Detaje të reja kanë dalë në dritë lidhur me ngjarjen e rëndë të ndodhur në Larisa të Greqisë, ku TikTokeri i njohur si Diamanti Blu u dhunua brutalisht gjatë një darke me miqtë e tij.
Skandal/ Pas dhunimit të Diamantit Blu, Aroni i ndodh e papritura
Burime raportojnë se një nga autorët kryesorë të sulmit është shpallur në kërkim ndërkombëtar. Bëhet fjalë për Agron Zeqo, 36 vjeç, i njohur në rrjetet sociale si “Aroni”. Autoritetet shqiptare dhe ato greke kanë shpallur shpërblim për këdo që jep informacion që çon në kapjen e tij, duke e cilësuar si person me rrezikshmëri të lartë.
Si ndodhi sulmi ndaj Diamantit
Sipas dëshmive, Diamanti po darkonte me shokët e tij kur para lokalit mbërritën tre automjete. Disa persona qëndruan jashtë, ndërsa njëri prej tyre hyri brenda, u ul në tavolinë dhe më pas nisi dhunën. Ky moment u pa qartë edhe nga transmetimi “live” që po bënte vetë TikTokeri.
Pas ndërprerjes së videos, ai dhe shokët e tij u dhunuan brutalisht. Diamanti, një kushëri i tij nga Berati dhe një tjetër mik përfunduan në spital, ndërsa autorët u larguan menjëherë. Hetimet e policisë greke theksojnë se gjithçka ishte e planifikuar prej kohësh, madje flitet se autorët kishin marrë 70 mijë euro pagesë për eliminimin e tij. Për fat, Diamanti i mbijetoi sulmit.