Rruga Qukës-Qafë Plloçë hapet këtë të premte.
Ky aks është një arterie me rëndësi jetike për Juglindjen e vendit dhe pritet të shkurtojë ndjeshëm kohën për të përshkuar distancën nga Tirana deri në Korçë.
Pas një pritjeje 16-vjeçare, tashmë distanca Tiranë-Korçë do përshkrohet vetëm për 1 orë e 30 minuta.
Ministrja e Energjisë dhe Infrastrukturës, Belinda Balluku ka shpërndarë një foto nga aksi.
“Gati gjithçka! Qukës – Qafë Plloçë”, ka shkruar ajo.
Shkodra u trondit mbrëmjen e djeshme nga një atentat i mirëorganizuar, ku u ekzekutua me armë zjarri Kristian Kola, 34 vjeç. Ngjarja ndodhi rreth orës 22:30, në lagjen “Vasil Shanto”, pranë kinema “Republika”, duke ngritur dyshime se kemi të bëjmë me vrasës profesionistë.
Detajet e reja zbulojnë se Kola kishte shkuar në një lokal për të takuar një mikun e tij. Sapo ai dhe shoku i tij dolën nga lokali, dy persona të maskuar me skafandra dhe të veshur me të zeza, të cilët udhëtonin me një motor, u shfaqën papritur. Njëri prej tyre, i cili dyshohet se kishte një armë zjarri me silenciator, qëlloi nga një distancë e afërt drejt 34-vjeçarit. Plumbat e kapën në pjesën e gjoksit, duke i shkaktuar vdekjen e menjëhershme. Shoku i tij, i cili ndodhej pranë, arriti të shpëtonte pa lëndime.
Policia po punon me intensitet për të zbardhur ngjarjen, por deri tani nuk ka një pistë konkrete hetimi. Mënyra e ekzekutimit, me motor, silenciator dhe me persona të maskuar, sugjeron se autorët mund të jenë vrasës me pagesë. Hetuesit dyshojnë se ata e kishin mbajtur nën vëzhgim objektivin dhe nuk përjashtohet mundësia e ekzistencës së informatorëve.
Në dëshmitë e para, dyshohet se motori i përdorur në atentat mund të jetë i njëjti që është parë para dy netësh duke ndjekur viktimën në zonën e Bardhajve. Për momentin, ky informacion është duke u verifikuar. Gjatë natës, Policia ka kryer kontrolle të shumta dhe ka sekuestruar pamjet e kamerave të sigurisë në zonë, por ende pa rezultat për identifikimin e autorëve.
Viktimën Kristian Kola, i cili nuk kishte precedentë penalë, punonte në një kompani ndërtimi së bashku me të atin. Së fundmi, firma e tyre po punonte për rikonstruksionin e kinemasë në Shkodër. Mbetet mister pse një person pa histori kriminale u bë objektiv i një atentati të tillë.
Një vit e gjysmë më parë, Kola ka pasur një konflikt për motive të dobëta, por sipas policisë, ky konflikt ishte zgjidhur dhe nuk është një pistë e besueshme hetimi. Gjithashtu, ai kishte udhëtuar dy herë për periudha të shkurtra jashtë Shqipërisë, por nuk është raportuar për ndonjë konflikt të mundshëm as atje.
Njoftimi zyrtar nga Policia e Shtetit konfirmoi vrasjen dhe bëri të ditur se një grup i posaçëm hetimor po punon nën drejtimin e Prokurorisë për të zbardhur rrethanat dhe për të kapur autorët.q z
Spektakli, “Big Brother VIP Albania”, po bëhet gati për të hapur dyert e shtëpisë më të famshme në Shqipëri për herë të pestë. Teksa sezoni i ri pritet të nisë në muajt e ardhshëm, me shumë mundësi para dhjetorit, zërat për pjesëmarrësit e mundshëm kanë filluar të qarkullojnë me ritme të shpejta në rrjetet sociale dhe median rozë.
Burime nga ‘Vip Magazine’ bëjnë me dije se disa personazhe të njohur të botës së artit, muzikës dhe televizionit shqiptar janë kontaktuar për të qenë pjesë e këtij edicioni. Lista përfshin emra nga sfera të ndryshme të showbiz-it, duke përfshirë këngëtarë, aktorë, modele dhe fytyra tashmë të njohura nga spektakle të mëparshme.
Edhe pse Top Channel ende nuk ka konfirmuar asnjë pjesëmarrës zyrtarisht, në qarkullim janë disa emra që përfliten si konkurrentë potencialë. Mes tyre përmenden:
Lore, Hilda Kertalli, Kleoniki Delijorgji, Roerd Toçe, Kostana Morava, Vitmar Basha dhe Renee Reffo, figura që kanë tërhequr vëmendje në fusha të ndryshme
“Big Brother VIP Albania 5” vjen pas suksesit të madh të katër sezoneve të mëparshme, të cilat kanë thyer rekorde shikueshmërie dhe kanë prodhuar momente që kanë mbetur gjatë në kujtesën e publikut.
Ke nga personazhet e njohur do donit që të ishte pjesë e këtij edicioni?
Sezoni i eklipseve ka mbërritur! Një nga ndikimet më të forta të astrologjisë për vitin 2025 vjen më 7 shtator 2025, duke sjellë një eklips hënor te Peshqit. Kjo ngjarje e rëndësishme do të nxjerrë në pah emocionet, dramat në jetën e dashurisë ose zgjime shpirtërore të shumta. Ndërsa universi na kujton rëndësinë e balancës së shëndetshme mes imagjinatës dhe iluzionit, perspektivave pozitive dhe marrëdhëniet me njerëzit e dashurit.
Eklipsi hënor te Peshqit sjell zhvillime të parashikuara nga fati. Ndërsa sezoni i eklipseve i referohet çiftit të eklipseve – një hënor dhe një diellor – që ndodhin njëri pas tjetrit brenda dy javëve, le të fokusohemi te kuptimi i një eklipsi hënor në vetvete. Një eklips hënor mund të krahasohet me rëndësinë shpirtërore të një Hëne të plotë. Ai simbolizon përfundimin e një udhëtimi emocional, duke shënuar një moment intuitiv dhe kuptimplotë që më në fund na lejon të lëmë pas atë që nuk na shërben më në dritën e këtij kuptimi shpirtëror më të thellë.
Ajo që e dallon një eklips hënor është fuqia e tij intensive dhe ndikimi i thellë. Ndërsa një Hënë e plotë ndodh çdo muaj dhe mund të na ndikojë në mënyra më të buta, një eklips hënor ndodh rreth çdo 6 muaj dhe mund të ndryshojë ndjeshëm rrugët e jetës sonë. Disa eklipse hënore mund të na ndikojnë më shumë se të tjerët, në varësi të hartës astrologjike.
Binjakët inkurajohen të reflektojnë se ku duhet të bëjnë sakrifica në jetën personale për t’u bërë personi që dëshirojnë të jenë. Ndërsa dëgjojnë thirrjen e brendshme të ndërgjegjjes së tyre, është e qartë që nuk mund të vijojnë të kenë më besime dhe mendime të vjetra, që pengojnë shërimin e tyre. Ata inkurajohen të përballen me frikërat rreth perceptimit të tyre. Për të arritur sukses, për të kapur mundësitë dhe për të ndërtuar një reputacion të fortë, është thelbësore të udhëhiqen nga intuita, kreativiteti dhe imagjinata. Strategjitë kufizuese, informacionet e vjetra ose analizimi i tepruar i ndjenjave vetëm do t’i mbajnë prapa. Binjakët janë gati të angazhohen në projekte pune, rrugë të reja profesionale ose role që përputhen me dëshirat e zemrës.
Virgjëresha
Gjatë eklipsit hënor te Peshqit, Virgjëreshat po zbulojnë besime, modele ose mendime të dëmshme në marrëdhëniet e tyre. Ndërsa mund të punojmë mbi veten, zhvillimi personal, rritja dhe zgjerimi nuk janë procese tërësisht të pavarura. Lidhjet tona, jeta shoqërore dhe partneritetet ndikojnë ndjeshëm në imazhin tonë të vetes. Ky eklips i fuqishëm zbulon se çfarë na nevojitet për të ndjerë që të tjerët na shohin, mbështesin dhe jemi emocionalisht të sigurt, për të hapur zemrën ndaj të tjerëve.
Është koha për të bërë sakrifica në mënyrën se si lidhemi me të tjerët për të gjetur paqen.
Shigjetari
Ndërsa reflektoni mbi sakrificat që keni bërë për jetën publike dhe aspektet e jetës personale që keni neglizhuar kërkimin e suksesit, qëllimit ose ndikimit praktik. Universi po i vë re këto mangësi. Ky eklips hënor te Peshqit do të ndikojë ndjeshëm te Shigjetari, duke sjellë në sipërfaqe emocione të shtypura dhe dëshira që lidhen me familjarë të pakënaqur. Fëmija juaj i brendshëm kërkon mbështetje, duke ju ftuar të forconi lidhjet me të tjerët. Është thelbësore që të vendosni si prioritet jetën në shtëpi, komunitetin e zgjedhur dhe dinamikat brenda rrethit tuaj më të afërt. Mund të duhet të konsideroni të bëni sakrifica në karrierë, reputacion, autoritet ose rolin shoqëror për të ribalancuar shëndetin mendor. Paraja, statusi ose duartrokitjet nuk mund të zëvendësojnë intimitetin që kërkoni, ndaj është koha të bëni merreni me çështje të brendshme!
Peshqit
Ju jeni shenja më e ndikuar gjatë këtij eklipsi hënor në mbretërinë tuaj kozmike. Eklipsi hënor te Peshqit ju inkurajon të reflektoni mbi aspektet e vetes. Ndërsa është thelbësore të jeni të dhembshur, të keni më shumë dashuri për veten, një pjesë e praktikës së versionit tuaj më të mirë, mund të përfshijë disiplinë.
Vetëreflektimi do t’ju shpëtojë nga kurthet shpirtërore. Është koha të lini pas besimet e vjetra për identitetin, pamjen, stilin ose mënyrën sesi duhet të paraqiteni. Ndërsa universi riformëson rrugën e jetës suaj dhe hap mundësi të reja për zbulimin e vetes, do të ndjeni nevojën dhe urgjencën për të lënë pas emocionet, besimet ose iluzionet që nuk mbështesin versionin e ri të vetes.
Një lajm i kobshëm erdhi një ditë më parë nga Spitali i Traumës ku Kreshnik Tomai, babai i tre fëmijëve, prej 10 ditësh po luftonte për jetën në sallën e kujdesit intensiv.
35-vjeçari nuk mundi që të fitonte betejën me vdekjen. Ai ndërroi jetë pas 10 ditësh në koma, pasi më 24 gusht u përplas nga një 17-vjeçar me “Range Rover” në qytetin e Fierit.
Por, për publikun Kreshniku nuk ishte një emër i panjohur. Në media dhe rrjetet sociale të gjithë e njohin si babain që do të bënte të pamundurën për ëndrrën e vajzës së tij që të bëhej këngëtare.
Ai është babai i Nikitës, vogëlushes 10 vjeçare e cila ka fituar zemrat e publikut me zërin e saj të ëmbël dhe dëshirën e madhe për t’u bërë këngëtare. Me dhjetëra herë, babë e bijë, kanë qenë të ftuar në studio televizive, aty ku dhe Kreshniku ka pohuar para kamerave se deri në fund të jetës së tij do të jetë mbështetja më e madhe e vogëlushes së tij.
17-vjeçari me “Range Rover” i mori jetën! Kreshnik Tomai
Kreshnik Tomai duke kercyer me vogelushen e tij Nikiten
“Fëmijën e parë e kam dashur vajzë dhe emrin ja kam vënë vetë.
Megjithëse kryeministri shqiptar u tregua i rezervuar në intervistën e tij për Blendi Fevziun, përsa i përket emrave që do zënë karriget ministrore burime pranë tij kanë nxjerrrë një listë me emra. Nëse për Belinda Ballukun nuk pritet fletë arresti nga SPAK, pritet të emërohet në krye të dikasterit të Mbrojtjes ku zëvendëson Pirro Vengun, në të kundërt në këtë ministri shkon Iglli Hasani.
Në krye të transporteve shkon Blendi Gonxhe, i cili do të jetë njëkohësisht edhe zëvendësi I parë I Edi Ramës. Ministër i Arsimit mësohet se do të shkojë Edvin Demo i cili do i zërë vendin Manastirlliut, e cila pritet të shkojë në krye të teknologjisë dhe informacionit ku do të jetë brenda dhe Ministria e Ekonomisë.
Ministër i shëndetësisë shkon deputeti Vasil Llaho, i cili do të zëvendësojë Albana Koçiun. Llaho është një personalitet në fushën e shëndetësisë dhe një nga biznesmenët më të suksesshëm në fushën e laboratorëve. Ministre Kulture shkon Besiana Kadare e cila do të shkojë pas ndarje së ekonmoisë me kluturën. Ministri i Brendshëm ndahet ndërmjet Blendi Çucit dhe Romina Kuko.
Blendi Klosi kalon te ministria e Turizmit e cila do marrë disa sektorë të fuqishëm, përveç mjedisit licencat dhe Pushtetin Lokal. Ministria e Drejtësisë pritet të ketë një surprizë me Etilda Gjonaj. Financa ka një dualitet midis Ervin Metes dhe Delina Ibrahimit. Ministria e Bujqësisë diskutohet për disa emra si Anila Denaj, Blendi Çuçi dhe Arjan Jaupllari. Në krye të diplomacisë Edi Rama pritet të emërojë një personalitet të njohur të cilës i ka propozuar postin e ministres së jashme dhe zëvendëskryeministres, e cila mund të jetë Lea Ypi.
Të gjithë këta emra janë diskutuar nga një grup deputetësh pranë Ramës, të cilët kanë bërë një skelet të qeverisë në bazë të pëlqyeshmërisë së kryeministrit për figurat qe janë brenda mazhorancës.
Drejtori i Shkollës së Magjistraturës, Arben Rakipi, ka deklaruar se drafti i ri i Kodit Penal parashikon dekriminalizimin e pr0st1tuc10n1t. Sipas tij, ky propozim vjen pas një analize të thellë të terrenit shqiptar dhe pas vëzhgimit të modeleve ligjore evropiane, si ai italian dhe francez, të cilët nuk e dënojnë ushtrimin e pr0st1tuc10n1t.
Rakipi, drejtuesi i Grupit të Punës për draftin e Kodit të Ri Penal, thekson se edhe pse personalisht nuk e konsideron pr0st1tuc10n1n si një profesion, ai beson se aplikimi i dënimeve penale në Shqipëri është bërë “i padobishëm”. Ai argumenton se ky lloj “profesioni” ka marrë një mbështetje të gjerë në shoqëri dhe shfaqet haptazi, madje edhe tek influencerët. Për këtë arsye, ndëshkimi penal nuk po arrin qëllimin e tij.
Pavarësisht propozimit, Rakipi nuk dha një datë të saktë se kur mund të ndodhë dekriminalizimi, pasi kjo lidhet me miratimin e ligjeve të tjera specifike që do të sigurojnë mbrojtjen e personave që ushtrojnë pr0st1tuc10n me dëshirë të lirë.
Këtë të enjte nisi sezoni i ri i “Top Story” në Top Channel.
Të ftuar në studio ishin demokrati Ervin Salianji, analisti Lorenc Vangjeli, gazetarja Anila Basha, ish-kandidati për deputet Ilir Alimehmeti dhe Aulon Kalaja.
Gjatë prezantimit të të ftuarve nga Grida Duma, ajo prezantoi të parin Ervin Salianjin, duke thënë:
“Sot kam 6 të ftuar në studio, po i prezantoj duke nisur me një kënaqësi të veçantë për zotin Ervin Salianji.”
I menjëhershëm ishte reagimi i ish-deputetit, i cili me një buzëqeshje të lehtë e pa Gridën në sy dhe i tha: Mirëmbrëma, kënaqësia ime e përjetshme.
Gridia i kthen buzëqeshjen…
Ky moment ka shkaktuar me qindra komente në rrjetet sociale, pasi në të kaluarën Grida dhe Ervini janë përfolur për një raport më të ngushtë në marrëdhënien e tyre, se sa vetëm kolegë në Partinë Demokratike.
Vendi ynë do të ndikohet nga kushte atmosferike relativisht të qëndrueshme, duke sjellë një mot përgjithësisht të mirë në shumicën e territorit.
Moti do të jetë me kthjellime dhe vranësira të pakta kalimtare, të cilat do të bëhen më të dukshme në orët e mesditës, veçanërisht në zonat malore. Pikërisht në këto zona parashikohen edhe reshje lokale shiu me intensitet të ulët, të cilat nuk pritet të kenë ndikim të madh në aktivitetet e përditshme.
Era do të fryjë nga kuadrati i veriut me shpejtësi mesatare prej 7 m/s, ndërsa përgjatë vijës bregdetare dhe zonave luginore pritet të intensifikohet, duke arritur deri në 14 m/s.
Deti do të paraqitet i qetë deri mesatar, me valëzim të forcës 1 deri në 3 ballë
Një tjetër i moshuar në Korçë u gjet i vdekur në banesë. Kishte disa ditë që kishte ndërruar jetë. Ishte vetëm, pasi fëmijët kishin emigruar me kohë. Para pak ditësh, një burrë u gjet gjithashtu i vdekur në shtëpi, madje disa muaj pasi kishte ndërruar jetë. Edhe ai i vetmuar. Por jo vetëm në Korçë. Nuk janë raste sporadike. Po shtohen shumë madje.
Emigrimi masiv i rinisë që nisi në vitet 1990 dhe vazhdon ende, pasi kontribuoi për të ndërtuar shtëpi të bukura e të mëdha, për të blerë makina e për të ndikuar në rritjen e nivelit të jetesës së familjeve në Shqipëri, tashmë po shfaq frikshëm pasojat sociale.
Në shtëpitë e bukura që ndërtuan djemtë e vajzat emigrantë, po vdesin të vetmuar prindërit. Familjet ku jetojnë vetëm dy prindër janë thuajse shumicë në fshatra e qyteza të vogla. Nuk dëgjohen më zëra fëmijësh që qajnë, por vetëm zëra qensh që lehin.
55-65 vjeçarët e sotëm, të cilët i gëzohen faktit që fëmijët e tyre “janë sistemuar” në vendet e Europës, brenda një dekade nuk do të kenë fuqi të marrin as ilaçet vetë e nuk do ketë kush t’u japë një gotë ujë.
Shqipëria nuk është vetëm vendi me plakjen më të shpejtë të popullsisë në Europë. Ajo kërcënohet masivisht nga një moshë e tretë e vemtuar. Ata nuk mund ti ndjekin fëmijët nëpër botë. E fëmijët nuk mund të kthehen në shtëpi, pasi janë bërë prindër atje ku shkuan fare të rinj.
Shqipëria ka një shërbim social fare modest, sa as në telefon nuk ua del ti marrë të vetmuarit, për të ditur nëse janë gjallë apo kanë vdekur.
Shqipëria nuk është Gjermania, që të mbledhë mjekët e infermieret e vendeve të varfëra e ti shndërrojë në “babysitter” për të moshuarit.
Ndaj, mos dyshoni, kështu “do të ngordhim” të tërë. Të paktën lëreni derën hapur, mos e mbyllni nga brenda.
P.S: Nuk di nëse ka ndonjë vlerë ta lexosh këtë shënim. Sepse asngjë nuk ndryshon. Por ndoshta, do ishte mirë që, ata që kanë mbetur fshatrave e periferive nga një apo dy të moshuar në shtëpi, do bëjnë mirë që në vend që të zihen për gardhin e murin, ti shembin fare ato, e të pijnë kafetë sëbashku, sa të jenë.
Ndaj, ju lutem, shpërndajeni këtë postim, për këtë arsye./ Marrë nga profili i autorit në Facebook