Author: Editorial

Një ngjarje e pazakontë është raportuar nga “Aldo Morning Show” që ka lënë shumë njerëz pa fjalë. Një burrë nga Durrësi, i cili emigroi jashtë vendit për të siguruar një të ardhme më të mirë për familjen e tij, bëri një kërkesë të zakonshme para nisjes: i kërkoi shokut të tij më të ngushtë të kujdesej për gruan e tij gjatë mungesës.

Por ajo që ndodhi më pas ishte e paimagjinueshme. Sipas raportimit të gazetares së emisionit, gruaja dhe miku i burrit nisën një marrëdhënie dashurie ndërkohë që bashkëshorti ishte në emigrim. Ndjenjat mes tyre u thelluan aq shumë, sa gruaja i kërkoi burrit divorcin.

Historia ka tronditur opinionin publik dhe është bërë një nga temat më të komentuara në rrjetet sociale. Një besim i thyer, një dashuri e re dhe një familje që mori fund në mënyrën më të papritur.

Historia e Levian Gogës, emigrantit shqiptar në Greqi, vazhdon të prekë zemrat e të gjithëve. Ai hyri në lumin Arahthos për të shpëtuar dy të mitur, 12 dhe 14 vjeç, të cilët po mbyteshin në ujërat e ftohta. Edhe pse arriti t’i nxjerrë nga lumi, djemtë fatkeqësisht nuk arritën të mbijetojnë, pasi pësuan vdekje klinike në spital.

Por Leviani, i njohur tashmë si “heroi i Artës”, ka vendosur të bëjë një gjest prekës: të bëjë tatuazh portretet apo emrat e dy fëmijëve që tentoi të shpëtonte, si një kujtim i përjetshëm mbi zemrën e tij.

E bëra sepse mendova se ishte fëmija im aty brenda. Nuk bëra heroizëm. Bëra atë që më tha zemra. Do t’i bëj tatuazh, që t’i kem gjithmonë me vete,” – tha ai mes emocioneve në një intervistë për mediat greke.

Leviani thekson se nuk kishte aspak qëllime për famë apo përfitime. Lajmi se atij i është dhënë nënshtetësia greke, për shkak të aktit të tij të guximshëm, nuk e ndryshon mendimin e tij për motivin e vërtetë të asaj që bëri:

“Nuk e bëra për nënshtetësinë. Kam 20 vjet këtu. Herë me dokumente, herë pa. Kam ardhur 17 vjeç, tani jam 41. Ky është vendi ku kam jetuar. Greqia është si atdheu im i dytë.”

Ai ka falënderuar publikisht mjekët në Artë dhe Patra, dhe Ministrin e Shëndetësisë që e telefonoi për të shprehur mirënjohjen. Sa i përket gjendjes së tij shëndetësore, ai u shpreh se është më mirë, por ka ende pak ujë dhe gjak në mushkëri nga momenti kur u hodh në lumë.

Në një kohë ku shpesh dominon indiferenca, guximi dhe humanizmi i Levianit janë një kujtesë se heronjtë e vërtetë nuk vijnë gjithmonë me uniformë – por me zemër.

Historia e Levian Gogës, emigrantit shqiptar në Greqi, vazhdon të prekë zemrat e të gjithëve. Ai hyri në lumin Arahthos për të shpëtuar dy të mitur, 12 dhe 14 vjeç, të cilët po mbyteshin në ujërat e ftohta. Edhe pse arriti t’i nxjerrë nga lumi, djemtë fatkeqësisht nuk arritën të mbijetojnë, pasi pësuan vdekje klinike në spital.

Por Leviani, i njohur tashmë si “heroi i Artës”, ka vendosur të bëjë një gjest prekës: të bëjë tatuazh portretet apo emrat e dy fëmijëve që tentoi të shpëtonte, si një kujtim i përjetshëm mbi zemrën e tij.

E bëra sepse mendova se ishte fëmija im aty brenda. Nuk bëra heroizëm. Bëra atë që më tha zemra. Do t’i bëj tatuazh, që t’i kem gjithmonë me vete,” – tha ai mes emocioneve në një intervistë për mediat greke.

Leviani thekson se nuk kishte aspak qëllime për famë apo përfitime. Lajmi se atij i është dhënë nënshtetësia greke, për shkak të aktit të tij të guximshëm, nuk e ndryshon mendimin e tij për motivin e vërtetë të asaj që bëri:

“Nuk e bëra për nënshtetësinë. Kam 20 vjet këtu. Herë me dokumente, herë pa. Kam ardhur 17 vjeç, tani jam 41. Ky është vendi ku kam jetuar. Greqia është si atdheu im i dytë.”

Ai ka falënderuar publikisht mjekët në Artë dhe Patra, dhe Ministrin e Shëndetësisë që e telefonoi për të shprehur mirënjohjen. Sa i përket gjendjes së tij shëndetësore, ai u shpreh se është më mirë, por ka ende pak ujë dhe gjak në mushkëri nga momenti kur u hodh në lumë.

Në një kohë ku shpesh dominon indiferenca, guximi dhe humanizmi i Levianit janë një kujtesë se heronjtë e vërtetë nuk vijnë gjithmonë me uniformë – por me zemër.

Një defekt teknik i pazakontë në sediljen e komandantit të avionit u bë shkak i rrëzimit tragjik të fluturimit AI-171 të kompanisë Air India, ku humbën jetën 247 persona, shumica studentë mjekësie që ndodheshin në një godinë banimi ku u përplas avioni.

Sipas raportit paraprak të Autoritetit Indian për Hetimin e Aksidenteve Ajrore (AAIB), i publikuar të martën, sedilja e komandantit të avionit rrëshqiti papritur prapa gjatë ngritjes, duke shkaktuar një zinxhir ngjarjesh fatale që çuan në humbjen e kontrollit dhe rrëzimin e avionit Boeing 787.

Si ndodhi tragjedia – Sekondat vendimtare

Nga të dhënat e kutisë së zezë rezulton se:

Gjatë ngritjes, sedilja e komandantit u lirua nga vendi për shkak të dështimit të mekanizmit të sigurisë.

Trupi i tij tërhoqi levat e fuqisë në pozicion neutral, duke shkaktuar ulje të menjëhershme të fuqisë së motorëve.

Kopiloti tentoi të rikthejë fuqinë, por nuk arriti për shkak të pozicionit të pilotit që bllokonte levat.

Brenda 38 sekondave nga defekti, avioni u përplas në tokë.

Çfarë zbuluan hetimet teknike

Sedilja e komandantit kishte pësuar mirëmbajtje vetëm 11 ditë para aksidentit, por nuk ishte testuar pas riparimit.

Në rrënoja u gjetën vida sigurie të thyera në mekanizmin e sediljes.

Sistemi i levave të fuqisë në Boeing 787 nuk ka mbrojtje ndaj tërheqjes aksidentale, gjë që e bëri më të lehtë humbjen e kontrollit.

Masat urgjente të industrisë ajrore

FAA dhe EASA urdhëruan kontroll urgjent të sediljeve të pilotëve në të gjithë flotën Boeing 787 brenda 72 orësh.

Air India pezulloi 12 avionë me histori të ngjashme mirëmbajtjeje.

Boeing njoftoi ridizajnim të sistemit të sediljes dhe përforcim të levave të kontrollit – zbatimi do të nisë në tremujorin e tretë të 2026.

“Edhe një defekt i vogël mund të sjellë tragjedi”

Eksperti i aviacionit dhe kapiten i Boeing 767, Grigoris Konstantelos, komentoi:

“Aviacioni mbetet mënyra më e sigurt për të udhëtuar. Por kur dështojnë elementë të vegjël, rezultati mund të jetë tragjik. Çdo aksident është një mësim për të bërë fluturimin edhe më të sigurt.”

Raporti përfundimtar pritet më 30 korrik 2025, ndërsa në gusht mbahet një samit ndërkombëtar për sigurinë e fluturimeve, ku pritet të diskutohen standarde të reja për sigurinë në kabinë.

Partia Demokratike duket se ka prekur fundin. Përveç faktit se mbahet peng nga një plak non grata dhe që po tenton t’i shpëtojë shkarkimit duke u kapur pas fijes së kashtës, ka pas vetes dhe një grup besnikësh që morën madat më 11 maj duke parë filma në TV. Një ndër ta është kreu i Këshillit Kombëtarë të PD, Edi Paloka, të cilin nuk e pamë një ditë në fushatë. Por duket se atij i dhimbset më shumë Berisha se kush do tjetër. Sot Paloka, i cili ka punuar edhe si gazetar më përpara, ka shthurur gojën ndaj gazetarëve, të cilët pyeten Berishën se a do të mbajë edhe ai përgjegjësi për atë që ndodhi më 11 maj, apo fajin e ka vetëm “treni bullgar”.

“Berisha ka publikuar çdo dite prova e fakte skandaloze për mënyrat se si janë vjedhur dhe manipuluar votat e shqiptarëve…E pas kësaj ti dëgjon nga ndonjë gazetar: “Mirë mo mirë, këto dihen, po ju çfare…?” RKTK!”, shkruan ai.

Për ata që nuk e dinë, shprehja RKTK është e modës në PD dhe shini videon më poshtë:

Aktori i njohur Jul Deda është emocionuar deri në lot gjatë një momenti të veçantë në skenë, kur familjarët e tij i bënë një surprizë të paharrueshme. Bashkëshortja dhe fëmijët u ngjitën papritur në skenë, ku i kënduan një këngë prekëse, duke sjellë një atmosferë të mbushur me dashuri dhe emocione.

Bashkëshortja e aktorit u shpreh me fjalë të ndjera për të:

“Je njeriu që më bën mua një njeri më të mirë çdo ditë.”

Por krahas fjalëve të ëmbla, ajo nuk kurseu edhe një ‘thumb’ plot humor për bashkëshortin:

“Për kritika, do thoja vetëm një gjë: Juli duhet të ulë pak peshën. Jo për gjë, por mua ma kërkon gjithmonë të dobësohem, ndërsa për vete nuk do t’ia dijë fare!”

Ky moment ngjalli të qeshura dhe duartrokitje nga publiku, ndërsa Jul Deda, i prekur thellë, nuk i përmbajti lotët. Një çast i rrallë që tregoi edhe një herë lidhjen e fortë familjare dhe humorin që e karakterizon aktorin në çdo situatë.

Ka shkuar në 406 numri i të vdekurve në Iran si pasojë e sulmeve ajrore izraelite, sipas të dhënave të fundit nga Ministria e Shëndetësisë së vendit. Po ashtu, mbi 650 persona të tjerë raportohet të jenë plagosur.

Një prej sulmeve më të rënda është ai ndaj një ndërtese në Teheran, ku televizioni shtetëror iranian raportoi se 60 persona humbën jetën, mes tyre 20 fëmijë.

Guvernatori i provincës së Azerbajxhanit Lindor bëri të ditur se 31 persona kanë humbur jetën në atë zonë, 30 prej tyre ushtarakë dhe një anëtar i Gjysmëhënës së Kuqe Iraniane.

Ndërkohë, organizata humanitare raportoi për dy viktima të tjera në një sulm që kishte në shënjestër një ambulancë në Azerbajxhanin Perëndimor.

Duke folur para Kombeve të Bashkuara, i dërguari iranian deklaroi se, deri dy ditë më parë, sulmet kishin shkaktuar 78 të vdekur dhe mbi 320 të plagosur.

Zëdhënësja e qeverisë iraniane, Fatemeh Mohajerani, ka konfirmuar se gjatë tre ditëve të fundit janë vrarë të paktën 30 gra dhe fëmijë, edhe pse nuk ka dhënë një shifër totale të viktimave.

Ndër personat e vrarë janë edhe 18 anëtarë të Gardës Revolucionare Islamike (IRGC), përfshirë komandantin e Forcës Hapësinore të kësaj strukture, i cili u vra të premten. Shtatë shkencëtarë bërthamorë iranianë janë raportuar gjithashtu të vrarë në sulme të ndryshme.

Loredana ka pranuar publikisht se pas BBV dhe raportit me Jozin po kalon një periudhë jo të lehtë në jetën e saj.

Ajo foli për pasojat emocionale që la pas eksperienca brenda shtëpisë më të famshme në Shqipëri.

“ Unë i ndjej shumë energjitë, e gjitha ndikoi në mirëqenien time. Pata një farë sinjali kur nuk kisha më uri si më parë, nuk kam qenë aq mirë.

Edhe videot që shikoja kur dola, ishin një thikë në plagë dhe më ndikuan. Vendosa të rrethohesha me njerëz të besueshëm dhe që më jepnin pozitivitetin që më mungonte. E kam parë që që nuk kisha më dritën kur hyra në Big Brother. Tani po përpiqem ta rikuperoj. Nuk mund të them që jam në periudhën time më të mirë.

Sado ishte një eksperiencë e fortë”. E kam kërkuar ta analizoj. Ndjenjat, veten…në raport me palën tjetër. Nuk ndihem mirë të flas për këtë muhabet. Kjo është arsyeja përse nuk kam folur, nuk ndihem akoma gati.

Do vijë momenti do i them të gjitha. Publiku te unë ka vlerësuar sinqeritetin, vetëm u kërkoj pak kohë”-tha Loredana mes emocionesh.

Luiz Ejlli vjen me një surprizë të madhe për të gjithë fansat! Këngëtari i dashur për publikun shqiptar ka bashkuar forcat me një tjetër emër të njohur të muzikës, Mimoza Shkodrën, dhe së bashku kanë sjellë një projekt të ri muzikor me titullin “Maraklie”.

Ky bashkëpunim pritet të jetë një hit veror, duke kombinuar zërin karakteristik të Luizit me stilin energjik dhe emocionues të Mimozës. Kënga vjen me ritme moderne dhe një tekst që flet për dashurinë, xhelozinë dhe “marakllëkun” shqiptar në një mënyrë plot humor dhe ndjenjë.

Luizi ka ndarë vetë lajmin në rrjetet sociale, duke shkruar: “E pritët gjatë, por ja ku vjen ‘Maraklie’ me Mimozën! Mos e humbni!”

Fansat kanë shpërthyer në komente pozitive dhe mezi presin publikimin e klipit, i cili mendohet se do të shoqërohet edhe me një videoklip plot ngjyra dhe energji verore.

“Maraklie” – një bashkëpunim që s’duhet humbur!

Pesë arsyet kryesore që i shtyjnë gratë të shtiren gjatë seksit, sipas një studimi psikologjik me 650 pjesëmarrës.

Një nga skenat më të famshme të kinemasë – ajo nga komedia romantike “When Harry Met Sally” – ka bërë histori pikërisht sepse trajton një të vërtetë të sikletshme: gratë, jo rrallëherë, shtiren sikur po përjetojnë orgazmë. Dhe sipas shkencës, ato nuk e bëjnë këtë nga kapriçot, por për arsye të thella dhe shpesh të ndërlikuara.

Një studim i kryer nga psikologu Peter Jonason në Universitetin e Sidneit Perëndimor në Australi ka hedhur dritë mbi këtë fenomen përmes një kampioni me 650 persona, të cilët u pyetën për arsyet pse mund të simulojnë një orgazmë. Rezultatet u përqendruan në pesë arsye kryesore që, sipas studiuesve, janë më të zakonshmet:

Për të kënaqur egon e partnerit

Arsyeja më e përhapur është dëshira për t’i bërë partnerit të ndjehet mirë me performancën e tij seksuale. Gratë duan të ruajnë harmoninë në çift dhe të japin sinjalin se gjithçka po shkon mirë, edhe kur realisht kënaqësia mungon.

Për shkak të mërzisë seksuale

Kur marrëdhënia seksuale bëhet monotone apo zhgënjyese, disa gra e përdorin orgazmën e rreme si një mënyrë për ta përfunduar më shpejt aktin, duke shmangur sikletin e ndërprerjes së drejtpërdrejtë.

Për të rritur pasionin në çift

Simulimi i kënaqësisë ndonjëherë mund të funksionojë si një ngacmim psikologjik për partnerin – duke nxitur më shumë pasion dhe përfshirje. Në disa raste, gratë shpresojnë se duke u sjellë sikur janë të kënaqura, mund të ndihen vërtet të tilla.

Për të shmangur konfliktin pas një raporti të dobët

Pas një takimi zhgënjyes seksual, disa gra preferojnë të “ruajnë paqen” në çift përmes një paraqitjeje pozitive, edhe nëse përbrenda nuk janë aspak të kënaqura. Një orgazmë e rreme, në këtë rast, është më shumë një strategji sociale sesa fizike.

Kur planifikojnë të tradhtojnë partnerin

Arsyeja më e debatueshme e identifikuar në studim është përdorimi i simulimit si “kamuflazh” për një lidhje që po ftohet. Gratë që ndihen të shkëputura emocionalisht nga partneri dhe mendojnë të tradhtojnë, mund të shtiren për të ruajtur fasadën dhe për të mos ngritur dyshime.

E vërteta e heshtur mes çarçafëve

Ky studim ngre pyetje të rëndësishme për mënyrën se si e përjetojmë dhe e komunikojmë seksualitetin në çift. Shtirja e orgazmës nuk është thjesht një “gënjeshtër e bardhë” – shpesh është një pasqyrim i dinamikave të thella emocionale, presioneve sociale dhe mungesës së komunikimit të hapur.

Në vend të fajësimit, ky fenomen mund të jetë një ftesë për më shumë ndjeshmëri, dialog dhe mirëkuptim në marrëdhënie. Sepse, siç thotë edhe vetë studimi, jo çdo klithmë do të thotë kënaqësi – dhe ndoshta jo çdo heshtje do të thotë mungesë dashurie.