Category: ShowBizz

Një studim i fundit nga Universiteti i Miçiganit ka zbuluar se konsumimi i një kanaçeje Coca-Cola mund të shkurtojë jetëgjatësinë me rreth 12 minuta.

Sipas ekspertëve, pijet e gazuara me përmbajtje të lartë sheqeri janë të lidhura ngushtë me probleme serioze shëndetësore, përfshirë obezitetin dhe diabetin. Studimi thekson gjithashtu se ushqimet ultra të përpunuara kanë ndikim negativ në organizëm, duke dëmtuar mirëqenien dhe cilësinë e jetës.

Shkencëtarët sugjerojnë që zëvendësimi i ushqimeve të pashëndetshme me opsione më të shëndetshme ushqyese mund të përmirësojë ndjeshëm jetëgjatësinë dhe shëndetin e përgjithshëm.

Një aksident i rëndë me motoçikletë pranë fshatit Kolibar ka marrë jetën e dy vajzave 16-vjeçare nga Kërçova, Eriona Ramadani dhe Albina Abazi.

Të dyja ishin nxënëse të Shkollës së Mesme të Muzikës “Drita”, e cila ka shprehur dhimbjen dhe ngushëllimet për humbjen tragjike.

“Drejtori, mësuesit dhe nxënësit shprehin ngushëllime të sinqerta familjeve të Erionës dhe Albinës, duke u lutur që Zoti t’u japë forcë për ta përballuar këtë dhimbje. I përjetshëm qoftë kujtimi i tyre! U prehshin në paqe!”, thuhet në reagimin e shkollës.

Një tragjedi e rëndë ka tronditur Greqinë, ku një 40-vjeçar shqiptar, i identifikuar si Pandeli Nakoleci, vrau gruan e tij 36-vjeçare Marjola para syve të fëmijëve të tyre.

Mediat greke raportojnë se xhelozia e sëmurë pas një mesazhi në celularin e saj e shtyu burrin drejt aktit makabër. Ai e sulmoi gruan me thikë në banesë, e ndoqi deri në hyrje të pallatit dhe e goditi disa herë, duke e lënë të shtrirë në gjak pranë fëmijëve të tmerruar.

Pas krimit, autori u arratis zbathur me thikë në dorë. Policia greke ka përfshirë të gjithë qytetin në kërkim, ndërsa po shqyrtohet edhe mundësia që ai të ketë kryer vetëvrasje, për shkak të problemeve të tij të mëparshme psikiatrike dhe tentativave për vetëvrasje.

Dëshmitarët tregojnë për skena horror: “Dëgjova fëmijët duke bërtitur, ai vraponte me thikë në duar”. Një fqinj u shpreh: “Pashë gruan me gjak dhe autorin që largohej duke bërtitur”.

Viktima ishte nënë e pesë fëmijëve, të cilët panë gjithçka me sytë e tyre. Njëri prej tyre i tha policisë mes lotësh: “E pashë babin duke e goditur mamin me thikë”.

Komuniteti shqiptar dhe ai grek janë shokuar nga ngjarja, ndërsa autoritetet po vijojnë ndjekjen intensive për arrestimin e 40-vjeçarit.

Këngëtarja Lore ka zbuluar në një intervistë për “She’s On Air” në Top Albania Radio se ka marrë ftesë për të qenë pjesë e Big Brother VIP.

“Edhe vjet më erdhi një ftesë, por nuk isha gati. A jam tani? Nuk e di, do ta zbuloj kur të më vijë përsëri,” – u shpreh ajo me humor.

Edhe pse nuk dha një “po” të prerë, Lore e la të hapur mundësinë për të hyrë në edicionin e ardhshëm të reality show-t më të ndjekur në Shqipëri, duke ndezur kureshtjen e publikut.

Një dhimbje e madhe ka goditur reperin shqiptar Marin, i cili ka ndarë me ndjekësit lajmin më të trishtë: humbjen e djalit të porsalindur.

Në një postim rrëqethës, ai shkruan se ky duhej të ishte momenti më i lumtur i jetës, por u kthye në tragjedinë më të rëndë për të dhe partneren e tij, Albën. “Disa njerëz vetëm ëndërrojnë engjëj, por ne patëm nderin të mbanim një në krahët tanë,” – u shpreh reperi me zemër të thyer.

Marin tha se këto ditë kanë qenë tepër të vështira, por falë dashurisë së ndërsjellë dhe mbështetjes së miqve e familjarëve, po përpiqen të gjejnë forcë për të ecur përpara. Ai falënderoi të gjithë ata që i kanë qëndruar pranë në këtë periudhë të errët të jetës së tij.

Një biznesmen 44-vjeçar nga India është shpallur fajtor në Zvicër për abuzim seksual ndaj një vajze 15-vjeçare gjatë një fluturimi nga Mumbai për në Zyrih. Burri i martuar, i cili udhëtonte për punë në Belgjikë, u ul pranë të miturës dhe, sipas akuzës, e ngacmoi pasi ajo ra në gjumë.

Vajza mbeti në gjendje shoku dhe nuk reagoi menjëherë, por autoritetet e arrestuan biznesmenin menjëherë pas uljes në Zyrih. Në gjyq, ai pranoi fajin duke thënë se ishte i vetëdijshëm për sjelljen e papranueshme.

Gjykata e Bülach e dënoi me 18 muaj burg me kusht, ndalim hyrjeje në Zvicër për 5 vjet dhe ndalim të përhershëm të çdo aktiviteti që lidhet me të mitur. Përveç kësaj, ai duhet të paguajë 9,000 franga shpenzime gjyqësore. Pas vendimit, ai u lirua dhe iu dorëzua autoriteteve të emigracionit për deportim.

Një 19-vjeçare greke ka tronditur opinionin publik me një denoncim të rëndë: ajo pretendon se u bë viktimë e një tentative përdhunimi brenda një klubi nate në Athinë, nga një efektiv policie dhe miku i tij. Por, ngjarja ka marrë një kthesë të papritur, pasi në dosjen e policisë përmendet edhe përfshirja e një boksieri të njohur shqiptar, duke ngritur dyshime dhe polemika të forta mbi versionet kontradiktore të palëve

Dëshmia e vajzës: Si sipas mediave greke, ajo është ndjerë e ndjekur dhe e sulmuar fizikisht në korridorin e tualeteve nga dy burra – njëri prej tyre polic. Vajza ka thënë se ka shpëtuar vetëm duke u futur me forcë në tualet dhe më pas duke kërkuar ndihmën e partnerit shqiptar. Përplasja me grupin: Të dy burrat kanë ndjekur çiftin dhe miqtë e tyre deri në tavolinë, duke çuar në një përplasje fizike, ku ka ndërhyrë edhe një boksier shqiptar, identiteti i të cilit nuk është bërë publik. Versioni i të pandehurve: Polici dhe miku i tij mohojnë akuzat për tentativë përdhunimi dhe pretendojnë se ata janë viktimat, pasi janë goditur rëndë nga partneri shqiptar i vajzës dhe boksieri. Ata thonë se kanë përfunduar në spital pas sulmit. Arrestimi i boksierit shqiptar: Çështja është ndërlikuar më tej kur, disa javë më vonë, autoritetet greke arrestuan boksierin shqiptar për rezistencë ndaj policisë dhe posedim lëndësh narkotike në shtëpinë e tij.

Ngjarja ka hapur një debat të madh në opinionin publik grek mbi rolin e policisë dhe mbulimin e mundshëm të fakteve, ndërsa hetimet për tentativën e përdhunimit vazhdojnë.

Një lajm i rëndë ka tronditur sot opinionin publik në Kamenicë dhe më gjerë. Greta Kryeziu, ministre e Shëndetësisë në këtë komunë, është ndarë nga jeta, duke lënë pas një dhimbje të thellë për familjen, miqtë dhe kolegët e saj.

Lajmin e hidhur e ka bërë të ditur babai i saj, Basri Kryeziu, i cili përmes një postimi prekës në Facebook shkroi:

“Me pikëllim të thellë lajmrojmë se vajza ime Greta u nda nga jeta, na la një zbrazëti të pafundme. Faleminderit shumë gjithë atyre që na qëndruan afër këto ditë të vështira. Për kohën e varrimit ju njoftojmë me kohë.”

Ky postim, i shoqëruar me një fotografi të Gretes, ka prekur zemrat e shumë qytetarëve, të cilët kanë shprehur ngushëllimet e tyre për familjen Kryeziu në këtë moment të dhimbshëm.

Ende nuk janë bërë publike rrethanat e ndarjes së saj të parakohshme nga jeta.

Një ngjarje tronditëse ka ndodhur në New Hampshire të SHBA, ku një nënë 34-vjeçare, Emily Long, vrau bashkëshortin dhe dy fëmijët e saj të mitur përpara se të kryente vetëvrasje.

Sipas autoriteteve, Emily fillimisht qëlloi për vdekje burrin e saj 48-vjeçar, Ryan Long, i cili vuante nga kanceri, më pas djalin Parker, 8 vjeç, dhe Ryan të vogël, 6 vjeç, të cilët u goditën në kokë. Më pas ajo ktheu armën ndaj vetes.

Vetëm fëmija trevjeçar i çiftit mbijetoi dhe aktualisht ndodhet nën kujdesin e të afërmve.

Hetimet janë ende në vazhdim, ndërsa motivet e kësaj tragjedie mbeten të paqarta. Në rrjetet sociale, Emily kishte ndarë shpesh mesazhe rreth dëshpërimit që po përjetonte për shkak të sëmundjes së bashkëshortit. Vetëm dy ditë para ngjarjes, ajo kishte postuar një video në TikTok ku tregonte se po përpiqej të gjente forcë për të dalë nga depresioni dhe për të mbajtur të bashkuar familjen.