Author: Editorial

Braçe gjithashtu foli për marrëdhëniet e tij personale me Ramën, duke pranuar se ato kanë qenë të tensionuara në disa momente për shkak të ambientit politik brenda Partisë Socialiste, por theksoi mbështetjen e tij për qeverisjen dhe nevojën që gjërat të lëvizin për mirë.

Marrëdhënia ime me Ramën ka qenë e tensionuar, por unë e mbështes qeverisjen”, tha Braçe.

Ai foli dhe për aksionin e nisur për lirimin e hapësirave publike të zëna në Tiranë, përballë sfidave të mëdha me ndërtuesit dhe ndikimin e thellë të korrupsionit.

Braçe, shprehu zhgënjimin e tij të thellë për situatën e rimarrjes së hapësirave publike në Tiranë, duke denoncuar fuqimisht rolin e ndërtuesve dhe korrupsionin në institucione.

Kur u pyet nga gazetari nëse është i kënaqur me aksionin për lirimin e hapësirave publike, Braçe u shpreh qartë: “Jo, nuk jam i kënaqur. Sepse ende nuk është bërë tamam siç duhet – as në cilësi, as në sasi, sa përfaqësi.”

Duke iu referuar ndërtuesve, ai theksoi se ata janë “dhunuesit më të egër të këtij qyteti”.

“Nëse ka dhunues të hapësirës publike në këtë qytet, ata janë ndërtuesit. Janë kantieret e ndërtimit. Ata janë! Unë shoh që nga këta nuk lëviz asnjë centimetër nga hapësira publike që kanë zaptuar. Dhe hapësira publike që kanë zënë këta, është trotuari, është pema… E ka futur brenda rrethimit të kantierit të vet të ndërtimit. Kanë marrë trotuarin, pemën, vendin e parkimit, edhe rrugën. Dhe pastaj e shndërrojnë në lokale, në hapësira që më parë ishin pa leje.”

Greqia është tronditur mëngjesin e kësaj të marte nga lëkundje tërmeti.

Mësohet se tërmeti ishte me magnitutë 4.7 të shkallës Rihter dhe epiqendra në Paramithi të Pargës.

Nga tërmeti në Paramithi, lëkundjet janë ndjerë edhe në Sarandë, Delvinë e Konispol.

Prej disa ditësh, emri i Gjestit është rikthyer në qendër të vëmendjes, pasi në media dhe rrjete sociale po qarkullojnë lajme për një lidhje të mundshme dashurie.

Gjithçka nisi kur artisti publikoi në profilin e tij një fotografi misterioze, ku shihet dora e një vajze, teksa identiteti i saj mbetet ende i panjohur. Kjo mjaftoi që rrjeti të shpërthente me aludime dhe komente për një romancë të re në jetën e tij.

Por, sipas burimeve të afërta me artistin, fotografia nuk është aspak një konfirmim i ndonjë lidhjeje, por thuhet se vjen drejtpërdrejt nga xhirimet e klipit të tij më të ri, që është aktualisht në përgatitje.

Gjesti është duke punuar në një projekt të ri muzikor me skena të kuruara deri në detaje, dhe pikërisht kjo foto është pjesë e një sekuence të klipit që pritet të dalë së shpejti.

Megjithatë, asgjë nuk është konfirmuar zyrtarisht nga vetë ai, duke lënë gjithçka në kuadrin e misterit. A është fjala për një romancë të vërtetë apo për një skenë artistike që do të zbulohet në videoklip? Pritet që projekti i ri të zbulojë më shumë se sa thotë një imazh i vetëm.

Finalizohet operacioni policor i koduar “Siguria Dentare”, i zhvilluar nga Sektori për Hetimin e Krimit Ekonomik dhe Financiar i DPPSh-së, në bashkëpunim me Forcën e Posaçme “Shqiponja” të DVP Tiranë.

Kryenin shërbime dentare, duke përdorur preparate të skaduara, arrestohen administratori i klinikës dentare dhe një stomatolog.

Procedohen penalisht 12 punonjës në klinikë

Sekuestrohen preparate dhe materiale që përdoreshin për këto shërbime, që ishin të skaduara.

Në kuadër të planit të masave për kontrollet në klinika dentare, me qëllim sigurinë e pacientëve që marrin shërbim në këto subjekte, specialistët e Sektorit për Hetimin e Krimeve Ekonomike-Financiare të DPPSh-së, në bashkëpunim me efektivë të Forcës së Posaçme “Shqiponja” të DVP Tiranë, finalizuan me sukses operacionin policor të koduar “Siguria Dentare”.

Në Rrugën e Kavajës, në ambientet e subjektit me administrator shtetasin E. Z., që ofronte shërbime dhe punime stomatologjike dhe laboratorike si: terapi, ortodoncë, kirurgji, ura porcelani, proteza, implante dhe riparime të aparaturave dentare, shërbimet e Policisë gjetën dhe sekuestruan me cilësinë e provës materiale, një sërë preparatesh dhe materialesh dentare të skaduara.

Në përfundim të veprimeve procedurale për këtë rast, u arrestuan në flagrancë administratori i subjektit, shtetasi E. Z., 40 vjeç, dhe shtetasi K. M., 26 vjeç, të dy stomatologë në klinikë.

Gjithashtu, u referuan materialet në Prokurori, ku nisi procedimi në gjendje të lirë për 12 punonjës në këtë klinikë.

Materialet procedurale iu referuan Prokurorisë së Tiranës, për veprime të mëtejshme, për veprat penale “Prodhimi dhe tregtimi i barnave dhe pajisjeve mjekësore të falsifikuara ose të rrezikshme për jetën dhe shëndetin”, “Punësimi i paligjshëm” dhe “Fshehja e të ardhurave”.

Lajmi në përditësim…

Prokuroria e Posaçme ka marrë të pandehur kryebashkiakun e Tiranës, Erion Veliaj.

Kryebashkiaku Veliaj ndodhet në qeli prej datës 10 shkurt dhe akuzohet për korrupsion, pastrim parash e fshehje pasurie.

Sipas gazetares Klodiana Lala, akuzat do t’i komunikohen zyrtarisht ditën e mërkurë (23 Korrik).

Erion Veliaj dhe avokatët e kryebashkiakut janë njoftuar zyrtarisht nga Prokuroria e Posaçme.

Nuk dihet nëse kryebashkiaku i Tiranës do të lërë për pak orë qelitë e paraburgimit në Durrës për t’u përballur me prokurorët e posaçëm, Altin Dumani dhe Ols Dado.

Ajo çfarë mbetet e paqartë është nëse SPAK do ta përcjellë dosjen për në Gjykatën e Posaçme apo do të shtyjë afatet e hetimit.

Erion Veliaj u arresua në zyrën e tij më 10 Shkurt dhe po hetohet së bashku me bashkëshorten e tij Ajola Xoxa, si edhe 6 biznesmenë.

Një aksident me pasojë plagosjen e 4 anëtarëve të një familjeje nga Kosova ka ndodhur mëngjesin e së martës në aksin rrugor “Shëngjin-Velipojë”.

Policia tha se aksidenti ndodhi në fshatin Rrjoll, ku shtetasi kosovar J. B., duke drejtuar automjetin, dyshohet se ka humbur kontrollin dhe si pasojë automjeti ka dalë nga rruga dhe është përplasur me një dyqan

Nga aksidenti janë dëmtuar drejtuesi i automjetit, shtetasi J. B., dhe 3 pasagjerë (familjarë të tij), të cilët janë dërguar për mjekim, në spital, dhe janë jashtë rrezikut për jetën.

Grupi hetimor po punon për zbardhjen e rrethanave të aksidentit.

Ultimatumi i kryeministrit Edi Rama për shkarkimin e drejtorëve, nënkryetarëve dhe rifreskimin e bashkive në nivelet drejtuese, ka prekur edhe Bashkinë e Tiranës.

Gjatë takimit me dyer të mbyllura me deputetët socialistë dhe përfaqësues të bashkisë, Rama ka kërkuar hapjen e garës për nënkryetarët e rinj të bashkisë, pa përjashtuar ata aktualët, nga ku do të caktohen 4 të rinj.

Mësohet se nga ky ristrukturim nuk preket Anuela Ristani, që nuk është më zëvendëskryetare, por Kryetare e Komanduar.

Ristanit mësohet se Rama i ka lënë detyrë dixhitalizimin e Bashkisë, si dhe drejtimin e punës për adoptimin e një strukturë të re organizative në Bashkinë Tiranë, e cila është konceptuar në bashkëpunim me Institutin “Tony Blair”, dhe që adoptohet edhe në bashki të tjera.

Ndërkohë, ashtu si në bashkitë e tjera të vendit, edhe në Tiranë është ngritur një grup pune, ku 3 prej anëtarëve janë Blendi Gonxhja, Ogerta Manastirliu dhe Petrit Malaj, të cilët do të zhvillojnë intervista me kandidatët për nënkryetarë.

Kjo e martë shënon ditën e parë me temperaturë maksimale 40 gradë celsius në vendin tonë, sipas parashikimit të nga Tanja Porja.

Sipas të dhënave, kulmi i të nxehtit do të ndjehet në qarkun e Beratit, ndërsa pjesa tjetër e territorit do të përjetojë temperatura vetëm 1-2 gradë më të ulëta. Edhe mëngjesi ka nisur me vlera më të larta se zakonisht, duke shënuar nga 13-14°C në zonat malore deri në 24°C.

Gjatë paradites, moti paraqitet i kthjellët në të gjithë Shqipërinë, ndërsa vranësira të lehta dhe kalimtare priten vetëm në zonat verilindore rreth mesditës .

Era do të fryjë me intensitet mesatar, kryesisht nga perëndimi, pa sjellë ndryshime të ndjeshme në ndjesinë e të nxehtit.

Deri diten e premte priten temperatura ekstreme. Te shtunen pritet freskimi i motit ndersa te dielen pritet renie drastike e temperaturave si dhe reshje shiu.

Si te pastroni melcin dhe trupin tuaj nga te ngrenat e shumta te festave te fundvitit. Konsumi i ushqimeve ne naten e nderrimit te viteve eshte i larte dhe ditet e para te janarit njerezit jane shume te ngarkuar.

Dr Bardhi ka dhene disa keshilla se si te qetesoni trupin tuaj nga kjo gje.

Ai shprehet se duhet te konsumoni caj majdanozi leng selinoje dhe uthull molle.

Keto jane tre produktet kryesore te cilat duhet te perdoren per te detoksifikuar melcin dhe veshkat nga te ngrenat e shumta.

Çaji i majdanozit, lëngu i shtrydhur i selinos+limon, uthulla e mollës së eger e përzjerw me ujin, largojnë toksinat nga mëlçia dhe nga veshka Majdanozi përmban apigenina dhe falkarinol, ndërsa uthulla e mollës pwrmban prebiotikw që stimulojnë tretjen e ushqimit nëpërmjet ferementimit. Receta: -uthulla e mollës-1 lugë gjellë+1 gotë me ujë. -Çaj i majdanozit, 1 filxhan çaj në ditë.