Paniku në një gjimnaz të Librazhdit – Nxënësi 18-vjeçar humb ndjenjat gjatë orës së mësimit
Alarm në klasë! Nxënësi bie pa ndjenja gjatë orës, dërgohet me urgjencë në spital”
Një ngjarje e pazakontë ka ndodhur këtë të martë në një nga gjimnazet e qytetit të Librazhdit, ku një nxënës 18-vjeçar ka humbur ndjenjat papritur gjatë orës së mësimit, duke shkaktuar panik tek bashkëmoshatarët dhe mësuesit.
Menjëherë pas incidentit, i riu është transportuar me urgjencë drejt Spitalit Rajonal të Librazhdit, ku, sipas burimeve mjekësore, ka humbur ndjenjat për herë të dytë gjatë qëndrimit në spital.
Mjekët e kanë stabilizuar përkohësisht gjendjen e tij dhe e kanë nisur drejt Spitalit të Elbasanit për ekzaminime më të specializuara.
Aktualisht pritet që bluzat e bardha të japin më shumë informacion mbi shkaqet e incidentit, ndërsa dyshohet se mund të bëhet fjalë për një helmim të mundshëm ose për një problematikë shëndetësore të padiagnostikuar më herët.