ndërsa fjalë nuk kanë për të përshkruar tragjedinë që po përjetojnë, halla, xhaxhai dhe daja i vajzave duke folur për korrespondentin e Top Channel Mikel Marsi, bëjnë apel që të ndihmohet familja për kurimin e djalit të tyre të vetëm 7 vjeçar, i cili vuan nga leuçemia.

Ata thonë se ai ende nuk e di lajmin e vdekjes së dy motrave, ndërsa e kanë larguar edhe nga banesa për të mos kuptuar ende se çfarë ka ndodhur. Ata shtojnë se më i vogli i familjes ishte shumë i lidhur me dy motrat e tij, 22 dhe 20 vjeçe, dhe se i druhen përkeqësimit të shëndetit të tij kur të mësojë humbjen e tyre.

“Jetojmë në këtë dhimbje kaq të madhe, nuk mund të flas shumë. Dy çupat më ikën, nuk kthehen më. Në mbrëmje çupat kishin dalë për të shuar në punë. Punonin dy punë për shërimin e vëllait. Erdhën në shtëpi nga puna, u qetësuan dhe u nisën për punë sërish se punonin në Sarandë, shisnin misra…. 30 minuta pasi ikën erdhi lajmi. Ikën!

Djali nuk di gjë për këtë, ai ishte shumë i lidhur me to. E kemi larguar nga shtëpia. Kushdo që mundet të na ndihmojë që të kurojmë djalin, dhe ta shpëtojmë”, u shpreh halla e tyre mes lotësh.

Është një skenar makthi – të ndjekesh dhe të sulmohesh nga një ari gjigant – por për Jeremy Evans, 39 vjeç, kjo ishte një përvojë reale.
Babai nga Alberta e Kanadasë ndodhej në malet “Rockies” kur ndodhi incidenti i tmerrshëm që e la me lëndime të rënda.

Në gusht të vitit 2017, Jeremy kishte ndalur për të parë disa dele që kullosnin, kur pa një këlysh ariu aty pranë. Pas pak dëgjoi një degë që u thye dhe papritur iu shfaq një ari grizzly, rreth 140 kilogramë.

Ai tregoi për Daily Mail:

“Me një goditje të vetme më kapi fytyrën nga cepi i majtë poshtë deri në anën e djathtë, duke ma shqyer të gjithë fytyrën – hundën, veshin e djathtë, gjithçka. Filloi të kafshonte pjesën e pasme të kokës sime, si qeni kur përtyp një kockë. Pastaj nisi të shqyente e të këpuste gjithçka.”

I gjakosur rëndë, Jeremy tentoi t’i jepte fund jetës me pushkën e tij, por ajo nuk u shkrep. Kur e uli për të provuar sërish, arma u shkrep rastësisht, duke i shpëtuar për pak. Nga frika dhe dhimbja, ai ra 60 metra poshtë në një përroskë të shkëmbinjve.

I bindur se nuk do t’i mbijetonte, nxori telefonin për t’i dërguar mesazhe lamtumire bashkëshortes, por nuk kishte sinjal. Në vend të kësaj, vendosi të dëgjonte muzikë. Kur shtypi “shuffle”, kënga e parë që u luajt ishte “Baby Shark”.
Një zgjedhje ironike në mes të makthit!

Por, siç thotë Jeremy, kjo këngë i dha forcën për të vazhduar, sepse i kujtoi familjen dhe vajzën e tij të vogël që e dëgjonte çdo natë para gjumit.

“Nuk e di nëse ishte kënga që luante pa pushim, apo mendimet për bashkëshorten dhe vajzën, por fillova të zvarritesha. Arrita të ngjitesha përsëri në shteg,” tregoi ai për UNILAD.

Pas shumë mundimesh, arriti deri te një kamp i braktisur ku shkroi një shënim për ngjarjen dhe më pas, mes dhimbjeve të tmerrshme, arriti te makina e tij dhe vetë e drejtoi deri te një resort tjetër. Aty u shpëtua dhe u dërgua me helikopter në spital.

Mjekët e futën menjëherë në dy operacione madhore nga 13 orë secili, për të shpëtuar fytyrën. Në total, Jeremy ka kaluar pesë operacione të mëdha dhe 15 ndërhyrje më të vogla, duke pasur nevojë për rreth 1,000 qepje dhe 1,000 kapëse metalike.
Ai kujton: “Syri i majtë më varej jashtë zgavrës, i kthyer poshtë.

Për të parë, duhej ose ta ngrija syrin me dorë ose ta hidhja kokën shumë mbrapa. E preka fytyrën dhe asgjë nuk ndjehej më si më parë. Noçka më varej dhe gjithë dhëmbët ishin zbuluar.”

Përveç dëmtimeve, Jeremy mbeti me PTSD (çrregullim post-traumatik), që i shkaktohet ende nga tingulli i akullit që çahet apo era e gjakut.
Sot, ai po përpiqet të mbledhë 5 milionë dollarë për kërkime mbi PTSD dhe ka shkruar librin “Mauled” ku tregon përvojën e tij.

“Kur i vendos vetes qëllime të vogla, arrin gjëra të pabesueshme,” thotë ai.
“Familja është gjithmonë e para. Dhe të kërkosh ndihmë psikologjike nuk është dobësi, është forcë. Sepse kur nuk je mirë mendërisht, nuk mund të kujdesesh për familjen.”

Mrekullisht, Jeremy është rikthyer sërish në të njëjtat pyje dhe madje ka parë përsëri arinj grizzly. Ai thotë se ka një “ndjenjë të mirë” që ka arritur të mbijetojë dhe të kthehet gjallë.