Category: ShowBizz

Prej disa ditësh, rrjetet sociale janë ndezur nga zërat për një lidhje të mundshme mes Erik Fullanit dhe Sara Hoxhës – dhe duket se “puzzle”-i po plotësohet dita-ditës.

Pas disa fotove të postuara nga i njëjti vend në jug, dyshja u shfaq sërish shumë pranë njëri-tjetrit – këtë herë në një festë private në periferi të Tiranës, organizuar nga Olta Gixhari për 1-vjetorin e djalit të saj, Zeo.

Sara Hoxha dhe Olta njihen për miqësinë e ngushtë, që lindi nga bashkëpunimi i tyre në serialin “Në kuadër të dashurisë”, ku ato interpretonin motra. Ndaj prania e Sarës në festë ishte e pritshme… por Erik Fullani ishte surpriza e mbrëmjes!

Edhe pse nuk ka asnjë foto të dyshes bashkë dhe nuk e ndjekin njëri-tjetrin në Instagram – që vetë është një taktikë “klasike” për të shmangur dyshimet

Kjo ka shtuar dyshimet se mes tyre ka nisur diçka më shumë se një njohje miqësore. Dhe kur në lojë janë zemra të njohura publike… rrjeti shpërthen!

Kriza në Lindjen e Mesme po thellohet, ndërsa Shtetet e Bashkuara të Amerikës kanë hyrë fuqishëm në veprim për të ndihmuar Izraelin të përballojë sulmet raketore nga Irani.

Burime izraelite për CNN kanë konfirmuar se SHBA ka asistuar drejtpërdrejt në rrëzimin e raketave iraniane, të cilat synonin zemrën e Izraelit natën e së premtes.

“Strukturat tokësore amerikane kanë identifikuar dhe kapur disa nga raketat në fluturim,” thanë zyrtarë amerikanë, duke shtuar se ende nuk janë përdorur avionët luftarakë apo anijet luftarake në operacion – por ato janë në gatishmëri.

Pentagoni ka vendosur anije shkatërruese të Marinës pranë brigjeve izraelite, për të krijuar një perimetër mbrojtës ndaj çdo sulmi të mëtejshëm nga Irani apo aleatët e tij rajonalë. Ky pozicionim strategjik është pjesë e një operacioni të heshtur, por vendimtar, për të ruajtur balancën në rajon.

“Ky është një bashkëpunim i nivelit më të lartë ndërmjet forcave amerikane dhe sistemit të mbrojtjes izraelit,” theksojnë burime të Pentagonit.

Në sulmin masiv të prillit 2024, Irani lëshoi mbi 300 predha – përfshirë 170 dronë dhe 120 raketa balistike – por ushtria izraelite, me ndihmën e aleatëve si SHBA, rrëzoi 99% të tyre, duke evituar një katastrofë të mundshme.

Tensionet mes Iranit dhe Izraelit kanë shpërthyer në një tjetër përplasje të rrezikshme, pasi raketat iraniane goditën zonën urbane të Tel Avivit.

Ministri izraelit i Mbrojtjes, Izrael Katz, reagoi ashpër, duke theksuar se “Irani ka kaluar vijat e kuqe” duke shënjestruar civilët dhe zonat e banuara. Edhe pse sulmi nuk shkaktoi viktima, dëmet materiale janë të konsiderueshme, sipas autoriteteve.

Në një deklaratë të fortë, Katz paralajmëroi:

🗨️ “Irani do të paguajë një çmim shumë të rëndë për këtë agresion. Askush nuk godet civilët tanë pa pasoja.”

Ndërkohë, Policia izraelite ka konfirmuar se një municion iranian është rrëzuar në Distriktin Verior të vendit. Zëdhënësi i saj sqaroi se nuk ka të lënduar, por u kërkua popullatës të shmangë zonat e prekura dhe të mos prekin mbeturinat, pasi mund të jenë ende të rrezikshme.

👮‍♂️ “Njësitë tona elitare janë vendosur në çdo cep të vendit. Asnjë kërcënim nuk do të neglizhohet,” u tha në deklaratën e Policisë, ndërsa shtoi se ekipet e reagimit emergjent janë në gadishmëri të plotë.

Ky është një zhvillim që mund të çojë në një përshkallëzim të ri ushtarak, në një rajon tashmë të tensionuar rëndë. Sytë e botës janë kthyer nga Lindja e Mesme, ndërsa pyetja që ngrihet është: A do të jetë ky fillimi i një përplasjeje të hapur?

Një detaj që nuk i ka shpëtuar syrit të fansave ka ngritur dyshime për raportin mes Oltës dhe Gertës Gixhari.

Të njohura për publikun shqiptar si dy prej femrave më karizmatike të “Big Brother”, motrat Gixhari kanë qenë shpesh në qendër të vëmendjes jo vetëm për karakterin e tyre, por edhe për raportin që ndajnë si motra.

Por së fundmi, ndjekësit kanë vënë re diçka që i ka shqetësuar: mungesën e çdo pëlqimi apo komenti mes tyre në rrjetet sociale. Në një kohë kur çdo klikim numërohet dhe çdo ndërveprim është një mesazh i heshtur, kjo heshtje ka bërë bujë.

A është kjo një shenjtë e një ftohjeje të re mes tyre? Apo thjesht një zgjedhje personale për t’u distancuar nga vëmendja mediatike?

Nuk është hera e parë që marrëdhënia e tyre është vënë në diskutim. Edhe në të kaluarën, është raportuar se Olta dhe Gerta kanë kaluar periudha ku nuk kanë qenë afër si motra. Megjithatë, ato gjithmonë kanë ruajtur një farë diskrecioni publik, duke mos e ekspozuar hapur asnjë konflikt të mundshëm.

Për momentin, vetëm ato e dinë të vërtetën. Por fansat – si gjithmonë – po ndjekin nga afër çdo veprim në Instagram.

Aviacioni nën presion: 49 aksidente ajrore dhe mbi 250 viktima në vetëm 6 muaj – çfarë po ndodh në qiell?

Një valë aksidentesh ajrore po trondit vitin 2025, me 49 incidente fatale dhe mbi 250 jetë të humbura që nga janari. Dy prej më të rëndëve: një përplasje tragjike mes një avioni të American Airlines dhe një helikopteri ushtarak, si dhe rrëzimi i një fluturimi nga India drejt Londrës, kanë alarmuar udhëtarët në të gjithë botën.

Por, a është ende e sigurt të fluturosh? Një ish-pilot dhe hetues ajror, Shawn Pruchnicki, e thotë hapur: “Po, por siguria po vihet nën presion të jashtëzakonshëm.”

Pruchnicki, i cili aktualisht jep mësim në Universitetin Shtetëror të Ohajos, kujton një moment të ngjashëm që i shpëtoi jetën:

“Na dhanë leje të kalonim në pistë, por ne refuzuam. Vetëm pak sekonda më vonë, një Boeing 747 fluturoi përpara nesh. Po të kishim ndjekur urdhrin, nuk do ishim gjallë sot.”

Sipas tij, dy faktorë të rrezikshëm po kërcënojnë sigurinë në ajër:

Mungesa kronike e kontrollorëve të trafikut ajror: Të rraskapitur, të nënvlerësuar dhe të ekspozuar ndaj gabimeve që mund të kushtojnë jetë. Pilotë të rinj me trajnim të pamjaftueshëm: Linjat ajrore po nxitohen të mbushin boshllëqet me pilotë që nuk kanë përvojën e duhur, duke e shtuar rrezikun.

Ai shton:

“Problemi nuk është vetëm një gabim njerëzor. Është një sistem i tërë që po punon në kufijtë e kapacitetit – dhe kjo është vërtet alarmante.”

Megjithatë, Pruchnicki thekson se fluturimi ende mbetet mënyra më e sigurt e transportit, por bën thirrje për investime serioze në teknologji dhe staf, që të mbështesin – jo të zëvendësojnë – rolin e njeriut.

Objekti më i rëndësishëm i programit bërthamor iranian, Natanz, është në qendër të tensioneve globale pas goditjeve ajrore të Izraelit. Edhe pse Irani këmbëngul se nuk është në kërkim të armëve bërthamore, raportet nga Agjencia Ndërkombëtare për Energjinë Atomike (IAEA) zbulojnë të kundërtën: me uraniumin që zotëron, Teherani është vetëm disa hapa larg ndërtimit të një arme bërthamore.

Natanz, ku ndodhen dhjetëra mijëra centrifuga, është pikërisht zemra e këtij programi. Me kapacitetin për të pasuruar uraniumin në nivele të larta, ky objekt përfaqëson rrezikun më të madh për sigurinë rajonale – dhe më gjerë.

Marrëveshja bërthamore e vitit 2015 synonte të frenonte aktivitetet në Natanz, por pas largimit të SHBA-ve në vitin 2018, aktiviteti atje është rritur ndjeshëm. Në të kaluarën, objekti ka qenë shënjestër e sulmeve kibernetike dhe akteve sabotazhi, por ky operacion i fundit i Izraelit duket të jetë më i fuqishmi deri tani.

Tensionet janë në pikën e vlimit dhe pyetja që ngrihet tani është: A do të mundet komuniteti ndërkombëtar të ndalë përshkallëzimin përpara se të jetë tepër vonë?

NATO reagon pas bombardimeve masive ndaj Iranit: “Veprim i njëanshëm nga Izraeli, duhet diplomaci urgjente!”

Në një reagim të parë pas bombardimeve të gjera të Izraelit mbi objektet bërthamore dhe ushtarake në Iran, Sekretari i Përgjithshëm i NATO-s, Mark Rutte, ngriti alarmin për përshkallëzimin e menjëhershëm të krizës në Lindjen e Mesme.

Gjatë një konference të përbashkët me kryeministrin suedez Ulf Kristersson, Rutte theksoi se Izraeli ka vepruar në mënyrë të njëanshme, duke kërkuar nga të gjithë aleatët – përfshirë Shtetet e Bashkuara – një angazhim të menjëhershëm diplomatik për të ulur tensionet mes Izraelit dhe Iranit.

“Ky ishte një veprim i njëanshëm nga Izraeli. Prandaj është thelbësore që shumë aleatë, përfshirë SHBA-në, të angazhohen për të shmangur përshkallëzimin. E di që ata tashmë po punojnë për këtë,” – tha Rutte.

Ai shtoi se, pavarësisht frikës globale, nuk jemi afër një lufte bërthamore, duke siguruar opinionin publik se NATO po punon për ç’tensionimin e menjëhershëm të situatës.

“Jo, nuk jemi në prag të një lufte bërthamore,” u shpreh ai. “Aleatët e NATO-s janë thellësisht të përfshirë për të siguruar që ky konflikt të mos dalë jashtë kontrollit.”

Ndërkohë, detajet e sulmit janë tronditëse. Ushtria izraelite konfirmoi se rreth orës 3 të mëngjesit u angazhuan 200 avionë luftarakë, të cilët hodhën 330 municione në objektiva strategjikë në Iran – përfshirë edhe zona banimi, çka ka ngritur shqetësime të mëdha për pasojat njerëzore.

Rrezik global në horizont: Rusia paralajmëron për luftë të plotë pas sulmeve ajrore të Izraelit ndaj Iranit

Tensionet në Lindjen e Mesme kanë arritur një pikë kritike. Pas sulmeve ajrore masive të Izraelit ndaj Iranit, zyrtarë të lartë rusë kanë paralajmëruar se një luftë në shkallë të plotë në rajon është jo vetëm e mundur, por gjithnjë e më afër.

Konstantin Kosachev, nënkryetar i dhomës së lartë të parlamentit rus dhe aleat i ngushtë i presidentit Vladimir Putin, deklaroi se Rusia do të qëndrojë krah Iranit dhe dënoi ashpër operacionin izraelit. Ai theksoi se “veprimet e Izraelit nuk mund të justifikohen në asnjë mënyrë” dhe paralajmëroi për një përshkallëzim të pakthyeshëm nëse komuniteti ndërkombëtar nuk vepron.

“Rrethi vicioz i përshkallëzimit po rritet me shpejtësi… një përgjigje iraniane është e pashmangshme,” u shpreh Kosachev.

Sipas mediave shtetërore iraniane, sulmet izraelite goditën objektiva kyç bërthamore dhe ushtarake. Të paktën dy komandantë të lartë ushtarakë iranianë dhe disa shkencëtarë bërthamorë janë konfirmuar të vrarë. Kjo është një nga goditjet më të rënda ndaj infrastrukturës strategjike të Iranit që nga lufta Iran-Irak.

Netanyahu ka deklaruar se Izraeli “goditi në zemër të programit bërthamor iranian”, ndërsa reagimi iranian pritet të jetë i ashpër.

Trishtim i pafund në Greqi: Dy fëmijët shqiptarë në vdekje klinike – prindërit dhurojnë organet për të shpëtuar jetë të tjera

Një tragjedi që ka prekur thellë zemrat e mijëra njerëzve ka ndodhur në qytetin e Artës, në Greqi. Dy fëmijët shqiptarë, vetëm 13 dhe 14 vjeç, të cilët ranë në ujërat e akullta të lumit Arachthos, nuk kanë më asnjë shpresë për të mbijetuar. Mjekët konfirmuan se ata ndodhen në gjendje të pakthyeshme vdekje klinike, dhe të vetmet që i mbajnë në jetë janë pajisjet artificiale.

Në një moment ku dhimbja është e pamasë, prindërit e të miturve kanë treguar madhështinë e shpirtit njerëzor: kanë vendosur të dhurojnë organet e fëmijëve të tyre, në mënyrë që jetë të tjera të mund të shpëtojnë nga kjo humbje e rëndë.

Fëmijët u nxorën nga lumi nga shqiptari Ledian Goga, i cili nuk u mendua dy herë dhe u hodh menjëherë në ujë për t’i shpëtuar. Megjithëse i dërguan me urgjencë në spitalin e Patrës dhe iu nënshtruan reanimacionit intensiv, dëmtimet në tru dhe mungesa e oksigjenit për mbi një orë rezultuan fatale.

Në vendin ku ndodhi ngjarja, dhjetëra miq, të afërm dhe qytetarë kanë vendosur lule dhe mesazhe prekëse. Ata i quajnë “engjëj që do të kujtohen gjithmonë si heronj” – jo vetëm për mënyrën tragjike se si humbën jetën, por për shpëtimin që do të sjellin tek fëmijë të tjerë.

Sekonda larg tragjedisë në Durrës: 35-vjeçari tenton të hidhet nga çatia – ndërhyrja heroike shmang fatkeqësinë

Një ngjarje e rëndë u shmang për pak sekonda në Durrës, ku një burrë rreth 35 vjeç, në gjendje të rënduar emocionale, tentoi t’i jepte fund jetës duke u hedhur nga çatia e një ndërtese.

Dëshmitarë të tronditur thanë se ai kishte hipur në lartësi dhe qëndronte i pavendosur për disa minuta, ndërkohë që qytetarët e alarmuar lajmëruan menjëherë Policinë dhe shërbimin zjarrfikës.

Pikërisht në momentin më kritik, forcat e rendit dhe zjarrfikësit ndërhynë me profesionalizëm duke e bindur dhe ulur në tokë pa lëndime, duke shmangur kështu një tragjedi të mundshme.

Burime nga Policia konfirmuan se i riu është dërguar për ndihmë mjekësore dhe po merr trajtim psikologjik nga specialistët përkatës. Hetimet janë duke vijuar për të zbardhur arsyet që e çuan në këtë veprim ekstrem.