Category: ShowBizz

Një ngjarje tragjike ka tronditur këtë të mërkurë qytetin e Durrësit. Një 45-vjeçar, me inicialet A.P., është gjetur i pajetë nga familjarët e tij, ku dyshohet se ka kryer vetëvarje. Ngjarja ka ndodhur në lagjen nr.17, duke sjellë trishtim dhe shok tek të afërmit dhe banorët e zonës. Grupi hetimor ndodhet në vendngjarje dhe po punon për të zbardhur shkaqet dhe rrethanat e kësaj tragjedie.

♈ Dashi

Mëngjesi mund të sjellë paqartësi, prandaj shmang vendime të rëndësishme. Pasdite energjia të jep vetëbesim dhe ide të reja në punë.

♉ Demi

Mos u ngut me çështje financiare gjatë paradites. Në mbrëmje shfaqen mundësi për stabilitet dhe biseda të ngrohta në familje.

♊ Binjakët

Ditë e mirë për komunikim, por prit pasdite për vendime të mëdha. Mund të marrësh një lajm pozitiv në lidhje me punën.

♋ Gaforrja

Në mëngjes shmang shpenzimet e panevojshme. Pasdite do të ndihesh më i qetë dhe i mbushur me energji pozitive në marrëdhënie personale.

♌ Luani

Me Hënën në shenjën tënde pasdite, rritet vetëbesimi dhe dëshira për të qenë në qendër të vëmendjes. Koha perfekte për kreativitet.

♍ Virgjëresha

Paradite me tension të lehtë, ndaj ruaj qetësinë. Pasdite do ndihesh më pranë vetes dhe mund të fokusohesh në qëllime afatgjata.

♎ Peshorja

Shmang debatet në orët e para të ditës. Pasdite mund të marrësh mbështetje nga miq ose kolegë që të hap horizonte të reja.

♏ Akrepi

Mëngjesi mund të të sjellë dilema në punë. Në pasdite shfaqen mundësi për të afirmuar pozicionin tënd dhe për të fituar respekt.

♐ Shigjetari

Dita fillon me ngadalësi, por pasdite ndihesh më i lirë dhe i frymëzuar. Mundësi të mira për udhëtime apo plane të reja.

♑ Bricjapi

Në mëngjes shmang vendimet financiare. Pasdite mund të përfitosh nga një bisedë e sinqertë që sjell qartësi dhe siguri.

♒ Ujori

Paradite me pasiguri në marrëdhënie. Pasdite rritet dëshira për harmoni dhe bashkëpunim. Mund të afrohesh më shumë me partnerin.

♓ Peshqit

Dita nis me lodhje dhe paqartësi, por pasdite energjia të rikthehet fuqishëm. Një lajm i mirë në punë ose shëndet të jep optimizëm.

Juristi i njohur Ylli Manjani ka ngritur alarmin për disa nene të draftit të Kodit të ri Penal, duke i cilësuar ato si të rrezikshme për qytetarët. Në një intervistë për “Now” në Euronews Albania, ai tha se dispozitat për “pasurimin e paligjshëm të kujtdo” janë një mënyrë për t’u grabitur pronën shqiptarëve.

“Imagjinoni, të ndalon polici në rrugë dhe të pyet: këtë xhaketën ku e ke blerë? Nëse nuk e bind, mund të të konsiderojnë të pasuruar në mënyrë të paligjshme. Kjo është e tmerrshme. Kodi Penal nuk mund të shndërrohet në një armë për të rrëmbyer pasuritë e qytetarëve”, – tha Manjani.

Ai e quajti këtë logjikë “bolshevike” dhe “majmunizëm”, duke theksuar se aktualisht një verifikim i tillë bëhet vetëm për personat që kanë indicie kriminale në kuadër të ligjit antimafia. Ndërsa, sipas draftit, rreziku do të përfshinte çdo qytetar.

Manjani ngriti shqetësimin se Kodi i ri fokusohet vetëm te dënimi me burg dhe jo te edukimi i shoqërisë:

“Qëllimi nuk është të fusim gjithë shoqërinë në burg, por ta edukohet. Ka shumë shkelje që duhen trajtuar administrativisht, jo penalisht. Nuk zgjidhet asgjë me pranga.”

Si shembull, ai përmendi dënimin deri në 10 vite burg për armëmbajtje pa leje:

“10 vjet burg për të mbajtur armë? Po 10 vjet për të qëlluar në dasmë? A ndodh kjo në ndonjë vend tjetër të botës?”, – u shpreh juristi.

Sipas tij, çdo kod penal duhet të shoqërohet me një kod kundravajtjesh administrative, për të shmangur kriminalizimin e panevojshëm të shoqërisë.

Kliko linkun më poshtë për të parë videon:

https://youtu.be/frutRdRtNHE?si=K58n7tC9lB1XiZHu

Një histori e pazakontë ka ardhur nga Durrësi, ku një grua vendosi të ndiqte bashkëshortin e saj për dy ditë me radhë, duke dyshuar se ai po e tradhtonte.

Korrespondentja Dhurata, në emisionin “Aldo Morning Show”, tregoi se gruaja kishte vënë re ndryshime të sjelljes së burrit, i cili e kishte lënë disi pas dore. Duke mos duruar më dyshimet, ajo u kthye në “detektive” dhe nisi ta ndiqte hap pas hapi.

Surpriza ishte e madhe: burri nuk takohej me një femër të vetme, por me disa. Megjithatë, takimet ishin vetëm në kafe dhe nuk kishte prova konkrete për një lidhje jashtëmartesore.

“E ndoqi për dy ditë rresht dhe vuri re që ai nuk dilte me një femër, por me disa femra. Ende nuk e ka kapur në flagrancë, por vazhdon ndjekja e saj”, – tha Dhurata.

Historia ka ngritur shumë pikëpyetje: a bëhet fjalë për tradhti të mirëfilltë apo thjesht për miqësi e takime të zakonshme? Gruaja ndërkohë ka vendosur ta ndjekë më tej burrin për të zbuluar të vërtetën.

Një 41-vjeçar shqiptar ka humbur jetën në Sant’Olcese, pranë Gjenovës, pasi u qëllua disa herë me armë elektrike nga karabinierët italianë. Viktima është identifikuar si Elton Bani, punëtor ndërtimi, i cili sipas autoriteteve pësoi arrest kardiak pas përdorimit të armës.

Ngjarja ndodhi në mbrëmjen e 17 gushtit, kur fqinjët alarmuan policinë duke raportuar se shqiptari po hidhte objekte nga dritaret dhe karrige në hyrje të ndërtesës. Kur karabinierët mbërritën në vendngjarje, Bani nuk pranoi të qetësohej dhe tentoi të hipte në makinën e tij.

Sipas raportimeve të mediave italiane, policët përdorën armën elektrike tre herë: hera e parë e gërvishti, e dyta e goditi drejtpërdrejt dhe e treta e rrëzoi përtokë. Menjëherë më pas ai pësoi arrest kardiak dhe vdiq.

Dy oficerët e përfshirë në ndërhyrje janë tashmë nën hetim, ndërsa prokuroria po analizon të gjithë rrethanat për të përcaktuar nëse veprimet e tyre ishin të justifikuara.

Elton Bani kishte qenë më parë i njohur për policinë italiane, pasi kishte vuajtur një muaj burg për falsifikim dokumentesh.

Ky është rasti i dytë brenda dy ditësh në Itali ku përdorimi i armës elektrike nga policia rezulton fatal, duke hapur një debat të gjerë mbi përdorimin e “taser”-it si mjet neutralizimi.

Presidenti i Ukrainës, Volodymyr Zelensky, ka tërhequr vëmendjen këtë herë jo vetëm për deklaratat e tij, por edhe për veshjen ndryshe nga zakonisht. Në samitin e fundit në SHBA, ku u mbajt edhe takimi në Shtëpinë e Bardhë, Zelensky nuk u shfaq me uniformën e tij karakteristike ushtarake, por me një kostum të errët klasik.

Ky ndryshim solli menjëherë reagime dhe interpretime të ndryshme, duke përfshirë edhe thashethemet se ishte një zgjedhje për të bërë më shumë përshtypje në takimin me Donald Trump.

Por stilisti personal i presidentit, Viktor Anisimov, hodhi poshtë këto pretendime, duke sqaruar se garderoba e re e Zelensky-t është përgatitur prej muajsh.

“Ne kishim filluar të punonim për stilin e ri të presidentit që në janar. Pas kritikave që mori në shkurt, duke e njohur mirë karakterin e tij, mendova se nuk do të donte të ndryshonte. Por ai vetë vendosi që ishte koha të vazhdonte me një stil të ri”, – tha Anisimov.

Ky ndryshim stili shihet si një përpjekje për të përcjellë një imazh më diplomatik dhe institucional të presidentit ukrainas në takimet ndërkombëtare, ndërkohë që lufta në vendin e tij vazhdon.

Çdo qytetar që mbush moshën e pensionit duhet të paraqesë dosjen e tij pranë Institutit të Sigurimeve Shoqërore. Por sa kohë duhet të presë nga momenti i kërkesës deri te miratimi dhe llogaritja e pensionit?

Ligji parashikon një afat maksimal prej 45 ditësh, por në praktikë koha mesatare është shumë më e shkurtër: vetëm 22.8 ditë. Megjithatë, ritmi i përpunimit ndryshon nga një qytet në tjetrin:

Shkodra është më e shpejta, me vetëm 9.9 ditë për përfundimin e dosjes. Tirana rezulton më e ngadalta, me 30.4 ditë, për shkak të numrit të madh të banorëve dhe fluksit të lartë të aplikimeve. Brenda 20 ditësh përfundojnë edhe Peshkopia, Korça, Kukësi dhe Vlora. Më shumë se 20 ditë duhen në Durrës, Elbasan, Fier, Gjirokastër dhe Lezhë.

Sipas të dhënave të vitit 2024, mbi 99.7% e pensioneve të reja janë lidhur brenda afatit, çka tregon një përmirësim të dukshëm të shërbimit.

Një tjetër risi e rëndësishme është ndryshimi ligjor i miratuar nga qeveria në mars 2025, i cili u jep mundësi rreth 30 mijë qytetarëve të përfitojnë njohjen e periudhave të punës para vitit 1994 pa qenë nevoja të hapin procese gjyqësore, pasi dokumentacioni i shumë ndërmarrjeve dhe kooperativave të dikurshme është dëmtuar ose humbur.

Vetëm gjatë vitit 2024 janë lidhur 29,232 pensione të reja pleqërie, ku 17,785 ishin burra dhe 11,447 gra.

Autoritetet belge, në bashkëpunim me SPAK, kanë zbuluar një skemë të pazakontë trafiku ndërkombëtar droge ku protagonistë janë shqiptarë. Ndryshe nga grupet e tjera që përdorin kontejnerë me banane për të futur kokainën në Europë, ky rrjet kishte shpikur metoda më të sofistikuara: ngarkesat fshiheshin në anije tregtare, hidheshin në det të hapur dhe më pas merreshin nga peshkarexha të vogla.

Hetuesit dyshojnë se grupi ka përdorur madje edhe një nëndetëse për transportimin e lëndës narkotike, duke e bërë këtë rast unik në Europë. Droga vinte kryesisht nga Ekuadori dhe Brazili, ndërsa në Belgjikë funksiononte një laborator për përpunimin e saj.

Ky rrjet kishte shtrirje në disa shtete europiane, në Amerikën Latine dhe deri në Afrikë, ku dyshohet se ka organizuar dërgesa të tjera. Vetëm në dy raste janë kapur afro 400 kg kokainë, në portet e Antërp-it në Belgjikë dhe të Brake-s në Gjermani.

Deri tani janë identifikuar të paktën pesë persona, por hetuesit kanë në dorë vetëm nofkat e shumë të tjerëve. Për të komunikuar mes tyre, anëtarët përdornin telefona të enkriptuar, ndërsa janë dokumentuar udhëtime të shpeshta në Dubai dhe takime sekrete në hotele luksoze në Belgjikë, ku planifikoheshin dërgesat milionëshe të kokainës.