Category: Uncategorized

Deputeti i zgjedhur i Partisë Demokratike, Belind Këlliçi, tha se një ish-kryetari i Bashkisë së Tepelenës, Tërmet Peçi, mund të arrestohet për korrupsion para se të shkelë në Parlament dhe të nisë mandatin e tij të parë si deputet, në shtator.

Prisni edhe një muaj e pak dhe do të shihni, edhe skandalet e reja të qeverisë, edhe denoncimet e reja, do të shihni edhe çështjet e reja që do të ngrejë opozita… Nuk e dimë a do të ketë kohë që të futet në Parlament në shtator, apo do të arrestohet para shtatorit?”, tha Këlliçi në një emision televiziv.

I pyetur se kush do ta arrestojë, Këlliçi u përgjigj: “Oreksi i Edi Ramës. Sa herë i është dashur, çdo dy tre muaj… Nuk të bën përshtypjen që Erion Veliaj në përgjime thotë që Agron Malaj dhe Tërmet Peçi po bëhen deputetë për t’i shpëtuar drejtësisë dhe kështu duhet të vepronte edhe ai. 

Por për ata kështu kishte vendosur Rama, për Veliajn kishte vendosur që duhet të bëjë burgun edhe për shokët”.

Një zjarr masiv ka përfshirë fshatin Kalasë të Delvinës duke shkrumbuar malin në pak minuta! Pamjet dramatike të natës tregojnë një mur zjarri që i afrohet banesave, ndërsa autoritetet mungojnë totalisht!

🆘 Qytetarët alarmojnë:

“Ndihmë! Mali po digjet i gjithi, s’ka ardhur askush! Jemi të vetmuar!”

Mbyllja e hetimeve për Erion Veliajn dhe bashkëshorten e tij, Ajola Xoxa ka evidentuar fakte korrupsioni të reja të çiftit dhe familjarëve të tyre, që sipas SPAK kanë ardhur si pasojë e pozicionit të kryetarit të Bashkisë së Tiranës.

Në dosjen prej 500 faqesh që SPAK ka dërguar në gjykatë evidentohen tre raste të pastrimit të parave në investim për pasuri të paluajtshme.

Në dosje evidentohet që Arbër Veliaj, vëllai i kryebashkiakut ka porositur një objekt në godinën ‘Bookbuilding’ pranë Sahatit te Tiranës. Ky objekt leja e të cilit është firmosur nga Erion Veliaj ka ngjallur diskutime të shumta pasi Sahati Tiranës është monument kulture dhe kjo ndërtesë do ta cënonte identitetin e Tiranës por dhe të Sahatit.

Kontratat e Arbër Veliajt me kompaninë është firmosur një vit më parë, por megjithëse e ka porositur vëllai i kryetarit të Bashkisë ende nuk ka paguar asnjë këst.

Po ashtu rezulton se Arbër Veliaj ka porositur disa njësi dhe garazhde në objektin ‘Rainbow’ në zonën e Bllokut, një tjetër objekt për të cilin lejen e ka dhënë Erion Veliaj. Nëpërmjet kompanisë Gogël, ai ka porositur 451.9 metra në katin e tretë të objektit, vlera totale sipas kontratë shkon në 813.420 euro dhe do të paguhet me këste. Sipas llogarive, megjithëse në zonën me të shtrenjtë të Tiranës, Arbër Veliaj do të blejë këtë njësi me 1800 euro metri katror, një çmim shumë më i ulët se tregu.

Në dosjen hetimore del qartë që dhe apartamenti i sekuestruar nga SPAK, në kodrën e diellit mbi banesën e deklaruar të çiftit Veliaj është në pronësi të tyre. Kjo vërtetohet dhe në dëshminë e Marisa Nitos, gruas se Elman Abules e cila konfirmon që Ajola Xoxa e ka marrë këtë apartament.

Deklaruesja shprehet se nga viti 2022-2023, shtetësja Ajola Xoxa i kishte thënë se ishte ngushtë në apartamentin ku jetonte dhe kishte idenë për të marrë katin sipër saj. Sipas deklarueses, shtetësja Ajola Xoxa e ka marrë këtë apartament dhe kishte nevojë për sistemim dhe rregullim që të përshtatej për të jetuar në të dy apartamentet.

Deklaruesja i ka propozuar që apartamenti poshtë të kishte sallon dhe kuzhinë ndërsa apartamenti lart vetëm dhoma gjumi. Deklaruesja shprehet se nuk e ka parë vetë fizikisht këtë ambient por ajo di që punimet ndiqeshin nga shtetasi Olsi Efthimi.

Gjithashtu në dosjen hetimore janë zbuluar nga SPAK dhe fatura dhe biseda që Ajola Xoxa ka bërë me mobilierin që bërë mobiljet për apartamentin e ri që çifti kishte marrë.

Ardian Isufi, nënkomisari ‘boksier’ që sot u vendos në vëmendje të shoqërisë për veprimet e dhunshme ndaj kamarierit 18-vjeçar në Vlorë, duket se e ndjen veten si një padrino i vërtetë në qytetin bregdetar.

Aktualisht Ardian Isufi mban postin e Ofircerit të Policisë Kufitare në Dibër, por më parë ka qenë sher i Policisë Rrugore në Vlorë, pozicion që si duket i ka forcuar pozitat atij në këtë qytet.

Nën shoqërinë e Laert Bimos, një personazh i njohur për Policinë, Ardian Isufi tregoi muskujt mbrëmë ndaj kamarierit 18-vjeçar që ngatërroi porosinë duke i çuar një ujë më shumë në tavolinë. Por kjo ngjarje u pasua nga një sherr më i madh, në të cilin u përfshi dhe Vasil Bedinaj, pronari i hotelit, i cili dhunoi nënkomisarin duke e bërë për spital.

JOQ Albania mëson se gjatë kohës që Isufi ishe shterr i Policisë Rrugore në Vlorë, përdorte një gjuhë shumë banale ndaj efektivëve dhe qytetarëve, teksa lëvizte si një gangster i vërtetë me një “Range Rover” luksoz që e përdorte pa targa.

“Unë i njoh personalisht të dy dhe Laert Bimo dhe Ardian Isufi. Të dy janë personazhe te njohur antipatike ne Vlore, besoj e keni vene re nga mesazhet e shumta qe keni marre. Personi qe godet kamarierin eshte Laert Bimo. Dyshoj se pamjet janë fshire nga vete stafi i ‘Regina Garden’ dhe janë nxjerre vetem ato qe kane interes pronaret.

Mos harroni se ish-shefi Qarkullimit te Vlores Isufaj, përveç se ishte banal dhe ne radiot e policisë rrugore duke fyer me sharje nga me ekstremet policet rrugore, personat qe parkonin makinat gabim, ka qarkulluar dge qarkullon me nje automjet tip Range Rover me targa prove ose pa targa fare si nje gangster i vertete,” thotë një qytetar për redaksinë tonë.

Më tej ai shton se djali i nënkomisarit Ardian Isufi, reklamon në rrjetet sociale jetën lukzose, duke lëvizur me makina të shtrenjta të pajisura me fenelina policie pa pasur asnjë penalitet.

“Po ashtu djali i tij 20 vjec qe reklamon jeten luksoze ne instagram me makina mbi 100 mije euro duke vendosur fenelina si ato te policise dhe duke thyer cdo lloj rregulli te qarkullimit rrugor pa asnje lloj penaliteti. Me cfare rroge polici mund blihen apartamente dhe automjete me vlera te tilla?,” shton ai.

Pas pamjeve të dhunës, nënkomisari u përjashtua nga detyra deri në sqarimin e ngjarjes, ndërsa kryeministri Edi Rama kërkoi që ai të mos kthehet më në radhët e policisë, por t’i dorëzohet drejtësisë sapo të dalë nga spitali.

Një skenë tronditëse është regjistruar ditën e djeshme në qytetin e Vlorës, në zonën e njohur të Skelës, ku një kamarier i ri është dhunuar brutalisht në ambientet e punës së tij, në një hotel të frekuentuar nga vendas dhe turistë.

Sipas pamjeve të siguruara dhe dëshmive nga vendngjarja, ish-shefi i qarkullimit rrugor të Vlorës, Ardian Isufi, aktualisht në detyrë si nënkomisar dhe oficer i Policisë Kufitare në Dibër, në bashkëpunim me Leart Bimon, një person me precedent penal, kanë ushtruar dhunë verbale dhe fizike ndaj një kamarieri të ri, për një keqkuptim banal në porosi – konkretisht një shishe ujë më tepër.

Fillimisht, Isufi ka ndërhyrë me tone kërcënuese dhe kontakt fizik, ndërsa më pas, sipas dëshmitarëve okularë, dhuna ka shpërthyer me goditje të shumta në fytyrë dhe trup nga Leart Bimo, duke lënë të riun të gjakosur dhe në gjendje të rënduar.

Ngjarja ndodhi përpara dhjetëra klientëve shqiptarë dhe të huaj, të cilët të tronditur nga situata, janë larguar në panik nga lokali. Policia është vënë në lëvizje pas publikimit të videos në rrjetet sociale, dhe si pasojë, Ardian Isufi është pezulluar menjëherë nga detyra.

Ngjarja ka ngjallur reagime të ashpra në opinionin publik, ndërsa shumë qytetarë dhe figura publike po kërkojnë masa të ashpra ligjore për dhunuesit dhe zero tolerancë ndaj uniformës që abuzon me pushtetin.

Një incident i rëndë ka ndodhur në një lokal në lagjen “Pavarësia 2” në Vlorë, ku një konflikt për një shishe ujë më shumë përfundoi me dhunë fizike dhe ndërhyrje të policisë. Gjatë natës, Nënkomisari Ardian Isufi, ish-shef i Rrugores së Vlorës dhe aktualisht oficer i Policisë Kufitare në Dibër, së bashku me shtetasin Leart Bimo, kanë dhunuar një kamerier 18-vjeçar në lokal.

Situata u përshkallëzua më tej kur pronari i lokalit dhe i “Regina Group”, Vasil Bedinaj, ndërhyri në mbrojtje të kamerierit dhe goditi oficerin Isufi, i cili mbeti i plagosur dhe u shtrua në Spitalin Rajonal të Vlorës. Kjo nuk është hera e parë që Vasil Bedinaj, një biznesmen i njohur në Vlorë dhe pronar i një rrjeti hotelesh dhe restorantesh, përfshihet në dhunë fizike.

Në gusht të vitit 2024, Bedinaj sulmoi me grusht në fytyrë një qytetar që kishte shprehur pakënaqësi për hapësirat e plazhit të zëna nga hoteleri i tij. Konflikti u filmua dhe u shpërnda në rrjetet sociale, ndërsa situata u shmang nga përleshje më të thella falë ndërhyrjes së personave të tjerë.

Vasil Bedinaj ka qenë më parë në qendër të vëmendjes për probleme ligjore dhe konflikte të ndryshme, duke përfshirë ndërtim pa leje në zonën e Radhimës dhe një atentat në tentativë në vitin 2016. Për më tepër, ai ka bërë kërkesa për projekte të mëdha turistike, si ngritja e një stacioni plazhi në Ishullin e Sazanit, që kanë ngjallur shqetësime për veprimtarinë dhe ndikimin e tij në bregdetin e Vlorës.

Detaje të reja kanë dalë nga ngjarja e rëndë e ndodhur në një lokal në zonën e Skelës, ku një kamarier 18-vjeçar u dhunua nga një efektiv policie jashtë shërbimit. Burime zyrtare bëjnë me dije se pronari i lokalit V. B., 53 vjeç, ka ndërhyrë për të mbrojtur punonjësin e tij dhe ka goditur njërin prej agresorëve, ish-shefin e qarkullimit rrugor të Vlorës, Ardian Isufi, i cili më pas ka përfunduar në spital.

Ngjarja ndodhi pas një incident të parëndësishëm gjatë shërbimit, kur në tavolinën e klientëve ishte sjellë një shishe ujë më shumë sesa ishte porositur. Kjo u bë shkak që Ardian Isufi, aktualisht oficer në Policinë Kufitare Dibër, dhe shtetasi Leart Bimo, me precedentë penalë, të dhunonin fizikisht dhe verbalisht kamarierin.

Pamjet e kamerave dhe dëshmitë në vendngjarje konfirmuan agresionin e ushtruar ndaj të riut, i cili mori goditje në fytyrë dhe qafë. Menjëherë pas dhunës, pronari i lokalit ndërhyri për të ndaluar sulmin, duke goditur vetë Ardian Isufin, i cili për shkak të lëndimeve përfundoi në spital.

Ndërkohë, Drejtori i Përgjithshëm i Policisë së Shtetit, Ilir Proda, ka urdhëruar pezullimin e menjëhershëm nga detyra të oficerit Ardian Isufi, deri në përfundimin e hetimeve dhe sqarimin e plotë të rrethanave.

Reagim i Policisë së Shtetit

Pezullohet nga detyra një oficer policie i përfshirë në një konflikt fizik jashtë shërbimit, në qytetin e Vlorës

Pas përfshirjes jashtë orarit të shërbimit në një konflikt fizik, në ambientet e një lokali në lagjen “Pavarësia 2”, Vlorë, Drejtori i Përgjithshëm i Policisë së Shtetit, Drejtues Madhor Ilir Proda, ka urdhëruar pezullimin e menjëhershëm nga detyra, deri në sqarimin e plotë të rrethanave, të oficerit të Policisë Kufitare Dibër.

Ndërkohë, Drejtoria e Standardeve Profesionale në Policinë e Shtetit ka nisur ndaj Nënkomisar A. I., me detyrë Oficer Policie në Komisariatin e Policisë Kufitare Dibër, procedurën disiplinore të rëndë, bazuar në Ligjin nr. 82/2024 “Për Policinë e Shtetit”, që parashikon masa për:

-raste të sjelljeve që diskreditojnë imazhin dhe dëmtojnë besimin e publikut tek Policia e Shtetit, të kryera jashtë ushtrimit të detyrës;

-kryerjen e veprimeve që cenojnë rëndë figurën e punonjësit të policisë, institucionit apo shërbimit policor në tërësi.

Nga veprimet e para hetimore ka rezultuar se Nënkomisar A. I., jashtë shërbimit dhe në shoqërinë e shtetasit L. B., 57 vjeç, banues në lagjen “Pavarësia”, Vlorë, është konfliktuar fillimisht fizikisht me shtetasin A. B., 18 vjeç. Pas përshkallëzimit të konfliktit, janë përfshirë edhe shtetasit V. B., 53 vjeç, pronar i një hoteli në lagjen “Pavarësia 2”, dhe E. M.

Aktualisht, Nënkomisar A. I. ndodhet i shtruar në Spitalin Rajonal Vlorë.

Për këtë rast vijojnë veprimet procedurale nga oficerët e Policisë Gjyqësore pranë Prokurorisë, në bashkëpunim me Agjencinë e Mbikëqyrjes Policore.

Policia e Shtetit mbetet e vendosur të reagojë me vendosmëri ndaj çdo rasti që cenon besimin e qytetarëve. Ajo fton qytetarët të denoncojnë çdo veprim të paligjshëm apo sjellje të papërshtatshme nga punonjësit e saj, duke garantuar trajtim të paanshëm dhe konform ligjit

Një reagim tronditës ka ardhur nga Kozaku, i cili akuzon publikisht Elvis Naçin për mashtrime me shuma marramendëse! Sipas tij, Naçi merr 50 mijë euro nga një, 50 mijë nga tjetri, dhe paratë përfundojnë në kazino!

“Ka 20 truproja pas dhe e quan veten HOXHË?! TURP I MADH!”, shpërthen Kozaku, ndërsa i bën thirrje njerëzve:

“Mos vidhni më, ore HAJDUTA!”

Pamjet dhe deklarata e tij po bëjnë xhiron e rrjetit.

👉 A është ky fundi i maskës “bamirësi”?

👉 A do të reagojë Elvis Naçi?

Sali Berisha nuk është më, nga dje, kryetar i Partisë Demokratike. Kështu tha në “Ditarin e fundjavës” në A2 CNN juristi Indrit Sefa, në një intervistë për gazetarin Erion Dushi. Sipas tij, është vetë statuti i kësaj force politike, për të cilin u bënë edhe beteja gjyqësore, që sanksionon largimin e kryetarit, pa i lënë në dorë atij të dorëhiqet apo jo.

“Partia Demokratike sot, bashkë me LSI-në, është 100 mijë vota mbrapa vetëm Partisë Demokratike të vitit 2021. Çka do të thotë, ka marrë 531 mijë vota. Vetëm PD në 2021 ka marrë 621 mijë, bashkë me LSI ka marrë 730 mijë vota. Pra si koalicion janë 200 mijë vota më pak”, tha Sefa.

Struktura e PD është totalisht inekzistente, ka pasur probleme të jashtëzakonshme në mbushjen e komisioneve të qendrave të votimit. U hapën kutitë ku deshi PD,  nuk pati asnjë gjurmë të “Trenit Bullgar”. Kishte krim në 2021-shin? Shumë herë më shumë! Kishte përdorim të aseteve dhe burimeve shtetërore? Shumë herë më shumë! Këto janë justifikime.

Nuk po them që ishin zgjedhje perfekte, por nuk është justifikim ky. Për mua, PD duhet të shohë nga vetja dhe të gjithë këtë stuhi të ngritur në gotë, që nuk kishte Rithemelim, prandaj humbëm, kjo është më duket vetëm një lëvizje taktike e ish-kryetarit tanimë të PD, zotit Berisha, i cili në bazë të nenit 46 të statutit, nga certifikimi i rezultatit nga Kolegji Zgjedhor,

nuk është më kryetar partie, është “de facto”, “de jure”, sipas statutit të regjistruar me tre vendime gjykatash. Zoti Berisha nuk është më kryer nga dita e djeshme (26.07.2025) kur mori vendim Kolegji Zgjedhor. Se nuk i mbetet në dorë zotit Berisha për të dhënë apo jo dorëheqjen. Thuhet “nuk është më kryetar dhe në zgjedhjet e ardhshme nuk kandidon më”. Tani, një nga nënkryetarët mund të jetë kryetari në detyrë i PD, që mund të jetë zoti Gjekmarkaj, zoti Bardhi, zoti Boçi, apo zoti Bylykbashi”.

Nga viti i ardhshëm nuk do jetë një çek në maternitetin e lindjes, por një mbështetje financiare çdo muaj sipas numrit të fëmijëve”, tha Rama më 7 maj 2025, teksa zhvillonte fushatën elektorale.

Pas 6 vitesh në fuqi të skemës së bonusit të bebes që dhuron çekun menjëherë pas lindjes në varësi të numrit të fëmijëve, qeveria ka gati skemën e re për shpërblimin e lindshmërisë. Raportohet se mbështetja financiare nga 1 janari 2026 nuk do të jetë vetëm një page në momentin kur fëmija lind, por pagesë mujore nga 0 deri në 5 vjeç, shifra e së cilës rritet nga fëmija i parë te treti e në vijim

Për fëmijën e parë pagesa do të jetë 5 mijë lekë në muaj ose 60 mijë lekë në vit, (300 mijë në 5 vite) nga 40 mijë lekë në total që është çeku aktual. Për fëmijën e dytë skema e re parashikon pagesë 7 mijë lekë në muaj deri në moshën 5-vjeçare ose 84 mijë lekë në vit, nga 80 mijë lekë që është pagesa aktualisht. Ndërsa për fëmijën e tretë pagesa mujore do të jetë 10 mijë lekë, ose 120 mijë lekë në vit ose 600 mijë lekë për 5 vitet e para të bebes. Kurse bonusi sot për beben e tretë është 120 mijë lekë.

Ndryshimi i skemës bëhet për të stimuluar rritjen e lindjeve, pasi treguesit demografikë në vend janë në trend negativ. Çdo vit po regjistrohen më pak lindje referuar shifrave zyrtare. Kështu në tremujorin e parë të këtij viti erdhën në jetë 4.662 bebe, nga 5.428 bebe të lindura në të njëjtën periudhë vjet.

Nga rënia e lindshmërisë buxheti i shtetit ka kursyer para, pasi në gjashtëmujorin e parë janë shpenzuar 500 milionë lekë për bonusin e bebeve nga 900 milionë lekë në të njëjtën periudhë vjet.

Rënia e lindjeve e shoqëruar me emigrim po dëmton ekonominë e vendit, pasi mungon fuqia punëtore dhe nga ana tjetër mosha mesatare e vendit po rritet me ritme të shpejta.

Një ngjarje e rëndë e raportuar më 15 korrik në plazhin e Velipojës ngriti shqetësime për sigurinë dhe moralin në hapësirat publike. Një vajzë tregoi se ishte ngacmuar në mënyrë të pahijshme nga një burrë i panjohur, i cili sillej si “maniak”, duke kryer gjeste të turpshme dhe të neveritshme, ndërkohë që përpiqej të sigurohej se askush nuk po e shihte. Pasi vajza reagoi, burri uli kokën dhe bëri sikur nuk kishte ndodhur asgjë.

Postimi i sotëm e rikthen shqetësimin edhe një herë. Një vajzë nga Durrësi ka kontaktuar redaksinë, duke treguar se u ngacmua nga një burrë i moshuar pranë stacionit të trenit:
“Përshëndetje, desha t’ju dërgoj një video, por anonim ju lutem. Një ditë, teksa po prisja një njeriun tim tek stacioni i trenit në Durrës, një burrë bënte gjeste të tilla. Më ngacmonte gjatë gjithë kohës, por nuk munda të bëj dot një video më të gjatë.”

Këto raste po shtohen ndjeshëm dhe po kthehen në një shqetësim serioz, sidomos në hapësira publike si plazhet, stacionet e transportit dhe rrugët e qyteteve. Vajzat e reja shpesh përballen me ngacmime nga të moshuar që kryejnë veprime të turpshme e të pahijshme, duke e bërë të domosdoshme ndërhyrjen e autoriteteve dhe një reagim më të fortë shoqëror kundër këtij fenomeni.