Pas seancës gjyqësore ku u caktua masa e sigurisë për 14-vjeçarin Enedio Guri, i akuzuar për vrasjen me thikë të bashkëmoshatarit të tij Erald Xhejo në Maliq, ka folur avokati i tij, Ledian Spaho.
Avokati i 14-vjeçarit që vrau bashkëmoshatarin: “Klienti im shpreh pendesë të thellë, nuk donte…”
Sipas Spahos, gjykata vendosi masën “arrest me burg” për të miturin autor, si edhe për babain e tij, Edison Guri, dhe xhaxhain, të cilët akuzohen për ndihmë pas kryerjes së krimit.
Avokati theksoi se klienti i tij ka shprehur pendesë të thellë për atë që ndodhi, duke thënë se nuk e kishte menduar kurrë që veprimet e tij do të sillnin një pasojë kaq tragjike. “Shpreh ngushëllimet për familjen e viktimës. Autori tha se nuk doja të ndodhte kjo, nuk e dija që veprimet e mia do të krijonin këtë pasojë,” deklaroi Spaho.
Gjykata vendosi gjithashtu që të miturit e tjerë të përfshirë në konflikt të mos mbahen në arrest, por të jenë nën mbikëqyrjen e prindërve dhe të paraqiten para gjykatës.
Edhe babai i të miturit ka shprehur keqardhje për humbjen e jetës së 14-vjeçarit Erald Xhejo, duke thënë se ndjehet i tronditur për pasojën e rëndë që ka sjellë ngjarja.