Category: ShowBizz

Laert Vasili rrëfen aksidentin dramatik me motor: “Fluturova 22 metra, përfundova në urgjencë!”

Aktori i njohur dhe ish-banori i “Big Brother VIP 4”, Laert Vasili, ka ndarë një episod të dhimbshëm nga jeta e tij personale gjatë një interviste për emisionin “Hipokrati”. Ai tregoi për një aksident të rëndë që pësoi vite më parë, teksa ishte duke udhëtuar me motor.

“Fluturova 22 metra nga motori. U përplasa keq dhe përfundova menjëherë në urgjencë. Ishte një moment ku çdo gjë u bë errësirë. Më shpëtoi fati,” – u shpreh Vasili, i cili ende e kujton me tronditje ngjarjen që i vuri jetën në rrezik.

Aksidenti, sipas tij, ka lënë gjurmë të forta, jo vetëm fizike, por edhe emocionale, duke ndryshuar mënyrën se si ai e sheh jetën dhe rreziqet e përditshmërisë. “Është një moment që nuk e harroj dot. Nuk e dija nëse do ngrihesha më në këmbë.”

Aktori, i cili së fundmi fitoi shumë vëmendje në BBVIP4, tha se pas këtij incidenti, jeta për të mori një drejtim tjetër dhe e bëri të reflektojë thellë për gjithçka.

Pëllumb Pilinçi në Kosovë: “Unë do ta ribashkoj Shqipërinë – As fe, as parti nuk më ndal!”

Pas zhurmës mediatike që ngriti me vizitën e tij në Theth, ku u shfaq i shoqëruar nga bodyguardë të armatosur dhe bëri thirrje për mbrojtjen e territorit nga fadromat e qeverisë, profesori shqiptaro-amerikan Pëllumb Pilinçi ka zbritur në Kosovë – dhe me të njëjtin stil: i “blinduar” dhe me retorikë të zjarrtë patriotike.

Në një takim të mbajtur përballë qytetarëve dhe disa figurave lokale, Pilinçi u shpreh me tone të forta nacionaliste:

“Nuk ka fe, as parti që ndal ribashkimin. Erdhi dita juaj! 100 vjet kemi luftuar njëri-tjetrin, tani është koha për të marrë në dorë fatin tonë.”

Ai akuzoi ashpër kryeministrin Edi Rama, duke e quajtur “antishqiptar” dhe “shqipfolës që heq Skënderbeun kur vjen një turk në Shqipëri”. Më tej, ai e cilësoi Kosovën si “krahinë shqiptare” dhe u zotua se me ardhjen e tij në pushtet, “e gjithë bota do t’i përulet Shqipërisë, sepse shqiptarët kanë krijuar botën.”

Në këtë dalje publike, njësoj si në Theth, Pilinçi nuk hoqi dorë nga spektakli i forcës, duke u shfaqur i rrethuar nga truproja të shumtë dhe duke evokuar imazhin e një lideri të vendosur për “çlirim kombëtar”.

Për shumëkënd, deklaratat e tij duken si retorikë bombastike, por për të tjerë, ato përfaqësojnë zhgënjimin e thellë ndaj elitës aktuale politike, që e ka humbur lidhjen me realitetin e qytetarëve.

Përçarje publike dhe fjalor banal në “Shqipëria Bëhet” – Arjan Konomi kërcënon Endri Shabanin: “Do të të pështyj në fytyrë!”

Koalicioni “Nisma Shqipëria Bëhet”, që premtonte ndryshim, etikë dhe moral të ri në politikë, po përjeton çarje të thella të brendshme, duke u kthyer në arenë përplasjesh të ashpra dhe fjalori denigrues.

Në një video të postuar në Instagram, Arjan Konomi, kandidat i propozuar nga Adriatik Lapaj, shpërtheu me një sulm verbal të paprecedent ndaj liderit të Nisma Thurje, Endri Shabani. Me një ton të ashpër dhe fjalor të rëndë, Konomi e akuzoi Shabanin për manipulim, egoizëm politik dhe mungesë morali, duke përdorur fjalë si: “mashkull legen”, “skuth”, “kukumjaçkë” dhe “zhabë”.

Ai madje shkoi më tej duke e kërcënuar publikisht se do ta pështynte në fytyrë nëse i del përpara, një deklaratë që ka tronditur opinionin publik dhe ka ngritur pikëpyetje serioze mbi legjitimitetin etik të figurave që vetëpozicionohen si alternativa.

Konomi pretendon se Shabani ka shtrembëruar deklaratat e tij dhe se po saboton qëllimisht përpjekjet për një lëvizje të pastër. Në këtë përplasje është përmendur edhe një tjetër figurë, Zeqiri, të cilin Konomi e akuzon për mungesë morali dhe lidhje të dyshimta, pa ofruar prova konkrete.

Përballë kësaj skene të shëmtuar publike, qytetarët dhe mbështetësit e kësaj lëvizjeje po kërkojnë sqarime të menjëhershme dhe reflektim nga drejtuesit e koalicionit, nëse pretendojnë të jenë ndryshe nga elita tradicionale që kritikojnë.

Kliko më poshtë për të parë videon:

https://www.instagram.com/reel/DMV2ZgQtM0I/?igsh=Nmx1cW4xanV4emx0

Turistja që u kthye në të arrestuar: Kapet në Rinas me drogë një 25-vjeçare belge

Një ngjarje e papritur ka ndodhur në aeroportin e Rinasit, ku një 25-vjeçare me shtetësi belge është arrestuar në flagrancë, pasi tentoi të largohej nga Shqipëria me lëndë narkotike Amphetamine në çantën e saj.

Sipas njoftimit zyrtar të Policisë Kufitare, gjatë kontrolleve të detajuara në dalje të vendit – pjesë e një operacioni të përqendruar për goditjen e paligjshmërive në kufi – shërbimet e rendit në bashkëpunim me Seksionin për Hetimin e Narkotikëve të DVP Tiranë, zbuluan dhe sekuestruan drogën që 25-vjeçarja po përpiqej të transportonte në mënyrë të fshehtë.

Shtetasja belge, e identifikuar si K. D., u ndalua menjëherë dhe ndaj saj u kryen procedurat për arrest në flagrancë. Materialet janë referuar tashmë në Prokurorinë e Tiranës, e cila pritet të ndërmarrë hetimet e mëtejshme.

Burime pranë autoriteteve thanë se nuk përjashtohet mundësia që e reja të jetë pjesë e një skeme më të gjerë trafiku, megjithëse hetimet janë në fazë të hershme.

Ndërkohë, policia ka rritur ndjeshëm kontrollet në pikat kufitare, veçanërisht gjatë muajve të verës, për të parandaluar përpjekje të ngjashme për trafikim droge nën petkun e turizmit.

Kryeministri Edi Rama nuk i kurseu fjalët e drejtpërdrejta në emisionin “Sy m’Sy”, ku një komentues e akuzoi për një skenar të fshehtë: prishjet në Theth sipas tij po bëheshin për t’i hapur rrugë ndërtimit të resorteve luksoze nga oligarkët.

Por përgjigjja e Ramës ishte e prerë dhe pa ekuivok: “Fantazi e njerëzve me kënd të ngushtë shikimi!”

Kreu i qeverisë u shpreh se aksioni për prishjen e ndërtimeve pa leje është bërë për të mbrojtur autenticitetin e Thethit dhe se nuk ka asnjë plan për zhvillime të mëdha turistike në këtë zonë të mbrojtur.

“Në Theth nuk do të ketë as resorte, as hotele të mëdha, dhe as histori të tjera që nuk kanë lidhje me natyrën e vendit. Pastrimi u bë për të ruajtur atë që është e pazëvendësueshme,” – theksoi Rama.

Ai shtoi se çdo investim i mundshëm do të jetë i lidhur vetëm me banorët vendas, duke përjashtuar projektet gjigante që mund të ndryshojnë përfundimisht fizionominë e zonës.

“Thethi nuk është një fushë e lirë për biznesmenët. Çdo gjë që ndodh atje do të jetë me banorët, për banorët dhe në respekt të trashëgimisë,” – tha Rama, duke i quajtur komentet ndryshe “spekulime që lindin nga keqinformimi dhe paranoja”.

Në një kohë kur çdo lëvizje në zonat turistike të Shqipërisë vihet nën lupë nga publiku, Rama duket se kërkon të mbajë një vijë të qartë: “Jo betonit në Theth” – të paktën sipas deklaratave zyrtare.

“Jo për ty!” – Refuzimi që tronditi studion e “Goca dhe Gra”

Një moment që pritej të ishte i ëmbël dhe simbolik u kthye në një përplasje të papritur live në Top Channel. Mbrëmjen e djeshme, në emisionin “Goca dhe Gra”, poetja Mimoza Ahmeti habiti të gjithë të pranishmit – dhe publikun – kur refuzoi kategorikisht t’i jepte autograf aktores Egla Ceno.

Gjatë intervistës, Egla, me një buzëqeshje të zakonshme dhe një kërkesë të thjeshtë, i kërkoi poetes të firmoste një nga librat e saj. Por përgjigjja e Mimozës ishte e ftohtë, e prerë dhe aspak e zakontë:

Egla: A mund të më vendosësh një autograf?

Mimoza: Më fal, ky është libri që solla unë?

Egla: Kam përshtypjen po.

Mimoza: Këto i kam për punë.

Egla: A mund t’i blejmë këto?

Mimoza: Jo, e kam për punë.

Kleoniki: A kanë ndryshim këto libra me të tjerë që keni?

Mimoza: Kam udhëtime për të bërë. Do shkoj në Gjermani, nuk do të blej libra. Nuk i dhuroj njeriu libra. Duhet të ketë bërë të pamundurën për mua që t’i dhuroj libra.

Audienca u ndal për një moment. Atmosfera, nga bisedë e ngrohtë, kaloi në një tension të ndjeshëm. Refuzimi publik u duk si më shumë se një “jo” për një autograf – për shumëkënd, ishte një deklaratë e ftohtë për vlerën që Mimoza i jep afërsisë me të tjerët.

Por nuk mbaroi këtu.

Pak orë më pas, Egla Ceno reagoi në rrjetet sociale me një letër publike të drejtuar vetë poetes. Ajo e quajti sjelljen e Ahmetit “përbuzëse” dhe e akuzoi për narçizëm të tejskajshëm.

Publiku është ndarë: disa e mbështesin Mimozën për “vijat e qarta” që vendos rreth artit të saj; të tjerë e kritikojnë për mungesë mirësjelljeje dhe arrogancë publike.

Një kërkesë e pafajshme… një përgjigje e ftohtë… dhe një debat që tani ka marrë dhenë në rrjetet sociale.

“Operacion zbardhje” në Elbasan: Inceneratori që dogji jo vetëm plehrat, por edhe besimin publik!

Në orët e para të mëngjesit të së hënës, Elbasani u zgjua nën hijen e një operacioni të fuqishëm policor. Forcat e rendit dhe hetuesit e Prokurorisë zbarkuan në 14 banesa të personave të dyshuar për lidhje me skandalin e inceneratorit të qytetit — një projekt që tashmë nuk njihet më për pastrimin e mbetjeve, por për erën e rëndë të dyshimeve për korrupsion.

Procedimi penal nr. 1417 i vitit 2024, i cili nisi si hetim për “zjarrvënie” pas djegies së dyshimtë të fushës së mbetjeve, ka marrë një kthesë të fortë. Prokuroria zbuloi se pas flakëve mund të fshihet më shumë se thjesht një aksident: shpërdorim detyre, manipulim, dhe abuzim me fonde publike janë fjalët që tani po dominojnë dosjen.

Operacioni është shtrirë në të gjithë qarkun e Elbasanit dhe ka pasur vetëm një qëllim: të zbulojë kush ka përfituar nga fondet për një incenerator që nuk funksionon siç duhet — dhe kush i mbron të përfituarit.

Deri tani, autoritetet janë të rezervuara për arrestime apo masa ndalimi, por hetimet vazhdojnë në mënyrë intensive. Ajo që dikur u paraqit si zgjidhje moderne për menaxhimin e mbetjeve, po kthehet në një nga dosjet më të nxehta të drejtësisë shqiptare.

Dhe pyetja mbetet pezull në ajër, si tymi që doli nga fusha e mbetjeve: Kush e dogji Elbasanin – dhe pse?

Ksamil, zemra e turizmit “elitar” shqiptar, u kthye dje në skenë dhune dhe terrori, kur një personazh me precedentë penalë për trafik droge sulmoi fizikisht një qytetar në mes të ditës – në sy të fëmijëve të mitur dhe dhjetëra turistëve.

Ngjarja ndodhi në një nga zonat më të frekuentuara të bregdetit, aty ku Shqipëria pretendon të shesë imazhin e një destinacioni të sigurt dhe mikpritës. Por pamjet reale janë të tjera: një qytetar i gjakosur, fëmijë të traumatizuar dhe një kriminel i njohur që largohet pa asnjë ndalim nga policia.

Dëshmitarët tregojnë se agresori është një emër i njohur për autoritetet, i cili operon prej vitesh në zonë “nën mbrojtjen e policisë së Sarandës”, pa u prekur ndonjëherë nga ligji, pavarësisht sjelljes së tij kriminale.

Banorët flasin për frikë të përditshme, një klimë pasigurie dhe një polici që jo vetëm që nuk mbron qytetarët, por hesht përballë forcës së parasë dhe lidhjeve të errëta.

A është kjo Shqipëria e luksit dhe turizmit elitar që na shitet në reklama? Apo jemi përballë një fasade të zbukuruar, që fsheh një realitet ku krimi ecën lirshëm dhe drejtësia fshihet pas perdes së interesave politike dhe korruptive?

Ndërsa turistët ikin të tronditur dhe qytetarët heshtin nga frika, Shqipëria rrezikon të humbasë më shumë se vetëm imazhin — rrezikon të humbasë drejtësinë.

Hati, vajza që kthehet gjithmonë në temë virale, festoi ditëlindjen me një mbrëmje që ishte gjithçka përveçse e zakonshme: fustan elegant, shoqëri vetëm femërore, muzikë tradicionale dhe një atmosferë që shpërtheu në rrjetet sociale sapo dolën pamjet e para.

Por ajo që ndezi më shumë zërat në internet nuk ishin thjesht detajet e festës, por prania e vetme mashkullore mes dhjetëra grave — një figurë që qëndroi pranë Hati-t gjatë gjithë natës: Enea Marku, biznesmen i njohur dhe i komentuar në rrethe të caktuara elitare.

Veshur me klas dhe një qëndrim diskret por të afërt, Enea nuk u nda nga Hati, duke ngritur menjëherë aludime për një lidhje më të thellë sesa një miqësi e thjeshtë.

Komentet në rrjetet sociale shpërthyen:

“Vetëm ai dhe 50 gra? Nuk është rastësi.”

“Mbase po ndodh diçka e bukur…”

“Shokë? Le t’i lemë përrallat…”

Festa përfundoi mes buzëqeshjesh, këngëve dhe urimeve, por ajo që mbeti në ajër ishte pyetja që tani e bëjnë të gjithë:

Kush është vërtet Enea për Hatin? Dhe çfarë do të vijë pas kësaj nate kaq të veçantë?

Për ndjekësit, kjo nuk ishte një ditëlindje si gjithë të tjerat — ishte një kapitull i ri që sapo ka filluar.

Një aksident tragjik ka tronditur jugun e Iranit, ku të paktën 21 persona kanë humbur jetën dhe 25 të tjerë janë plagosur, pas përmbysjes së një autobusi në një rrugë malore pranë qytetit Kavar, rreth 1,000 kilometra nga kryeqyteti Teheran.

Autobusi, që po kalonte në një zonë të thepisur me rrugë të ngushta dhe të rrezikshme, doli nga rruga dhe përfundoi në humnerë, duke shkaktuar një bilanc të rëndë viktimash.

“Fatkeqësisht, janë regjistruar 21 viktima”, konfirmoi drejtori i spitalit lokal, Mohsen Afrasiabi, për televizionin shtetëror iranian. Ai shtoi se disa nga të plagosurit janë në gjendje kritike për jetën, ndërsa stafi mjekësor po lufton me kohën për t’iu ardhur në ndihmë.

Shkaku i aksidentit mbetet ende mister, por autoritetet lokale kanë nisur një hetim për të zbardhur rrethanat. Rrugët e vështira dhe infrastruktura e amortizuar shpesh janë burim tragjedish të tilla në Iran, ku aksidentet rrugore janë të zakonshme për shkak të shkeljeve të rregullave, mjeteve të papërshtatshme dhe mungesës së kontrollit teknik.

Tragjedia e Kavarit është një tjetër kujtesë e dhimbshme për nevojën urgjente të reformave në sigurinë rrugore të vendit.