Category: Uncategorized

Thatësira dhe temperaturat e larta kanë sjellë rritje të helmimeve nga kafshimi i gjarprit apo merimanges së zeze. Mjekët toksikologë thonë se në verë përballen me një shtim të rasteve të tilla kryesisht nga zonat rurale.

“Helmimet më të shpeshta biologjike janë ato që paraqiten nga kafshimi i gjarprit, merimangat, por merimanga e zezë më specifike dhe më i vështirë për tu trajtuar, pickimet nga akrepi. Në zona të Shqipërisë së mesme si Elbasani na kanë surprizuar si kafshimi nga gjarpri, shumë të vështira për tu trajtuar, por më shumë në zonat e fshatrave”, shprehet toksikologia Amarda Gashi

Shqetësuese për mjekët është përdorimi i metodave popullore pas kafshimit nga gjarpri, duke sjellë vështirësi në trajtim madje në disa raste edhe infeksione të plagës.

Të mos bëjnë më lidhje të nësisë, pra nëse të kafshon gjarpri në këmbë të mos e lidhin me fasha, të mos e çajnë të mos ta thithin dhe të mos ta çpojnë pasi helmi do bëjë pjesën e vet të penetrimit pavarësisht këtyre masave, dhe dëmtojnë qarkullimin e gjakut  në këmbë, fryrje të këmbës që është edema apo probleme të tjera, mund të shkaktojnë edhe infeksion të plagës që janë të vështira për tu trajtuar”, shprehet mjekja.

Por çfarë duhet bërë në rast se kafshoheni nga gjarpri, merimanga e zezë apo akrepi?

🧠 MOS u përpiq të thithësh helmin me gojë dhe mos e lidh vendin fort si me turnike!

Kjo mund ta përkeqësojë gjendjen dhe të dëmtojë indet.

🩸 Qëndro sa më i qetë dhe lëvizin sa më pak!

Sa më shumë lëviz, aq më shpejt përhapet helmi në trup. Nëse është e mundur, ulu, mos ec, mos vrapo.

📞 Thirr menjëherë ndihmën mjekësore ose shko në spitalin më të afërt!

Vetëm ata kanë antidotin dhe trajtimin e duhur.

📍Nëse mundesh, mbaj mend pamjen e gjarprit – pa e rrezikuar veten. Kjo ndihmon mjekët të përcaktojnë trajtimin e saktë.

Çdo qendër shëndetësore është pajisur me barin kundër gjarpërinjve i cili kurrsesi nuk duhet përdorur nëse blihet në farmaci pa konsultën e një mjeku.

Me urdhër të Gjykatës, Instituti i Forenzikës Psikiatrike ka kryer një ekzaminim të detajuar psikiatrik ndaj të pandehurit Naim Murseli. Në vijim mund të gjeni se çfarë ka deklaruar ai dhe çfarë konstatuan ekspertet ne lidhje me gjendjen e tij psikike.

Sipas raportit të siguruar nga Insajderi, vetë Murseli ka deklaruar se ka pasur një fëmijëri të vështirë, duke pretenduar se ka qenë viktimë e dhunës fizike nga babai i tij. Ai ka thënë se është mbyllur disa herë në shpajz dhe se babai e ka rrahur me kabëll elektrik. Si djali i parë në familje, sipas pretendimeve të tij, ai nuk ka pasur trajtim të veçantë, përkundrazi është ndjerë i privuar. Ai ka përmendur gjithashtu se motra e madhe ishte larguar nga shtëpia në moshën 15-vjeçare dhe kishte qëndruar në një strehimore sociale, për t’u martuar më vonë me një shtetas suedez.

Gjithashtu, ai ka pohuar se gjatë fëmijërisë ka pasur një operim në zemër.

Në lidhje me ish-bashkëshorten e tij, Liridonën, Murseli ka deklaruar se e kishte takuar rreth moshës 19-vjeçare në një dasmë familjare. Ai pretendon se kishte pasur presion nga familja për t’u martuar me një shqiptare, por lidhja me Liridonën ishte kundërshtuar pasi, sipas tij, tezja e Naimit kishte qenë gruaja e parë e babait të Liridonës.

Murseli ka thënë se fejesa e tyre ndodhi në vitin 2010 përmes ndërmjetësimit të dajës së tij dhe zgjati deri në korrik të vitit 2011. Ai ka pretenduar se marrëdhëniet me Liridonën kanë qenë të mira dhe se, gjatë katër viteve të bashkëjetesës në Suedi me familjen e tij. Po ashtu ai ka deklaruar se kishte ndihmuar në rritjen e fëmijëve.

I akuzuari për organizimin e vrasjes së bashkëshortës ka deklaruar se në vitin 2021 ka hapur një kompani pastrimi për të inkuadruar ish-bashkëshorten, pra Liridonën në punë. Po atë vit, sipas tij, hapi edhe një kafiteri me një mik, të cilit më vonë ia ka shitur aksionet për shumën prej 100 mijë eurosh.

Sipas raportit të ekspertizës, psikiatrit kanë konstatuar se Naim Murseli nuk vuan nga asnjë çrregullim mendor, i përhershëm apo i përkohshëm. Ai nuk ka shfaqur as shenja të prapambetjes mendore, as abuzim me substanca psikoaktive apo alkool. Gjithashtu, në kohën e kryerjes së veprës penale për të cilën akuzohet, nuk janë identifikuar shenja të ndonjë gjendjeje patologjike që do të ndikonte në aftësinë e tij për të kuptuar apo kontrolluar veprimet.

Ekspertiza përfundon se Murseli është plotësisht i përgjegjshëm për veprimet e tij dhe në gjendje të përballet me procesin gjyqësor. Ai e kupton natyrën e akuzës dhe është i aftë të mbrohet vetë ose përmes avokatëve të tij.

Murseli para katër javësh ishte dërguar në Institutin e Psikiatrisë Forenzike për ekzaminim psikiatrik.

Kërkesën për ekzaminim psikiatrik, mbrojtja e Murselit e kishte justifikuar duke thënë se klienti ka shpërfaqur gjendje psikiatrike të paqëndrueshme.

Në seancën e shqyrtimit fillestar, por edhe në seancën e parë të shqyrtimit gjyqësor, Murseli është deklaruar i pafajshëm për vrasjen e ish-bashkëshortes së tij.

Sipas aktakuzës, Murseli dyshohet se e ka organizuar vrasjen e Liridonës për motive hakmarrjeje dhe për të përfituar financiarisht nga një sigurim jetësor në Suedi, në vlerë rreth 260 mijë euro. Sipas prokurorisë, vrasjen ai e ka planifikuar së bashku me Kushtrim Kokallën dhe Granit Plavën, të cilëve ua ka premtuar një shumë prej 30 mijë eurosh për kryerjen e krimit.

Liridona Ademaj është vrarë në mbrëmjen e 29 nëntorit të 2023-tës, në rrugën “Dalip Alshiqi” në Prishtinë. Fillimisht ishte raportuar se bëhet fjalë për një grabitje, e më pas  Prokuroria bëri të ditur se është inskenim i një grabitjeje.

Emisioni “Fol me psikologen” është fokusuar këtë herë tek seksi. E ftuar në studio gazetarja Zhaklin Lekatari, e cila ka një blog të sajin Tabu.al në një bisedë me psikologen Ervisa Lula ka sjellë një pjesë të komunikimeve me ndjekësit.

Më shumë se 70% e personave që më shkruajnë thotë ajo, janë burrat dhe djemtë të cilët më pyesin se si mund ta zgjasin ejakulimin më shumë se 3 minuta. Psikologia Lula: Cila është pyetja që të bëjnë më shpesh ndjekësit ?

Lekatari: Më pyesin se si t’ia bëjnë që ta zgjasin ejakulimin më shumë se 3 minuta ose si ta bëjnë që të zgjasë edhe kur ka filluar raporti seksual apo penetrimi. Mendoj që kjo vjen nga mungesa e edukimit seksual, mungesa e besimit në vete..

Psikologia Lula: Ata që të paraqesin të tillë shqetësim a kanë shkuar ndonjëherë tek andrologu?

Lekatari: Një pjesë e tyre thonë po

Psikologia Lula: Nga historitë që ndjekësit kanë ndarë me ty, cila të ka bërë më shumë përshtypje dhe pse?

Lekatari: Disa nga ato që më thonë më duken naive, por pyetja që zë vendin e parë ishte një djalë i cili kishte gruan shtatzënë dhe gjatë shtatzënisë ajo kishte patur marrëdhënie edhe me dikë tjetër. Ai pyeste se kujt do t’i ngjante fëmija. Kjo ka qenë pyetja më absurde që unë kam lexuar.

Psikologia Lula: Cila ishte mosha e tij?

Lekatari: Ishte mbi 30 vjeç dhe kur unë e pyeta se a kishte informacion se si ndodh ngjizja dhe fekondimi, si bëhen fëmijët më tha se nuk ngelte ai shtatzënë, nuk bënte fëmijë që të dinte si…

Gjatë emisionit u fol për fenomene si “Shokë me përfitime”, seksi treshe, tradhëtia bashkëshortore dhe seksi në telefon. Blogerja sqaroi se shokët me përfitime janë raporte mes djemve dhe vajzave, raporte seksuale të cilat shkojnë përtej marrëdhënies sentimentale dhe emocionale, shok që konsumojnë shoqërinë dhe në aspektin fizik.

Fenomen ky që sipas Lekatarit është prezent edhe në shoqërinë shqiptare ashtu sikurse edhe marrëdhënia seksuale e konsumuar mes tre personave, por të tilla marrëdhënie ekzistojnë tek një pjesë e vogël e shoqërisë.

Për sa i përket deklaratës së saj se meshkujt shqiptarë nuk dinë të bëjnë seks Lekatari ka sqaruar se kjo vjen për shkak të mungesës së edukimit seksual, ndrydhjes, mungesës së vetëbesimit, eksperiencës, jo vetëm djemtë, por edhe vajzat kanë shumë vështirësi në njohjen e vetes së tyre, nëse nuk ke bërë hapin e parë masturbimin dhe njohjen e vetes është shumë e vështirë të bësh hapat e tjerë .

Në studion e “Fol me psikologen” ajo ka ndarë edhe historinë e një gruaje e cila kërkonte ndihmë pasi pas shumë vitesh martesë nuk arrinte dot orgazmën, madje për këtë kishte shkuar edhe tek një hoxhë.

Diten e djeshme, këngëtari i njohur Luiz Ejlli ka festuar 40-vjetorin e lindjes, një moment i veçantë që ai e ka ndarë me ndjekësit e tij në rrjetet sociale.

Në disa foto të publikuara në Instagram, Luizi shfaqet përkrah partneres së tij, Kiara Tito, dhe vajzës së tyre, të tre të veshur me të bardha.

Postimin Luizi e ka shoqëruar me një përshkrim, ku shkruan: “Mu deshën plot 40 vite që të kisha gjithçka që kam ëndërruar”

Postimi është pritur me entuziazëm nga fansat dhe ndjekësit, të cilët kanë dërguar urime të shumta dhe komente pozitive.

Banori me aftësi të kufizuara në Theth, Bekim Koçeku, ka vazhduar edhe sot protestën kundër fadromave të IKMT-së, të cilat synojnë të shembin shtëpitë që ai ka ndërtuar me shumë mundim dhe ndihmën e motrës së ndjerë. I vendosur për të mbrojtur punën e tij,

Në një moment tepër prekës, ai është afruar pranë një përkujtimoreje kushtuar së motrës, duke kujtuar rolin jetik që ajo pati në ngritjen e banesave për pritjen e turistëve në këtë zonë të bukur malore. Bekimi ka theksuar se pa ndihmën e saj, këto shtëpiza nuk do të ishin ndërtuar kurrë, duke e kthyer qëndresën e tij në një akt nderimi ndaj kujtimit të saj dhe një thirrje për drejtësi.

Historia e trishtë e familjes Koçeku: Bujtinat sot të rrënuara mbeten një kujtim për vajzën e familjes, Amanda Koçeku, e cila u nda nga jeta në janar të këtij viti. Vëllai i saj, i paralizuar dhe tashmë i njohur si një nga personazhet e protestës në Theth, rrëfen se Amanda bëri gjithçka që ishte e mundur, për sa kohë ishte gjallë, që ëndrra për një bujtinë për të vëllain e gjymtuar të bëhej realitet. Sot ka mbetur vetëm një pllakë përkujtimore dhe gjithçka tjetër është rrënuar.

Thethi është përfshirë nga protesta dhe zemërim pas një ngjarjeje që ka prekur thellë opinionin publik. Familja Koçeku, e njohur për përpjekjet e saj për të zhvilluar turizmin në zonë përmes një bujtine të ngritur me sakrificë, është vendosur përballë urdhrave të IKMT për prishjen e strukturës, vetëm pak muaj pasi vajza e familjes, Amanda Koçeku, ndërroi jetë në janar të këtij viti.

Kjo grua dhe burri i saj jetonin në një shtëpi të bukur dhe kishin ndërtuar një jetë bashkë. Por pas shumë mosmarrëveshjesh dhe tradhtish të fshehta nga ana e burrit, ajo vendosi të largohej përfundimisht. Në gjyq, burri përdori gjithë ndikimin e tij dhe avokatët për ta mbajtur shtëpinë dhe thuajse gjithçka. Asaj iu la veç një copëz toke pranë murit të pasmë të shtëpisë – që askush s’e konsideronte të vlefshme.

Por ajo kishte një plan.

Brenda muajve, në atë tokë të vogël, gruaja ndërtoi një shtëpizë moderne me dy kate, e dizajnuar në mënyrë të tillë që çdo dritare e saj të kishte pamje drejt dritareve të ish-burrit. Dhe më shumë se kaq: ajo vendosi një statujë të madhe gruaje me gishtin e mesit drejtuar pikërisht nga dhoma e tij e gjumit.

Kur ai u përball me pamjen e përditshme që e torturonte, u përpoq ta padiste – por ishte tokë e saj, dhe gjithçka ishte bërë ligjërisht.

Sot, historia e saj është bërë virale në rrjet: “Hakmarrja e ëmbël e një gruaje të lënduar që nuk u dorëzua.”

Ilir Çumani, Drejtor i Përgjithshëm i Institutit Kombëtar të Integrimit të Jetimëve tregon një histori emocionuse.

Çumani rrëfen një ngjarje të ndodhur në qytetin e Tropojës, ku një djalë nga paratë që i jepnin prindërit për të blerë një byrek i ka mbledhur dhe me to do blente kostumin e mbrëmjes së Maturës.

Këto janë kursimet e një djali 18 vjeçar banor i fshatit Shoshan me një bërthame familjare prej 6 antarësh që jetojne me ndihme ekonomike me 56 mije lek te vjetra ne muaj. 

Cdo ditë familja i jep në shkollë 30 lek për të blerë një byrek, ndërsa ai i ka kursyr për të blerë kostumin e mbrëmjes së maturës. Këtë ngjarje e pashë e ulur në cep te një lokali afër një dyqani kostumesh për meshkuj në qytetin e B.

Currit, shitësja vetem për sakrificen e djalit i tha zgjedh cfarë të pëlqejë pavarsisht se sa para keni…u emocionova nga ky veprim ju afrova për ti thenë je shembull për shumë të rinjë. 

Ndoshta pak por dua të ndihmoj edhe unë për shpenzimet. Më tha unë jam i varfër ekonomikisht por jo në shpirt”, shkruan Çumani.

28-vjeçarja pretendon se pesha e karrocës u zhvendos duke bërë që ajo të binte pasi nuk kishte frena…

Një nënë e tmerruar pretendon se një karrocë supermarketi Lidl e shtypi foshnjën e saj dhe u përmbys pasi nuk kishte frena.

Lucy Greatbatch kishte dalë në një dyqan Lidl në Leek, Staffordshire me fëmijën e saj 10 muajsh George për të bërë pazaret. Ndërsa merrte artikujt e saj ushqimore, nëna e uli fëmijën e saj në ndenjësen e foshnjës në pjesën e përparme të një karroce pazari.

Fotot tronditëse tregojnë djalin të dëmtuar në kokë dhe me mavijosje në pjesën e prapme të këmbëve të tij.

Përpara se të shkarkonte ushqimet, Lucy thotë se u sigurua të parkonte karrocën në një sipërfaqe të sheshtë. Por pasi arriti të fuste çantën e dytë të blerjes në bagazh, 28-vjeçarja pretendon se pesha e karrocës u zhvendos duke bërë që ajo të binte pasi nuk kishte frena.

Ndërsa George po shërohet nga plagët e tij, Greatbatch ka paralajmëruar prindërit e tjerë për ‘aksidentin e frikshëm’ të foshnjës së saj dhe i nxit ata të kontrollojnë karrocat kur janë në supermarkete. Lidl reagoi dhe tha se i vinte keq për incidentin dhe theksoi se ata kanë karroca të pajisura me rripa për foshnjat.

Greatbatch, nga Wetley Rocks në Staffordshire, tha: “Unë shkova për disa perime dhe disa fruta ndërsa desh mora më qafë femijën për këto. “Isha parkuar në një nga gjiret prindër-fëmijë dhe u futa në të. [Gjatë shkarkimit të blerjeve], e vendosa atë [Karrocën me George] në një vënd të sheshtë.

Një zëdhënës i Lidl tha: ‘Siguria e klientit është e një rëndësie të madhe për ne dhe na erdhi shumë keq kur dëgjuam për përvojën e këtij klienti. Të gjitha karrocat tona të dyqaneve kalojnë nëpër kontrolle rigoroze për t’u siguruar që plotësojnë kërkesat e nevojshme të sigurisë dhe ne kemi disa opsione të ndryshme karrocash të disponueshme për klientët në dyqanin tonë Leek, duke përfshirë karrocat me rripa për foshnjat.”

Një politikan francez ka bërë thirrje për ndalimin e shisheve të vogla plastike të ujit, duke i quajtur ato “plotësisht absurde” dhe “marrëzi mjedisore”.

Pierre Cazeneuve, i cili i përket partisë së Rilindjes së Presidentit Emmanuel Macron, paraqiti një ligj të propozuar këtë javë që mund të sjellë fundin e shisheve të ujit më të vogla se 500 ml.

Duke zgjeruar komentin e tij, Cazeneuve tha se shishet e vogla – të cilat përfshijnë madhësitë 33, 25 dhe 17 cl – “përmbajnë 20-25 gram plastikë për vetëm tre ose katër gllënjka ujë”. Ai nuk ka përfshirë shishe më të mëdha në ndalimin e mundshëm – ende.

Projektligji i propozuar do të duhet të kalojë nëpër disa pika legjislative për t’u bërë ligj.

Për ta arritur këtë, do të duhej të debatohej në parlament dhe të fitonte mbështetjen e shumicës së deputetëve atje.

Aktualisht, nuk ka shumë gjasa të ndodhë pasi përbërja aktuale e qeverisë nuk është vetëm thellësisht e ndarë, por gjithashtu nuk ka shumicë partiake në Dhomë.

Megjithatë, nëse do të kalonte, shumë qytetarë francezë ka të ngjarë të ishin në favor të tij. Një sondazh i fundit, i kryer nga OpinionWay për bamirësitë Zero Waste France dhe No Plastic in My Sea, zbuloi se rreth dy të tretat e njerëzve në vend do të ishin në favor të një ndalimi të tillë.

Sot, më 8 korrik 2025, dollari amerikan blihet me 82.8 lekë dhe shitet me 83.8 lekë.

Euro blihet me 97.4 lekë dhe shitet 98.2 lekë.

Franga zvicerane këmbehet në blerje me 103.6 lekë, ndërsa në shitje me 105 lekë.

Paundi britanik blihet me 112.6 lekë dhe shitet me 113.9 lekë.

Dollari kanadez sot në blerje këmbehet me 60.6 lekë, ndërsa në shitje me 62 lekë.

Më poshtë, po sjellim të dhënat e këmbimin valutor, për të gjitha monedhat e huaja:\