Category: Uncategorized

I ftuar në “Live From Tirana” me Ronaldo Sharkën, ka qenë aktori i njohur dhe njëkohësisht finalisti i “Big Brother VIP Albania 4”, Laert Vasili. Ai ka folur më shumë për karrierën e tij artistike, rrugëtimin e tij në këtë edicion të reality show, mendimin e tij për fituesin, Gjestin, por dhe shumë më tepër…

Laerti ka një marrëdhënie shumë të ngushtë shoqërore me Ilnisa Agollin. I pyetur nga Ronaldo nëse e ka tërhequr ndonjëherë seksualisht, aktori u përgjigj:

Çfarë thua?! Ilnisën e njoh prej 11 vitesh, e kam shoqe. Unë nuk i ngatërroj këto.

Në një intervistë të Ilnisës, ajo u shpreh për ty: ‘Sikur mashkulli i fundit në rruzullin tokësor të ishte, nuk do të bëja kurrë marrëdhënie me të!’ A u ofendove?

Ka shumë të drejtë! Unë të ofendohem?! Përkundrazi! Edhe Ilnisa femra e fundit të kishte ngelur, unë nuk do të kisha asgjë seksuale me të. E kam shoqe. Ndonjëherë, shoku është i pari vëlla, thotë populli. Edhe shoqja mund të jetë e para motër. Kështu që, incesti nuk pranohet.

Edhe tek vepra “Kush e solli Doruntinën” e Kadaresë, sipas versionit të Kadaresë, nëna e marton Doruntinën larg, sepse ka frikë nga incesti midis asaj dhe Kostandinit. Ka qenë një problem në shoqëritë e izoluara, që mund të shkohet tek incesti.

A është e bukur Ilnisa Agolli?

Shumë! Si nuk qenka e bukur Ilnisa?!

A ka eros?

Patjetër që ka!

GAZETARJA E NJOHUR ÁLMA ÇUPI KA QENË E FTUAR NË EMISIONIN ‘OPINION’, KU KA RRËFYER NJË NGA EKSPERIENCAT MË TË ÇUDITSHME ME TË CILAT ËSHTË PËRBALLUR NË JETË. ÁJO KA TREGUAR SE KUR KA SHKUAR PËR TË VIZITUAR LLIXHAT E BËNJËS NË PËRMET, KA PARË 12 MESHKUJ TË CILËT LAHESHIN LAKURIQ.

ÁLMA ÇUPI: MË KA NDODHUR NJË EKSPERIENCË SHUMË INTERESANTE NATËN. PAS ORËN 12 TË NATËS SHIKOJ NJË AUTOBUS NË LLIXHAT E BËNJËS DHE KISHIN HAPUR ÇADRAT.

SHKOJ TEK LLIXHAT DHE SHIKOJ 12 MESHKUJ LAKURIQ, ISHTE NJË FAT SHUMË I MADH (QESH) DHE UNË NGELA, ISHIM ME SHOQËRINË TONË DHE NË MOMENTIN QË DO FUTESHIM, DALIN TË GJITHË NGA UJI DHE ISHIN TË GJITHË LAKURIQ. KISHIN VËNË DHE QIRINJ RRETH LLIXHËS.

Enkel Kallushi është kardiokirurg shqiptar, por që profesionin e tij prej vitesh e ushtron në Itali.

Së fundmi mediat italiane i kanë dedikuar një artikull të gjatë mjekut të njohur, ku e ngrejnë më “qiell”, teksa shkruajnë se “mijëra zemra janë në dorën e tij”.

Mediat e huaja shkruajnë se Enkel Kallushi është një nga kirurgët më të mirë të zemrës në Opa, spitali “Gaetano Pasquinucci” të zemrës.

Kallushi ka lindur në Tiranë është diplomuar për mjekësi në qytetin e tij dhe më pas u regjistrua në specialistin e Kirurgjisë së Përgjithshme, gjithashtu në Tiranë. Në vitin 2000 ai mbërriti në Massa për të ndjekur një kurs masteri të organizuar në Opa. Mjeku vendosi që në atë moshë të qëndronte dhe ta vazhdonte karrierën e tij në Itali.

“Kur pashë se si kryheshin ndërhyrjet, u dashurova. Gjeta një mjedis shumë shpërblyes dhe pozitiv. E ndjeva se e ardhmja ime do të ishte këtu. Edhe pse në fillim nuk ishte aspak e lehtë,” ka thënë ai për “lanazione”.

Në 2010 Enkel u punësua nga Fondacioni Monasterio si një mjek i strukturuar në kirurgjinë kardiake të të rriturve. Deri më sot, ka mbi një mijë ndërhyrje të kryera nga duart e tij.

Ekspertët e Universitetit Yale kanë identifikuar një gjendje shqetësuese të lidhur me vaksinat mRNA kundër COVID-19 – e cila, sipas tyre, është treguar se ndikon në biologjinë e trupit tuaj.

Sindroma pas vaksinimit” është një sëmundje e mëparshme e paidentifikuar, që duket se shkakton intolerancë ndaj ushtrimeve fizike ose lodhje, tringëllimë në veshë (tinnitus), marramendje dhe mjegullim të trurit, ndër simptoma të tjera.

Vite pas marrjes së injeksionit fillestar dhe dozave përforcuese, pacientët mund të shfaqin gjithashtu ndryshime të dukshme biologjike – si ndryshime në qelizat imune dhe prania e proteinave të koronavirusit në gjakun e tyre.

Nga mostrat e gjakut të pjesëmarrësve, studiuesit kërkuan veçori imune që ndryshonin midis dy grupeve. Ata zbuluan disa dallime në popullatat e qelizave imune; ata me PVS kishin nivele më të ulëta të qelizave efektore CD4+ T dhe nivele më të larta të TNF-alpha+ CD8 T, të dyja lloje të qelizave të bardha të gjakut – ndër dallime të tjera,” sipas platformës së lajmeve të Yale.

“Kjo ishte befasuese, të gjenim proteinën spike në qarkullim në një pikë kaq të vonë,” shtoi Dr. Akiko Iwasaki. “Nuk e dimë nëse niveli i proteinës spike po shkakton simptomat kronike, sepse kishte pjesëmarrës të tjerë me PVS që nuk kishin asnjë nivel të matshëm të kësaj proteine. Por mund të jetë një mekanizëm që qëndron pas kësaj sindrome.”

Për më tepër, kjo gjendje duket se riaktivizon virusin Epstein-Barr, i cili mund të shkaktojë simptoma të ngjashme me gripin, probleme nervore dhe ënjtje të nyjeve limfatike.

Megjithatë, shkencëtarët e Yale janë përpjekur të qetësojnë shqetësimet e publikut, duke theksuar se gjetjet “janë ende në zhvillim” dhe rezultatet përfundimtare të studimit nuk janë publikuar ende. Sipas ekspertëve të pavarur, rezultatet e universitetit të njohur tregojnë se kërkimet mbi sindromën pas vaksinimit janë të nevojshme.

Hapi tjetër i studimit do të jetë identifikimi i atyre që janë më të rrezikuar dhe përcaktimi i përhapjes së kësaj sëmundjeje.

Që nga futja e vaksinave mRNA kundër COVID-19, mijëra njerëz kanë raportuar se kanë pësuar dëmtime serioze nga injeksionet.

“Kjo punë është ende në fazat e saj të hershme dhe kemi nevojë të verifikojmë këto gjetje,” tha imunologia e Universitetit Yale dhe autore e studimit, Dr. Akiko Iwasaki.

“Por kjo na jep shpresë se mund të gjejmë diçka që mund të përdorim për diagnostikimin dhe trajtimin e PVS në të ardhmen.”

Ndërmjet dhjetorit 2022 dhe nëntorit 2023, ekipi i Iwasakit mori mostra gjaku nga të paktën 42 individë me sindromën pas vaksinimit (PVS) dhe 22 individë pa të, në kuadër të këtij studimi të ri, i cili ende nuk është shqyrtuar nga kolegë shkencorë.

“Sipas analizave të sistemeve imune të pacientëve, ata me PVS kishin përqindje të ndryshme të disa qelizave imune. Nuk është e qartë se çfarë kuptimi kanë këto ndryshime, pasi studiuesit nuk mund t’i lidhnin ato me simptoma të veçanta,” raportoi Daily Mail.

Shkencëtarët analizuan gjithashtu 134 persona “të shëndetshëm” të vaksinuar dhe 134 individë me “long COVID”, pasi simptomat e PVS ngjasojnë me këtë gjendje.

Megjithatë, në mars të vitit të kaluar, studiuesit mjekësorë në Queensland Health të Australisë pohuan se termi “long COVID” duhej të hidhej poshtë dhe të mos merrej seriozisht. Ata argumentuan se simptomat e atyre që kanë raportuar se janë prekur për të paktën një vit nuk ndryshonin nga simptomat e një virusi të zakonshëm, si gripi.

Ndërkohë, në lidhje me studimin e fundit të Yale për vaksinat kundër COVID-19, virusi Epstein-Barr u riaktivizua si tek pacientët me PVS ashtu edhe tek ata që kishin simptoma të “long COVID”.

Epstein-Barr është një infeksion që transmetohet përmes lëngjeve trupore si pështyma apo sperma, dhe më shumë se 90% e të rriturve mendohet se e kanë kaluar atë në një moment të jetës së tyre. Virusi qëndron në trup edhe pas zhdukjes së simptomave si ethet, skuqjet dhe lodhja – por mund të riaktivizohet kur sistemi imunitar dobësohet.

Për më tepër, nivelet e proteinës spike të COVID-19 ishin shumë më të larta tek pacientët me PVS. Disa nga simptomat afatgjata mendohet se shkaktohen nga këto proteina që vazhdojnë të qarkullojnë në trup, duke e mbajtur atë në një gjendje inflamatore.

“Kjo ishte befasuese, të gjenim proteinën spike në qarkullim në një fazë kaq të vonshme… Nuk e dimë nëse niveli i saj po shkakton simptomat kronike, sepse kishte edhe pacientë me PVS që nuk kishin fare proteinë spike të matshme… Por mund të jetë një nga mekanizmat që fshihet pas kësaj sindrome.”

Për më tepër, Dr. Harlan Krumholz, një nga autorët kryesorë të studimit, dhe Harold H. Hines, profesor i mjekësisë në Yale, komentuan mbi këtë zbulim shqetësues në një deklaratë të përbashkët:

“Përgjegjësia jonë si shkencëtarë dhe mjekë është të dëgjojmë përvojat e pacientëve, të hetojmë në mënyrë rigoroze shkaqet dhe të kërkojmë mënyra për t’i ndihmuar ata,” thanë ata.

Përveç kësaj, Faqja Kombëtare e Bibliotekës së Mjekësisë, e cila drejtohet nga Instituti Kombëtar i Shëndetësisë (NIH), ka raportuar disa të dhëna shqetësuese mbi miokarditin – një inflamacion i muskulit të zemrës – dhe lidhjen e tij me vaksinat mRNA kundër COVID-19.

“Sipas të dhënave të raportuara në VAERS (Sistemi i Raportimit të Ngjarjeve të Dëmshme të Vaksinave), numri i rasteve të miokarditit pas vaksinimit kundër COVID-19 në vitin 2021 ishte 223 herë më i lartë se mesatarja e të gjitha vaksinave të kombinuara gjatë 30 viteve të fundit.

Kjo përfaqëson një rritje prej 2500% të numrit absolut të raporteve në vitin e parë të fushatës së vaksinimit, krahasuar me vlerat historike para vitit 2021.

Të dhënat demografike treguan se miokarditi ndodhte më shpesh tek të rinjtë (50%) dhe meshkujt (69%).

Në total, 76% e rasteve përfunduan në kujdes urgjent ose shtrimin në spital. Nga të gjitha rastet e raportuara të miokarditit, 92 individë humbën jetën (3%).

Miokarditi ishte më i zakonshëm pas dozës së dytë të vaksinës (p < 0.00001), dhe personat nën moshën 30 vjeç kishin më shumë gjasa ta zhvillonin atë në krahasim me ata mbi 30 vjeç (p < 0.00001).”

Natyra “shpërtheu” me gjithë fuqinë e saj në Indonezi, ku një vullkan aktiv lëshoi një re gjigante hiri mbi 17 kilometra në atmosferë, duke e kthyer ditën në natë për banorët përreth.

Shpërthimi ndodhi papritur, duke mbuluar me hi dhe mbetje të nxehta qindra shtëpi e toka bujqësore. Pamjet e marra nga ajri tregojnë fshatra të tërë të zhytur në një shtresë të trashë gri, ndërsa qielli u errësua nga hiri vullkanik.

Autoritetet e shpallën zonën përreth si “zonë të rrezikut maksimal”, ndërsa banorët janë evakuuar me urgjencë. Ky është shpërthimi më i fuqishëm në Indonezi që nga viti 2010, duke rikthyer frikën e një tragjedie të përmasave të mëdha.

Ekspertët thonë se hiri ka arritur një lartësi prej 11 miljesh (rreth 17.7 km) dhe rrezikon të ndikojë edhe në trafikun ajror.

Ende nuk raportohet për viktima, por dëmet materiale janë të mëdha, ndërsa ekipet e emergjencës po përpiqen të mbajnë situatën nën kontroll mes rrënojave, hirit dhe tymit të dendur.

Dedë Çoku është peshkatari që u mbyt dje në lumin Mat, teksa kishte dalë bashkë me një shokun e tij për të hapur rrjetat e peshkimit. Ai u fut në ujë por nuk doli më i gjallë prej andej, derisa pas disa orësh polumbarët e RENEAS nxorën trupin e pajetë.

Djali i tij, Danieli ka bërë një postim prekës, ku i jep lamtumirën të atit, që për të ishte gjithçka. I riu është me aftësi të kufizuara dhe pas karrocës, gjendej gjithë babai, Deda, që e shëtiste në rrugët e qytezës së vogël të Rubikut.

Peshkatari Dedë Çoku

Shpirt i bukur me le, sot ishte dita e fundit qe me zerin dhe sytë e tu me frymëzove te vazhdoj nje dite te bukur, lamtumire shpirt”, shkruan Danieli, teksa ndan një fotografi me të atin.

Edhe gazetari Gjergj Marku rrëfen se e ka njohur Dedën. Ai e kujton si një punëtor të kudogjendur në Rubik, përherë i gatshëm për të shërbyer pranë Qendrës Kulturore të qytetit, sa herë që atje kishte ndonjë ngjarje apo aktivitet.

“Po e percjell kete informacion jo vetem si kronike, por shume me teper se kaq, nje dhimbje e madhe familjare por dhe komunitare per Dedë Çokun nga Rubiku, qe e humbi jeten ne lumin Mat, gjate peshkimit qe po bente atje, dhe jo thjeshte si pasion, por dhe si nevoje ekonomike”, shkruan gazetari.

E mbështetur nga kryeministri Edi Rama që në vitin 2009, për shkak të lidhjeve të saj me një biznesmen kontravers shqiptar në Greqi, Ermonela Felaj nisi karrierën si deputete e PS-së. Që prej atij momenti, Felaj u rrit me shpejtësi në hierarkinë politike, duke u emëruar ministre për Marrëdhëniet me Parlamentin dhe më pas, për katër mandate, duke drejtuar komisionet më të rëndësishme parlamentare, si ai për Çështjet Ligjore, Sigurinë Kombëtare dhe Rregulloren.

Gjatë kësaj periudhe, ajo krijoi një rrjet të fuqishëm ndikimi, të quajtur tashmë “Dinastia Felaj”, me ndikim në politikë, administratë dhe drejtësi.

Por nga viti 2024, dinastia nisi të rrënohej.

Fillimisht, në korrik 2024, me urdhër të Edi Ramës, Ermonela Felaj u shkarkua nga posti i nënkryetares së Kuvendit dhe u përjashtua nga të gjitha funksionet në parti e parlament. Në zgjedhjet e 11 majit 2025, u vendos në listë si kandidate për deputete me qëllimin e qartë për të mos u rizgjedhur.

Goditja tjetër erdhi më 27 shtator 2024, kur bashkëshorti i saj, prokurori i Tiranës Bledar Valikaj, u thirr nga SPAK për lidhjet e tij me ish-kryeprokurorin e Vlorës, Aurel Zarka, dhe për ndërhyrje në dosjen e Lendi Palajt. Ai akuzohet për zhdukje provash dhe për favore ndaj personazheve me profil kriminal.

Ndërkohë, ai është emëruar prokuror në Tiranë që në mars 2019, pa kaluar proces vetingu dhe me dyshime për pasuri të pajustifikuara.

Më 28 korrik 2025, edhe motra e Ermonelës, Eranda Felaj, prokurore në Tiranë, u përjashtua për 15 vjet nga drejtësia, me vendim të KPA-së, për pasuri të paligjshme dhe lidhje me botën e krimit.

Lista vazhdon me vëllain e saj, Armando Felaj, i emëruar oficer i policisë gjyqësore në Tiranë më 2019, dhe me kunatën Alma Felaj, emëruar prokurore në vitin 2023. Të gjithë të lidhur me njëri-tjetrin dhe me një model të qartë të kapjes së sistemit të drejtësisë.

Pas një dekade ndikimi absolut në sistem, “Dinastia Felaj” sot po shembet nën peshën e vet dhe nën dritën e hetimeve të SPAK./

Pak dite me pare, JOQ publikoi pamjet e një sherri të regjistruar ditët e fundit pranë një hoteli në Dhërmi, duke tronditur pushuesit vendas dhe të huaj.

Përleshja ka qenë kaq e ashpër dhe e papërshtatshme saqë ka krijuar një atmosferë të tensionuar, ku janë përdorur grushte dhe shkelma mes palëve.

Por, ndonëse pamjet e këtij sherri kanë bërë xhiron e mediave, duket se policinë e ka zënë gjumi pasi ende nuk ka marra masat e nevojshme lidhur me këtë sherr. Kjo jo pa qëllim! Mësohet se në sherrin e dhunshëm në Dhërmi janë të përfshirë fëmijë dhe nipër të VIP-ave të njohur dhe politikanëve me emër.

Në këtë përleshje mësohet se janë të përfshirë individë të njohur si nipi i ish-deputetit Mark Frroku, Leon Frroku, djemtë e ish-Miss Shqipëria Valbona Selimllari, Deni dhe Kejni, si dhe një i nipi i ish-ministrit Lefter Koka. Një dëshmitar shkruan për JOQ se shkak i sherrit ka qenë një femër dhe inatet e mëparshme.

Por ajo qe i ka cuditur te gjithe eshte reagimi i Valbona Selimllarit pas kesaj ngjarje te rende. Ne nje dalje televizivive…

Reagimi i Valbona Selimllarit pas ngjarjes se ndodhur ne Dhermi i ka lene njerezit te shtangur. Ne nje dalje televizive ne Tv Klan, ne vend qe te fliste per fatin e djemve te saj, ajo eshte munduar te kujdeset per veten, duke folur per ngjarje qe nuk kishin lidhje me ate qe kishte ndodhur.

Ajo ka folur per “Kënga Magjike” në programin “E Diela Shqiptare” në Tv Klan, sikur nuk ka ndodhur asgje. Në fakt, shiko unë në përgjithësi, nëpër daljet e mia, të gjithë e kanë vënë re që unë jam goxha e kontrolluar. Kam dashur të jem pak…serioze. Mirëpo ky fustani ishte më serioz se ç’duhet se ishte deri këtu (bën me shenjë te fyti) dhe nuk arrija të flisja. Më dukej sikur më zinte frymën, pak sikleti, pak përgjegjësia në atë skenë dhe ai fustani i mbyllur krejt dhe pastaj u zhveshëm, edhe një çikë më shumë se ç’duhet… por atëherë kam qenë e palestruar.

Në një nga netët, ndërsa prezantonte Rovena Dilon, e nxitur edhe nga rrugëtimi i kësaj të fundit, Valbona shprehu edhe një dëshirë për veten.

“Unë nesër mund të bëhem një këngëtare. E di pse? Sepse mora shkak nga këngëtarja që ne do të ftojmë tani. Ajo dikur ka qenë një prezantuese spektaklesh televizive dhe sot është një nga zërat më të njohur për ne. Ajo është Rovena Dilo!”

Por pse Valbona nuk e ndoqi më këtë ëndërr? Ajo e quan “pengun” e saj, por është mirënjohëse për mundësitë që i janë dhënë.

Ardit Gjebrea: Rovena prezantonte spektakle televizive, pra prezantuese dhe këngëtare dhe ti the pse mos të bëhem edhe unë këngëtare? Pse nuk u bëre? E ke peng?

Valbona Selimllari: E kam peng. Unë e kam nisur në fillore, kam qenë solistja e shkollës. Më 1 shtator, unë dhe motra ime hapnim siparin e shkollës, me duet. Kam kënduar në Pallatin e Pionerëve, kam qenë soliste në disa koncerte në kohën kur isha në 8-vjeçare, më pas kam kënduar për qejf. Jam shumë pishman që s’jam bërë këngëtare.

Ardit Gjebrea: Sidoqoftë…

Valbona Selimllari: Asnjëherë nuk është vonë. Për të qenë e sinqertë, unë këngën e kam dashur dhe mendoj që do të kisha qenë një këngëtare shumë e mirë. Dua të theksoj që shansin e parë për të kënduar në një skenë të madhe ma ka dhënë Arditi dhe këtë nuk do t’ia harroj sa të kem jetë.

Ardit Gjebrea: “Vetëm ti…”

Valbona Selimllari: O Zot, sa e bukur është kjo kënga! Më lejoni t’ju them historinë e këngës. Kënga është krijuar për 20 minuta. U shpreh dëshira. Arditi e mori, me atë dashurinë e madhe edhe për të më gëzuar mua, unë të paktën kështu e kam ndier dhe ajo është njëj këngë që është bërë për gjysmë ore a 20 minuta. Pas aq mua më merr në telefon dhe më thotë “hajde se kam një surprizë”, unë shkoj lart ku ishte një piano, Arditi vë këngën, e këndon, “kjo është kënga jonë, do ta këndojmë nesër.”

Fansat u habitën kur Luiz Ejlli u largua papritur nga një event i madh në Ksamil, duke shtuar spekulime dhe pyetje në rrjet: “Çfarë ndodhi me Luizin? Pse iku?”

Sot është zbuluar arsyeja e vërtetë – dhe nuk ka lidhje me ndonjë krizë apo incident. Luizi është larguar për të qenë pjesë e dasmës së producentit Çelik Lipa, një figurë e njohur në botën e muzikës shqiptare dhe mik i afërt i tij.

👰‍♀️🤵 Dasma luksoze e Çelik Lipës ka mbledhur emra të njohur të muzikës dhe televizionit, dhe Luizi, jo vetëm që ishte i ftuar special, por raportohet se ka pasur edhe një performancë surprizë në natën e madhe.

Burime pranë artistit konfirmojnë se Luizi nuk ka dashur të mungojë në një moment kaq të rëndësishëm për një njeri me të cilin ka bashkëpunuar gjatë, ndaj vendosi të ndërpresë pjesëmarrjen në eventin në Ksamil për të qenë pranë mikut të tij në këtë ditë të veçantë.

🎤 Edhe pse mungesa e tij u ndje nga fansat në jug, pritet që Luizi të rikthehet me energji në projektet e radhës pas dasmës.

Mos i provoni këto lojëra me shqiptarët! Një video që po qarkullon në rrjet tregon një shqiptar duke reaguar ashpër ndaj një kamere të fshehtë në Francë, e cila për pak sa nuk përfundoi në urgjencë për aktorin që e organizoi.

Skema ishte kjo: një aktor i maskuar si një vazo me lule qëndronte pa lëvizur në rrugë dhe në momentin që dikush afrohej, ai “shpërthente” duke tentuar t’i merrte çantën, në kuadër të një shakaje për kamerën e fshehtë.

Por kur viktima e radhës ishte një shqiptar, gjërat morën një kthesë të papritur. I trembur dhe i bindur se po grabitej, ai reagoi menjëherë duke goditur “lulen” me çantën që mbante në dorë. Nga pamjet e videos, dëgjohet gjithashtu teksa e shan në shqip aktorin dhe largohet me nerva, duke i lënë pa fjalë edhe kameramanët.

Ngjarja është kthyer në virale në rrjetet sociale dhe ka shkaktuar të qeshura, por edhe paralajmërime.

Mesazhi është i qartë: Të nderuar aktorë të huaj që bëni kamera të fshehta, kujdes me shqiptarët – nuk janë gjithmonë në humor për lojëra. Mund t’ju surprizojnë!