Teoricieni dhe konspiracionisti i njohur, Alfred Cako, vjen me deklarata tronditëse për prapaskenat e politikës shqiptare. Gjatë një intervistë për gazetën “SOT”, ai tregon se kush qëndron realisht pas pushtetit të Edi Ramës dhe cilat janë mekanizmat që e mbajnë atë në krye të vendit. Cako ndalet edhe te mesazhet e koduara të Erion Veliajt, që sipas tij fshehin më shumë se një lojë politike, duke i cilësuar si paralajmërime të forta ndaj kryeministrit. Në analizën e tij, as Ilir Meta nuk mbetet jashtë goditjes, pasi përballë presioneve dhe kërcënimeve, ai rrezikon një fund politik të parashkruar. Me gjuhën e drejtpërdrejtë që e karakterizon, Cako shpjegon lidhjet mes krimit, korrupsionit dhe presionit të huaj mbi klasën politike shqiptare. Ndërkohë ai e sheh të ardhmen si një betejë të vështirë për sovranitetin dhe paralajmëron se viti 2027 mund të sjellë përmbysje të mëdha.
-Z. Cako, si e vlerësoni ju mandatin e katërt të Partisë Socialiste dhe çfarë pritshmërish keni për përbërjen dhe drejtimin e qeverisë së re?
Pas viteve 2000 partitë politike shqiptare ranë nën diktatin e globalistëve ndërkombëtarë. Me PS ky proces është mbyllur. PD po vuan pasi Berisha gjoja bëri kompromis duke ja u dhënë PD globalistave me Lulin por në fakt Berisha nuk ja u lëshoi ndaj ata për presion e shpallën “non grata” që ai të hiqte dorë nga kontrolli i njeriut të globalistave në PD, Lul Bashës. Edi Rama katër do të jetë si dhe tre qeveritë e para të Rilindjes, qeveri e globalistave në Tiranë për të zbatuar programin e tyre të depopullimit dhe kontrollit të njerëzve në burgjet e hapura që po krijohen, smart cities të rrethuara ngado me kamera dhe para dixhitale. E vetmja mënyrë për të luftuar këtë axhendë të globalistëve është kandidimi im si President i R.Sh në vitin 2027 kur unë mendoj se presidenti do të ketë shumë fuqi dhe do të zgjidhet nga populli. Rama & Berisha do ndryshojnë kushtetutën dhe do vendosin barriera të forta për kandidaturat e pavarura por unë do të bëj çdo përpjekje të nevojshme për të hyrë në garë e për të fituar si President i Republikës. Populli tashmë e ka kuptuar se Rama është një shurraq i globalistave kundër interesit të shqiptarëve dhe përballë këtij satrapi të shqiptarëve sigurisht që unë do të fitoja.
-Së fundmi, Erion Veliaj ka dhënë disa mesazhe të koduara në rrjete sociale, se “Kur të flas unë, ti do jesh lajm i fundit”, që u interpretuan si “kërcënime” ndaj kryeministrit Rama. Mendoni se Veliaj ka realisht një ndikim të tillë sa mund të vendosë nën presion kryeministrin?
Dihet se Rama është filtri i parë i mbajtjes në kontroll të krimit dhe korrupsionit të lartë për ti tatuar këto për llogari të globalistave. Kush kalon këtë filtër të parë ngecet tek filtri i dytë, SPAK-u i cili funksionon për të mbledhur të ardhurat nga këto dy sektorë dhe që s’kanë pranuar të paguajnë “tatimin mbi të ardhurat” në aktivitetet e zeza të cilat Rama ja u dërgon globalistëve që e sponsorizojnë për të mbajtur pushtetin me farsa elektorale. Në këtë kuptim, edhe E.Veliaj ka mashtruar dikë më lart mbi paret e fituara nga korrupsioni dhe ka refuzuar tu dërgojë më shumë para globalistëve të cilët urdhëruan Ramën dhe SPAK-un që ta arrestonin dhe të negocionin për pagesa të Erionit me miliona euro për një vit burg. Dihet që Veliaj mund të akuzohet për disa vepra penale që shkojnë mbi 17 vjet burg.
-Në çfarë gjendjeje e shihni aktualisht Partinë Demokratike? Çfarë hapash mendoni se duhet të ndërmarrë ajo për të rikthyer besimin e elektoratit dhe për të ardhur sërish në pushtet? Pas humbjes së zgjedhjeve të 11 majit, a besoni se z. Berisha do të respektojë rregullin e votëbesimit brenda partisë? Në rast të kundërt, kush do të ishte figura më e përshtatshme për ta zëvendësuar atë?
Partia Demokratike duhet të paguajë çmimin e kalimit në dorë të globalistëve dhe shitjen e të gjitha aksioneve të Berishës e pastaj të vijë në pushtet. “Pagesat” për të lëshuar PD-në ndoshta po i bëhen me favoret shtetërore në bizneset e ndryshme dhe tenderat në favor të miqve të familjes Berisha. Pas kësaj do të shohim dorëzimin e PD tek globalistët me një “vëlla siamez” të Ramës nga ana e PD dhe largimin e Berishës nga instancat e saj.
-A ekziston rreziku që PD të thellohet edhe më shumë në përçarje për shkak të rivaliteteve të brendshme mes grupimeve?
Në Partia Demokratike realisht ka 2 grupe: (a) PD si pronë e familjes Berisha dhe (b) kandidati i zgjedhur nga globalistat me enturazhin e tij. Mes këtyre dy grupeve do negociohet. Nëse Berisha nuk do ta lëshonte PD, nuk do kishte pasur karotën e pushtetit që e favorizon me bizneset e familjes së tij. Nëse Berisha bën lojë dhe si mban premtimet për ta lënë PD tek globalistët, atëhere do rifillojë politika e shkopit, pra theksimi i ‘non-gratas’, mbajtja në opozitë dhe pas vitit 2029, thirrja në SPAK, etj. Nëse do të ketë grupe të tjera anarkistësh në PD, këta ose do bashkohen me një nga dy grupet më lart, ose do dalin nga loja.
-Hetimi i SPAK ndaj ish-presidentit Ilir Meta e ka vënë atë në një situatë të vështirë. Mendoni se kjo është fundi i karrierës së tij politike, apo ai ka ende hapësira për t’u rikthyer fuqishëm në skenën politike?
Goditja ndaj Ilir Metës është fundi i palavdishëm i politikanëve të brendshëm që s’kanë pranuar t’i ndajnë pasuritë e tyre nga korrupsioni me globalistët dhe njëlloj si me E.Veliajn, globalistët i vërsulën E Rama, kryetatimorin e globalistëve mbi dy sektorë: korrupsionin dhe krimin e organizuar. I.Meta që s’pranonte negociata për këtë çështje u godit dhe tash mund ti ketë rënë pazari në këmbim të pagesës në të zezë të viteve të burgut me të cilën e kërcënojnë.
-Procesi gjyqësor i nisur nga SPAK për aferën “Partizani” ndaj ish-kryeministrit Sali Berisha, si mendoni se do të reflektojë në rolin e tij brenda PD-së dhe në perceptimin që publiku ka për figurën e tij?
Dosja ‘Partizani’ është vetëm një kërcënim i lehtë për Berishën pasi aty është e vështirë të gjesh vepër penale dhe është shumë e koracuar me akte të ndryshme të shumë instancave ligjore!
