Ka disa ditë që në mediat rozë po përfolet për një histori dashurie të Gjestit.
E për t’i vënë flakën rrjetit, ai ndau një fotografi misterioze, shkruan Indeksonline.
Aty shihet dora e një vajzë, profili i së cilës nuk është zbuluar akoma.
Nuk dihet nëse bëhet fjalë për një lidhje dashurie apo pjesë nga xhirimet e klipit.
Mos jan thonjte e Eglit kto pa hidhini nje sy ?
Një Pyetje që Shpesh Anashkalohet, por që Mund të Zbulojë Gjithçka në një Marrëdhënie
Në mesin e shumë bisedave të rëndësishme që një çift mund të ketë, ekziston një pyetje që, edhe pse shpesh lihet pas dore, ka fuqinë të sqarojë qëllimet, të zbusë keqkuptimet dhe të ndihmojë secilin të gjejë vendin e vet në marrëdhënie.
“Si i perceptoni rolet në një çift?”
E thjeshtë në formë, por e fuqishme në përmbajtje, kjo pyetje hap rrugën për biseda të thella mbi vlerat, pritshmëritë dhe mënyrën se si secili koncepton jetën në çift. Shumë gra e kuptojnë shumë vonë që partneri i tyre ka një vizion të ndryshëm për marrëdhënien.
Kjo mospërputhje nuk vjen vetëm nga preferenca apo plane të ndryshme, por shpesh lidhet me vlera themelore që prekin:
Nuk ka rëndësi vetëm përgjigjja, por edhe si jepet ajo. A është partneri kurioz për mendimin tënd? A të bën edhe ty të njëjtën pyetje? A e minimizon apo injoron atë që ti thua?
Këto detaje tregojnë shumë: jo vetëm se si e sheh ai apo ajo marrëdhënien, por edhe çfarë vendi është i/e gatshëm/gatshme të të lërë në këtë projekt të përbashkët.
Kjo pyetje e thjeshtë mund të çojë në diskutime të thella, si:
Këto tema shpesh trajtohen shumë vonë — kur tashmë janë burim frustrimi apo edhe ndarje. Duke i adresuar që në fillim, kursejmë kohë dhe energji emocionale, dhe mësojmë si të pozicionohemi me qartësi.
Shumë shpesh gratë marrin përsipër ruajtjen e harmonisë në çift, shpesh duke lënë pas dore nevojat e tyre. Duke bërë këtë pyetje, ato nuk testojnë partnerin, por kujdesen për të ardhmen e tyre emocionale. Nuk kërkohet perfeksioni, por një përputhje vlerash — themel i domosdoshëm për një marrëdhënie të shëndetshme.
Kjo pyetje nuk është e vlefshme vetëm në fillim të marrëdhënies. Ajo duhet bërë sërish, herë pas here. Me kalimin e kohës, përvojat, sfidat dhe ndryshimet personale mund të ndryshojnë edhe perceptimet mbi çiftin. Një marrëdhënie e qëndrueshme kërkon dialog të vazhdueshëm dhe gatishmëri për t’u rritur bashkë.
Në fund të fundit, kjo pyetje nuk garanton dashurinë. Por garanton një fillim të qartë. Dhe ndonjëherë, kjo është gjithçka që duhet për të marrë vendimin e duhur.
Një nga të mbijetuarit e tragjedisë së ndodhur pranë Dakës në Bangladesh, nxënësi i vitit të 10-të, Farhan Hasan, ka treguar mes lotësh se si pa shokun e tij të ngushtë të humbiste jetën vetëm pak metra larg tij, kur një avion ushtarak u rrëzua mbi ndërtesën e shkollës.
“Shoku im më i mirë vdiq para syve të mi. Avioni ra mbi ne, mbi prindërit që prisnin fëmijët e tyre jashtë. Ishte fundi i ditës së shkollës,” rrëfeu ai, duke përshkruar skenat e tmerrit.
Ngjarja ndodhi pak pas orës 13:00 me orën lokale, kur një avion stërvitor i forcave ajrore të Bangladeshit, tip F-7, pësoi defekt teknik dhe u përplas mbi Shkollën dhe Kolegjit “Milestone”, një godinë dykatëshe në periferi të kryeqytetit.
Dëshmitarë të tjerë flasin për momente paniku dhe shpërthime të fuqishme. “Kur shikova pas, pashë vetëm zjarr dhe tym. Fëmijë dhe kujdestarë ishin kudo,” tha një mësues për agjencinë Reuters.
Spitali Kombëtar i Djegieve konfirmoi se shumica e viktimave janë fëmijë të moshës 9 deri në 14 vjeç. Ndërkohë, në vendngjarje u mblodhën qindra qytetarë për të dhuruar gjak dhe për të ndihmuar të plagosurit.
Ishte një nga ndarjet më të bujshme në skenën politike shqiptare: divorci i Fatos Nanos nga bashkëshortja e tij prej 27 vitesh, Rexhina Nano. Pas një kohe të gjatë në heshtje dhe larg syrit publik, Rexhina është rikthyer papritur në skenë — dhe në një mënyrë që ka ngjallur shumë kureshtje.
E veshur me elegancë dhe në formë të shkëlqyer, ajo është shfaqur në një event zyrtar në Kryeministri, gjatë promovimit të librit autobiografik të Michelle Obamës, ku ka qëndruar krah për krah me askënd tjetër veçse Linda Ramës, bashkëshortja e kryeministrit aktual, Edi Rama.
Të dyja gratë janë fotografuar në sallën Cod, duke ndarë buzëqeshje dhe fjalime përshëndetëse, në një moment që duket se ka simbolikën e vet politike dhe personale.
Ky rikthim i Rexhina Nanos në qendër të vëmendjes vjen dekada pas ndarjes së saj me ish-kryeministrin Nano, i cili në vitin 2001 shpalli publikisht divorcin e tij në një intervistë televizive për “Opinion”, ku pranoi se kishte nisur procedurat për ndarje dhe kishte lidhur jetën me partneren e re, Xhoana, 21 vite më e re në moshë.
Nano, në atë kohë lider i opozitës, deklaroi se përplasjet mes jetës familjare dhe presionit politik e kishin konsumuar martesën me Rexhinën. “Unë një raporti të konsumuar i them legalisht dhe publikisht, ndal,” ishin fjalët e tij.
Pas divorcit, Nano mori përsipër peshën e fajit dhe një vit më pas kurorëzoi dashurinë e re me një ceremoni në Kishën Ortodokse në Tiranë. Ajo martesë dhe mënyra e ndarjes së mëparshme u komentuan gjerësisht në publik, duke sfiduar normat sociale të kohës.
Ndërkohë, Rexhina Nano kishte zgjedhur të largohej nga vëmendja publike, duke jetuar një jetë më të tërhequr. Por duket se koha ka bërë të vetën — jo vetëm që ajo është rikthyer, por edhe në një shoqëri që as nuk do ta imagjinonim: përkrah bashkëshortes së njeriut që pasoi në politikë Fatos Nanon.
Ironia e fatit apo një shenjë se politika dhe jeta private shpesh ndërthuren në mënyrë të çuditshme? Në çdo rast, pamja e përbashkët e Rexhinës me Linda Ramën ka bërë që shumë të thonë: “Leku tek leku, politika tek politika!”
Është publikuar pamja që tregon momentin kur sportisti nga Kosova, Shkëlzen Goqi, bën kërcimin e tij nga “Ura e Vezirovit” në Podgoricë – duke shoqëruar hedhjen me një gjest të njohur për shqiptarët: simbolin e shqiponjës dy-krenare.
Videoja, e shpërndarë gjerësisht në rrjetet sociale, dokumenton qartë çastin kur Goqi bën shenjën me duar para se të hidhet nga lartësia – një gjest që më pas u interpretua si “provokues” nga organizatorët dhe që solli diskualifikimin e tij nga gara tradicionale e kërcimeve në ujë, të mbajtur të dielën në kryeqytetin e Malit të Zi.
Shkëlzen Goqi, një emër i njohur për publikun kosovar dhe i vlerësuar për aftësitë e tij në kërcime ekstreme, është me origjinë nga Gjakova. Ai theksoi se nuk kishte qëllim tjetër përveçse të shprehte përkatësinë e tij kombëtare.
Jam nga Gjakova, jam nga Kosova, dhe këtë nuk ma heq askush. Shqiponja ishte përgjigjja ime”.
Diskualifikimi i tij ka nxitur shumë reagime dhe komente mbështetëse në rrjetet sociale, ku qytetarë, sportistë dhe figura publike kanë cilësuar ndëshkimin si i padrejtë dhe politik. Për shumë shqiptarë, gjesti i Goqit nuk është provokim, por shprehje e identitetit kombëtar, e njëjtë me mënyrën se si sportistët shqiptarë e kanë përdorur simbolin e shqiponjës në ngjarje ndërkombëtare.
Gazetari dhe komentatori politik Reldar Dedja ka hedhur një tezë të fortë në studion e Euronews Albania, duke zbuluar prapaskena që lidhen me përpjekjet për krijimin e një force të re politike në spektrin e djathtë. Sipas Dedjes, një valë e re politike është në përgatitje, me në qendër figura të njohura si Ervin Salianji dhe një grup ish-deputetësh të pakënaqur me drejtimin aktual të Partisë Demokratike.
“Partia Demokratike duhet të mendojë përtej gardhit të vet. Me një pushtet agresiv si PS-ja, që kërkon njerëz me integritet, çdo emër që është sot në grupin parlamentar të PD-së është shumë i vogël për të krijuar një vatër të re lëvizjeje,” – u shpreh Dedja.
Ai shtoi se Ervin Salianji, një nga figurat më të zëshme të Partisë Demokratike dhe një kritik i qeverisë socialiste, ka nisur kontakte konkrete me ish-deputetë të kësaj force politike, të cilët janë të zhgënjyer nga drejtimi aktual i partisë nën Sali Berishën.
“Salianji ka kontaktuar me ish-deputetë të PD-së që janë të pakënaqur me drejtimin e Berishës. Ai po kërkon të krijojë një vatër. Ka pasur takime, diskutime dhe qasje konkrete për të formësuar një bërthamë që synon të sjellë një frymë të re në të djathtën shqiptare,” – theksoi Dedja.
Sipas tij, krijimi i një force të re të qendrës së djathtë nuk është më thjesht një ide, por një proces që ka nisur, me përpjekje për të mobilizuar burime njerëzore, intelektuale dhe qytetare që ndihen të papërfaqësuara nga të dyja krahët politikë aktualë.
Por në këtë zhvillim, Dedja ngre edhe një pikëpyetje interesante: A do të jetë kjo një nismë reale opozitare, apo një tjetër skemë e ndihmuar indirekt nga mazhoranca?
“Mund të ndihmojë në këtë mes dhe Rama, ashtu siç ka bërë edhe me shumë subjekte të tjera të djathta më parë,” – shtoi gazetari, duke nënkuptuar një mundësi të ndërhyrjes indirekte të kryeministrit për të dobësuar opozitën klasike dhe për ta fragmentarizuar më tej.
Dedja theksoi se vullneti për të bërë politikë nuk mjafton, nëse mungon kapaciteti për të ndërtuar një alternativë të qëndrueshme dhe për të fituar besimin e një publiku që gjithnjë e më shumë ndjehet i lodhur nga retorika e vjetër politike.
Këto zhvillime vijnë në një moment kur opozita shqiptare është në krizë të thellë përfaqësimi dhe besueshmërie, ndërsa kërkesat për ndryshim po artikulohen gjithnjë e më shumë jo vetëm nga qytetarët, por edhe nga vetë radhët e brendshme të së djathtës.
A do të jetë kjo lëvizje e re një fillim i vërtetë për riformatimin e së djathtës në Shqipëri, apo një tjetër tentativë e përkohshme që do të shuhet përballë realpolitikës brutale të tranzicionit shqiptar? Koha do ta tregojë, por zërat për ndryshim janë më të zhurmshëm se kurrë.
Në një intervistë të sinqertë për podkastin e Alketa Vejsiut, Ledri Vula ka zbuluar për herë të parë arsyen e ndarjes nga ish-partnerja e tij Sara Hoxha.
Sipas tij, ishte pikërisht distanca ajo që ndikoi më shumë në përfundimin e marrëdhënies.
“Puna e Sarës ka qenë në Tiranë, puna jeme ka qenë në Kosovë dhe diasporë dhe kjo ka krijuar një distancë dhe i ka ftoh raportet. Distanca e bëri ndarjen më të lehtë”, u shpreh Ledri, duke lënë të kuptohet se ndarja nuk ishte rezultat i ndonjë konflikti, por thjesht i kushteve që i ndanë gradualisht.
Ledri shtoi se pavarësisht ndarjes apo çfarë përflitet në publik, raportet me Sarën i ka shumë të mira.
Gjatë bisedës, reperi u ndal edhe te lidhja e Sarës me Erik Fullanin.
“Sara më duket shumë e lumtur me djalin. Për mua është më e rëndësishme që Sara të jetë e lumtur. Nëse ajo është e lumtur, edhe goca është e lumtur. Për mua, goca është më shumë me rëndësi,” tha ai.
Një humbje e madhe për Universitetin e Tiranës dhe të gjithë komunitetin akademik shqiptar. Sot është ndarë nga jeta në moshën 63-vjeçare Prof. Fatmir Memaj, një nga pedagogët më të vlerësuar dhe të dashur të Fakultetit të Ekonomisë.
Profesor Memaj nuk ishte thjesht një lektor – ai ishte një mentor, mik dhe mbështetje e pakushtëzuar për studentët dhe kolegët. Me përkushtim të rrallë, ligjëroi për vite me radhë lëndë si Statistika, Demografia dhe Teknikat e Kërkimit, duke lënë gjurmë të pashlyeshme te mijëra studentë.
Por pas buzëqeshjes së tij të qetë fshihej një dhimbje e thellë…
Në vitin 2016, ai humbi të birin, Aleksin, vetëm 14 vjeç, pas një beteje të gjatë me një sëmundje të rëndë. E gjithë jeta e tij pas asaj dite u shënua nga mungesa e djalit. Miqtë tregojnë se ai e mbante gjithmonë në zemër dhe lutjet e tij të përditshme ishin për t’u ribashkuar me të.
Sot, zemra e tij pushoi. Por kujtimi dhe trashëgimia që la pas janë të pavdekshme.
🕯️ Pushofsh në paqe, Profesor. Universiteti i Tiranës humbi një shtyllë. Shqipëria humbi një njeri të rrallë.
Një krizë shëndetësore po shpërthen mes fëmijëve shqiptarë – dhe fajtorë janë pijet energjike! Mjekët kardiopediatër po japin alarmin e kuq për rritjen drastike të rasteve me probleme serioze në zemër, edhe tek fëmijët e vegjël.
Dr. Numila Kuneshka, shefe e Kardiologjisë Pediatrike në QSUT, thotë:
“Fëmijët nga 9-10 vjeç po shfaqin takikardi, dhimbje gjoksi, madje dhe kriza epileptike. Kemi edhe raste të shtuara në spital.”
Sipas mjekes, këto pije janë bomba për trupin e fëmijëve, përmbajnë më shumë kafeinë se vetë kafeja, përveç sheqerit të lartë që rrit rrezikun për obezitet, diabet dhe prishje të dhëmbëve.
Më e rënda? Dëmet që shkaktojnë janë të përhershme dhe ndodhin pa asnjë paralajmërim.
Apeli i mjekëve është i qartë:
Prindër, flisni me fëmijët tuaj! Mos e lini shëndetin e tyre në duart e një doze energjie të rreme!
Një lajm i trishtë sapo ka mbërritur në redaksinë tonë, ku foshnja 10 muajshe për të cilën JOQ Albania raportoi mëngjesin e së hënës se nuk po merrte ndihmën e duhur në pediatrinë e Vlorës, ka ndërruar jetë.
Nëna e foshnjës iu drejtua redaksisë tonë duke denoncuar se kishte mbi një orë që ndodhej në pediatri me foshnjën e saj që ishte me temperaturë të lartë, por nuk kishte marrë asnjë ndihmë. Ajo shprehej se mjeku i turnit, Dr. Altin Cane, ishte larguar nga spitali duke pretenduar se ishte i lodhur pas turnit të natës, ndërkohë që infermieret e kishin udhëzuar të priste deri në orën 07:00 të mëngjesit për të kaluar rastin te mjeku pasardhës.
Sipas saj, në vend që fëmija të shtrohej në një dhomë normale me kushte të përshtatshme, ishte vendosur në një ambient të papërshtatshëm pas magazinave, edhe pse në spital kishte dhoma të lira. Nëna ngriti alarmin për trajtimin çnjerëzor dhe mungesën e përgjegjësisë nga ana e stafit mjekësor, duke theksuar se djali i saj “po digjej nga temperatura” dhe askush nuk po vepronte.
Për fat të keq, vetëm disa orë pas këtij denoncimi, foshnja ka ndërruar jetë, duke kthyer një rast alarmi në një tragjedi të vërtetë.
Redaksia jonë kërkon nga institucionet përkatëse një hetim të menjëhershëm dhe transparent për këtë ngjarje të rëndë, si dhe mbajtjen përgjegjës të çdo personi që ka shkelur detyrimet ligjore dhe njerëzore për dhënien e ndihmës së parë.
Një nënë denoncon se ka mbi një orë që ndodhet në pediatrinë e Vlorës me foshnjën 10 muajshe që vuan nga temperaturë e lartë, por përballet me neglizhencën e stafit mjekësor. Sipas saj, mjeku i turnit, Altin Cane, është larguar nga spitali duke deklaruar se ishte i lodhur pas turnit të natës, ndërsa infermieret i kanë kërkuar të presë deri në orën 07:00 për të kaluar rastin te mjeku pasardhës.
Foshnja është vendosur në një ambient pas magazinave, të papërshtatshëm dhe larg kushteve minimale që kërkon një rast urgjent, pavarësisht se në spital ka dhoma të lira. Nëna shpreh indinjatë për mungesën e përgjegjësisë nga stafi mjekësor dhe trajtimin çnjerëzor ndaj një foshnje në gjendje të rënduar shëndetësore, duke ngritur shqetësimin për gjendjen alarmante të shërbimit në këtë spital publik.
Denoncimi:
Miremngjes! Kam 1 ore qe kam sjell djalin ne pediatrine e vlores me temperatur te larte dhe mjeku roje dr altini ka vajtur ne shpi sepse ankohet qe esht lodhur nga turni i nates Infemriereve u thote te presin deri ne 7 qe te behet nderrimi e pastaj do ja kaloj mjekur te turnit Fmia po digjet dhe asnje spo mban pergjegjesi ktu Na kan ln ne nje dhome qe vetm dhom nuk esht mbrapa magazinave sepse dka dhoma te lira te tjera Ky esht spitali yn qe nuk pyesin as per nje foshnje 10 muaj me teml te larte. Emri i doktorit Altin Cane.