Category: Uncategorized

Pirja e duhanit na bën keq, këtë e dimë të gjithë! Gjithashtu, nga pirja e tij mund të vdesim!Çdo vit në të gjithë botën numri i të vdekurve për shkak të duhanit po rritet me ritme të frikshme.

Çdo vit në të gjithë botën numri i të vdekurve për shkak të duhanit po rritet me ritme të frikshme.

Por efektet e cigareve në trupin e njeriut janë të shumta dhe ato ndikojnë çdo ditë në jetën e duhanpirësit.

Duhani gjatë djegies çliron 4 mijë lëndë, që nga nikotina dhe monoksidi i karbonit dhe deri te katranet, substancat me përbërje benzopireni, kobalti radioaktiv, që janë ndër shkaktarët e kancerit të mushkërive.

Në qoftë se do të bëjmë një listë të dëmeve që shkaktohen drejtpërdrejt nga duhani, ato që ndikohen apo rëndohen prej tij, ajo do të jetë tepër e gjatë, por le të përqendrohemi mbi dëmet kryesore.

Sipas Organizatës Botërore të Shëndetësisë, 90-95% e tumoreve të mushkërive shkaktohen nga pirja e duhanit.

Duke folur po për mushkëritë, pirja e duhanit shkakton bronkit akut afatgjatë, bronkit kronik dhe emfizemë, si dhe incidencën dhe ashpërsinë e episodeve astmatike dhe infeksionet e përsëritura të frymëmarrjes.

Pirja e duhanit është shkaktari kryesor i infarktit dhe i sëmundjeve koronare të zemrës te gratë dhe burrat dhe veçanërisht ajo është e lidhur me 30% të vdekjeve nga sëmundjet koronare të zemrës.

Duhani rrit rrezikun e arteriosklerozës dhe të infarktit miokardik, sepse ai favorizon formimin e pllakave dhe formimin e trombeve. Sëmundja koronare arteriale shkaktohet nga monoksidi i karbonit dhe nikotina.

Ajo është një nga sëmundjet më të zakonshme në vendet e zhvilluara.

Duhanpirësit rrezikojnë të sëmuren dy herë më shumë sesa ata të cilët nuk e pinë atë. Tymi i duhanit është një faktor rreziku shumë i rëndësishëm në mosfunksionimin e organeve gjenitale të meshkujve.

Një studim i kryer në Masashuta ka treguar se si pirja e duhanit rrit rrezikun e impotencës, me një incidencë mes 5% dhe 15% më të lartë sesa ajo e joduhanpirësve.

Por duhani nuk ka një efekt të dëmshëm vetëm mbi nivelin e enëve të gjakut, por ai ka një rol të drejtpërdrejtë edhe në indet gjenitale të mashkullit.

Edhe nga pikëpamja estetike duhanpirja ka një ndikim negativ mbi trup.

Në fakt, duhani zvogëlon mbrojtjen imunitare përkundrejt pllakave bakteriale, shkakton një zverdhje të dentinës dhe rrit rrezikun e gingivitit.

Përveç këtyre, duhani përshpejton plakjen e lëkurës. Të pish duhan gjatë shtatzënisë do të thotë të bësh një krim, sepse kjo gjë mund t’i shkaktojë dëme të përhershme fëmijës tuaj ose në raste të tjera mund t’ju shkaktojë dështim spontan.

Një grua shtatzënë, e cila pi duhan ka një rrezik më të madh për të lindur fëmijë të vdekur ose të lindë një fëmijë nën peshë. Gjithashtu, pirja e duhanit gjatë shtatzënisë mund të shkaktojë një vonesë në rritjen dhe zhvillimin mendor të fëmijës, si dhe të mushkërive.

Pirja e duhanit rrit rrezikun e kancerit të fshikëzës, mëlçisë, laringut, ezofagut, pankreasit dhe gojës. Duhani, përveç këtyre, është një faktor rreziku për zhvillimin e diabetit në kohë të hershme.

Kur kombinohet me pirjen e alkoolit ky rrezik shkon 150/1 në raport me popullsinë joduhanpirëse.

Duhani, duke kontribuar në vazokonstruksionin (ngushtimin) e enëve të gjakut të stomakut rrit përqindjen për ulcerën e stomakut, ndërkohë që rritet 2,7 herë rrezikun për kancer në stomak.

Duhani shkakton shumë sëmundje dhe është i dëmshëm për shëndetin e njeriut.

Njerëzit mundohen ta lënë duhanin, por nuk munden, pasi ata janë mësuar ta konsumojnë shumë atë. Disa njerëz mendojnë se duhani të largon dhimbjen e kokës, por përkundrazi ai e shton akoma më shumë atë, por ne nuk e ndiejmë.

Trajtimi me bimë medicinale

Bima e tërfilit ngjyrë mishi rritet në lartësinë në 800-1500 metra mbi nivelin e detit.

Në momentin që ky tërfil përzihet me duhanin, arrin të neverisë cigaren e çon deri në lënien përfundimtare të këtij vesi. Kjo bimë ka një magji çudibërëse, e pasi e përziejmë me duhanin, mund të konsumohet njësoj siç pihet një cigare, në raportin 1:1. Ndërsa për personat, mushkëritë e të cilëve janë rënduar së tepërmi nga duhanpirja, këshillojmë që të shtojnë edhe pak sherebelë në përzierje apo zhumbricë.

Të tria këto bimë së bashku, arrijnë të krijojnë idenë që je i ngopur me duhan.

Tërfili ngjyrë mishi në këtë rast, shërben si një balancues, e frenues i hormonit të mosngopjes, në mënyrë që ky i fundit mos të japë efektin e vet në gjak. I gjithë ky proces vjen duke rralluar cigaret që pi individi, jo si një ndërprerje e menjëhershme, nga dy paketa rrallohet në 30, 20, 15 cigare e kështu me radhë.

Shumë shpejt ndihen edhe efektet fiziologjike, pasi mushkëria fillon të bëjë një vetpastrim, prandaj ne i hedhim përzierjes pak zhubricë apo sherebelë. Më tej fillon nxjerrja jashtë e sekrecioneve e njëkohësisht përdoruesit nëse do të përziejnë duhanin me këtë tërfil nuk duhet të bëhen merak pasi urina do të fillojë të ndryshojë ngjyrën.

Shalqiri është një ndër përbërësit më të preferuar gjatë ditëve të nxehta. Nuk është vetëm shijshëm dhe freskues, por është edhe një pastrues shumë i mirë i trupit. Por, kur bie fjala te farat e shalqirit, të gjithë mëndojnë t’i hedhin menjëherë poshtë.

Këto fara përmbajnë komponentë shumë të rëndësishëm si yndyrna, proteina dhe një pjesë të madhe të mineraleve. Kanë shumë vitaminë B, foliate dhe mineralet si magnez, kalium, mangan, hekur, zink, fosfor dhe bakër.

Përveç kësaj, ata janë një burim fantastik i kalorive, sepse 100 gram fara shalqi kanë rreth 600 gram kalori.

Farat e shalqirit janë gjithashtu antioksidantë të fuqishëm dhe janë efikasë në trajtimin e hipertensionit, impotencës dhe arteriosklerozës. Këto fara përmirësojnë qarkullimin e gjakut dhe ndihmojnë në zgjerimin e kapilarëve.

Për të marrë të gjitha përfitimet e farave të shalqirit, duhet t’i gatuani në mënyra të ndryshme. Për t’ju ndihmuar të trajtoni diabetin me fara shalqiri, që është sëmundja më e përhapur në këto kohë, duhet t’i përdorini në këtë mënyrë.

Përbërësit:
1 grusht fara shalqiri
2 litra ujë

Përgatitja:
Kombinoni ujin dhe farat e shalqirit në një enë. Vërini në zjarr të vlojnë për 15 minuta. Përdoreni këtë çaj për 2 ditë rresht, më pas bëni një ditë pushim. Përsëriteni këtë trajtim për disa javë në po të njëjtën mënyrë.

Një pasanik, në çastet e fundit të jetës, e thirri të birin dhe i shprehu dëshirën e tij të fundit: Bir, kam një amanet të fundit, të lutem pasi të jem larguar nga kjo botë, dua që në dhe të më fusësh me gjithë çorapet që kam veshur. Më pëlqejnë shumë këto, dhe nëse do hasësh në ndonjë vështirësi, mbi dollap të kam lënë një letër. Minuti erdhi dhe ai ndërroi jetë. I biri këmbënguli që ti realizonte dëshirën të atit,

por hasi në kundërshtimin e hoxhës që do kryente ritet e përcjelljes së të ndjerit për në banesën e fundit duke i thënë: Djalosh, kjo që kërkon ti është e pa mundur, babai yt ka qenë besimtar dhe ne e kemi për zakon që të ndjerin ta mbështjellim me qefin. Hoxha ishte i vendosur dhe nuk lëshonte pe, djali nxitoi menjëherë dhe nisi të lexojë letrën mbi dollap që i kish lënë babai: Bir, siç po e sheh edhe vetë, edhe pse

isha shumë i pasur, nuk po mundem të mar dot me vete as edhe një palë çorape, imagjino pak për të tjerat. Mësimi: Në këtë botë duarbosh kemi ardhur dhe të tillë do të ikim, prandaj mos prishni marrëdhëniet me të dashurit dhe familjarët tuaj për çështje pasurie. Në jetë kemi nevojë vetëm për dashuri, për asgjë tjetër. Kur Aleksandri i madh ishte në ditët e fundit të tij, shprehu amanet tre dëshira:

Trupin e tij të pajetë ta mbanin doktorët mbi supe. Rrugën para trupit të tij ta shtronin me flori. Duart e tij tia linin zbuluar jashtë. Pasi u pyet për arsyen e këtyre dëshirave të çuditshme, ai u përgjigj: Dua që njerezimi të marrë këto tre mësime: Të kuptojnë që nuk ka mjek në botë që mund ta shmangë ditën kur do të japësh shpirt. Të kuptojnë që asnjë fraksion të pasurisë sime nuk mora dot me vete. Të kuptojnë

që duar bosh erdha dhe duar bosh ika, edhe pse isha mbreti më i pasur dhe më fuqiplotë në tokë. Miq mos i nënvlerësoni këto tregime dhe këto mesazhe që faqja mësimi ju përcjell për çdo ditë. Kushtojini rëndësinë e duhur dhe përfitoni sa jeni në kohë. Lexoni dhe këtë tregim të bukur që të kuptoni se çfarë i ndodh dikujt që nënvlerëson gjërat: Një ditë, lepuri po mburrej se sa shpejt ai mund të vraponte. Ai tallej me breshkën që

ishte aq e ngadaltë. Por për habinë e lepurit, breshka e sfidoi me një garë. Lepuri shumë i sigurtë në fitoren e tij, e pranoi sfidën. Sapo nisi gara, ashtu siç mund ta marrim të gjithë me mend, lepuri u zhduk shumë para breshkës. Lepuri arriti në gjysmën e garës dhe nuk po e shikonte breshkën gjëkundi. Ai ishte i lodhur dhe kishte shumë vapë, kështuqë vendosi të marrë një sy gjymë. Edhe nëse breshka do e kalonte,

ai ishte i aftë ta kalonte përsëri atë dhe të mbërrinte i pari në finish. Gjatë gjithë kësaj kohe, breshka vazhdoi të ecë hap pas hapi pa pushim. Ajo kurrë nuk u ndal dhe nuk hoqi dorë pavarësisht sa vapë apo sa e lodhur ishte. Ajo vetëm vazhdoi të ecë. Megjithatë, lepuri fjeti më shumë sa mendoi se do flinte dhe u zgjua. Ai nuk po e shihte breshkën gjëkundi! U nis me gjithë shpejtësinë e tij maksimale por kur mbërriti në finish ai

e gjeti breshkën etje duke pritur për të. Mësimi: Asnjëherë mos e nënvlerëso kundërshtarin e dobët. Shpeshherë, suksesi nuk varet nga aftësia, por nga vendosmëria, serioziteti dhe përkushtimi që keni për të arritur atë që kërkoni. Nuk më mbetet tjetër miq vetëm se të ju falenderoj përzemërsisht që më ndiqni dhe të ju rikujtoj këshillën tonë të famshme tashmë, por shumë të vyer: mendjen në vend miq, mendjen në vend. Tjerat rregullohen të gjitha.

I ulur në tavolinë i vetëm, pa miq, i rrethuar nga pjata të zbrazura në ditën e tij të lindjes. Kjo është pamja e të birit që një nënë nga Arizona ka shpërndarë në Facebook.Në foto i vogli Teddy Mazzini, i cili kishte ftuar 32 shokë klase për drekë në një piceri, duket teksa i pret ata me padurim dhe trishtim që të vijnë.

Në foto i vogli Teddy Mazzini, i cili kishte ftuar 32 shokë klase për drekë në një piceri, duket teksa i pret ata me padurim dhe trishtim që të vijnë.

Fotografia, e cila është dërguar nga nëna e vogëlushit tek një gazetar lokal, ka pasuar me një efekt surprizues.

Teddy ka marrë më qindra e mijëra urime në Facebook nga njerëz të ndryshëm nga e gjithë bota, por si të mos mjaftonte kjo, skuadra e NBA, Phoenix Suns, ka ftuar të voglin që të festojë ditëlindjen me ta.

Mamaja e Teddyt ka treguar për ABC 15 se disa nga prindërit e fëmijëve i kishin dërguar mesazh duke dhënë justifikime të ndryshme për pamundësinë e paraqitjes në ditëlindje, ndërsa të tjerët thjeshtë kanë injoruar ftesën e tyre.

Në një prej urimeve të shumta në rrjetet sociale lexohet:

Gëzuar ditëlindjen burrë i vogël. Një ditë do ta kuptosh se lumturia buron nga brenda dhe të tilla situata nuk do të të mërzisin më”.
Ka pasur edhe nga ata që kanë kritikuar gjestin e të ëmës dhe nuk kanë arritur të kuptojnë qëllimin e shpërndarjes së fotos nga ajo. Komentuesit ia vënë fajin të ëmës, e cila, sipas tyre, ndoshta nuk e ka organizuar siç duhet festën

Në studion e “Top Story” u zhvillua një debat i thellë dhe i guximshëm mbi jetën seksuale të grave shqiptare gjatë periudhës komuniste, duke hedhur dritë mbi një temë që për shumë vite ka qenë tabu: trupi i gruas si mjet politik, seksualiteti si rebelim i heshtur dhe “barazia” si fasadë ideologjike.

Regjimi komunist në Shqipëri e shpalli barazinë gjinore si një prej parimeve të ndërtimit të socializmit. Gratë u përfshinë masivisht në arsim dhe punësim, u ngritën në skenën publike dhe në shumë raste morën poste me përgjegjësi. Por siç u theksua në emision, ky ishte një “emancipim i kontrolluar” – i diktuar nga Partia e Punës dhe jo nga vetëdija apo dëshira e lirë e grave.

Sipas ekspertëve dhe studiuesve të ftuar, realiteti ishte i ndarë në dy shtresa: nga njëra anë, promovim i dukshëm i gruas në jetën publike; nga ana tjetër, kontroll total mbi trupin e saj, seksualitetin dhe vendimmarrjen intime. Aborti ishte i ndaluar për periudha të gjata dhe stigmatizimi për shtatzënitë jashtë martese ishte ekstrem. Edukimi seksual mungonte plotësisht dhe çdo bisedë mbi seksin ishte e ndaluar jo vetëm në media, por edhe në jetën private.

“Gruaja në komunizëm nuk ishte e lirë të vendoste për trupin e saj,” u tha në studio. “Trupi i saj i përkiste shtetit, partisë, moralit publik – dhe jo asaj vetë.”

Megjithatë, ndër rrëfimet që i kanë mbijetuar kohës, shumë gra kanë pohuar se, paradoksalisht, kanë përjetuar një jetë seksuale më të natyrshme gjatë komunizmit. Ndoshta sepse, siç u përmend nga poetja Mimoza Ahmeti, seksualiteti i njeriut shpesh shfaqet si formë rebelimi ndaj represionit.

“Seksi në komunizëm ishte ndonjëherë një akt kundër sistemit,” tha Ahmeti në një episod të mëparshëm të “Top Story”. “Kur gjithçka ishte e ndaluar, edhe akti më i vogël i intimitetit bëhej formë rezistence. Njerëzit nuk bënin seks për luks apo dëshirë, por për të thënë ‘unë jam’.”

Në këtë sfond u shfaq edhe rrëfimi i sinqertë i aktores së njohur Monika Lubonja, e cila tregoi për kufizimet që kishin aktorët në periudhën komuniste, sidomos për skenat e afërsisë fizike në teatër apo film. Ajo kujtoi momentin e parë të karrierës kur interpretoi një skenë puthjeje në një film të viteve ’90:

“Kur bëra filmin tim të parë dhe putha Ndriçim Xhepën, mendova se po puthja një mit. Më pas, akoma kishte zonja që më thoshin ‘ke puthur burrin tim’. Ende nuk jemi të emancipuar në këtë drejtim. Puthjen e bëra, por film me gjoksin jashtë nuk e bëra dot,” u shpreh Lubonja.

Ajo shtoi se në kohën e komunizmit, edhe vetë aktorët ndëshkoheshin për skena që konsideroheshin si të “guximshme”, edhe pse shpesh ishin shumë të lehta në krahasim me standardet e sotme. Megjithatë, për një publik të mbyllur dhe të rritur me frikën e tabuve, edhe një puthje në skenë mund të konsiderohej provokim.

Diskutimi në “Top Story” solli në vëmendje nevojën për të rishikuar të shkuarën jo vetëm përmes fakteve historike, por edhe përmes përvojave të trupit, emocioneve dhe heshtjeve të grave. Në një shoqëri ku liria seksuale është ende e gjykuar dhe ku moralizimi vazhdon të dominojë, rrëfimet si ato të Mimoza Ahmetit apo Monika Lubonjës janë një hap i rëndësishëm drejt çlirimit të kujtesës kolektive dhe emancipimit të vërtetë.

Në fund, emisioni la pas një pyetje të fortë: A është vërtet e lirë gruaja shqiptare sot, apo thjesht nuk jeton më nën një emër të përveçëm si “komunizëm”?

Hane është nënë e katër fëmijëve, por sot është e vetme në mes të rrugës. Ajo ka sjellë në “Shihemi në Gjyq” babain e saj sepse siç shprehet në insertin prezantues të rubrikës të së “Dielës Shqiptare” në Tv Klan, ai nuk e pranon në shtëpi.

Jam nënë e katër fëmijëve. Më kanë nxjerrë nga shtëpia. Fëmijët m’i kanë mbajtur. Babai nuk më pranon, as vëllai. Jam në mes të katër rrugëve. Unë pa fëmijët nuk jetoj dot!”

Rexhepi flet me urrejtje kundrejt së bijës dhe thotë se nuk dëshiron ta shohë.

“Unë fëmijët i kam rritur, i kam edukuar, i kam martuar. Tani nuk e di se çfarë kërkojnë prej meje. Unë atë që ka ardhur këtu nuk dua ta shoh fare!”

Në përballjen e tyre në studio, babai i kërkon llogari vajzës se cila është arsyeja që e ka kërkuar. Mes lotësh, Hana i përgjigjet: “Jam e lënduar në shpirt se e di mirë në jetën time ti se ç’kam hequr, se kam bërë mundim, sakrifica, në shtëpinë tënde si të kem qenë djalë më ke trajtuar!”

Sipas versionit të Rexhepit që merr fjalën i pari duke përshëndetur më në fund, ai thotë se ka ndjekur traditat e Kukësit dhe e ka martuar vajzën. Hana kundërshton dhe thotë se i ati e ka fejuar e martuar brenda tri ditësh.

Rexhep: Ne kemi tradita në Kukës! Nuk kemi tradita për të folur kot më kot! A more vesh?

Eni Çobani: Kush po flet kot më kot?

Rexhep: Unë e kam marrë, e kam martuar gocën.

Eni Çobani: Na kanë martuar edhe ne baballarët, po?

Rexhep: E kam martuar si gjithë të tjerët.

Hane: Jo, nuk është si gjithë të tjerët! Nuk është si gjithë të tjerat baba se më fejove për tri ditë, fejesë, martesë.

Rexhep: Ashtu re në pëlqim ti!

Hane: Tri ditë fejesë, martesë, më ke lënë në mes të rrugëve!

Rexhep: Ashtu ke rënë vetë ti!

Hane: Ke dhënë fjalën në mes të rrugëe pa dëshirën time baba!

Rexhep: Nuk ka qenë pa dëshirën tënde!

Hane: Nuk është e vërtetë fjala siç thua ti!

Rexhepi fajëson të bijën se ka kthyer fjalë duke mos i lënë atij hapësirë për ta mbrojtur. Hana ia kthen se ai ka vepruar pa e pyetur duke shkelur premtimin se thjesht do ta shihnin familjen duke e dorëzuar me një shtrëngim duarsh në rrugë.

Hane: Ti në mes të rrugës ke dhënë fjalën, ke thënë “për hajër të qoftë!”, mixhës së ish-burrit tim.

Eni Çobani: Kush është mixha i burrit?

Hane: Sefedin Rexhepi.

Eni Çobani: Kush ia ka dha dorën Sefedinit, Rexhepi?

Hane: Rexhepi ia ka dhënë dorën Sefedin Rexhepit, gocën ta kam dhënë për çunin e vëllait, Jakup Rexhepin.

Në vitin 2011, Hana u martua në Mikushnicë të Mitrovicës. I ati vazhdon të ngulmojë se ajo e dinte, por Hana thotë se pranoi vetëm se tashmë gjithçka kishte marrë fund.

Hane: Kur ka ardhur në shtëpi babai, më ka thënë “gocë, për hajër të qoftë se të kam fejuar”. I kam thënë si more baba e bëre këtë gjë ti? A prapë s’mendove ti që jam unë?

Rexhep: Me dëshirën tënde, ishte dëshira jote, kemi biseduar bashkë. E kemi biseduar të dy bashkë, me ty dhe nënën tënde, e kemi biseduar. Këto janë akuza kot!

Hane: Aty kam qenë unë me babain tim, me nënën time, me dy motrat e mia, njëra e fejuar e tjetra beqare dhe nuk ka pyetur asnjë, vetëm kokën e vet!

Eni Çobani: Megjithatë ti pranove dhe shkove?

Hane: Pranova për arsye se më dha, u krye çdo gjë, më fejoi babai.

Eni Çobani: Dhe ti s’ia ktheje dot?

Hane: S’ia ktheja dot.

Një ngjarje e rëndë ka tronditur Kosovën, pas vdekjes në duart e policisë së 27-vjeçarit nga Lipjani, Agon Zejnullahu. Vëllai i tij, Albani, në një intervistë për Top Story u shpreh se vëllanë ia kanë vrarë disa zyrtarë policorë.

Dy orë para ngjarjes kam komunikuar për herë të fundit. Ishte në gjendje normale. Më pyeti se kur do të vinin fëmijët e mi se e kishte marrë malli. Fëmijët erdhën, ai doli, dhe nuk i pa më kurrë”, u shpreh ai me zërin që i dridhej.

A e dini se çfarë do të thotë kjo shenjë? Kjo do të thotë se dikush është në telashe. Prandaj, nëse ndonjëherë e shihni dikë me pikë të zezë në pëllëmbën e dorës së tyre, mos heziton ta thërrisni policinë në sekondë.

Kjo ndryshe quhet edhe “Kampanja Pika e Zezë”, e cila ka filluar në Facebook dhe është një mënyrë për t’i njohur viktimat e abuzimeve të ndryshme.

Prandaj, nëse e shihni dikë me këtë pikë të zezë, ju duhet ta dini se ai/ajo person është në rrezik.

Dylli i veshit është një substancë që prodhohet nga vetë trupi për të mbrojtur dhe pastruar veshin.

Sipas të dhënave të AgroWeb.org dylli parandalon infeksionet dhe parandalon hyrjen e pluhurave dhe grimcave të tjera të dëmshme më thellë në kanalin e veshit.

Pasi dylli ka kryer misionin e tij, zakonisht ai përthahet dhe del vetë nga veshi.

Megjithatë, ka njerëz, veshi i të cilëve bllokohet nga dylli i tepërt.

Dylli bllokon dëgjimin dhe shoqërohet me simptoma si:
Dhimbje veshi
Zhurmë në vesh
Infeksion
Kruarje
Aroma të pakëndshme
Rrjedhje sekrecionesh nga veshi.
Pastrimi i veshit nga dylli

Shumë njerëz përdorin ato që rëndom njihen si kunja pambuku, karfica ose objekte të tjera për të hequr dyllin e tepërt.

Këto objekte bëjnë krejt të kundërtën, duke e zhytur dyllin më thellë në kanalin e veshit dhe duke e irrituar atë,

Njerëzit që përdorin kufje janë më të prirur të përballen me bllokim të veshit nga dylli i tepërt.

Në këtë artikull nga AgroWeb.org do të mësoni më shumë për 4 kura natyrale për pastrimin e veshit.

Uthulla E Mollës Me Alkol

Disa ekspertë janë të mendimit se shpërlarja e veshit me uthull molle të kombinuar me pak alkol është mënyra më efikase në pastrimin e veshit.

Për aplikimin e kurës ju nevojitet një pikatore, dy lugë gjelle me uthull molle dhe dy lugë alkol etilik, pambuk dhe një peshqir të pastër.

AgroWeb.org ju udhëzontë përzieni alkolin me uthullën në një tas të vogël dhe më pas merreni me pikatore.

Hidhni disa pika në vesh dhe vendosni pambuk sipër tij për të lejuar shpërbërjen e dyllit në disa minuta.

Më pas hiqeni pambukun dhe mbulojeni veshin me peshqir dhe kthejeni kokën në anën tjetër që të lejoni rrjedhjen e pandërprerë të dyllit të lëngëzuar.

Përsëriteni këtë procedurë me veshin tjetër dhe përsëriteni herë pas here deri sa të ndieni përmirësim.

Vaji i Arrës Së Kokosit

Për këtë procedurë ju nevojitet një lugë gjelle me vaj të arrës së kokosit, një peshqir dhe një pikatore.

Ngroheni vajin në një enë deri sa të bëhet i lëngshëm.

Vaji nuk duhet të jetë i nxehtë.

Shqiperia sot ju udhëzon që të përdorni pikatoren që të hidhni gjysëm luge në njërin vesh dhe gjysëm luge në veshin tejtër.

Hidheni vajin në vesh dhe mbajeni kokën të mbështetur për 10 minuta.

Më pas lëvizeni kokën në anën tjetër që të lehtësoni rrjedhjen e vajit dhe shpërlajeni veshin me ujë të ngrohtë.

Thahuni me peshqir dhe përsëriteni procedurën në veshin tjetër.

Glicerina

Për këtë kurë, ju nevojiten disa pika glicerinë, ujë, pikatore dhe alkol etilik.

Përziejeni glicerinën me një lugë çaji me ujë.

Merreni masën me pikatore dhe hidheni në vesh duke e mbajtur për 5 minuta.

Pasi e keni lënë veshin të kullojë, përsëriteni procedurën në veshin tjetër.

Thahuni me peshqir dhe hidhni nga tre pika nga alkoli etilik në secilin vesh.

Hudhra

E fundit por jo për nga rëndësia, është hudhra.

Për pastrimin e veshit duhet të prodhoni vajin e hudhrës.

Ju nevojiten dy ose tre thelpinj hudhre, një ose dy lugë gjelle me vaj të farës së susamit dhe një pikatore.

Qërojini dhe shtypini thelpinjtë e hudhrës dhe shtojini në vajin e ngrohur në një tenxhere.

Lërini të kavërdisen së bashku, deri sa hudhra të nxihet.

Hiqeni tenxheren nga zjarri dhe më pas prisni deri sa vaji të ftohet.

Kurrë mos hidhni vaj të nxehtë në vesh sepse mund të vuani nga komplikacione të rënda.

Kur vaji të jetë ftohur, hiqni copat e hudhrës dhe kullojeni.

Më pas merreni me pikatore dhe hidhni disa pika në secilin vesh.

Vaji duhet të qëndrojë në vesh për disa minuta që të kryejë detyrën e tij.

Më pas duhet të lëvizni kokën dhe të lejoni daljen e vajit.

Edhe pse prindërit vështirë që e pranojnë para familjes ose miqve, hulumtimi tregon që megjithatë favorizojnë një fëmijë në krahasim me tjetrin.

Hulumtimi i bërë nga kanadezët ka treguar që sa më shumë dallon stili i rritjes së fëmijëve nga familja e njëjtë, aq më negativ do të jetë ai në ndikimin në shëndetin psikik të të gjithë anëtarëve të familjes.

“Ky zbulim është shumë befasues”, tha Jenny Jenkins, profesoreshë e psikologjisë së aplikuar dhe zhvillimit njerëzor në Universitetin në Toronto dhe udhëheqëse e këtij studimi.

“Kemi pritur që e ashtuquajtura “rritje diferenciale” ndikon vetëm në dinamikën në mes prindërve dhe fëmijëve. Megjithatë është treguar që ajo ndikon në tërë familjen”.

“Rritja apo edukimi diferencial” në fakt është emër i zbukuruar për atë që në fakt paraqet favorizimin e një fëmije në krahasim me tjetrin.

Hulumtimi i cili është publikuar në revistën “Zhvillimi i fëmijëve” ka zgjatur katër vjet. Për këtë periudhë janë përcjellë 400 familje kanadeze me metodën e anketës dhe vrojtimeve direkte.

Prof. Jenkins dhe ekipi i saj kanë zbuluar që fëmijët e prindërve të cilët nuk i kanë trajtuar njëjtë fëmijët e vet, kanë pasur më shumë probleme me kujdesin dhe raportet shoqërore që kanë vazhduar edhe në moshën e rritur.

Hulumtuesit kanë zbuluar që rritja apo edukimi diferencial është i lidhur edhe me disa faktorë, siç janë varfëria, sëmundjet mentale dhe historia e abuzimeve në familje.

Njëlloj kështu, hulumtimi ka treguar që nënat të cilat kanë qenë nën stres më të gjatë emocional dhe financiar më rrallë kanë qenë të drejta ndaj fëmijëve të tyre.