Drejtori i Përgjithshëm i Policisë së Shtetit, Ilir Proda, ka njoftuar sot shkarkimin nga detyra të Drejtorit të Policisë Vendore në Shkodër, Fatmir Lleshaj, si dhe Shefit të Komisariatit të Policisë Shkodër. Vendimi vjen si pasojë e situatës së krijuar në Theth me ndërtimet pa leje, e cila ka shkaktuar tension dhe përplasje mes banorëve dhe forcave të IKMT-së.
Në një deklaratë për mediat, Proda theksoi se drejtuesit e policisë kanë për detyrë të mbajnë nën kontroll territorin dhe të jenë të informuar për çdo zhvillim brenda tij. Ai njoftoi gjithashtu pezullimin e menjëhershëm nga detyra të Shefit të Stacionit të Policisë Theth dhe nisjen e procedurës disiplinore ndaj tij për shkelje të rëndë. Proda shprehu bindjen se mosveprimi i këtij funksionari e ka çuar atë jashtë radhëve të Policisë së Shtetit, pavarësisht denoncimit të mëparshëm të policisë në prokurorinë e Shkodrës për ndërtimet pa leje, ku prokurorja nuk nisi procedim.
Masa disiplinore janë iniciuar edhe ndaj inspektorit të zonës dhe specialistit të krimeve, të cilët gjithashtu nuk konsiderohen më të denjë për të qenë pjesë e Policisë së Shtetit.
Proda sqaroi se pavarësisht se Policia e Shkodrës e ka referuar çështjen e ndërtimeve pa leje në prokurori, përgjegjësia nuk mund të mbetet vetëm e shefit të stacionit, inspektorit të zonës apo specialistit të krimeve, por shtrihet edhe tek Drejtoria e Qarkut të Shkodrës.
Menjëherë pas shkarkimeve, Ilir Proda ka emëruar Gentjan Berberin në postin e Drejtorit të Policisë së Shkodrës. Ai theksoi se nëse shefi i komisariatit nuk di jo vetëm për ndërtimet pa leje, por edhe për detaje të tjera si numri i karrigeve të lokaleve apo çadrave të plazhit, ai nuk mund të qëndrojë në atë detyrë. Këto masa të Drejtorit të Përgjithshëm të Policisë tregojnë për një qasje të ashpër ndaj përgjegjësisë së strukturave policore në lidhje me zbatimin e ligjit në territor.
Juliana Nura, një nga personazhet më të komentuar të showbiz-it shqiptar, ka ndarë së fundmi me ndjekësit e saj në Instagram një kujtim të veçantë nga e kaluara.
Përmes një InstaStory, ajo ka publikuar një foto të vjetër, duke zbuluar se si dukej para 15 vitesh. Në imazh, Juliana shfaqet e ulur mbi një motor, e veshur me rroba të zeza, duke ruajtur një stil të guximshëm dhe sensual. Pamja e saj bie në sy jo vetëm për paraqitjen, por edhe për lindjen trupore seksi, që e ka karakterizuar gjithmonë.
Juliana vazhdon të mbetet një nga emrat më të ndjekur dhe të komentuar në mediat online, duke dëshmuar se koha vetëm e ka forcuar praninë e saj në publik.
Milano është tronditur nga një ngjarje e rëndë me përmasa tragjike që ndodhi mëngjesin e së enjtes në zonën Corvetto, në Via Scheiwiller. Një burrë 44-vjeçar vrau me thikë nënën e tij 73-vjeçare, e më pas vendosi t’i japë fund jetës duke u hedhur nga kati i tetë i pallatit ku jetonin.
Sipas mediave italiane, alarmi u dha nga banorët e lagjes, të cilët panë trupin e burrit të shtrirë në trotuar dhe njoftuan menjëherë autoritetet. Në vendngjarje mbërritën zjarrfikësit, policia dhe ambulanca. Gjatë ndërhyrjes së shpejtë në banesë, efektivët e policisë bënë një zbulim makabër: në një nga dhomat e apartamentit ndodhej trupi i pajetë i të moshuarës, me plagë të shumta thike.
Brenda apartamentit u gjetën gjurmë të dukshme gjaku dhe rrëmujë në disa prej dhomave, ndërsa nuk ka asnjë shenjë që të sugjerojë përfshirjen e një personi të tretë. Hetuesit dyshojnë se ngjarja ka ndodhur në një moment krize psikologjike të të birit, megjithatë motivet mbeten të paqarta.
Sipas informacioneve paraprake, 44-vjeçari dhe e ëma jetonin bashkë në apartament prej shumë vitesh. Fqinjët janë shprehur të tronditur nga ngjarja, duke thënë se nuk kishin vënë re asnjë shenjë të konflikteve apo problemeve të hapura mes tyre.
Autoritetet kanë nisur hetimet për të zbardhur dinamikën e plotë të kësaj tragjedie, ndërsa pritet autopsia për të përcaktuar orarin dhe mënyrën e saktë të vdekjes së nënës, si dhe të konfirmohet hipoteza e vetëvrasjes për djalin.
Ngjarja ka ngritur shqetësim të madh në opinionin publik italian, duke rikthyer në vëmendje problematikat e shëndetit mendor dhe dhunës brenda familjes.
Një zbulim makabër brenda apartamentit Zjarrfikësit dhe efektivët e policisë, duke dyshuar për një ngjarje të rëndë, u drejtuan menjëherë në apartamentin nga i cili dyshohej se burri ishte hedhur. Kur hynë në shtëpi, skena që panë ishte tronditëse: në një nga dhomat gjendej trupi i pajetë i nënës së tij, e cila ishte therur me thikë në pjesë të ndryshme të trupit.
Sipas burimeve të policisë italiane, gratë kishte plagë të shumta në zonën e kraharorit dhe barkut. Në shtëpi u gjetën gjithashtu gjurmë të shumta gjaku dhe rrëmujë, çka sugjeron se ka pasur një përleshje të dhunshme përpara se burri të ndërmerrte aktin fatal të vetëvrasjes.
Hipotezat e para: një akt i dhunshëm në kushte të rënda psikologjike Hetimet janë ende në fazë paraprake, por sipas burimeve nga Prokuroria e Milanos, nuk ka asnjë provë që të sugjerojë përfshirjen e një personi të tretë në ngjarje. Pista kryesore e hetimit është ajo e një vrasjeje të ndodhur në kushte të rënduara psikologjike, ndoshta pas një konflikti të brendshëm ose një krize të rëndë emocionale.
Sipas fqinjëve, 44-vjeçari jetonte prej vitesh me të ëmën në atë apartament. Ai njihej si një njeri i qetë, ndonëse nuk kishte shumë kontakte me komunitetin. Asnjë shenjë e qartë e konflikteve familjare nuk ishte vënë re më parë. Dëshmitarët tregojnë se nuk ishin dëgjuar ulërima apo zhurma të pazakonta gjatë natës apo mëngjesit.
Policia po heton në dy drejtime: së pari, për të kuptuar nëse burri vuante nga ndonjë sëmundje mendore apo kishte pësuar ndonjë tronditje të thellë personale që mund ta ketë shtyrë drejt aktit ekstrem; së dyti, për të rindërtuar me saktësi kronologjinë e ngjarjes – nëse vrasja ndodhi gjatë natës apo në mëngjes, përpara se të hidhej nga ballkoni.
Reperi i njohur shqiptar, Noizy, është ndaluar të shtunën në aeroportin e Zyrihut në Zvicër me urdhër të Prokurorit Publik për Krime të Rënda dhe të Dhunshme.
Sipas mediave vendase, përkatësisht “Watson.ch”, autoritetet kanë kërkuar vendosjen e masës së paraburgimit ndaj artistit, pa bërë të ditur detaje specifike mbi çështjen për të cilën po hetohet.
Në artikull thuhet se ndaj Noizyt rëndojnë disa vepra penale dhe se janë duke u zhvilluar procedura të ndryshme ligjore, ndërkohë që ai ndodhet në Zvicër që prej ditës së shtunë, ku kishte planifikuar të performonte në një nga klubet e natës.
Aktualisht nuk është marrë ende një vendim përfundimtar mbi çështjen.
Siç thekson media zvicerane, prezumimi i pafajësisë qëndron në fuqi deri në një vendim të formës së prerë nga autoritetet gjyqësore.
Pas suksesit të tij si ambasador i Golden Eagle, Luiz Ejlli nuk ndalet me surprizat. Këtë herë, ai ka zyrtarizuar një bashkëpunim të ri me një nga markat më prestigjioze të ujit natyral në Shqipëri – Lajthiza Premium Water.
Në një foto të shpërndarë në rrjetet sociale, Luizi duket në zyrat e Lajthizës, i rrethuar nga trofe dhe certifikata ndërkombëtare që dëshmojnë cilësinë e lartë të markës. Përballë tij, një shishe e thjeshtë, por simbolike, e Lajthizës – duke konfirmuar partneritetin që shumë fansa e kanë përshkruar si “bashkimi i dy ikonave shqiptare”.
Ky bashkëpunim i ri është konsideruar një hap strategjik për këngëtarin dhe fituesin e Big Brother Vip 2, i cili po e forcon gjithnjë e më shumë pozicionin e tij si një nga figurat më të dashura dhe më të fuqishme të showbiz-it shqiptar.
Burime pranë artistit kanë zbuluar se kontrata vjetore arrin vlerën e afro 200 mijë eurove, një shumë rekord për një figurë publike në industrinë shqiptare të pijeve. Kjo e vendos Luizin në një tjetër nivel, jo vetëm artistikisht, por edhe në sferën e marketingut dhe ndikimit komercial.
Fansat kanë shpërthyer në komente pozitive, duke përgëzuar zgjedhjen dhe duke i uruar Luizit suksese në këtë kapitull të ri. “Nuk është thjesht ujë, është premium. Dhe kur bashkohen emra të mëdhenj, ndodh magjia,” – shkruan një ndjekës.
Bashkëpunimi pritet të shoqërohet edhe me fushata reklamuese në media dhe rrjetet sociale, ku Luizi do të jetë imazhi kryesor i Lajthiza Premium Water për vitin 2025.
Evi Kokalari tha se nuk i vjen keq për kohën që Ervin Salianji kaloi në burg, sepse sipas saj, ai ka përdorur të njëjtin stil mashtrues ndaj saj, si në çështjen “Babale”.
Ajo e akuzoi për shpifje publike ndaj saj dhe familjes së saj, duke e lidhur me “lobin grek” dhe “Agimin e Artë”, gjë që e quan gënjeshtër totale.
Kokalari tha se individë si Salianji kanë dëmtuar rëndë PD-në, duke kontribuar në humbjen e saj në 2021. Në fund, tregon se ka një padi në proces ndaj tij që pritet të shqyrtohet në Gjykatën e Lartë më 15 korrik.
Pas këtij statusi ku Kokalari bëri edhe një koment për Grida Dumën, partneren e Salianjit, pati një reagim nga Mialim Zeka.
Ai e cilësoi Evi Kokalarin primitive në mendje dhe sadiste në shpirt”, duke e akuzuar se ndërhyn pa të drejtë në jetën private të njerëzve, konkretisht në një marrëdhënie dashurie, ku ka komentuar mbi diferencën në moshë.
“Kurr nuk e kisha besuar qe nje njeri e cila punon, jeton, dhe hane buken amerikane, mundet me qene kaq primitive ne mendje, e kaq sadiste ne shpirt?!!
Evi, e cila shkruan dhe komenton per çdo gje, duke na lene nje hije pas vetes se gjasme e ndjek edhe vet Donald Trump, nderhyne ne dashurine e dy njerezeve, pa asnje te drejte morale e njerezore.
Nuk po mundem t’i referohem Frojdit me kete rast, po me te vertete njerezit e pa q**e, poshte e sidomos larte, arrijne me nderhy ne relacionin e tjetrit, duke komentuar moshen…!!!
Kujdesu per organin tend, e mos u merr me veglate e te tjereve, sepse eshte krim te mendosh keshtu…”, shkruan Zeka.
Koklalari iu përgjigj Milaim Zekës, duke e ironizuar për varësinë e tij nga emisionet për mbijetesë ekonomike dhe i rikujton miqësinë me Tan Hoxhën, duke thënë se ky i fundit nuk do e lejonte kurrë një nivel të tillë hipokrizie në Top Channel.
Në fund, ajo i përgjigjet provokimeve për jetën e saj private dhe e mbyll me një citim ironik të Donald Trump: “Faleminderit për vëmendjen ndaj kësaj çështjeje.”
I vetmi krim mes nesh janë njerëz si ty dhe kjo që mbron ti, që keni futur një degjenerim total në shoqërinë shqiptare, që nga emisioni ‘Big Brother’ që ti e prezanton, tek fjalori që përdor në internet dhe mbrojtjen që i bën kësaj që fle me djem sa gjysma e moshës së vet.
Ja, ju jeni modeli ‘inspirues’ i brezave të rinj!!
Nejse, Grida të fton shpesh në emision dhe të duhet ta mbrosh, se për bukën e gojës e bën dhe ti. Mos e vrit mëndjen, të tjerë janë ngritur nga studio e Çanit se ju duhej, përkundrejt pagesës nga Top Chaneli, të ruanin mediokritetin total të një figure si kjo.
Meqë e kam njohur Tan Hoxhën personalisht, në një kohë kur ishim të gjithë ‘broke’, pra vitet ’90-’95, dhe e vetmja gjë që kishim në atë kohë ishin ëndërrat super të mëdha – ju garantoj, të ishte tashti gjallë, kjo s’do kishte futur kurrë këmbë tek Topi, sepse nëse Tan Hoxha urrente diçka, ky ishte fallcifiteti tek njerëzit.
Më lër gjithashtu të shtoj, nëse vërtet e vret mëndjen se kush kujdeset për ‘organet’ e mia (whatever the f that means), të ftoj ta takosh dhe të premtoj që:
– e para, është mosha ime
– e dyta, nuk është gay
– e treta, ty do të të jepte një të rrahur që ajo që morre LIVE në televizionin e Kosovës, do të të dukej përkëdhelje!!
S’më ngelet gjë tjetër përveç se ta mbyll me një citim të të madhit, Donald J Trump: “Thank you for your attention to this matter””, shkruan Kokalari.
REAGIMI I PLOTE I MILAIM ZEKES:
Kurr nuk e kisha besuar qe nje njeri e cila punon, jeton, dhe hane buken amerikane, mundet me qene kaq primitive ne mendje, e kaq sadiste ne shpirt?!!
Evi, e cila shkruan dhe komenton per çdo gje, duke na lene nje hije pas vetes se gjasme e ndjek edhe vet Donald Trump, nderhyne ne dashurine e dy njerezeve, pa asnje te drejte morale e njerezore.
Nuk po mundem t’i referohem Frojdit me kete rast, po me te vertete njerezit e pa qire, poshte e sidomos larte, arrijne me nderhy ne relacionin e tjetrit, duke komentuar moshen…!!!
Kujdesu per organin tend, e mos u merr me veglate e te tjereve, sepse eshte krim te mendosh keshtu…!!!
REAGIMI I EVI KOKALARIT:
I vetmi krim mes nesh janë njerëz si ty dhe kjo që mbron ti, që keni futur një degjenerim total në shoqërinë shqiptare, që nga emisioni ‘Big Brother’ që ti e prezanton, tek fjalori që përdor në internet dhe mbrojtjen që i bën kësaj që fle me djem sa gjysma e moshës së vet.
Ja, ju jeni modeli ‘inspirues’ i brezave të rinj!!
Nejse, Grida të fton shpesh në emision dhe të duhet ta mbrosh, se për bukën e gojës e bën dhe ti. Mos e vrit mëndjen, të tjerë janë ngritur nga studio e Çanit se ju duhej, përkundrejt pagesës nga Top Channel, të ruanin mediokritetin total të një figure si kjo.
Meqë e kam njohur Tan Hoxhën personalisht, në një kohë kur ishim të gjithë ‘broke’, pra vitet ’90-’95, dhe e vetmja gjë që kishim në atë kohë ishin ëndërrat super të mëdha – ju garantoj, të ishte tashti gjallë, kjo s’do kishte futur kurrë këmbë tek Topi, sepse nëse Tan Hoxha urrente diçka, ky ishte fallcifiteti tek njerëzit.
Më lër gjithashtu të shtoj, nëse vërtet e vret mëndjen se kush kujdeset për ‘organet’ e mia (whatever the f that means), të ftoj ta takosh dhe të premtoj që:
– e para, është mosha ime
– e dyta, nuk është gay
– e treta, ty do të të jepte një të rrahur që ajo që morre LIVE në televizionin e Kosovës, do të të dukej përkëdhelje!!
S’më ngelet gjë tjetër përveç se ta mbyll me një citim të të madhit, Donald J Trump:
Sheldona dhe Eriksoni erdhen në rubrikën “Ka një mesazh për ty” në “ për të dhënë një mesazh për nënën e tyre, Irmën, pasi ajo do të largohet dhe ata dëshirojnë të jetë e lumtur.
Sheldona rrëfen se ka lindur në Dragot të Elbasanit, por kur ishte 1 vjeç u shpërngulën në Vlorë, aty ku nisën mosmarrëveshjet mes prindërve të saj. Ajo thotë se ishte 10 vjeç kur nëna e saj është larguar për herë të parë nga shtëpia, për të shkuar në Elbasan te prindërit e saj. Por pas rreth 5 muajsh ajo u rikthye në shtëpi për t’u bashkuar sërish me bashkëshortin e saj, duke menduar për fëmijët e saj dhe se ai mund të ishte penduar për konsumimin e tepërt të alkolit. Ndërsa Eriksoni mendon se Irma u rikthye sepse u pendua për veprimin e saj.
Kur prindërit e tyre vendosën të ndaheshin, Eriksoni zgjodhi të qëndronte me të atin sepse nuk i pëlqen fshati, ndërsa Sheldona shkoi me të ëmën, për të mos e lënë vetëm. Ajo thotë se nëqoftëse Eriksoni do të zgjidhte të shkonte më të ëmën, ajo do të qëndronte me të atin, pra ishte gjithçka në dorën e Eriksonit edhe pse ai ishte i vogël, vetëm 10 vjeç dhe Sheldona 12 vjeç.
Pas 6 vitesh divorc, Irma vendosi të vazhdonte jetën e saj dhe para 4 muajsh krijoi një lidhje, ndërsa i ati i tyre është i martuar prej 5 vitesh. Eriksoni shprehet se është dakord për martesën e të atit sepse kishte nevojë për një femër, ndërsa Sheldona edhe pse ia ka kërkuar gjithmonë të ëmës të krijonte një lidhje, nuk e priti mirë.
Pas 2-3 javësh Irma do të shkojë në Kretë tek i dashuri i saj, Artani dhe ata nuk e dinë nëse do të jetë largim i përhershëm apo i përkohshëm.
Irma ka pranuar ftesën dhe vjen në studion e “E diela shqiptare”, ku shikon të bijën në ekranin e murit ndarës, e cila ka një mesazh për të.
Sheltona – Mami, të kam sjellë këtu sot se bashkë kemi kaluar çdo gjë. Jeta jonë nuk ka qenë e thjeshtë. Kemi mbështetur njëra-tjetrën…
Irma – Dhe ashtu do vazhdojmë!
Sheltona – Ti tani krijove një lidhje tjetër. Së pari, dua të të kërkoj falje për atë 1 muaj që unë të largova, kur ti krijove këtë lidhje sepse nuk ishte e lehtë që unë ta pranoja. Dhe kryesorja që të kam sjellë këtu është që të të uroj gjithë të mirat e kësaj bote, të jesh e lumtur aty ku do shkosh dhe mos ta mbash kokën pas që po më lë mua këtej. Ti je aq e zonja sa të kujdesesh që nga Kreta për mua, siç je kujdesur kur ke qenë këtu.
Mami unë nuk jam vetëm!
Eriksoni – Ma, nuk jemi vetëm, do jemi gjithmonë bashkë!
Irma është shumë e emocionuar nga mesazhi i fëmijëve të saj dhe nuk mund të shprehet dot.
Sheltona dhe Eriksoni përqafojnë Irmën, të cilët i dhanë bekimin për fillimin e jetës së saj të re edhe pse larg tyre, duke na treguar kështu sa e fortë është dashuria e fëmijëve dhe nënës për njëri-tjetrin./
Ndërsa po shtrihesha në shtratin tim dhe bëja sikur po flija, dëgjova djalin tim duke folur me gruan time. Prit pak më shumë me mua, e dashur – tha djali im, – i ka mbetur shumë pak kohë. Sa? Dy-tre vjet, kjo është e gjitha. Dhe pastaj apartamenti do të jetë i yni.” Këto fjalë më goditën thellë në shpirt. Nuk mund ta besoja se pas gjithë dashurisë, mundit dhe edukatës që kisha investuar në djalin tim, ai fliste për mua në këtë mënyrë.
Isha vetëm shtatëdhjetë vjeç dhe ata donin të më vrisnin, sepse kishin nevojë për apartamentin tim. Djali im dhe nusja e tij ishin transferuar te ne menjëherë pas martesës dhe që atëherë jetonin me ne. Kur gruaja ime e dashur ishte ende gjallë, ndihesha si pronar i shtëpisë.
Me kalimin e kohës, vura re se ata nuk më dëgjonin dhe më trajtonin si një qiramarrës që do të duhej të largohej së shpejti për të lëshuar hapësirën për çiftin e ri. Kur nusja ime u transferua në shtëpinë time, shpresoja që gjërat do të përmirësoheshin, por ato vetëm u përkeqësuan.
Prandaj vendosa se ishte mjaftueshëm. Nuk do të lejoja që ata të më trajtonin si një barrë që u pengon të jetojnë në apartamentin tim (vini re: apartamenti im!). Telefonova një mik të vjetër që të më ndihmonte të ndryshonim çelësin e derës dhe pastaj nxorrëm të gjitha gjërat në korridor. Kur u kthyem nga puna, ata ishin të zemëruar.
Djali im dhe nusja trokitën në derë dhe tingëlluan telefonin, por unë nuk i lashë të hynin.
E dija që ata nuk do të më dëgjonin, prandaj nuk bëra as përpjekje të flisja me ta. Disa ditë më vonë, djali im më telefonoi për të kërkuar falje, por nuk më interesonte të dëgjoja faljet e tij. Nuk mund ta falja që ai donte vdekjen time të shpejtë për të marrë pasurinë time.
Kisha nder dhe dinjitet dhe nuk pranoja një mosrespektim të tillë. Vendosa ta shes apartamentin dhe të transferohem në fshat për të shijuar jetën time të re atje. Me paratë që fitova nga shitja e pasurisë time, më në fund mund të jetoj për veten time – diçka për të cilën gjithmonë kisha ëndërruar. Besoj se kam vepruar si duhet dhe nuk ka asnjë egoizëm në veprimin tim.
