Author: Editorial

Një ngjarje e pazakontë ka ndodhur ditën e sotme në urbanin e Kombinatit, ku një vajzë ka dhuruar një performancë mahnitëse që i ka lënë të gjithë pa fjalë. Akrobatja, identiteti i së cilës ende nuk është bërë publik, është varur me flokë nga tuba metalik ku zakonisht mbahen pasagjerët për t’u mbajtur në këmbë gjatë lëvizjes së autobusit.

Për disa minuta, ajo qëndroi e varur në ajër, duke ruajtur qetësinë dhe ekuilibrin, ndërsa urbani ecte në rrugët e kryeqytetit. Skena është regjistruar nga disa qytetarë të habitur, të cilët nuk nguruan ta ndanin videon në rrjetet sociale, duke e bërë virale brenda pak orësh.

Nuk dihet ende nëse kjo ishte një performancë e organizuar apo një akt spontan i artistes, por ajo që është e sigurt është se ky “spektakël urban” ka tërhequr vëmendjen e të gjithëve. Disa e kanë vlerësuar si një shfaqje unike arti, ndërsa të tjerë kanë ngritur shqetësime për sigurinë në transportin publik.

Për momentin, autoritetet nuk kanë dhënë ndonjë reagim zyrtar. Ndërkohë, qytetarët e Tiranës duket se kanë fituar për pak minuta një dozë të papritur adrenaline dhe habie në rrugën për në shtëpi.

Ish-presidenti amerikan, Donald Trump, ka publikuar një reagim të fortë në rrjetet sociale, ku kërcënon ashpër Iranin dhe paralajmëron pasoja edhe më të rënda.

Në një postim të bërë sot në orët e para të mëngjesit (13 qershor 2025, ora 05:56), Trump shprehet se i ka dhënë Iranit shumë shanse për të bërë marrëveshje, por sipas tij, ata nuk kanë mundur ta realizojnë asnjëherë. Ai thekson se SHBA ka pajisje ushtarake më të fuqishme se kushdo tjetër dhe se aleati i ngushtë, Izraeli, është i përgatitur më shumë se kurrë.

“Disa zyrtarë iranianë flisnin me guxim, por nuk e dinin çfarë i priste. Tani janë TË GJITHË TË VDEKUR dhe do bëhet edhe më keq,” – shkruan Trump me tone të rënda.

Ai shton se tashmë ka pasur shumë vdekje dhe shkatërrim, por ende ka kohë për të ndalur “masakrën” që vjen, duke bërë thirrje për marrëveshje para se të jetë vonë.

Në fund të postimit, Trump mbyll me një paralajmërim të fortë:

“Bëjeni, përpara se të jetë shumë vonë. Zoti ju bekoftë të gjithëve!”

Sot, më 13 qershor, në Kishën e Laçit, ndodh ajo që për shumë besimtarë është më shumë se një festë — është një takim me shpresën, lutjen dhe besimin. Qindra e mijëra shqiptarë, nga të gjitha trojet, kanë vërshuar drejt këtij vendi të shenjtë për të nderuar Shën Ndoun, ose siç e njeh populli, Shën Ndojin – shenjtorin e zemrave, i njohur për mrekullitë dhe ndihmën në momentet më të errëta.

Njerëzit ngjisin malin zbathur, me zemrën plot shpresë dhe duart plot qirinj. Disa luten për shëndet, disa për një fëmijë të munguar, të tjerë për një hall që vetëm një mrekulli mund ta zgjidhë. Dhe sipas shumë prej tyre – ai dëgjon.

“Shën Ndoji nuk ta lë lutjen rrugës,” thonë besimtarët që kthehen çdo vit, për të falënderuar apo për të kërkuar ndihmë sërish. Festa kulmon sot, por pelegrinazhi ka nisur që 13 javë më parë, në një nga traditat më të gjalla të trashëgimisë shpirtërore shqiptare.

Në një kohë kur bota ecën shpejt e shpesh pa ndjesi, Laçi ndalet, lutet dhe beson. Kjo është mrekullia e përvitshme e 13 qershorit.

SPAK do të raportojë sot në GJKKO lidhur me ecurinë e hetimeve dy mujore ndaj kryebashkiakut të Tiranës, Erion Veliaj.

Prokuroria e Posaçme do të raportojë në orën 12:30, ndërkohë kjo është hera e dytë që paraqet një raport të detajuar mbi dosjen për të cilën Erion Veliaj po hetohet nga prokurori Ols Dado.

Në raport do të pasqyrohen të gjitha veprimet e ndërmarra gjatë dy muajve të fundit lidhur me kryebashkiakun, i cili ndodhej në qeli prej datës 10 shkurt nën akuzat për korrupsion dhe pastrim parash.

Në përfundim të raportimit, SPAK pritet të shprehet nëse masa e sigurisë “arrest me burg” duhet të mbetet në fuqi apo mund të zbutet!

Forcat Ajrore të Izraelit kanë alarmuar se shteti i Iranit ka në pronësi raketa me rreze veprimi deri në 4 mijë kilometër, efekti i të cilave do të kapërcente rajonin, përfshirë edhe Kosovën dhe do të arrinte deri në Francë e Gjermani, shkruan Express.

Në një video të publikuar në faqen e tyre zyrtare, Forcat Ajrore të Izraelit kanë treguar se deri ku arrin rrezja e veprimit të raketave iraniani dhe potencojnë se lënia e këtyre raketave në duart e regjimit iranian përbën rrezik për të gjithë rajonin dhe të gjithë botën dhe se duke parë një rrezik të tillë, s’kishin rrugëzgjidhje tjetër veçse të vepronin.

Irani është një kërcënim global. Arsenali raketor i regjimit iranian përfshin raketa me rreze veprimi mijëra kilometrash. Lënia e këtyre raketave në duart e regjimit iranian përbën një rrezik për rajonin dhe të gjithë botën.Nuk kishim zgjidhje tjetër veçse të vepronim”, thuhet në postimin e Forcave Ajrore të Izraelit.

https://x.com/IAFsite/status/1933531589050519810?ref_src=twsrc%5Etfw%7Ctwcamp%5Etweetembed%7Ctwterm%5E1933531589050519810%7Ctwgr%5E8df8666005c895d65a8c6ff3b842a3088b2a8363%7Ctwcon%5Es1_c10&ref_url=https%3A%2F%2Fraporto24.com%2Fraketa-me-rreze-veprimi-qe-kalojne-kosoven-e-arijne-deri-ne-france-e-gjermani-izraeli-alarmon-per-rrezikun-nga-irani%2F

Modelja e influencerja e njohur kosovare Kader Kicaj, po e djeg rrjetin me bukurinë e saj.

Në çdo postim po reflekton pozitivitet, stil dhe sharm.

Kësaj bukurie duket se nuk po i reziston dot edhe këngëtari, Gjesti.

Duke hulumtuar në profilin e modeles shohim që ai ka pëlqyer postimin e saj.

Të menjëhershme ishin komentet e ndjekësve të cilët e quanin Kaderin si femrën ideale për të.

Dy fëmijët që ranë në lumin Arachthos në Arta të mërkurën i kanë humbur të gjitha shpresat për të mbijetuar.

Mjekët kanë dalë në përfundimin se të dy kanë zhvilluar sindromën klinike të vdekjes së trurit.

E vetmja gjë që i mban gjallë dy të miturit janë makineritë.

Në këto kushte, prindërit e 13 dhe 14-vjeçarit kanë vendosur që të dhurojnë organet e fëmijëve të tyre.

Dy fëmijët u nxorën nga lumi Arachthos në Arta pa ndjenja, por pas një reanimacioni sistematik kardiopulmonar, mjekët ia dolën mbanë dhe i sollën në jetë.

Ata u transferuan në një spital në Patra, megjithatë, testet që iu nënshtruan në një moment të dytë nxorrën përfundimin se nuk ka më shpresë për ta.

Për shkak të mungesës së oksigjenit në tru, dy fëmijët e vegjël pësuan dëmtime të shumta në shumë organe, dhe mjekët arritën vetëm t’u stabilizonin mushkëritë.

Ndërkohë në vendin ku u mbytën nxënësit, miqtë e tyre lënë lule dhe një letër, e cila shkruante: Do t’ju kujtojmë përgjithmonë, ju ikët si heronj. Shoqëria juaj!

Sipas ERT, dy të miturit rezultuan se kishin qenë pa oksigjen për më shumë se një orë.

Fëmijët kishin rënë në fund të lumit të Arachthos për të paktën 20 minuta, derisa 41-vjeçari shqiptar Ledian Goga u zhyt në lumë dhe i nxorri të dy.