Një ngjarje e rëndë ka ndodhur në qytetin e Essenit, në Gjermani, ku një nxënës ka sulmuar me thikë një mësues brenda ambienteve të një shkolle. Sipas raportimeve të mediave gjermane, mes tyre edhe prestigjiozja “Bild”, autori i sulmit dyshohet të jetë një 18-vjeçar shqiptar nga Kosova.
LAJM I FUNDIT – 18-vjeçari qëllon mësuesin, i plagosuri në gjendje të rëndë
Detajet e sulmit dhe gjendja e mësuesit
Sulmi ndodhi në lagjen Nordviertel të Essenit, në shtetin e North Rhine-Westphalia. Mësuesi u godit me thikë në stomak dhe u plagos rëndë. Ai u dërgua menjëherë në spital dhe pritet t’i nënshtrohet një ndërhyrjeje kirurgjikale urgjente. Nuk ka ende informacion nëse jeta e tij është në rrezik.
Sipas policisë, i dyshuari, i cili është nxënës në shkollën ku ndodhi sulmi, u largua menjëherë pas aktit. Autoritetet gjermane kanë nisur një operacion të gjerë për kapjen e tij, me forca speciale të policisë të vendosura në zonë. Motivi i sulmit mbetet ende i paqartë, ndërsa hetimet për zbardhjen e plotë të ngjarjes janë duke vazhduar.