us.shqiperia-sot.com

A kër*ënohet Shqiperia nga nje tjeter termet i forte? Sizmologu tregon zonen me te rrezikuar

Written by

Editorial

in

Një tërmet me magnitudë 4.2 të shkallës Rihter goditi Shqipërinë në orët e para të mëngjesit të sotëm.

Sipas të dhënave nga Instituti i Gjeoshkencave lëkundja sizmike është regjistruar rreth orës 05:05 minuta. Epiqendra ishte në zonën e Niklës, në një thellësi prej 17 kilometrash.

Lëkundja u ndje në kryeqytet dhe në zonat përreth, si dhe në Durrës ndërsa nuk u raportua për dëme.

Sizmiologu Damiano Koxhaj, i ftuar në emisionin “7pa5” tha se nuk mund të bëhen parashikime dhe pas tërmetit të sotëm nuk mund të thuhet me saktësi nëse do të ketë një tërmet tjetër. Sizmiologu u bën thirrje qytetarëve që të ruajnë qetësinë.

Sizmiologu Damiano Koxhaj: Është një tërmet që ndihet, por mundësia që të shkaktojë dëme është e vogël. Thellësia është relativisht e vogël dhe kjo bën që tërmeti të ndihet më shumë. Tërmetet nuk parashikohen, ato monitorohen, studiohen. Të bëhen parashikime se kur do të jetë tërmeti i radhës është e pamundur.


-A ishte tërmeti që goditi vendin tonë sot një paralajmërim për një tërmet më të fuqishëm?

Sizmiologu Damiano Koxhaj: Nuk e themi dot, është e pamundur që të parashikohet. Deri tani ka pasur pasgoditje në zonën që është afër këtij tërmeti. Është diçka e mirë pasi tregon që situata mund të jetë duke u përmirësuar.

-Cili është probabiliteti që të ketë një tërmet të magnitudës 5 ballë?

Sizmiologu Damiano Koxhaj: Nuk është e çuditshme që të ketë një tërmet me magnitudë të tillë. Në këtë zonë, gjatë qershorit ka pasur një seri paragoditjesh, rreth 27 tërmete të tjera me magnitudë më të vogël. Presim që të ketë pasgoditje. Pasgoditjet po vijojnë dhe është brenda normalitetit të një tërmeti.

Sizmiologu tha se vendi ynë është një zonë aktive sa i përket aktivitetit sizmik dhe sipas tij, pjesa perëndimore është me aktivitet më të shtuar sizmik.

More posts