Author: Editorial

Burime të besueshme të medias mësojnë se sot, më 22 korrik 2025, janë arrestuar Meriton Mjekiqi dhe Rinor Mjekiqi, lidhur me një rast të lëndimit të rëndë trupor, që dyshohet të ketë ndodhur më 11 korrik 2025.

Sipas informatave që posedon media, të dyshuarit ishin në arrati prej datës së incidentit, por janë paraqitur sot rreth orës 15:00 në Stacionin Policor në Obiliq, ku janë intervistuar në prani të avokatëve mbrojtës.

Ngjarja ka të bëjë me një përleshje fizike ku si pasojë, viktima Egzon Grajqevci ka pësuar lëndime të rënda trupore.

Pas intervistimit dhe procedurave hetimore, Prokurori i Shtetit ka vendosur që ndaj Meriton dhe Rinor Mjekiqit të shqiptohet masa e ndalimit policor prej 48 orësh, thonë burimet e besueshme të Sinjalit.

Sinjali do t’ju mbajë të informuar për çdo zhvillim të ri rreth këtij rasti.

Një ngjarje tronditëse është shënuar mbrëmjen e djeshme rreth orës 22:30 në kompleksin “Delijorgji” në Tiranë. Pronari i njohur i restorantit “Tokyo”, Laert Kasaj, është dhunuar në mënyrë brutale dhe ndodhet në gjendje të rëndë në spital.

Burime për JOQ Albania raportojnë se autorët e dyshuar janë pikërisht pronarët e barit “Stockholm”, që ndodhet përballë kompleksit, dhe motivi i sulmit dyshohet të jetë një denoncim i bërë nga Kasaj drejtpërdrejt te kryeministri Rama, për zaptimin e hapësirave publike me tenda nga lokalet përreth.

Sipas dëshmive, policia ka ndërhyrë vetëm pasi sherri kishte ndodhur, ndërsa viktima është transportuar me urgjencë drejt spitalit.

🔴 Ende asnjë reagim zyrtar nga Policia e Shtetit për incidentin që po trondit rrjetin.

👉 A po ndëshkohet zëri i lirë dhe denoncimi qytetar në Shqipëri?

Pas polemikave që shpërthyen në rrjet pas performancës së saj në këngën “Mora fjalë”, ku u kritikua për veshjen dhe faktin që këndoi playback, Egli Tako ka zgjedhur të mos japë asnjë deklaratë publike. Megjithatë, një postim në InstaStory duket se flet më shumë se çdo koment.

Në foto, këngëtarja shfaqet e qeshur, e relaksuar dhe plot vetëbesim, sikur tregon se fjalët që qarkullojnë rreth saj nuk e shqetësojnë aspak.

Ajo nuk ka reaguar drejtpërdrejt ndaj thumbimeve të Albinës, e cila e kritikoi për mungesë serioziteti në interpretim dhe për zgjedhjen e veshjes, por duket se Egli po i mbyll gojët me heshtje.

Një reagim i heshtur, por shumë domethënës për ata që e lexojnë mes rreshtash: Egli nuk ka nevojë të justifikohet, ajo thjesht vazhdon të shkëlqejë në stilin e saj.

Një burrë 78-vjeçar, i shpallur i vdekur pas dy arresteve kardiake dhe më shumë se 30 minutash pa puls, u zgjua papritmas në një ambulancë, duke i lënë ekipet e urgjencës në gjendje shoku.

Ngjarja e cila ndodhi mbrëmjen e 18 korrikut në Marina Velca, një qytet bregdetar pranë Tarquinia (Viterbo), tani po përshkruhet nga mjekët si një rast shumë i rrallë i “sindromës së Lazarusit”, një fenomen në të cilin zemra rifillon të rrahë pasi ndërpriten përpjekjet e ringjalljes.

E gjitha filloi kur burri, me origjinë libiane, u sëmur rëndë në shtëpinë e tij. Shërbimet e urgjencës mjekësore nxituan në vendngjarje dhe bënë përpjekje të gjata për ta ringjallur atë pas dy atakeve në zemër dhe dy arresteve kardiake. Pas më shumë se gjysmë ore operacionesh të pasuksesshme, i ndjeri u shpall i vdekur dhe ambulanca ajrore Pegaso u thirr përsëri. Trupi mbeti në ambulancë, duke pritur mbërritjen e makinës së varrimit.

E gjitha filloi kur burri, me origjinë libiane, u sëmur rëndë në shtëpinë e tij. Shërbimet e urgjencës mjekësore nxituan në vendngjarje dhe bënë përpjekje të gjata për ta ringjallur atë pas dy atakeve në zemër dhe dy arresteve kardiake. Pas më shumë se gjysmë ore operacionesh të pasuksesshme, i ndjeri u shpall i vdekur dhe ambulanca ajrore Pegaso u thirr përsëri. Trupi mbeti në ambulancë, duke pritur mbërritjen e makinës së varrimit.

Pastaj ndodhi e papritura, burri i moshuar hapi sytë dhe u ngrit në këmbë, duke kërkuar për vajzat e tij. Ekipi mosbesues menjëherë rifilloi monitorimin e tij dhe e transportuan në spital, ku tani është në gjendje të qëndrueshme dhe i vetëdijshëm. Ngjarja ka rindezur debatin mbi protokollet e ringjalljes dhe vetë përkufizimin e vdekjes klinike. Mjekët e përshkruajnë këtë si një rast të jashtëzakonshëm që do të kërkojë hetime të mëtejshme.

Çfarë është Sindroma e Lazarusit?

Sindroma e Lazarit është një ngjarje jashtëzakonisht e rrallë mjekësore në të cilën një person, i konsideruar klinikisht i vdekur pas arrestit kardiak dhe ndërprerjes së përpjekjeve të ringjalljes, papritmas rifillon rrahjet e zemrës dhe frymëmarrjen spontane. Emri vjen nga personazhi biblik Lazari, i cili, sipas Ungjillit të Gjonit, u ringjall nga Jezusi katër ditë pas vdekjes së tij.

Nga një këndvështrim shkencor është një fenomen që, në rastet e pakta të dokumentuara, tenton të ndodhë brenda pak minutash zakonisht më pak se dhjetë nga ndërprerja e ringjalljes kardiopulmonare. Shkaqet e sakta janë ende të paqarta. Ky fenomen ngre pyetje të rëndësishme etike dhe mjeko-ligjore, pasi vë në pikëpyetje kohën dhe metodat e përcaktimit të vdekjes. Pikërisht për këtë arsye, disa ekspertë sugjerojnë që, pas ndërprerjes së ringjalljes, duhet të pritet disa minuta para se të deklarohet zyrtarisht vdekja.

Një tërmet i fuqishëm me magnitudë 7.4 goditi të hënën zonën lindore të Gadishullit Kamchatka në Rusi, duke shkaktuar panik dhe paralajmërime për cunami në disa rajone përreth. Lëkundja ndodhi në orët e mëngjesit dhe u pasua nga disa pasgoditje me magnitudë më të ulët, por gjithsesi të ndjeshme.

Fillimisht, autoritetet ruse dhe agjencitë ndërkombëtare të motit lëshuan alarme për cunami për bregdetin lindor të Rusisë, Hawaiin, Guam-in dhe Samoan, për shkak të potencialit të dallgëve të mëdha. Banorët u urdhëruan të largoheshin nga zonat bregdetare dhe të merrnin masa sigurie.

Pamje të frikshme u publikuan në rrjetet sociale dhe mediat ndërkombëtare, ku shfaqeshin shtëpi që dridheshin, mobilie që rrëzoheshin dhe banorë që dilnin me nxitim në rrugë, në përpjekje për të shpëtuar nga ndonjë cunami i mundshëm.

Megjithatë, disa orë më pas, agjencitë sizmologjike njoftuan se rreziku për cunami kishte kaluar dhe alarmet u hoqën. Fatmirësisht, nuk raportohen viktima apo dëme serioze materiale deri në këtë moment.

Autoritetet ruse po vazhdojnë të monitorojnë situatën, ndërsa qytetarët janë paralajmëruar për mundësi të pasgoditjeve të tjera në ditët në vijim. Zona e Kamchatkës është një nga më aktive sizmologjikisht në botë, për shkak të vendndodhjes së saj në unazën e zjarrit të Paqësorit.

Rute Cardoso, bashkëshortja e futbollistit të ndjerë Diogo Jota, ka prekur zemrat e ndjekësve me një postim emocional në rrjetet sociale, një muaj pas ndarjes tragjike nga jeta të partnerit të saj.

Në një fotografi prekëse nga dita e dasmës së tyre, ku çifti shfaqen të kapur për dore, Rute shkruan:

“1 muaj nga ‘deri sa vdekja të na ndajë’! Përgjithmonë, vajza jote e bardhë”.

Ky është postimi i parë publik i Rute Cardoso pas humbjes së bashkëshortit, dhe fjalët e saj të thjeshta por të dhimbshme kanë prekur publikun anembanë botës. 

Një punëtor i ndërtimtarisë ka vdekur pasi ka rënë nga lartësia e një objekti që ishte duke punuar.

Burime të Rajonit mësojnë ekskluzivisht së ngjarja ka ndodhur para pak minutash në rrugën 17 shkurti, në Skenderaj.

PodujevaSot do të ju mbajë të informuar për rastin.

Kryeministri Edi Rama u shpreh se aksioni për lirimin e hapësirave publike nuk do të përfundojë me kaq.

Pas komentit të një qytetari, ai u ndal tek një nga zonat më problematike në kryeqytet, Astiri. Rama tha se në mandatin e katërt do të jetë Rilindja Europian 4.0.

“Kam qenë dhe në Astir, duhet të jeni të sigurt që historisë së hapësirave publike nuk do t’i ndahem. Mandatin e katërt do të jetë Rilindja Europiane 4.0. Kemi një rrjet arkitektësh të huaj dhe shqiptarë, të angazhuar në Tiranë në 8 grupe pune. Jo vetëm të heqim gjëra por edhe të krijojmë, kjo gjë do të ndodhë në të gjithë perimetrin e Tiranës”, tha Rama.

Një grup kontrolli nga Drejtoria e Përgjithshme e Tatimeve ka zbarkuar mëngjesin e sotëm në tregun e shumicës në Korçë, duke vendosur gjoba “të majme” ndaj tregtarëve.

Kjo për shkak se produktet bujqësore që ata kanë blerë nga fermerët e zonës e kanë patur pa kupon tatimor. Tregtarët ankohen për mediat se ndaj 5 tregtarëve janë vendosur gjoba deri në 2 milion lekë të vjetra.

Pavarësisht se Rama propagandon vetëm kontrolle ndaj bulmetit, qumështit dhe mishit, duket se inspektorët e Tatimeve dhe AKU-së kërkojnë fatura edhe për produketet bujqësore nga fermerët e vegjël, pa sqaruar fillimisht se si duhet t’i presin ata këto fatura.