Author: Editorial

Gazetarja e njohur Sonila Meço ka dhënë një deklaratë të fortë që ka tronditur opinionin publik. E ftuar në një studio televizive, ajo ka komentuar me tone të ashpra aksionet e fundit të qeverisë së Edi Ramës, duke theksuar se shqiptarët tashmë janë kthyer në një popull të nënshtruar dhe pa dinjitet.

🗣️ “Jemi kthyer në një shoqëri që pranon çdo padrejtësi. Qeveria i trajton qytetarët si shifra, jo si njerëz. Kryeministri i përçmon, i poshtëron me çdo vendim, por ata prapë e votojnë. Kjo tregon se kemi humbur çdo ndjesi turpi dhe vetërespekti,” – tha Meço me një ton të drejtpërdrejtë e të pakompromis.

Sipas saj, aksionet e fundit të qeverisë, të cilat po zbatohen me urdhër të Ramës, janë prova se populli ka pranuar heshturazi çdo abuzim dhe çdo sjellje arrogante të pushtetit.

🟥 “Sot qytetarët nuk reagojnë më. Nuk protestojnë, nuk kundërshtojnë. Kanë pranuar të jetojnë në një realitet ku pushteti i tall dhe i përdor. E kjo është më e rënda,” – shtoi ajo.

💬 Fjalët e saj kanë ndezur rrjetet sociale, ku ndjekësit janë ndarë mes atyre që e mbështesin fuqimisht dhe të tjerëve që e akuzojnë për populizëm dhe tendenca politike.

❓Po ju, si mendoni? Ka të drejtë Sonila Meço apo është një deklaratë e ekzagjeruar? A po jetojmë në një shoqëri të nënshtruar që e voton përçmuesin e vet?

👇 Na shkruani mendimin tuaj në komente dhe mos harroni ta ndani këtë lajm me miqtë që duan të kuptojnë çfarë po ndodh në të vërtetë në Shqipëri!

Një video e publikuar në rrjetet sociale që tregonte një person duke hedhur mbeturina nga dritarja e një automjeti në lëvizje ka çuar në identifikimin dhe ndëshkimin e autorit të shkeljes.

Bëhet fjalë për shtetasin Kozak Braçi, 32 vjeç, i njohur për daljet e tij në rrjetet sociale

Policia e Komisariatit Nr. 4 në Tiranë reagoi menjëherë pas publikimit të videos duke kryer verifikimet e nevojshme. Pavarësisht se pamjet ishin regjistruar disa kohë më parë, autoritetet arritën të identifikonin personin që kishte ndotur mjedisin dhe e shoqëruan atë për veprime të mëtejshme procedurale.

Në përfundim të veprimeve, Kozak Braçi u ndëshkua me një gjobë prej 100 000 lekësh, bazuar në nenin 351 të VKM nr. 153, datë 07.04.2000 dhe nenin 15 të Kodit Rrugor.

Ndërkohë, materialet procedurale për këtë rast i janë referuar Prokurorisë së Tiranës për vlerësim të mëtejshëm ligjor.

Në një kohë kur shumë të rinj po ndahen për arsye banale, e disa as që po mendojnë më për martesë, ndodhin histori që të befasojnë.

Rajoni mëson se dje në qytetin e Skenderajt është kurorëzuar një martesë e veçantë.

Një 84-vjeçar nga fshati Leçinë e Komunës së Skenderajt dhe një 64-vjeçare nga Lipjani kanë vendosur të fillojnë një kapitull të ri në jetë.

Kjo ngjarje e pazakontë ka tërhequr vëmendjen e komunitetit, duke treguar se dashuria është një forcë që nuk njeh kufizime.

Në një shoqëri ku duket se martesat po zbehen te të rinjtë, kjo ngjarje është një dëshmi se dashuria e vërtetë nuk njeh moshë dhe nuk ndalet para paragjykimeve.

Kjo ngjarje është një shembull se ndjenjat e vërteta nuk kalojnë me kalimin e kohës.

Martesa e tyre është një inspirim për shumë njerëz në komunitet, duke i treguar atyre se dashuria është gjithmonë e mundur, pavarësisht moshës.

Shfrytëzojmë këtë rast për të inkurajuar lexuesit që të ndajnë mendimet e tyre rreth kësaj historie inspiruese dhe të japin zë për dashurinë e vërtetë.

Kryeministri Edi Rama ka zhvilluar sërish një vizitë në qytetin e Vlorës këtë të mërkurë, duke zgjedhur kësaj here një mjet të pazakontë transporti – një helikopter ushtarak tip “Cougar”.

Zbritja është kryer në ish-fushën e aviacionit, prej nga ku më pas Rama është shoqëruar me eskortë drejt vilës qeveritare. Kjo vizitë vjen pas asaj të datës 3 korrik, kur kryeministri pati një qëndrim kritik ndaj administratës vendore, duke shkaktuar lëvizje dhe reagime në Bashkinë e Vlorës.

Ende nuk është e qartë nëse vizita e sotme ka një karakter pune, apo nëse Rama ka zgjedhur të kalojë disa ditë pushimi në vilën qeveritare. Zyrtarisht, nuk ka pasur njoftime për ndonjë takim apo aktivitet të planifikuar me autoritetet lokale.

Burime të ndryshme nuk përjashtojnë mundësinë që kjo vizitë të jetë e lidhur me ndonjë inspektim të befasishëm apo zhvillime të fundit në drejtimin e Bashkisë nga kryebashkiaku Ermal Dredha.

News24 ka publikuar pamje ekskluzive që dokumentojnë momentet e fundit të jetës së Renis Dobrës, 23-vjeçarit që u rrëmbye dhe u vra mizorisht. Në videon e siguruar nga gazetari Igli Çelmeta, shihet një makinë Hyundai e bardhë duke ndjekur nga pas automjetin e Dobrës pranë banesës së tij, vetëm pak çaste përpara se të ndodhte rrëmbimi.

Sipas të dhënave të hetimeve, autorët Petrit Çakrri (i njohur edhe si Hoxhaj) dhe Fatjon Bushgjoka përdorën dy automjete për të ndjekur dhe më pas rrëmbyer viktimën – një Range Rover të zi për vëzhgim dhe Hyundai-n për ekzekutimin e planit.

Ngjarja ndodhi në Mat, ndërsa trupi i pajetë i të riut u gjet i hedhur në Liqenin e Shkopetit. Ekspertiza mjeko-ligjore konfirmon se Renis Dobra është mbytur me lak, duke humbur jetën nga asfiksia mekanike.

Policia ka shpallur në kërkim dy persona të tjerë, mes tyre vëllezër të njohur për precedentë penalë. Në përpjekje për të rindërtuar itinerarin e autorëve, janë sekuestruar pamje sigurie nga dhjetëra kamera që përshkojnë rrugën nga fshati Zenisht në drejtim të Burrelit.

Hetuesit dyshojnë se krimi është lidhur me pazare droge të prishura, që kanë filluar që në kohën kur Dobra ndodhej në Gjermani. Familjarët e tij kanë treguar se ai kishte pasur mosmarrëveshje me persona që e akuzonin për përvetësim të një sasie kokaine, pistë që aktualisht mbetet kryesorja për zbardhjen e kësaj ngjarjeje tronditëse.

Gent Hazizi, aktor i njohur shqiptar ka bërë sonte një deklaratë tronditëse teksa ishte i ftuar në emisionin ‘’Ora e Betit’’ në Ora News.

Ai zbuloi lajmin e trishtë se motra e tij kishte ndërruar jetë, teksa lajmin e mori vesh kur ishte në teatër.

Pavarësisht kësaj tragjedie familjare, ai gjeti forcë që të dalë publikisht në emision, pasi i kishte premtuar moderatores se do të ishte aty.

Pjesë nga debati:

Hazizi: Unë të kisha premtuar ty sot që do vija në emision. Unë sot isha në teatër dhe më vjen telefonata nga mbesa ime dhe më ka vdekur motra sot. Dhe unë deri tani isha në Durrës. 

Por meqë unë ta kisha premtuar që do vija ne emision. Çdo gjë është në rregull. Ajo iku e qetë, ishte e sëmurë me alzhaimer.

Beti: Më le pa fjalë, të shpreh ngushëllimet e mia.

Personat që shihni në foto janë tre vëllezërit Bushgjokaj nga Tropoja, Aleksandër Bushgjokaj, Kristi alias Kristë Bushgjokaj dhe Fation Bushgjokaj, ky i fundit i arrestuar, të dyshuar për vrasjen e 23-vjeçarit Renis Dobra, i cili u gjet i pajetë mëngjesin e 9 Korrikut buzë liqenit të Shkopetit.

Tre vëllezërit nga Tropoja janë të dyshuarit kryesorë për rrëmbimin, torturimin dhe vrasjen e Dobrës, ndërsa së bashku me ta si i përfshirë në krim është dhe miku i tyre, Petrit Çakrri alias Hoxha, gjithashtu i arrestuar për ngjarjen në fjalë. Petrit Çakrri është një person i njohur për policisë, pasi ka qenë dëshmitar në procesin gjyqësor për vrasjen e ish-deputetit të Partisë Demokratike, Azem Hajdari.

Shkak për vrasjen e Renis Dobrës dyshohet të jenë bërë pazaret e drogës referuar pak viteve më parë, kur Dobra punonte në Gjermani për llogari të grupit kriminal të vëllezërve Bushgjokaj, të cilët ushtronin aktivitetin e paligjshëm të trafikimit të lëndëve narkotike

Referuar dosjes hetimore, Renis Dobra në disa raste nuk i ka dorëzuar vëllezërve nga Tropoja shumat e parave të fituara nga shitja e kokainës duke pretenduar se disa herë droga është hedhur në rrugë, ujë apo liqen për arsye se po e ndiqte policia.

Vëllezërit Bushgjokaj kanë menduar se Dobra po i mashtronte dhe po i vidhte të ardhurat e fituara nga aktiviteti kriminal, arsye kjo që i ka bindur ata për ta vrarë.

Roli i Petrit Çakrrit alias Hoxha në këtë krim, është sigurimi i automjeteve për kryerjen e krimit. Bëhet fjalë për një Range Rover të zi dhe një Honda të bardhë. Grupi hetimor ka zbuluar lëvizjet e automjeteve të marra me qira përmes GPS dhe pamjeve filmike të kamerave të sigurisë. Pasi janë përdorur për krimin, mjetet janë dorëzuar dhe janë marrë automjete të tjera me qira, për të humbur gjurmët.

Sipas të dhënave nga hetimet, automjeti me të cilin udhëtonte Çakrri, ka ndjekur të njëjtën trajektore me viktimën, Renis Dobra. Personat e dyshuar i kanë prerë rrugën Renis Dobrës, fillimisht duke iu prezantuar si oficerë policie, e më pas e kanë rrëmbyer dhe torturuar. Nga këqyrja e trupit të viktimës, Renis Dobra ka shenja në qafë çka dyshohet se është mbytur me litar për t’u hedhur më pas me automjetin e tij në liqenin e Shkopetit.

Çdo qytetar me banim ose vendqëndrim në Shqipëri ka detyrimin të bëjë vetëdeklarimin e adresës nëpërmjet e-Albania.

Sipas vendimit të fundit të qeverisë, qytetarë duhet të ngarkojnë në sistem edhe dokumentin e pronësisë së apartamentit ose kontratës së qirasë për ata që banojnë me qira.

E njëjta procedurë do të zbatohet edhe për rastet e ndryshimit të adresës së vendbanimit. Në këtë rast, qytetarët duhet të ngarkojnë çdo dokument të ligjshëm që provon vendbanimin apo vendqëndrimin në adresën e deklaruar.

Zyrat e gjendjes civile janë të detyruara të verifikojnë saktësinë e adresave dhe të njoftojnë qytetarët brenda 24 orëve në rast mungese të dokumentacionit. Ky dokumentacion duhet të plotësohet nga qytetari brenda tre ditëve nga njoftimi.

Debutimi i tij në vrapimin e distancave të gjata ndodhi në Maratonën e Londrës në vitin 2000.

Gjatë 13 viteve të ardhshme ai përfundoi nëntë maratona, duke u bërë simbol i vullnetit dhe përkushtimit.

Duke luftuar me depresionin, ai gjeti një qëllim të ri në vrapim. Ai debutoi në Maratonën e Londrës në vitin 2000. Gjatë 13 viteve të ardhshme, ai përfundoi nëntë maratona dhe u bë simbol i vendosmërisë dhe përkushtimit. Shumica e të ardhurave të tij nga sponsorizimet shkuan direkt në bamirësi.

I lindur më 1 prill 1911, sipas pasaportës së tij britanike, Singh nuk kishte kurrë një certifikatë lindjeje, gjë që e pengoi atë të njihej zyrtarisht nga Libri i Rekordeve Guinness si vrapuesi më i vjetër i maratonës në histori.

Gjatë karrierës së tij, ai arriti arritje të jashtëzakonshme, të tilla si vrapimi i një vrapimi 10 km në Hong Kong në moshën 102 vjeç dhe arritja e famës ndërkombëtare me një fushatë Adidas së bashku me Muhammad Ali, me sloganin “Asgjë nuk është e pamundur”.

Në vitin 2012, ai ishte një nga mbajtësit e pishtarit në Lojërat Olimpike të Londrës. Në vitin 2006, ai u prit nga Mbretëresha Elizabeth II në Pallatin Buckingham.

Singh ia atribuoi jetëgjatësinë e tij një stili jetese të disiplinuar. “Të hash më pak, të vraposh më shumë dhe të qëndrosh i lumtur—ky është sekreti”, tha ai në një intervistë me BBC-në. Si vegjetarian, ai mbajti një rutinë aktive edhe pasi u tërhoq zyrtarisht nga garat në vitin 2013.

Ai i kaloi vitet e fundit të jetës së tij midis Indisë dhe Mbretërisë së Bashkuar, gjithmonë pranë familjes dhe trajnerit dhe mikut të tij, Harmandir Singh. Përtej ndikimit të tij atletik, Singh u bë një frymëzim kulturor dhe shpirtëror për komunitetin Sikh dhe pleqtë në të gjithë botën.

Profesor Pëllumb Pilinçi ka vizituar fshatin turistik të Thethit pas shembjeve masive të kryera përgjatë ditëve të fundit pas urdhrave të kryeministrit Edi Rama.

Ajo çfarë ka rënë në sy është mbërritja e papritur e Pilinçit në Theth i rrethuar nga forca private sigurie. Teksa është takuar me disa banorë vendas, Pilinçi është shprehur se shembjet në Theth janë një masakër që as “Serbia nuk e ka bërë vite më përpara”, ka thënë profesor Pilinçi.

Profesori i është drejtuar me fjalë të ashpra kryeministrit Edi Rama ndërsa ka premtuar krijimin e një qeverie të re dhe ringritjen e fshatin të Thethit për ta kthyer në kryeqendrën e turizmit malor.

Edi Rama të kam thënë përpara dy ditëve, do të të tërheq zvarrë deri te Skëndërbeu.

Kam ardhur për ju që ju kanë prishur ndërtesat. Qeveria që është sot e ka me ditë për arsye se ka prishur me një vend që të gjithë këtu i ka pasuri të tij, të gjyshërve e stërgjyshërve. Ju nuk jeni të ardhur këtu. Unë këtu shoh shumë prishje që në të kundërt kryeministri i Shqipërisë, një sharlatan, ju ka ardhur përpara disa kohëve dhe ju ka thënë që e keni bërë shumë mirë. E në të kundër jua ka shkatërruar.

Një fshat i mrekullueshëm. Janë vëllezër, por regjimi komunist ka arritur të ndajë burrin nga gruaja, shokun nga shoku, djalin nga vëllai, qëllimisht që t’i shkatërrojnë. Me çfarë shoh unë këtu, unë serbin e kam armik shekullor, por as serbi nuk do ta kishte bërë këtë.

Shiko këtu:

Ne do të bëjmë qeverinë. Do të Habiteni sesi do ta bëjmë ne këtë vend. Do të bëhet qeveria këtë muaj ose mesi i muajit tjetër”, ka thënë ndër të tjera Pëllumb Pilinçi.